वित्त : विविध

काठमाडौं । सोमबारको सेयर बजारमा तीव्र उतारचढाव देखिएको छ । यो समाचार तयार पार्दा (१२ः२४) सम्ममा नेप्से परिसूचक ३६.१९ अंकले बढेर ३०१६.८० बिन्दुमा पुगेको छ । बजार खुलेदेखि हालसम्मको परिसूचक न्युनतम २९९३ बिन्दुदेखि उच्चतम ३०३२ बिन्दुको बीचमा रहेको छ । यो अवधिसम्म २१४ कम्पनीको कूल ५ अर्ब ५१ करोड रुपैयाँ बराबरको सेयर कारोबार भइसकेको छ । जसमध्ये सबैभन्दा बढी कारोबार गर्नेका अग्रस्थानमा वाणिज्य बैंकमात्रै रहेका छन् । उच्च कारोबार गर्नेको ९औं स्थानमा सबै वाणिज्य बैंक रहेका छन् । जसमध्ये सबैभन्दा बढी नेपाल बङ्गलादेश बैंकको उच्च कारोबार भएको छ । कारोबार साढे एक घण्टामै बैंकको १९ करोड ५६ लाख रुपैयाँ बराबरको सेयर कारोबार भएको छ । जसको सेयर मूल्य प्रतिकित्ता ४७२ रुपैयाँ रहेको छ । त्यस्तै, दोश्रो स्थानमा एनएमबि बैंक रहेको छ । प्रतिकित्ता ४८८ रुपैयाँ रहेको बैंकको हालसम्म १६ करोड ६९ लाख रुपैयाँ बराबरको सेयर कारोबार भइसकेको छ । त्यस्तै, तेश्रो स्थानमा रहेको नबिलको १५ करोड ५६ लाख रुपैयाँ बराबरको साधारणसेयर किनबेच भईसकेको छ । जसको सेयर मूल्य प्रतिकित्ता १४६४ रुपैयाँ रहेको छ । त्यस्तै, ग्लोबल आईएमई बैंकको १४ करोड ९५ लाख, एनआईसी एशिया बैंकको १२ करोड ७७ लाख, प्रभु बैंकको १२ करोड ६३ लाख, नेपाल बैंकको ११ करोड ९१ लाख र सिद्धार्थ बैंकको ११ करोड ७६ लाख रुपैयाँ बराबरको सेयर कारोबार भईसकेको छ । राष्ट्रिय बीमा कम्पनीको १५ करोड ४० लाख रुपैयाँ बराबरको संस्थापक सेयर बिक्री भईसकेको छ । जसको सेयर मूलय १८ हजार ०१३ रुपैयाँ रहेको छ । यो समाचार तयार पर्दासम्म यो कम्पनी बढी कारोबार गर्नेको चौथो स्थानमा रहेको छ ।

काठमाडौं । फर्स्ट माइक्रोफाइनान्स लघुवित्त वित्तीय संस्थाले गत आर्थिक वर्षमा १४ करोड १५ लाख रुपैयाँ खुद नाफा कमाएको छ । जुन अघिल्लो वर्षको तुनलामा १.२९ प्रतिशतले बढी हो । संस्थाले अघिल्लो वर्षको सो अवधिमा १३ करोड ९७ लाख रुपैयाँ खुद नाफा कमाएको थियो । समीक्षा अवधिमा संस्थाको खुद ब्याज आम्दानी १८.१० प्रतिशतले बढेर २६ करोड ४७ लाख रुपैयाँ पुगेको छ । त्यस्तै, कूल सञ्चालन आम्दानी १४.३० प्रतिशतले बढेर २९ करोड ३८ लाख रुपैयाँ पुगेको छ भने सञ्चालन नाफा ३.२९ प्रतिशतले बढेर २२ करोड ५१ लाख रुपैयाँ पुगेको छ । गत असार मसान्तसम्ममा लघुवित्तको वार्षिक प्रतिसेयर आम्दानी १६.१४ रुपैयाँ, प्रतिसेयर नेटवर्थ १३१.९५ रुपैयाँ र पीई रेसियो ५०.९९ रहेको छ । हाल ८७ करोड ६८ लाख रुपैयाँ चुक्ता पुँजी रहेको बैंकको जगेडा कोषमा २८ करोड १ लाख रुपैयाँ सञ्चित रहेको छ । जुन अघिल्लो वर्षको सोही अवधिको तुलनामा १०२.५२ प्रतिशतले बढी हो । त्यस्तै, गत असार मसान्तसम्म संस्थाले ८ अर्ब २० करोड रुपैयाँ निक्षेप संकलन गरी ८ अर्ब ६० करोड रुपैयाँ कर्जा लगानी गरेको छ । जुन अघिल्लो वर्षको सोहि अवधिको तुलनामा क्रमशः ४८.०२ र ६४.४० प्रतिशतले बढी हो ।

काठमाडौं । सिडिएस एण्ड क्लियरिङ्ग (सिडिएससी)ले सञ्चालनमा ल्याएको मेरो सेयर प्रणालीमा धितोपत्रको स्वामित्व (अर्थात सेयर होल्ड गरेको) अवधि गणना गर्ने सुविधा थपिएको छ । आजदेखि पुँजीगत लाभकरमा नयाँ व्यवस्था लागू भएसँगै सिडिएससीले सोको गणनाको गर्नको लागि उक्त सुविधा थप गरेको हो । उक्त सुविधा आज(साउन ३ गते) बेलुका ७ बजेदेखि सञ्चालनमा ल्याइने भएको छ । यससँगै, मेरो सेयरको मोवाईल एप प्रयोग गर्ने लगानीकर्ताले प्लेस्टोर मार्फत मेरो सेयर एप अपडेट गरि उक्त सेवा प्रयोग गर्न सिडिएसले आग्रह गरेको छ । साथै, यो सम्बन्धी थप जानकारी लिन परेमा लगानीकर्ताले सिडिएसको वेवसाइट तथा आफ्नो राफसाफ सदस्यलाई वा सिडिएसमा सम्पर्क गर्न सक्नेछन् । सरकारले नयाँ आर्थिक वर्षदेखि पुँजीगत लाभकर न्युनतम ५ प्रतिशत र अधिकतम ७.५० प्रतिशत लागू गर्ने व्यवस्था गरेसँगै आजदेखिको कारोबारमा उक्त व्यवस्था लागू हुने भएको छ । यो व्यवस्थासँगै अल्पकालीन लगानीकर्ता (अर्थात ३६५ दिनसम्म सेयर होल्ड गर्ने) ले ७.५ प्रतिशत पुँजीगत लाभकर तिर्नुपर्ने छ । र, त्यो भन्दा बढी अवधि होल्ड गर्ने दीर्घकालीन लगानीकर्ताले ५ प्रतिशत नै लाभकार तिर्नुपर्ने छ । यसअघि दुबै किसिमका लगानीकर्तालाई एउटै अर्थात ५ प्रतिशत मात्रै पुँजीगत लाभकर लाग्दै आएको थियो । ‘२०७८ साउन १ गतेदेखि हुने सम्पूर्ण कारोबारहरूमा विक्रीकर्ता बासिन्दा प्राकृतिक व्यक्तिले धितोपत्रको विक्री कारोबारमा लाग्ने पुँजीगत लाभकर गणना गर्नका लागि आफ्नो स्वामित्वमा रहेको कुल धितोपत्रको लागतको भारित औसत गणना गरि सो विवरण प्रदान गर्ने विद्यमान व्यवस्थालाई परिमार्जन गरि धितोपत्रको लागतको भारित औसतका साथै आफ्नो हितग्राही खातामा मौज्दात रहेको समयावधि समेत गणना गरि विक्री गरेको धितोपत्र मध्ये ३६५ दिन भन्दा बढी अवधि स्वामित्वमा रहेको धितोपत्र र सो भन्दा कम अवधि स्वामित्वमा रहेको धितोपत्रको संख्या समेत खुलाई प्रदान गर्नुपर्ने व्यवस्था गरिएकोले सम्पूर्ण लगानीकर्ताहरूलाई सोही अनुसार गर्नुहुन अनुरोध गरिन्छ,’ सिडिएससीकाे विज्ञप्तिमा उल्लेख छ ।