आठौं वार्षिकोत्सवको अवसरमा सिभिल बैंकद्धारा विभिन्न कार्यक्रमहरु सम्पन्न
काठमाडौं । सिभिल बैंक लिमिटेडले आफ्नो आठौं वार्षिकोत्सवको अवसरमा विभिन्न जिल्लामा सामाजिक उत्तरदायित्व कार्यक्रमहरु सम्पन्न गरेको छ । बैंकले वीरगंज, विराटनगर, पोखरा, भैरहवा, नेपालगंज, नारायणगढ, हेटौडा, मणीग्राम, बनेपा, इटहरी, बिराटचोक, धनगढि, घोराही, दमक शाखाहरुमा रक्तदान कार्यक्रमको आयोजना गरेको थियो । त्यस्तै, धादिङ्गबेशी, मेलम्ची, आरुघाट, सिन्धुली, फिदिम, विजुवार, गाईघाट, सल्यान, रुकुम, ओखलढुंगा, घोराही, मालिङ-क्व्होलासोंथर, भुलभुले, राइनास, बाहृबीसे, लेखनाथ, बेशीशहर, गौंडा, याङवरक, माईजोगमाई, जानकी, माण्डवी, सुनवर्सी, पकाहमैनपुर, आदर्श शाखाहरुबाट सरकारी विद्यालयमा अध्ययनरत जेहेन्दार तथा आर्थिक स्थिति कमजोर भएका विद्यार्थीहरुलाई जनही ५००० रुपैयाँको छात्रवृत्ति प्रदान गरेको छ । साथै, बैंकले वार्षिकोत्सवकै दिनमा पशुपति क्षेत्रमा ३०० वटा बृक्षारोपण गरी उक्त विरुवालाई ५ वर्षसम्म मलजल र संरक्षण गरी हुर्काउने जिम्मेवारी पनि वहन गरेको थियो । साथै कमलादी शाखा, काठमाडाैंमा रक्तदान कार्यक्रमको आयोजना गरेको थियो । बैंक यसै समाजमा संचालित हुने हुँदा समाजलाई थोरै नै भएपनि सहयोग गर्न पाउँदा खुशी लागेको बैंकका निमित्त प्रमुख कार्यकारी अधिकृत सुजितकुमार शाक्यले बताए ।
काम गरेको भुक्तानी दिन बजेटको अभाव छैनः अर्थमन्त्री डा. खतिवडा
काठमाडौँ । अर्थमन्त्री डा युवराज खतिवडाले निर्माण व्यवसायीको रकम चाँडै भुक्तानी दिइने प्रतिबद्धता व्यक्त गरेका छन् । मन्त्रालयमा आज नेपाल निर्माण व्यवसायी महासङ्घको प्रतिनिधिमण्डलसँग भएको भेटमा उनले व्यवसायीलाई भुक्तान गर्नुपर्ने रकमको यकिन विवरण प्राप्त नभएकाले समस्या आएको बताए । “अब केही दिनमा सबै विवरण प्राप्त भए लगत्तै व्यवसायीको रकम भुक्तानी हुन्छ, काम गरेको भुक्तानी दिन बजेटको अभाव छैन”, मन्त्री डा खतिवडाले भने । महासङ्घ अध्यक्ष रवी सिंह नेतृत्वको प्रतिनिधिमण्डलले भुक्तानी तथा करमा ब्याज र हर्जाना छुटका विषयमा अर्थमन्त्री डा खतिवडाको ध्यानाकर्षण गराउनुहुँदै समस्या समाधानका लागि आग्रह गरेको थियो । सरकारी निकायबीच समन्वय नहुँदा निर्माण व्यवसायीको काममा पाइलै पिच्छे समस्या आएकोतर्फ पनि महासङ्घका प्रतिनिधि मण्डलले अर्थमन्त्री खतिवडाको ध्यानाकर्षण गरायो । प्रतिनिधि मण्डलले सङ्घीय, प्रदेश र स्थानीय सरकारले सञ्चालन गरेका विभिन्न सडक, भवन, पुल लगायतका परियोजनाहरु हस्तान्तरण गरेको जानकारीे गराएको छ । परियोजनाहरुको निर्माणाधीन अवस्थामा हस्तान्तरण गर्दा निर्माण व्यवसायीलाई निर्माण कार्य सञ्चालन गर्ने र निर्माण कार्य सम्पन्न भई बिल समेत पेश गरेका आयोजनाहरुको भुक्तानी नहुने वातावरण सृजना भएकातर्फ महासंघका अध्यक्ष सिंहले मन्त्री डा खतिवडाको ध्यानाकर्षण गराएका थिए । ती निर्माण कार्यको भुक्तानी हुन धेरै रकम बाँकी रहेकाले परियोजनाहरु सम्पन्न नहुन्जेल र भुक्तानी नभएसम्म केन्द्रीय स्तरबाट नै भुक्तानी हुने गरी व्यवस्थापनका लागि अध्यक्ष सिंहले आग्रह गर्नुभयो ।
ग्लोबल आइएमई बैंकको नयाँ शाखा नवलपरासीकाे गैंडाकोटमा
काठमाडौं । ग्लोबल आइएमई बैंकल नवलपरासी बर्दघाट सुस्ता–पूर्व जिल्लाको गैंडाकोटमा शाखा कार्यालयको औपचारिक समुद्घाटन गरेको छ । प्रदेश सांसद कृष्णचन्द्र नेपालीले औपचारिक समुद्घाटन गरेका छन् । शाखाको औपचारिक समुद्घाटन गर्दै सांसद नेपालीले गैंडाकोट लगायत देशका अन्य गाँउपालिकाहरुमा ग्लोबल आइएमई बैंकले बिस्तार गर्ने बताएका छन् । ग्लोबल आइएमइ बैंकका अध्यक्ष चन्द्रप्रसाद ढकालले सो क्षेत्रमा जम्मा भएको रकम सोहि क्षेत्रमा प्रयोग गर्ने बताएका छन् । कार्यक्रममा नवलपरासी बर्दघाट सुस्ता–पूर्वका प्रमुख जिल्ला अधिकारी दिपकराज नेपाल, गैंडाकोट नगरपालिकाका उपमेयर विष्णुकुमारी कँडेल, उद्योग बाणिज्य संघ चितवनका अध्यक्ष सहनलाल प्रधान,उद्योग बाणिज्य संघका अध्यक्ष अमृत भट्टचन लगायत स्थानीय जनप्रतिनिधि, बुद्घिजीवि तथा स्थानीयवासीहरुको पनि उल्लेख्य उपस्थिति रहेको थियो । १२ वर्ष अघि स्थापना भएको ग्लोबल आइएमई बैंकले सबै क्षेत्र र वर्गसम्म बैंकिङ्गसेवाको पहुँच पुर्यारउने उद्देश्यले १३३ शाखा, १४१ एटिएम, ७ एक्स टेन्सन काउण्टर, १४ वटा राजश्व संकलन काउण्टर र ११५शाखा रहित बैंकिङ्ग सेवा, विदेशमा ३ प्रतिनिधि÷सम्र्पक कार्यालय मार्फत ९ लाख ५० हजारभन्दा बढि ग्राहकहरु माझ सेवा प्रदान गर्दै आएको छ ।
जथाभावी लगानी गर्ने ४ मर्चेन्ट बैंकरलाई जरिवाना
काठमाडौं । नेपाल धितोपत्र बोर्डले नियम पालना नगर्ने विभिन्न ४ मर्चेन्ट बैंकरलाई जरिवाना गरेको छ । बोर्डले सिबिआइएल क्यापिटल, एनआईसी एशिया क्याापिटल, लक्ष्मी क्यापिटल मार्केट र एनएमबि क्यापिटललाई धितोपत्र सम्वन्धी ऐनको दफा १०१ को उपदफा (७) बमोजिम, कानुनी व्यवस्था उल्लंघनमा पहिलो पटक जरिवाना गरेको हो । क्यापिटलले संचालन गरेका कोष योजनाहरुको लगानीको क्षेत्र अनुसारको सीमाभन्दा बढी हुने गरी लगानी गरेकाले जरिवाना गरिएको बोर्डले बताएको छ । बोर्डका अनुसार योजना व्यवस्थापकहरुको व्यवस्था बमोजिम योजना व्यवस्थापकले प्रत्येक योजनाको रकम लगानी गर्दा बैंक निक्षेपमा योजनाको कूल सम्पत्तिको १० प्रतिशतभन्दा बढी नहुने गरी लगानी गर्नु पर्ने सीमा तोकिएको छ । बोर्डका अनुसार काठमाडौंको नक्सालमा रहेको एनएमबि क्यापिटल, बानेश्वरमा रहेको लक्ष्मी क्यापिटल मार्केट र डिल्लीबजारमा रहेको सिबिआईएल क्यापिटल प्रत्येकलाई ३५ हजार रुपैयाँ जरिवाना तोकिएको छ । त्यस्तै, बबरमहलमा रहेको एनआईसी एशिया क्यापिटललाई २५ हजार रुपैयाँ जरिवाना तोकिएको छ ।
मुक्तिनाथ विकास बैंकद्धारा कुमारीटोल सुधार समितिलाई सहयोग
काठमाडौं । मुक्तिनाथ विकास बैंकले वैधानिक गैर नाफामूलक संस्था कुमारी टोल सुधार समितिलाई सहयोग गरेको छ । कुमारी मन्दिर परिसरमा सिसिटिभी जडानका लागि ७५ हजार सहयोग स्वरुप चेक प्रदान गरेको हो । उक्त चेक कुमारी टोल सुधार समितिका दिपेश अधिकारीलाई प्रदान गरेको छ । हाल, कुमारी मन्दिर परिसरमा ज्येष्ठ नागरिक दिवा सेवा केन्द्र सञ्चालनमा केन्द्रित रहेको छ ।
सन नेपाल लाइफ इन्स्योरेन्स कम्पनीद्वारा बैतडीको पाटनमा बीमाजागरण
काठमाडौं । सन नेपाल लाइफ इन्स्योरेन्स कम्पनीद्वारा बैतडीको पाटनमा बीमा जागरण अभियान तथा अभिकर्ता सम्मान कार्यक्रम सम्पन्न भएको छ । उक्त कार्यक्रममा पाटन नगरपालिकाका उपमेयर सरस्वती कोलि लगायत स्थानीय समाजसेवी, पत्रकार, धनगढी उद्योग वाणिज्य संघका प्रतिनिधीको उपस्थिती रहेको थियो । कार्यक्रममा महा प्रबन्धक कमलराज गौतम, कम्पनीका ब्राण्ड एम्वेस्डर सिताराम कट्टेल “धुमुस” र कुञ्जना घिमिरे “सुन्तली” ले जीवन बीमाको महत्व तथा लाभका बारेमा प्रष्ट पारेका थिए ।
१५ कम्पनीका भिसा कार्डबाट सामान किन्नुस्, १५ प्रतिशत पैसा फिर्ता पाउनुस्
काठमाडौं । नेपाल इन्भेष्टमेण्ट बैंक लिमिटेडले नयाँ वर्ष २०१९ को शुुभारम्भसँगै ‘भिसा कार्ड लोयल्टी प्रोग्राम २०१९’ योजना ल्याएको छ । बैंकले भिसा कार्ड संजालसँग आवद्ध रहेका १४ वटा बैंकहरु र भिसाको संयुक्त सहकार्यको रुपमा नयाँ वर्षको अवसरमा लोयल्टी प्रोग्राम अन्तर्गत ‘सनडे फनडे’ र ‘वाउ ओईनस्डे’ गरी दुुई भिन्न प्रकारको योजना सार्वजनिक गरेकाे हो । ‘सनडे फनडे’ अन्तर्गत यी १५ वटा बैंकका भिसा डोमेस्टिक कार्ड वाहकहरुले हरेक आईतबार भिसा कार्ड मार्फत सामान किन्दा १५ प्रतिशत वा अधिकतम ५०० रुपैयाँसम्म नगद फिर्ता पाउने छन् । जसका लागि ग्राहकहरुले देशभरका पोस (पोइन्ट अफ सेल टर्मिनल) हरुमा सामान तथा सुविधा खरिद गरी भिसा डेविट, प्रिपेड वा क्रेडिट कार्डमार्फत भुक्तानी गरेपछि मात्रै आफ्नो खातामा सो मात्राको नगद फिर्ता पाउने छन् । त्यस्तै, ‘वाउ ओईनस्डे’ योजना अन्तर्गत यी बैंकका भिसा डोमेस्टिक कार्ड वाहकहरुले भाटभटेनी सुुपरमार्केटका कुुनै पनि शाखाबाट हरेक बुुधबार सामान खरीद गरेवापत अधिकतम ७५० रुपैयाँसम्म गिफ्ट भौचर पाउने छन् । भिसा कार्ड संजालसँग हाल सेन्चुरी बैंक, गरिमा विकास बैंक, ग्लोबल आइएमई बैंक, कैलाश विकास बैंक, कुमारी बैंक, महालक्ष्मी विकास बैंक, मेगा बैंक नेपाल, मुक्तिनाथ विकास बैंक, नेपाल बैंक, एनसीसी बैंक, नेपाल इन्भेष्टमेण्ट बैंक, राष्ट्रिय वाणिज्य बैंक, सानिमा बैंक, सहयोगी विकास बैंक र युुनाईटेड फाईनान्स आवद्ध रहेका छन् । यो योजनाबाट यी १५ वटै कम्पनीका भिसा डोमेस्टिक कार्ड प्रयोगकर्ताहरु लाभान्वित हुनेछन् । यस किसिमको योजनाबाट नगदरहित कारोबारलाई प्रोत्साहन हुुने र सुुरक्षित डिजीटल कार्ड कारोवार तीर ग्राहकहरु आकर्षित हुुने बैंकहरुले विश्वास गरेका छन् । यो योजना जनावरी देखि अप्रिल २०१९ सम्म लागू हुुने बैंकले जनाएको छ ।
सुजुकी वर्गम्यान १२५ स्कुटरकाे लन्च सुजुकी शोरुम भरतपुरमा
काठमाडौं । भरतपुर, चितवनको लागि सुजुकी टु व्हिलर्सको आधिकारीक बिक्रेता सेभ ईन्टरनेशनलले सुजुकी बर्गम्यान १२५ बिक्रीको सुरुवात गरेको छ । २ लाख २९ हजारमा बजार मुल्य रहेको उक्त स्कुटरको ५ वर्ष ईन्जिन वारेन्टी रहेको छ । सुजुकीले भरतपुर तथा आसपासका क्षेत्रमा बिक्री, बिक्री पछिको सेवा र पार्टसहरु प्रभावकारी रुपमा प्रदान गरिरहेको सेभ ईन्टरनेशनलका संचालकले बताएका छन् । मिस्टर नेपाल २०१८ का राष्ट्रिय विजेता विकल्पराज श्रेष्ठ र सुजुकी नेपालको तर्फबाट मार्केटिड्ड मेनेजर नवराज कोइराला तथा अन्य अतिथिहरुको रोहवरमा सुजुकी बर्गम्यान १२५को लंचिड्ड तथा विक्री सुरुवात भरतपुरमा गरिएको हो । जापानीज कम्पनी सुजुकी वर्गम्यान १२५ मा १४ ईन्चको ट्युबलेस ठूला टायर दिईएका छ साथै ७ हजार ५ सय आरपिएम, ८.७ बिएचपि को शक्ति उत्पादन गर्ने क्षमता बोकेको १२४.३ सिसि.को ईन्जिन रहेको छ ।
