विकासन्युज

एनआईसी एशिया बैंकको एटीएम सेवा पुनः सुचारु

काठमाडौँ । एनआईसी एशिया बैंकको एटीएम सेवा सुचारु भएको छ । प्राविधिक कारणवश आइतबार केही समयका लागि एटीएम सेवा अवरुद्ध भएकोमा हाल सुचारु भएको बैंकले जनाएको छ । सेवा संचालनमा आएसंगै बैंकको कार्ड बाहकहरुले एनआईसी एशिया बैंकको एटीएम तथा पीओएस मेशिनमा प्रयोग गरी कारोबार गर्न सक्ने जनाइएको नायब प्रमुख कार्यकारी अधिकृत तथा प्रमुख सूचना अधिकारी सुधिरनाथ पाण्डेले जनाएका छन् ।

पञ्चकन्याले मनायौ ४७औं वार्षिकोत्सव मनायो

काठमाडौँ । पञ्चकन्या ग्रुपले आफ्नो ४७औं वार्षिकोत्सव तथा ग्रुपका अध्यक्ष प्रेमबहादुर श्रेष्ठको ८९औं जन्मोत्सव भदौ १५ गते एक कार्यक्रमको आयोजना गरी मनाएका छ । सो कार्यक्रममा वर्षभरीमा बढी बिक्री गर्न सफल स्टील, प्लाष्टिक र प्रोफाईल, एसएस वाटर ट्याङ्क, एलजिएस, रेडिमिक्स कंक्रिट, बिटुमिन तथा हेभि इक्विपमेन्टका डिलरहरुलाई पुरस्कार, प्रशंसा–पत्र तथा उपहारबाट सम्मानित गरिएको थियो । त्यसैगरी राम्रो कार्य गर्ने कर्मचारीहरुलाई प्रसंशा–पत्र, पुरस्कार र प्रमाण–पत्रबाट सम्मानित गरियो । उक्त कार्यक्रममा  ग्रुपका अध्यक्ष प्रेमबहादुर श्रेष्ठले पञ्चकन्याको विगत र हालसम्मको औद्योगिक यात्रा तथा बजारमा निरन्तर गुणस्तरीय उत्पादन ल्याउन सक्षम रहेकोबारे आफ्नो अनुभव सुनाए ।

‘दशैमा डबलको डबलको डबल’ अफर, आइएमईमा पठाएको रकमको आठ गुणासम्म जित्ने अवसर

काठमाडौं । आइएमईले पर्व लक्षित दसैँमा डबलको डबलको डबल अफर सार्वजनिक गरेको छ । २०७६ साल भदौ १५ गतेदेखि कार्तिक मसान्तसम्म कायम हुने गरी ७७ दिनका लागि सेवाग्राहीमुखी उक्त अफर राजधानी काठमाडौंमा आयोजित एक विशेष कार्यक्रमकावीच सार्वजनिक गरिएको हो । अफर अनुसार हरेक दिन आइएमई पे मार्फत पैसा पठाउने हरेक भाग्यशाली सेवाग्राहीहरुलाई आइएमई पे वालेटमा डबल रिवार्ड प्वाइन्ट, हरेक हप्ता दुई जना भाग्यशाली सेवाग्राहीहरुलाई पठाएको रकमको डबल (दुई गुणा), हरेक महिना दुई जना भाग्यशाली सेवाग्राहीहरुलाई पठाएको रकमको डबलको डबल (चौगुणा) तथा बम्परमा एक (१) जना भाग्यशाली सेवाग्राहीलाई पठाएको रकमको डबलको डबलको डबल (आठगुणा) सम्म रकम पुरस्कार स्वरूप प्रदान गरिनेछ । अफर सार्वजनिक कार्यक्रममा संक्षिप्त मन्तब्य दिँदै आइएमई लिमिटेडका प्रमुख कार्यकारी अधिकृत सुमन पोखरेलले हरेक बर्ष चाडपर्वलाई लक्षित गर्दै आइएमईले ल्याउने स्कीममा आमसेवाग्राहीहरूको उल्लेख्य सहभागिता रहेको बताउँदै यस वर्ष त्यो सहभागिता झनै बढ्ने विश्वास व्यक्त गरे । त्यस्तै आइएमईका ब्राण्ड एम्बासडर दीपक राज गिरिले आइएमई र आइएमईका सेवाग्राहीहरूवीचको प्रगाढ सम्बन्धले नै आइएमईलाई एक सफल व्यवसायीक ब्राण्ड बनाएको उल्लेख गर्दै यो दशैँमा आइएमईले ल्याएको खुसीलाई डबलको डबलको डबल गरौँ स्कीम त्यो सम्बन्धलाई थप प्रगाढ बनाउन सफल हुने विश्वास व्यक्त गरे । सेवा र शर्त अनुसार भाग्यशाली विजेताको छनौट प्रविधिमा आधारित ‘लक्की ड्र’ मार्फत गरिनेछ । योजना अवधिमा स्वदेश तथा विदेशबाट पैसा पठाउने सवै सेवाग्राहीहरू स्वत सहभागी बन्ने छन् । सेवाग्राहीहरुले आइएमईको जुनसुकै एजेन्ट सञ्जालमार्फत रेमिटेन्स कारोबार गरेको भौचरको सक्कलप्रती योजना घोषणा अवधिसम्म सुरक्षित राख्नुपर्नेछ । छनोटमा परेका विजेताको सिफारिसमा नेपालमा बस्नुहुने आफन्तलाई पुरस्कार रकम प्रदान गर्न गरिने जनाइएको छ ।

गण्डकी विकास बैंकद्वारा शैक्षिक सामाग्री वितरण

काठमाडौँ । गण्डकी विकास बैंक लिमिटेडले भरतपुर महानगरपालिका वडा नं.११, भोजाड, नयाँकिरणटोलमा रहेका नयाँकिरण माध्यमिक विद्यालयमा शैक्षिक समाग्री वितरण गरेको छ । कक्षा १ देखि १० सम्मका करिब ५५० विद्यार्थी मध्ये २० जना गरिब, जेहेन्दार, टुहुरा, दलित बिद्यार्थीहरुलाई विद्यालय परिसर मै कापीकिताब राख्ने झोला, कपी, कलम, पेन्सिल, साबुन वितरण गर्ने कार्य सम्पन्न गरेको हो । बैंकका नारायणगढ कलस्टर प्रमुख, नायबप्रबन्धक सुरज शर्मा, भमनपा-११, भोजाड शाखाका शाखा प्रमुख केशबराज आचार्य, विद्यालय व्यवस्थापन समितिका अध्यक्ष रके पाण्डे, विद्यालयका प्रधानध्यापक रामेश्वर अधिकारी लगायतले संयुक्त रुपमा एक शैक्षिक सामाग्री वितरण गरेका हुन् ।

आशा लघुवित्त चौथो वर्षमा, झण्डै २ अर्ब कर्जा प्रवाह, ५१ करोड निक्षेप संकलन

काठमाडौँ । आशा लघुवित्त वित्तीय संस्था लि. भदौ १५ गते तेश्रो वर्ष पूरा गरी चौथो वर्षमा प्रवेश गरेको छ । यस अवसरमा वित्तीय संस्थालेविभिन्न कार्यक्रमहरु संचालन गरेको छ । तेश्रो बार्षिकोत्सवको अवसरमा संस्थागत सामाजिक उत्तरदायित्व अन्तरगत वित्तीय संस्थाद्वारा ककनी-६, नुवाकोटमा निमार्णाधीन रहेको मानेडाँडा मरण पाटी निर्माणार्थ आर्थिक सहयोग प्रदान गरेको छ । उक्त अवसरमा स्थानीय निकायका प्रतिनिधि, बासिन्दा, तथा सदस्यहरुको उल्लेखनीय उपस्थिति रहेको थियो । सो अवसरमा वित्तीय संस्थाका तर्फबाट प्रमुख कार्यकारी अधिकृत बद्रीप्रसाद दुलालले वित्तीय संस्थाले तेश्रो बर्ष पार गरी चौथो बर्षमा प्रवेश गरेकोमा खुशी ब्यक्त गर्दै संस्थालाई यस उचाईमा ल्याउनका लागी प्रत्यक्ष अप्रत्यक्ष रुपमा सहयोग पुर्याउने नियामक निकाय, संचालक समिति, विभिन्न बैंक तथा वित्तीय संस्थाहरु, लगानीकर्ताहरु, सम्पुर्ण कर्मचारीहरु लगायत स्थानिय समुदायलाई धन्यवाद ब्यक्त गर्दै आगामी दिनमा समेत साथ र सहयोगको अपेक्षा राखे । कार्यक्रममा स्थानीय जनप्रतिनिधि तथा विद्यालयका अध्यक्ष ज्ञानबहादुर लामा, वित्तीय संस्थाका विभागीय प्रमुखहरु रबिन खतिवडा, दिपेन्द्र खनाल तथा कमल खत्री एवं शाखा कार्यालय मदानपुरका प्रबन्धक बन्धना पौडेल लगायत अन्य कर्मचारीहरुको उपस्थिति रहेको थियो। वित्तीय संस्थाका देशभरी रहेका ५५ वटा शाखा कार्यालयहरुमा पनि तेश्रो वार्षिकोत्सवका अवसरमा विभिन्न कार्यक्रमहरु आयोजना गरिएको छ । हाल संस्थाले आफ्ना ४६ हजार भन्दा बढी सदस्यहरुलाई वित्तीय सेवा प्रदान गर्दै रु. १ अर्ब ९७ करोड भन्दा बढी कर्जा प्रवाह गर्नुका साथै ५१ करोड निक्षेप संकलन गरेको जनाएको छ ।

राष्ट्र बैंकको तथ्यांक : मुल्यवृद्धि निकै कम, मौद्रिक क्षेत्र नियन्त्रणमा

काठमाडौं । नेपाल राष्ट्र बैंकले अघिल्लो आर्थिक वर्षको मौद्रिक नीतिमार्फत् लिएका मौद्रिक लक्ष्यहरुलाई भेट्टाउन सफल भएको जनाएको छ । बैंकले प्रकाशन गरेको गत आर्थिक वर्षको मौद्रिक स्थितिसम्बन्धी तथ्यांकमा त्यस्तो अवस्था देखिएको हो । मुद्रास्फीति, आन्तरिक कर्जा तथा निक्षेपको वृद्धि, विस्तृत मुद्राप्रदाय, र विदेशी मुद्रा सिञ्चितिका लागि बैंकले तय गरेको लक्ष्यनजिक नै तथथ्यांकहरु देखिएका छन् । ६.५ प्रतिशतको सीमामा मुद्रास्फीतिलाई कायम गर्ने सरकारी लक्ष्य कि सहज तरिकाले पूरा भएको देखिएको छ । नेपाल राष्ट्र बैंकले सार्वजनिक गरेको आर्थिक वर्ष २०७५/७६ को मौद्रिक आर्थिक तथा वित्तीय स्थितिमा सो वर्ष उपभोक्ता मुद्रास्फीति दर ४.६ प्रतिशतमा सीमित रहेको देखिएको हो । सो मुद्रास्फीति दरमध्ये पनि खाद्य तथा पेय पदार्थमा भएको मूल्यवृद्धिको दर २.७४ प्रतिशत र गैरखाद्य वस्तुहरुको मुद्रास्फीति दर ५.२६ प्रतिशत रहेको तथ्यांकमा उल्लेख छ । राष्ट्र बैंकले सो वर्ष मौद्रिक स्थिति समेत सन्तुलित भएको तथ्यांक निकालेको छ । जेठ मसान्तसम्म २०.६ प्रतिशत रहेको आन्तरिक कर्जाको विस्तार असार मसान्तमा आइपुग्दा २०.१ प्रतिशतको वार्षिक विन्दुगत दरमा झरेको छ, जुन राष्ट्र बैंकले लिएको २० प्रतिशतको लक्ष्यभन्दा ०.१ प्रतिशतले मात्रै बढी हो । त्यस्तै, २१ प्रतिशतमा सीमित गर्ने लक्ष्य लिइएको निजी क्षेत्रमा जाने कर्जाको वृद्धिदर १९.१ प्रतिशत रहेको रिपोर्टमा उल्लेख छ । १८ प्रतिशतको विस्तृत मुद्राप्रदाय वृद्धिको सीमा १५.४ प्रतिशतमा सीमित रहेको राष्ट्र बैंकले जनाएको छ । राष्ट्र बैंकको तथ्यांक अनुसार देशको निर्यात वृद्धिदर बढ्दो क्रममा र आयात वृद्धिदर घट्दो क्रममा छ, यद्यपि ठूलो आयात र निर्यातको ठूलो अन्तरले गर्दा व्यापारघाटा आयातभन्दा नगन्यमात्रैले कम देखिएको छ । असार मसान्तसम्मको तथ्यांकमा आयात निर्यात अनुपात १४.६१ः१ छ अर्थात् १ रुपैंया बराबरको निर्यात गर्दा १४.६१ रुपैंया बराबरको आयात हुने गरेको छ । राष्ट्र बैंकले आर्थिक वर्ष अघिल्लो आर्थिक वर्षको अन्त्यसम्ममा देशसँग कुल ७.८ महिनालाको वस्तु तथा सेवा आयात धान्न विदेशी मुद्र सिञ्चिति रहेको जनाएको छ जुन ८ महिनाको भन्दा केही कम हो । यो वर्षमा यो लक्ष्य ७ महिनामा सीमित गरिएको छ । नेपाल राष्ट्र बैंकले देशभित्र भित्रने कुल रेमिट्यान्समा १६.५ प्रतिशतले वृद्धि भएर ६८९.२७ अर्ब पुगेको जनाएको छ । कुल शोधनान्तर घाटा भने ६७ अर्ब ४० करोडमा सीमित गरहेको समीक्षामा उल्लेख छ ।

एघारौं कृति अवार्डस् सम्पन्न

काठमाडौँ । नेपाली विज्ञापन श्रृजनाको सम्मानार्थ २०६० सालदेखि गरिदै आएको कृति अवार्डस्को एघारौं संस्करण होटल सोल्टिमा सम्पन्न भएको छ । कार्यक्रमको उदघाटन गर्दै सूचना तथा सञ्चार प्रबिधिमन्त्रि गोकुलप्रसाद बास्कोटाले नेपालमा क्लिन फिड लागु भैसकेको परिप्रेक्षमा कार्यान्वयनका लागि सरोकारवालाहरुसंग समन्वय गरी नियमावली र कार्यविधि निर्माण गर्न सरकार प्रतिबद्ध रहेको बताए । नेपाल विज्ञापन संघद्वारा आयोजित उक्त कार्यक्रममा ३१ बिधाका उत्कृष्ठ विज्ञापनहरुलाई अतिथिहरुबाट अवार्डस सहित खादा प्रदान गरी सम्मान गरिएको थियो । ७०० बढी दर्शकबीच गरिएको यो समारोहमा दिपकराज गिरि तथा केकि अधिकारिको आगामि फिल्म छ माया छपक्कै को नृत्य र सरौतो फिल्मको नृत्य साथै अन्य कलाकारहरुले पनि आफ्नो नृत्य कला प्रर्दशन गरेकाथिए । एघारौं कृति अवार्डसको मुख्यप्रायोजक नेपालआइस, पावर वाई सिजिसिमेन्ट, इन एसोसियनविइथ नेपाल टेलिकम रहेको थियो । साथै वैकिङ पार्टनर मुक्तिनाथ बिकास बैक अन्य प्रायोजकहरुमा, कृषि विकास वैक लिमिटेड, नेपाल मेडिसिटि हस्पिटल, हिमाल रेमिट, यति कार्पेट, सफ्टि हाइजिन, जेवि टेर्लस, नेपाल टुरिजमवोर्ड र सोल्टि होटललाई सम्मान–पत्रदिइएको थियो । कार्यक्रमको सभापतित्व गर्दै आनका अध्यक्ष रबिन्द्रकुमार रिजाल“शशि”ले प्रमुखअतिथि र आमन्त्रित सम्र्पूण अतिथिहरुमा स्वागत मन्तव्य राख्दै एजेन्सिहरुको उल्लेख्य सहभागिताको प्रशंसा गरे ।

मोरङका समिर फुयाल बने ‘वाईवाई ग्लोकल टिन हिरो-२०१९’

काठमाडौं। ‘वाई वाई ग्लोकल टिन हिरो २०१९’को उपाधी १६ बर्षिय समिर फुयालले जितेका छन् । विश्वभरका १३ हजार भन्दा बढी विद्यार्थीलाई अनलाईन मार्फत पढाई रहेका फुयाल वाई वाई ग्लोकल टिन हिरोका अन्तिम ६ प्रतिस्पर्धी जनकपुरका विधी मण्डल, पोखराका विक्रम पराजुली, रुपन्देहीका लोक पन्थी, मकवानपुरका रचिन कालाखेती र काठमाडौँका सुप्रिया महर्जन सापकोटालाई पछि पार्दै सो उपाधी जितेका हुन्। आईतबार राजधानीमा आयोजित समारोह ‘वाई वाई ग्लोकल टिन हिरो २०१९’ को उपाधी संस्कृति, पर्यटन तथा नागरिक उड्डयन मन्त्रालय मन्त्री योगेश भट्टराईले बिजेतालाई हस्तान्तरण गरेका थिए। वाई वाई ग्लोकल टिन हिरो बन्नका लागि १८ बर्ष मुनिका ५९८ जना किशोर किशोरीले आवेदन दिएका थिए। आवेदकहरुले आफु समाज सेवा, पत्रकारिता, कम्प्युटर प्रोग्राम्मिंग, रोबोटिक्स, उद्यमी र समुदाय विकास जस्ता गरेको कामले समाजमा परेको सकारात्मक असर देखाएर आफ्नो कौशलता देखाएका थिए। ‘ग्लोकल टिन हिरोको बिगत तिन वर्षमा हामीले राम्रो सोच र क्षमता भएका सहभागीहरु पाएका थियौ । किशोर/किशोरीहरुसँग पनि विभिन्न क्षमता छ । उनीहरु समाज र राष्ट्रको विकासका लागि प्रभाव पार्ने विभिन्न कार्यक्रमहरु गर्दै आएका छन, तर उनीहरुको क्षमता प्रदर्शन गर्न कुनै मन्चन नभएको कारण उनीहरुलाई आफ्नो र देशको विकास गर्न एक मौका र मन्च प्रदान गर्ने उदेश्यले ५ बर्ष देखी यस कार्यक्रम सन्चालन गर्दै आएको हो ।’ ग्लोकल प्रा.ली.का कार्यकारी निर्देशक आशिष ठाकुरले बताए ।