यी हुन् २ घण्टामै सर्किट लेवलमा सेयर मूल्य घट्ने ६० कम्पनी
काठमाडौं । आइतबार सेयर बजार उच्च रुपमा घट्दा ६० वटा कम्पनीको सेयर मूल्य सर्किट लेभलमा घटेको छ । आइतबार नेप्से ५ प्रतिशतले घटेर नेगेटिभ सर्किट लागेकाे छ । नेप्से ५ प्रतिशतले ले घट्दा १३९ अंककाे गिरावट आएकाे हाे भने २७८७.९९ अंकमा सेयर बजार कामयम भएकाे छ । सेयर बजारमा ६० वटा कम्पनीहरुमध्ये ३२ वटा कम्पनीमा नेगेटिभ सर्किट लागेको छ भने अन्य ३० वटा कम्पनीहरु सर्किट लेभलमै पुगेका छन् । नेपाली सेयर बजारमा इतिहासमै यो उच्च गिरावट भएकाे बताइएकाे छ । यो समाचार तयार पार्दासम्म बजारमा १ करोड ३४ लाख ८४ हजार कित्ता सेयर किनबेचबाट कुल ६ अर्ब ४६ करोड रुपैयाँको कारोबार भएको छ । यी हुन् सर्किट लेभलमा घट्ने ६० कम्पनी
सेयर बजारमा नेगेटिभ सर्किट, ५ प्रतिशतले घट्यो नेप्से
काठमाडौं । आइतबारकाे सेयर बजारमा नकारात्मक सर्किट लागेको छ । कारोबार खुलेको २ घण्टका नबित्दै ५ प्रतिशतले घटेपछि बजारमा नकारात्मक सर्किट ब्रेक लागेको हो । १२ बजेर ५९ मिनेटको अवधिमा परिसूचक ५.०३ प्रतिशत अर्थात १४७ अंकले ओरालो लागेर सर्किट लागेकाे हाे । यससँगै सेयर कारोबार ४० मिनेटको लागि स्थगित भएको छ । यो अवधिसम्म बजारमा २१५ कम्पनीको सेयर कारोबार भइसकेको छ । उनीहरुको १ करोड ४८ लाख ३१ हजार ७३८ कित्ता सेयर ७ अर्ब १९ करोड रुपैयाँ बराबरमा किनबेच भएको छ । बजारमा कारोबारमा आएका सबै समूह राताम्मे देखिएका छन् । जसमध्ये स बैभन्दा बढी जीवन बीमा समूह ७२५ अंकले ओरालो लागेको छ । त्यस्तै, कारोबारमा आएका कम्पनीमध्ये ५ कम्पनी बाहेक बाँकी ओरालो लागेका छन् ।
पहिरो गएको बजारमा ५ कम्पनीका लगानीकर्ताको सम्पत्ति बढ्यो
ainersकाठमाडौं । आइतबारको सेयर बजारमा पहिरो गएको छ । कारोबार खुलेको दुई घण्टा नबित्दै नेप्से परिसूचक १३६.११ अंकले ओरालो लागेको छ । दिउँसो १२ बजेर ४६ मिनेट जाँदा परिसूचक ४.६५ प्रतिशतले घटेर २७९०.८८ बिन्दुमा भरिसकेको छ । यो समाचार तयार पार्दासम्म २१५ कम्पनीको सेयर कारोबार भएको छ । जसमध्ये ५ कम्पनीको सेयर मूल्य बढेको छ भने बाँकीको घटेको छ । यो अविधिसम्म सानिमा लाइफ इन्स्योरेन्स, मनकामना स्मार्ट लघुवित्त वित्तीय संस्था, यूनिलिभर नेपाल, सनराइज डिबेन्चर र एनआईबिएल समृद्धि फण्ड १ को मूल्य बढेको छ । जसमध्ये सानिमा लाइफ इन्स्योरेन्सको सेयर मूल्य ९.९७ प्रतिशतले बढेर सकारात्मक सर्किट लागेको छ । यससँगै कम्पनीको सेयर मूल्य प्रतिकित्ता ३७३ रुपैयाँ पुगेको छ । त्यस्तै, मनकामना स्मार्ट लघुवित्तको सेयर मूल्य ४.०२ प्रतिशतले बढेर प्रतिकित्ता ५२३ रुपैयाँ पुगेको छ । जुन अघिल्लो दिनको तुलनमा २०.२० रुपैयाँले बढी हो । त्यसैगरी, यूनिलिभर नेपालको सेयर मूल्य १८४ रुपैयाँले बढेर प्रतिकित्ता १९ हजार ६५० रुपैयाँ पुगेको छ । त्यसैगरी, १०.२५ प्रतिशत सनराइज बैंक डिबेन्चर २०८३ र एनआईबिएल समृद्धि फण्ड १ को मूल्य बढेर क्रमशः १०४५ र १२.२५ रुपैयाँ पुगेको छ । उता अधिकांश कम्पनीको सेयर मूल्य घटेको छ । जसमध्ये ५३ कम्पनीको सेयर मूल्यमा भने नकारात्मक सर्किट लागेको छ ।
