५ वटा अतिरिक्त भन्सार कार्यालयमा प्रभु बैंकले काउण्टर सञ्चालन गर्ने
काठमाडौँ । नेपाल सरकारले केही समय अघि स्तरोन्नती गरेको नेपाल भारत सीमामा रहेका कार्यालयहरुमा प्रभु बैंकले काउण्टर खोली बैंकिड. कारोवार शुरु गर्ने भएको छ । ५ वटा अतिरिक्तभन्सार कार्यालयहरुमा बैंकले काउण्टर खोली बैंकिड. सेवाहरु गर्ने सम्बन्धी बिहीबार एक कार्यक्रमका बीच सम्झौतामा भएको छ । संझौतामा भन्सार विभागका महानिर्देशक रामेश्वर दंगाल र प्रभु बैंकका प्रमुख कार्यकारी अधिकृत अशोक शेरचनले हस्ताक्षर गरेका छन् । रौतहटको गौर, सप्तरीको राजविराज, सिरहाको माडर, सर्लाहीको मलंगवा र धनुषाको जनकपुर÷जटही भन्सार कार्यालयहरुमा बैंकले २०७६ बैशाखदेखि बैंकको काउण्टरहरु संचालनमा ल्याउने छ । नेपालको सवैभन्दा ठूलो व्यापारिक साझेदारको रुपमा रहेको छिमेकी राष्ट्र भारतसंगको सिमानामा संचालनमा आएका उक्त भन्सार कार्यालयहरुको स्तरोन्नतीसंगै उक्त क्षेत्रमा आयात निर्यातको क्रियाकलापहरुमा बढोत्तरी हुन गई राजस्व संकलनको आँकडामा बृद्धि हुन जाने बिश्वास लिईएको छ । बैंकको सेवाप्रारम्भ भएसंगै उक्त क्षेत्रकाउद्योगी, व्यापारी एवं आयात निर्यातकर्ताहरुले सरलरुपमा बैकिड. सेवाहरु प्राप्तगर्नेछन । साथै नेपाल सरकारको राजस्व संकलनप्रक्रियामापनि यसबाट टेवापुग्ने बिश्वास बैंकले लिएको छ ।
कामना सेवाले गर्याे वैदेशिक मुद्रा सटही सेवा शुरुवात
काठमाडौं । कामना सेवा विकास बैंकले मुख्य कार्यालयबाट वैदेशिक मुद्रा सटही सुविधाको शुरु गरेको छ । काठमाडौं महानगरपालिका वडा नं. ३० बैंकबाट संचालक समितिका अध्यक्ष सुदीप आचार्य र सदस्य विशेश्वर सुवेदीले संयुक्त रुपमा उक्त कार्यक्रमको शुभारम्भ गरेका हुन् । बैंकको मुख्य शाखा ज्ञानेश्वर, भैरहवा, सृजनाचोक पोखरा, दमौली, नारायणगढ लायन्स चोक र बुटवल शाखाबाट यो सुविधा लिन सकिने छ । साथै, निकट भविष्यमा बैंकका सबै शाखाहरुबाट समेत उक्त सुविधा प्रदान गर्ने लक्ष्य रहेको बैंकका अध्यक्ष आचार्यले बताए । हाल देशभरि ८१ वटा शाखा तथा ३६ वटा एटिएम मार्फत ग्राहकहरुलाई आफनो सेवाहरु प्रदान गर्दै आएको छ । साथै, बैंकले एविविएस्, इन्टरनेट व्याकिङ्ग, मोबाइल व्याकिङ्ग, सि एएस्विए लगायतका माध्यमबाट समेत सम्पूर्ण बैंकिङ्ग सेवाहरु उपलब्ध गराउँदै आएको छ ।
पूर्ण कर्जाको लागि ब्याज अनुदान कार्यविधि कार्यान्वयन गर्न बीमा समितिको निर्देशन
काठमाडौ । बीमा समितिले सहुलियत पूर्ण कर्जाको लागि ब्याज अनुदान सम्बन्धी एकिकृत कार्यविधि, २०७५ कार्यन्वयन गर्न निर्देशन दिएको छ । समितिले बीमा कम्पनीहरुलाई सो विषयमा कार्य गर्न/गराउन निर्देशन दिएको हो । समितिको परिपत्रमा उल्लेख भए अनुसार कार्यविधिको परिच्छेद-३, दफा–८(व्यवसाहको बीमा सम्बन्धी व्यवस्था) मा उल्लेख भए बमोजिम बीमा गराउनु पर्नेछ । यसरी नै सहुलियत पूर्ण कर्जा अन्र्तगत बीमालेख जारी गर्दा समितिबाट स्वीकृत लघु बीमा लेख, बाली तथा पशुपन्छि बीमा लेख, अन्तर्गतका बीमा लेखहरु मात्र जारी गर्नु पर्छ । अन्य व्यवसायको हकमा भने समितिबाट जारी गरिएको एकिकृत सम्पत्ती बीमालेख अन्र्तगत रही बीमा लेख जारी गर्नु पर्छ । यसै अन्र्तगत जारी हुने बीमा लेखमा सहुलियत पूर्ण कर्जाकालागि ब्याज अनुदान लेखिएको नामको छाप लगाउनु पर्छ । आगामी दिनमा बीमा लेख सम्बन्धी बील तथा अन्य विवरणको प्रमाणीत छायाँप्रति बीमा समितिमा पेश बुझाउनु पर्छ । संलग्न बमोजिमको ढाँचामा बीमाको सम्पूर्ण विवरण जिल्लागत रुपमा समितिमा पेश गर्नुपर्छ । यसमा (हार्ड कपी र सफ्ट कपी दुवै) पर्छ । बीमा कम्पनीहरुबाट कुनै महिनामा कुनै पनि प्रकारको बीमा लेख जारी नभएको अवस्थामा पनि सोको लिखित जानकारी समितिमा पेश गर्नु अनिवार्य मानिएको छ । साथै, यस्ता विवरण प्रत्येक महिना समाप्त भएको मितिले १० दिनभित्र बीमा समितिमा पेश गर्नु पर्ने पाईन्छ । उक्त निर्णयहरु बीमा समितिले चैत्र १७ गते गरेको समितिको पत्रमा उल्लेख गरिएको छ । यस्तै, मंसिर १० गते पत्र जारी गरेर सहुलियत पूर्ण कर्जाको लागि ब्याज अनुदान सम्बन्धी एकिकृत कार्यविधि, २०७५ उल्लेख गरिएको बीमा समितिले जनाएको छ ।
सिभिल बैंक र भाटभटेनी मनी ट्रान्सफरबीच कारोबार सम्बन्धी सम्झौता
काठमाडौं । सिभिल बैंक र भाटभटेनी मनी ट्रान्सफरबीच विप्रेषण कारोबार सम्बन्धी सम्झौता भएको छ । सम्झौता पत्रमा सिभिल बैंकको तर्फबाट प्रमुख कार्यकारी अधिकृति गोविन्द गुरुङ र भाटभटेनी मनी ट्रान्सफरको तर्फबाट प्रबन्ध निर्देशक राजनकुमार अमात्यले हस्ताक्षर गरेका हुन् । सो सम्झौता अनुसार भाटभटेनी ग्रुपद्धारा प्रबद्धधित भाटभटेनी मनी ट्रान्सफरको विप्रेषण सेवा सिभिल बैंकको ७२ वटै शाखाहरुबाट सजिलो तरिकाले प्राप्त गर्न र पठाउन सकिने व्यवस्था रहेको छ । साथै यो सेवा नेपालभर रहेका भाटभटेनी सुपर मार्केटहरुमा विस्तार गर्ने तयारी रहेको निर्देशक अमात्यले जानकारी दिए ।
हिमालय उर्जाको सेयरमा उत्साह बढ्दो, दोश्रो दिनमै झण्डै १.२५ गुणा आवेदन
काठमाडौँ । हिमालय उर्जा विकास कम्पनी लिमिटेडले जारी गरेको १४ लाख ८५ हजार ००० कित्ता साधारण सेयरका लागि उत्साह बढ्दो क्रममा रहेको छ । सेयर निष्काशन भएको दोश्रा दिनमै माग भए भन्दा १.२५ गुणा बढी शेयर आवेदन भएको कम्पनीका प्रबन्धक प्रकाश दुलालले बताए । कर्मचारीहरुलाई छुट्याइएको ३% अर्थात ४४ हजार ५५० र सामूहिक लगानी कोषलाई बाँडफाँट गरिएको ५% अर्थात ७४,२५० कित्ताबाहेक बाँकी रहेको १३,६६,२०० कित्ता साधारण शेयर यही चैत्र २० गते बाट सर्बसाधारणको लागि निष्काशन तथा बिक्री खुल्ला गरिएको छ । अहिले बजारमा आएका जलविद्युत् कम्पनीको शेयर मध्ये प्रतिमेगावाट लागत कम भएका कारण लगानीकर्ताहरुको उत्साहजनक सहभागिताले कम्पनीले रामेछाप र दोलखाजिल्लाको सिमाभएर बहने खिम्तिखोलामा कम्पनीले १२ मेगावाटको उपल्लो खिम्ति र ७ मेवाको अपर खिम्ति–दोश्रो गरी कुल १९ मेवाका आयोजनाहरु निर्माण गरिरहेको छ । कम्पनीका अनुसार १९ मेवा निर्माण गर्नको लागि लागत करिव ३ अर्व १५ करोड रहेको छ । दुवै आयोजना २०७६ असार मसान्तमा सम्पन्न हुने कम्पनीले जनाएको छ ।
बाल भविष्य योजना अन्तर्गत सिटिजन लाइफद्वारा मृत्यु दाबी भुक्तानी
काठमाडौं । सिटिजन लाइफ इन्स्योरेन्स कम्पनीले सिटिजन बाल भविष्य योजना अन्तर्गत मृत्यु दाबी भुक्त्तानी वापत बुधबार ३ लाख रुपैंया रकम हस्तान्तरण गरेको छ । बर्दिबासमा एक कार्यक्रमको आयोजना गरी स्वर्गीय मिनबहादुर थापाकी श्रीमती भिमकुमारी थापालाई उनका बीमित छोरीको हकमा उक्त्त रकम प्रदान गरिएको हो । बर्दिबास नगरपालिकाका मिनबहादुर थापाकी धर्मपत्नी भिमकुमारी थापालाई प्रदेश सभाका सांसद शारदा थापा तथा बर्दिबास उद्योग वाणिज्य संघका अध्यक्ष प्रलाद क्षेत्रीले संयुक्क्त रुपमा बीमाङ्क रकम वापत रु २लाख ५० हजार र काज क्रिया खर्च सुविधा अन्तर्गतको रु ५० हजार गरि जम्मा रु ३ लाखको चेक हस्तान्तरण गरेको हो । सिटिजन बाल भविष्य योजना अन्तर्गत प्रस्ताव कमिनबहादुर थापाको मृत्यु पश्चात बीमित छोरी सुमना थापाले बीमा शुल्क नतिरिकनै बीमा १५ वर्षसम्म मासिक रु २५सयको हिसाबले जम्मा रु ४लाख ५० हजार साथै परिपक्व मितिमा थपबीमाङ्कको रु २ लाख ५० हजार बोनस रकम प्राप्त गर्नेछन् । सिटिजन लाइफ इन्स्योरेन्स कम्पनीले पहिलो पटक ल्याएको सिटिजन जीवन सारथी योजना अन्तर्गत बीमितले ९० वर्षको उमेरसम्म पैसा पाउने छन भने क्रिटिकल केयर प्लस मार्फत बीमितले सर्वाधिक २० घातक रोगहरु विरुद्ध ५० लाख सम्मको औषधि उपचार खर्च प्राप्त गर्नेछन् । नेपालभर ६३ विभिन्न ठाँउहरुमा आफ्नो शाखा विस्तार गरेको छ ।
धितोपत्र बोर्डलाई ओईसीडीको सदस्यता, अन्तर्राष्ट्रिय वित्तीय साक्षरता सम्मेलन गर्ने
काठमाडौँ । नेपाल धितोपत्र बोर्डले वित्तीय साक्षरता प्रवद्र्धन तथा ज्ञान अभिबृद्धि गर्ने अन्तर्राष्ट्रिय संस्था ओईसीडीको सदस्यता प्राप्त गरेको छ । आर्थिक वर्ष २०७५/७६ को धितोपत्र तथा वस्तु विनिमय बजारसम्बन्धी नीति तथा कार्यक्रम अनुसार जनवरी १, २०१९ बाट लागू हुने गरी बोर्डले नेपालको तर्फबाट उक्त संस्थाको पूर्ण सदस्यता प्राप्त गरेको हो । ओईसीडीको पूर्ण सदस्यता प्राप्त गर्नेमा बोर्ड नेपालको पहिलो निकाय बनेको छ । नेपालमा वित्तीय साक्षरता न्यून रहेको सन्दर्भमा विश्वव्यापी रुपमा वित्तीय साक्षरतासम्बन्धी कार्य गर्ने गरी स्थापित उक्त संस्थाको सदस्यता लिँदा पछिल्लो समय वित्तीय क्षेत्रमा विकास भएका नवीनतम ज्ञान तथा प्रविधिको जानकारी भई देशमा वित्तीय साक्षरता अभिवृद्धि सम्बन्धी विभिन्न कार्यक्रमलाई समन्वयात्मक तथा स्तरीय रुपमा सञ्चालन गर्न उपयुक्त वातावरण तयार हुन सहयोग पुग्ने विश्वास बोर्डले लिएको छ । ओईसीडीले वित्तीय साक्षरताको महत्वलाई आत्मसात गर्दै यस सम्बन्धी गतिविधि विस्तार गर्न एक विशिष्ट संस्थाको योजना गरे अनुरुप सन् २००८ मा आइएनएफईको स्थापना भएको हो । यस संस्थाले साना तथा मझौला व्यवसाय, वित्तीय समावेशिता, युवा तथा महिला वर्ग, दीर्घकालिन बचत तथा लगानी लगायतका विविध क्षेत्रहरुमा वित्तीय साक्षरता अभिवृद्धिका लागि कार्यक्रमहरु सञ्चालन गर्दै आएको छ । हाल यस संस्थामा विश्वका ६४ देशका ८६ संस्थाहरु पूर्ण सदस्यको रुपमा रहेका छन् भने नियमित सदस्यतर्फ ९५ देशका १७२ संस्थाहरु रहेका छन् । बोर्डले सदस्यता पाएसँगै बोर्ड र ओईसीडी आइएलएफईको संयुक्त आयोजनामा आगामी जुलाई २–३, २०१९ मा वित्तीय साक्षरता सम्बन्धी प्रथम अन्तर्राष्ट्रिय स्तरको सम्मेलन गर्ने गर्ने तयारी गरिएको बोर्डका प्रवक्ता निरज गिरीले जनाएका छन् ।
गुराँस लाइफको साधारण सभा, ८ प्रतिशत बोनश शेयर दिने प्रस्ताव पारित
काठमाडौ । गुराँस लाइफ इन्स्योरेन्स कम्पनी लिमिटेडले ८ प्रतिशत बोनश सेयर दिने प्रस्ताव पारित भएको छ । कम्पनीको बिहीबार सम्पन्न नबौं वार्षिक साधारण सभाबाट यो प्रस्ताव पारित गरेको हो । ८ प्रतिशत बराबरको बोनश सेयर तथा कर प्रयोजनको लागि २५ लाख १ हजार ५३ रुपैयाँ नगद लाभांश वितरण गरिने भएको हो । बोनश शेयर र ५० प्रतिशत हकप्रद सेयर जारी गरे पश्चात गुराँस लाइफको चुक्तापूँजी ९३ करोड ८५ लाख २० हजार रुपैयाँ पुग्ने जनाइएको छ । सोही पूँजीको शत प्रतिशत १ बराबर १ हकप्रद जारी गर्ने कम्पनीको निर्णय छ । बीमा समितिले जीवन बीमा गर्ने कम्पनीहरुले आगामी असार मसान्त भित्र चुक्तापूँजी २ अर्ब रुपैयाँ पुर्याउनु पर्ने निर्देशन दिई सकेको छ । कम्पनीको अधिकृत, जारी तथा चुक्तापूँजी २ अर्ब कायम गरी आफ्नो प्रबन्ध पत्र र नियमावलीमा आवश्यक संसोधन गर्ने प्रस्ताव पनि साधारण सभाबाट पारित भएको हो । साधारण सभालाई संबोधन गर्दै गुराँस लाईफका अध्यक्ष विबेक दुगडले लगानीकर्ताको हितमा आफूहरुले काम गर्ने जानकारी दिएका थिए । कार्यक्रममा प्रमुख कार्यकारी अधिकृत नारायणकुमार भट्राईले लगानीकर्ता माझ भने–‘हाम्रो ध्यान नपुगेको ठाउँमा हजुरहरुले औल्याईदिनु होस्, त्यसलाई हामी सुधार गर्न तयार छौँ ।’
