महालक्ष्मीले गर्यो सरसफाई र बैंकिङ कारोबार सम्बन्धी चेतनामूलक कार्यक्रम
काठमाडौँ । महालक्ष्मी विकास बैंक लि. नयाँबजार शाखाले सरसफाई तथा बैकिङ्ग कारोबार सम्बन्धी चेतनामूलक कार्यक्रम सम्पन्न गरेको छ । “सफा सहर हामी सबैको रहर” भन्ने मूल नारा रहेको उक्त सरसफाई अभियान सोहखुट्टेबाट सुरु भई बालाजुमा आएर समापन भएको थियो । कार्यक्रममा बैंकका प्रतिनिधिहरु, मनास्लु पब्लिक सेकेन्डरी स्कुलका विद्यार्थीहरु तथा सोह्रखुट्टे प्रहरी कार्यालयका प्रहरी प्रमुख, तथा सरसफाई अभियान्ता, सोह्रखुट्टेका स्थानीय वासिन्दाहरुको सहभागिता रहेको थियो । सरसफाई कार्यक्रम गर्नुका साथै बैंकका प्रतिनिधिहरुले सर्वसाधारण माझ बंैकिङ्ग कारोबार सम्बन्धी जानकारी व्यक्त गरेका थिए । सरसफाई कार्यलाई नै लक्षित गर्दै बैंकको कावासोती शाखाले डस्टबिन वितरण गरेको छ । शाखाले कावासोती नगरपालिकाको वार्ड नं १२, धनन्चल स्थित शिव माध्यमिक विद्यालय तथा कावासोती टोल सुधार समिति गरी तीन ठाउँमा कुल ३० वटा डस्टबिन वितरण गरेको छ ।
मुख्यमन्त्री पौडेलले भने-उद्योग ग्राम स्थापना गर्ने सरकारको योजना अब अघि बढ्छ
काठमाडौँ । ३ नम्बर प्रदेशका मुख्यमन्त्री डोरमणि पौडेलले हरेक स्थानीय तहमा प्राविधिक शिक्षालय र उद्योग ग्राम स्थापना गर्ने सरकारको योजना कार्यान्वयनमा लैजाने बताएका छन् । उनले राजनीति पैसा कमाउने थलो नभएको बताउँदै केही जनप्रतिनिधि ठेकेदारको रुपमा प्रस्तुत भएको गुनासो आएको बताए । नुवाकोटमा नेपाल कम्युनिस्ट पार्टी(नेकपा)को आयोजनामा भएको कार्यकर्ता भेटघाट कार्यक्रममा बोल्दै मुख्यमन्त्री पौडेलले भने-पैसा कमाउने भए ब्यापार गर्नुस् राजनीति हैन। राजनीति नितान्त सेवा गर्नका लागि भएको उनको भनाई थियो । मुख्यमन्त्री पौडेलले तीनै तहको सरकारको समन्वय भए मात्र गन्तव्यको यात्रा तय गर्न सकिने बताए । सडक संजाललाई गाउँपालिका केन्द्रसंग जोड्ने कार्यलाई पहिलो प्राथमिकता दिनु पर्ने उल्लेख गरे । पौडेलले अब पनि निर्वाहमुखी र कामचलाउ योजनालाई प्राथमिकता नदिएर जनताले परिबर्तनको अनुभूति गर्ने गरी काम गर्नु पर्ने धारण राखे । उनले नुवाकोटमा भएका सम्भावनाहरुको खोजी गरेर ती स्रोतहरुको परिचालन गर्नु पर्ने धारणा राखे ।
घरेलु उद्याेगमा विदेशी लगानी भित्र्याउने कानून आउँदै; कर चुक्ता नगरी लाभांश लैजान नपाइने
काठमाडौं । घरेलु उद्याेगमा विदेशी लगानी भित्र्याउनेगरी विदेशी लगानी तथा प्रविधि हस्तान्तरण सम्बन्धी विधेयकमा प्रस्ताव गरिएकाे छ । मन्त्रीपरिषद्बाट पारित भइ संसदमा दर्ता भएको विदेशी लगानी तथा प्रविधि हस्तान्तरण सम्बन्धी विधेयकमा यसअघिकाे कानूनमा प्रतिबन्ध लगाइएकाे घरेलु उद्याेगमा विदेशी लगानी प्रतिबन्धित थियाे । विधेयकअनुसार अब विदेशी लगानीकर्ताले पर्यटन व्यवसायको क्षेत्रमा भने लगानी गर्न नपाउने भएका छन् । शिक्षा, भाषा, संगीत, इन्जिनियरिङ तथा कानूनी परामर्शदाता कम्पनीहरु विदेशी लगानीमा सञ्चालन गर्न नपाइने व्यवस्था गरेको हो । त्यस्तै ट्राभल एजेन्सी, होमस्टे, ग्रामीण पर्यटन लगायतका क्षेत्रमा पनि विदेशी लगानीलाई प्रतिबन्ध लगाइने व्यवस्था गरेको हो ।आमसञ्चार तथा पत्रकारितासँग सम्बन्धित कम्पनीहरु समेत विदेशी लगानीमा खोल्न प्रतिबन्ध लगाउने गरी विधेयक पारित हुन लागेको हो । यसअघिको विदेशी लगानी तथा प्रविधि हस्तान्तरणसम्बन्धी ऐन २०४९ मा व्यक्तिगत सेवा व्यवसाय, हातहतियार, घरजग्गा विक्री, खुद्रा व्यापार, मनि एक्स्चेञ्ज, रेमिट्यान्स सेवा, कुरियर, क्याटरिङ जस्ता व्यवसायलाई विदेशी लगानीमा खोल्न प्रतिबन्ध लगाउने व्यवस्था थियो । हालको विधेयकले पनि त्यो व्यवस्था कायमै राखेको छ, तर यसअघि भएको सेक्युरिटी प्रेसमा विदेशी लगानी हुन नहुने व्यवस्था भने विधेयकले खारेज गरेको छ । विधेयकले लगानी गर्न दिएका क्षेत्रहरुमा लगानी गर्न विदेशमा रहेका कम्पनीहरुले नेपालमा शाखा खोल्ने सुविधा पनि विधेयकले दिएको छ । शाखा वा जुनकुनै माध्यमबाट आएको विदेशी लगानीको सीमा नतोकिने तथा व्यवसायबाट आर्जित नाफाको पुनर्लगानीका लागि थप स्वीकृति समेत लिनु नपर्ने व्यवस्था ऐनमा गरिएको छ । प्रस्तावित विधेयकले भारतीय लगानीकर्तालाई भारतीय मुद्रामै लगानी गर्ने छुट दिँदा अन्य देशका लगानीकर्तालाई भने परिवत्र्य विदेशी मुद्रामा लगानी गर्नुपर्ने व्यवस्था गरिएको छ । विदेशी लगानीमा स्थापित कम्पनीहरुले बिक्री, मुनाफा तथा लिक्विडेसनको अवस्थामा दायित्व भुक्तानीपछिको रकम जतिसुकै परिमाणमा पनि लैजान सकिने, तर त्यसभन्दा अघि कर तथा अन्य सम्पूर्ण सरकारी दस्तुरहरु भुक्तानी गरिसकेपछि मात्रै लाभांश लैजान पाउने व्यवस्था गरिएको छ । यसअघि त्यस्ताे व्यवस्था नहुँदा एनसेल लगायतका विदेशी कम्पनीहरुले सरकारलाई तिर्नुपर्ने कर बाँकी नै रहँदा पनि लाभांश लैजान दिने व्यवस्थाले राज्यले ठूलो क्षति व्यहोर्नुपरेको थियो । सरकारले विधेयकमार्फत् विदेशी लगानीमा स्थापना हुने कम्पनीहरुलाई एकल विन्दु सेवा उपलब्ध गराउनसक्ने व्यवस्था गरेको छ । जसबाट लगानीकर्ताले एउटै ठाउँबाट दर्ता लगायतका सम्पूर्ण कानूनी प्रक्रियाहरु पूरा गर्न सक्ने व्यवस्था हुनेछ । विदेशी लगानीमा स्थापना भएका उद्योगमा नेपालमा उपलब्ध नै नभएका उच्च प्राविधिक क्षमतायुक्त व्यक्तिबाहेक अन्य कर्मचारीहरु नेपाली नागरिक नै हुनुपर्ने व्यवस्था समेत गरिएको छ ।
नेप्से घटेर ११०० अंक नजिक, कारोबार रकम साढे १६ करोडमा सीमित
काठमाडौं । सेयर बजारमा नेप्से परिसूचक घटेर ११०० नजिक पुगेको छ । केही दिनयता उतारचढाव देखिएको बजारमा मंगलबारको नेप्से ७.१७ अंकले घटेर ११०२ अंकमा अडिएको छ । बजारमा परिसूचक सँगै कारोबार रकमपनि १६ करोडमा खुम्चिएको छ । सोमबार २० करोड रुपैयाँ बराबरको कारोबार भएको बजारमा मंगलबार जम्मा १६ करोड ५६ लाख रुपैयाँ बराबरको सेयर किनबेच भएको छ । जुन सोमबारको तुलनामा ४ करोड रुपैयाँ घटी हो । बजारमा कुल १६५ कम्पनीको ६ लाख ५३ कित्ता सेयर बिक्री भएको छ । सो दिन कारोबारमा आएका १० वटै समूह राताम्मे देखिएका छन् । सबैभन्दा बढी निर्जीवन बीमा समूह ४५ अंकले घटेर ५३०० अंकमा झरेको छ । राताम्मे भएको बजारमा जोशी हाइड्रोपावर डेभलपमेन्ट कम्पनीको सेयरमूल्य ७.८५ प्रतिशतले घटेको छ । सबैभन्दा बढी नेशनल हाइड्रोपावर कम्पनीको सेयर मूल्य ३.३३ प्रतिशतले बढेर प्रतिकित्ता ६२ रुपैयाँ पुगेको छ । अपर तामाकोशी हाइड्रोपावरको ७५ लाख ९७ हजार कित्ता सेयर कारोबार भएको छ । जुन अन्य कम्पनीको तुलनामा बढी हो । मंगलबार हाइड्रोको सेयर मूल्य प्रतिकित्ता २२३ रुपैयाँ रहेको छ ।
अर्थमन्त्री डा. खतिवडाले प्रतिनिधि सभामा प्रस्तुत गरे आर्थिक कार्यविधि विधेयक
काठमाडौँ । प्रतिनिधिसभाको आज बैठकमा अर्थमन्त्री डा युवराज खतिवडाले ‘आर्थिक कार्यविधि तथा वित्तीय उत्तरदायित्व विधेयक २०७५’ प्रस्तुत गरेका छन् । उक्त विधेयक प्रस्तुत गर्न अनुमति माग्ने प्रस्तावमाथि सांसद प्रेम सुवालले प्रस्तुत गरेको विरोधको सूचनालाई बैठकमा बहुमतले अस्वीकृत गरेको थियो । यसैगरी अर्थमन्त्री डा खतिवडाले बैठकमा प्रस्तुत गरेको ‘भुक्तानी तथा फछ्र्यौट विधेयक २०७५’ का सम्बन्धमा राष्ट्रियसभाबाट भएको संशोधनमाथि विचार गरियोस् भन्ने प्रस्तावलाई सर्वसम्मतिले स्वीकृत गरेको थियो । बैठकले अर्थमन्त्री डा खतिवडाले प्रस्तुत गरेको ‘सूचना प्रविधिसम्बन्धी विधेयक २०७५’ दफावार छलफलका लागि सम्बन्धित समितिमा पठाइयोस् भन्ने प्रस्तावलाई सर्वसम्मतिले स्वीकृत गरेको छ । सञ्चार तथा सूचना प्रविधिमन्त्री मन्त्रीका तर्फबाट अर्थमन्त्री डा खतिवडाले सो प्रस्ताव प्रस्तुत गरेका थिए । प्रतिनिधिसभाको अर्को बैठक यही फागुन १६ गते अपराह्न १ बजे बस्नेछ । रासस
प्रियंका र आयुष्मान बने महिनावारी स्वस्छता दूत
काठमाडौं । खानेपानी मन्त्रालयले महिलाहरु महिनावारी हुँदा भोग्नु परेको समस्या सम्बन्धी जनचेतना जगाउने उद्देश्यले कलाकार प्रियंका कार्की र आयुष्मान देशराज जोशी श्रेष्ठलाई महिनावारी स्वच्छता दूत नियुक्त गरेको छ । मन्त्रालय र आयंका फाउन्डेसनका तर्फबाट प्रियंका कार्की र आयुष्मान देशराज जोशी श्रेष्ठबीच भएको सहमति अनुसार उहाँहरुलाई एक वर्षका लागि स्वच्छता दूत नियुक्त गरिएको हो । खानेपानी मन्त्री बिना मगरले दूत नियुक्त गरिएको पत्र दुवै जनालाई हस्तान्तरण गरेकी थिइन् । महिनावारीका सम्बन्धमा आम मानिसमा रहेको नकारात्मक धारणालाई बदल्न मन्त्रालय र फाउन्डेशनले यो अभियान सुरु गरेको हो । मन्त्री मगरले महिलाहरुले महिनावारी हुँदा भोग्नुपरेका समस्याका विषयमा जनचेतना जागृत गराउन कलाकारहरुको भूमिका अति महत्वपूर्ण हुने भएकाले अभियानमा लाग्न दुवै जनालाई शुभकामना दिए । उनले महिनावारी हुँदा महिलाहरुले झेल्नुपरेका समस्याका विषयमा सबै जनाले सकारात्मक सोच राख्नुपर्ने बताए । मन्त्रालयका सचिव दीपेन्द्रनाथ शर्माले महिलाहरुलाई महिनावारी सम्बन्धी जनचेतना जगाउने विषयमा आयंका फाउन्डेसनले महत्वपूर्ण भूमिका खेल्नेमा मन्त्रालय आशावादी रहेको बताए । मन्त्रालयका तर्फबाट यो अभियान सफल बनाउन कुनै कसर बाँकी नराख्ने सचिव शर्माको भनाई छ । कलाकार तथा अभिनेत्री प्रियंका र आयुष्मानको जोडीले महिलाहरुलाई महिनावारी सम्बन्धी जनचेतना जगाउन ठाउँ ठाउँमा खटेर आफैं लागि पर्ने प्रतिबद्धता जनाएको छ । पहिलो चरणमा उनीहरुले धनुषा जिल्लाबाट यो अभियानको सुरुवात गर्ने घोषणा गरेका छन् । उनीहरुले ६ वटा महिला मैत्री शौचालय बनाउने र किशोरीहरुलाई स्यानिटेशन प्याड समेत प्रदान गर्ने प्रतिबद्धता जनाएका छन् ।
एनसीसी बैंकका ग्राहकलाई चिरायु हस्पिटलमा विशेष छुट
काठमाडौँ । नेपाल क्रेडिट एण्ड कमर्स बैंक(एनसीसी बैंक) लि. र चिरायु नेसनल हस्पिटल एन्ड मेडिकल ईन्स्टिच्युट प्रालि (वशुुन्धरा)बीच बैंकका कर्मचारी तथा ग्राहकहरुलाई उपचार शुल्कमा सहुलियत दिने विषयमा सम्झौता भएको छ । सम्झौता पत्रमा नेपाल क्रेडिट एण्ड कमर्स बैंकका तर्फबाट प्रमुख कार्यकारी अधिकृत रमेशराज अर्याल र चिरायु मेडिकल ईन्स्टिच्युटका तर्फवाट संचालक संजीव राजभण्डारीले हस्ताक्षर गरेका छन् । सम्झौता अनुसार, अब नेपाल क्रेडिट एण्ड कमर्स बैंकका कर्मचारी तथा ग्राहकले चिरायु मेडिकल ईन्स्टिच्युटका सेवामा विशेष छुट पाउने छन् । बैंकका ग्राहकले बैैकको डेबिट अथवा क्रेडिट कार्ड प्रयोग गरी बिल भुक्तानी गर्दा उक्त छुट पाउने छन्
सैनिक कल्याणकारी कोष र प्रभु बैंकबीच शैक्षिक कर्जा सम्बन्धी सम्झौता, २५ लाखसम्म पाउने
काठमाडौँ । सैनिक कल्याणकारी कोष जंगी अड्डा र प्रभु बैंक लिमिटेडबीच नेपाल सैनिकका जेहेन्दार सन्ततीहरुलाई शैक्षिक कर्जा उपलब्ध गराउने सम्बन्धी एक सम्झौतामा मंगलबार हस्ताक्षर भएको छ । सैनिक कल्याणकारी कोष जंगी अड्डाका उपरथी ताराध्वज पाण्डे र प्रभु बैंक लि.का तर्पmबाट प्रमुख कार्यकारी अधिकृत अशोक शेरचनले उक्त सम्झौता पत्रमा हस्ताक्षर गरेका हुन् । सैनिक कल्याणकारी कोष र प्रभु बैंकबीच आज सम्पन्न सम्झौता बमोजिम नेपाल सैनिकजंगी अड्डाद्धारा सञ्चालित सैनिक सन्तती प्राविधिक शिक्षण सहुलियत कर्जा, २०७५ कार्यान्वयनका लागि सैनिक कल्याणकारी कोषको सिफारिसमा बहालवाला तथा अवकास प्राप्त सैनिकहरुका छोरा छोरीहरुलाई स्वदेश तथा विदेशमा प्राविधिक विषय अन्तर्गत जस्तै चिकित्साशास्त्र, ईन्जिनियरिङ्ग, सूचनाप्रविधि, कृषि र पशु विज्ञान तथावन विज्ञान संकायमा स्नातकवा सो भन्दामाथिल्लो तहको शिक्षा हासिल गर्नका लागि प्रभु बैंकले आवश्यक प्रक्रिया पूरा गरी शैक्षिक कर्जा सुविधा उपलब्ध गराउने छ । यो शैक्षिक कर्जा सुविधा रकम सहुलियतपूर्ण ब्याजदरमा अधिकतम् २५ लाख सम्मको हुनेछ । यो शैक्षिक कर्जा सुविधा प्रभु बैंक लि.को बबरमहलस्थित मुख्य शाखा कार्यालयबाट अथवा कर्जा सुविधा लिन चाहने विधार्थीलाई पायक पर्ने बैंकको जुनसुकै शाखा कार्यालयबाट उपलब्ध हुनेछ ।
