भारतमा कोभिड संक्रमण निको हुने दर ६१.५३ प्रतिशत
दिल्ली । भारतको स्वास्थ्य मन्त्रालयले भारतमा कोभिड -१९ का संक्रमितहरुको निको हुने दर बढेको जानकारी दिएको छ । सो मन्त्रालयले भारतमा कोरोना संक्रमणबाट संक्रमितहरुको निको हुने दर बढेर ६१.५३ प्रतिशत पुगेको जानकारी दिएको जनाइएको छ । यहाँ गएको २४ घन्टामा मात्र २२ हजार जनाभन्दा बढी संक्रमित भेटिएका बुधबार बिहान प्राप्त भएको समाचारमा जनाइएको छ । बुधबार दिइएको जानकारीमा यहाँ गएको २४ घन्टामा २२ हजार ७ सय ५२ जना संक्रमित भेटिएका हुन् । योसँगै यहाँका संक्रमितहरुको संख्या बुधबार बिहानसम्ममा ७ लाख ४२ हजार ४ सय १७ जना पुगेका छन् । यी संक्रमितहरुमा भारतमा ४ लाख ५६ हजार ८ सय ३० जना संक्रमितहरु निको भएर घर फर्किएका सो मन्त्रालयले जानकारी दिएको छ । अझै पनि भारतमा २ लाख ६४ हजार ९ सय ४४ जना संक्रमितहरु अहिले रहेका छन् । उनीहरुमध्ये कतिपय अस्पताल त केही आफ्नै घरमा आइसोलेसनमा पनि रहेका छन् । यहाँ २० हजार ६ सय ४२ संक्रमितको निधन भएको छ । गएको २४ घन्टामा मात्र यहाँ ४ सय ८२ जनाको ज्यान गएको बताइएको छ । योसँगै भारतमा कोभिड १९ को संख्या हेर्दा करिब ६१।५३ प्रतिशत निको भएर घर फर्किएको देखिएको छ । यो संख्या पहिलेको तुलनामा बढ्दै गएको पनि सो मन्त्रालयले दिएको तथ्यांकमा उल्लेख गरिएको छ । मन्त्रालयले निको हुने दर हरेक दिन बढ्दै गएको जनाएको छ । साथै पछिल्ला दिनहरुमा परीक्षणको संख्या पनि मन्त्रालयले बढाउँदै लगेको सो मन्त्रालयले जनाएको छ । साथै मन्त्रालयले सबैभन्दा बढी प्रभावित राज्यका रुपमा महाराष्ट्र नै अगाडि रहेको पनि बताएको छ । रासस/एएनआई
अष्ट्रेलियाको मेलबोर्नमा फेरि लकडाउन लागू
काठमाडौं । अष्ट्रेलियाको दोस्रो सबैभन्दा ठूलो शहर मेलबोर्नमा कोरोना संक्रमणको वृद्धिलाई ध्यानमा राख्दै दोस्रो पटक लकडाउन लागु गरेको छ । नयाँ आदेश अन्तर्गत करीव ५० लाख मेल्बर्नका बासिन्दाहरूलाई उनीहरूको घर छोड्न दिइने छैन, यद्यपि उनीहरू आवश्यक सेवाका लागि पठाउन सक्षम हुनेछन् । स्थानीय पुलिसका अनुसार शहरको वरिपरि घेरा लगाईएको छ, जसमा विभिन्न चौकीहरू पनि बनाइएको छ । अन्य राज्यहरूसँग भिक्टोरियाको सीमा मंगलबार बन्द गरिएको छ । मेलबोर्न भिक्टोरियाको राजधानी हो । अष्ट्रेलियाका प्रधानमन्त्री स्कट मारिशनले बुधवार मेलबोर्नवासीहरूलाई भने, तपाईका मान्छेहरूले अहिले कस्तो चीज सहन गर्दै हुनुहुन्छ त्यसको मूल्य सम्पूर्ण देशलाई थाहा छ।ू तपाईं यो आफैंमा र तपाईंको परिवारको लागि मात्र होइन तर सम्पूर्ण अस्ट्रेलियाली समुदायको लागि सहिष्णु हुनुहुन्छ। भिक्टोरियाका प्रिमियर डानियल एन्ड्रयूजले मंगलबार मेलबोर्नमा लकबन्दीको घोषणा गरे । शहरमा मंगलबार कोरोना संक्रमित १ सय ९१ जना भेटिएका थिए । बुधवार, मेलबर्नमा मात्र १ सय ३४ जनामा कोरोना संक्रमण पुष्टि भयो । सो संक्रमितको संख्या अष्ट्रेलियाका अन्य शहरहरूको तुलनामा धेरै रहेको भेटिएको कुरा बाहिर आएको छ । अस्ट्रेलियामा हालसम्म ९ हजारभन्दा बढी कोरोना संक्रकित फेला परेका छन्, १ सय ६ जना मानिसहरुले कोरोनाका कारण ज्यान गुमाएका छन् । (बीबीसीकाे सहयाेगमा)
डब्ल्यूएचओसँग औपचारिक रूपमा अमेरिकाले तोड्यो सम्बन्ध
काठमाडौं । अमेरिकाले विश्व स्वास्थ्य संगठन (डब्ल्यूएचओ) बाट आफूलाई अलग गरेको जानकारी संयुक्त राष्ट्रलाई औपचारिक रुपमा जानकारी गराएको छ । अमेरिकाले यसबारे संयुक्त राष्ट्रले ६ जुलाईमा नै जानकारी दिएको भनेको छ । यद्यपि, यो प्रक्रिया पूरा हुन कम्तीमा एक वर्षको समय लाग्न सक्ने बताएको छ । गत मे महिनामा अमेरिकी राष्ट्रपति डोनल्ड ट्रम्पले डब्ल्यूएचओसँग नाता तोडेको घोषणा गरेका थिए । ट्रम्पले विश्व स्वास्थ्य संगठनमाथि कोरोना महामारीलाई प्रभावकारी तरिकाले नियन्त्रण गर्न नसकेको र चीनको इशारामा चलेको आरोप लगाएका थिए । ट्रम्पको आरोप र सम्बन्ध तोड्ने धम्कीको जवाफमा विश्व स्वास्थ्य संगठनका महानिर्देशक डाक्टर टेड्रस एडनहोनम गेब्रियेससले यो समयमा डब्ल्यूएचओको मद्दत सबैभन्दा धेरै आवश्यक भएको बताएका थिए । उनले ट्रम्पलाई रकम नरोक्न अपिलसमेत गरेका थिए । यी सबै अपिलपश्चात् पनि ट्रम्पले आफ्नो निर्णय परिवर्तन गरेनन् । उनले डब्ल्यूएचओलाई दिँदै आएको रकम अन्य कुनै स्थानमा दिने जानकारी दिए । विपक्षी डेमोक्रेट सांसदले ट्रम्पको यो निर्णयको आलोचना गरेका छन् र डब्ल्यूएचओबाट अलग हुनु अमेरिकी नागरिकको हितमा नभएको बताएका थिए । (बीबीसीबाट)
