श्रृजनशील लघुवित्त आइपीओ जारी गर्दै, बिक्री प्रबन्धकमा सनराइज क्यापिटल
काठमाडौं । श्रृजनशील लघुवित्तले प्रतिकित्ता अंकित मुल्य १०० रुपैयाँ दरको ३ लाख ३७ हजार २५ कित्ता साधारण शेयरको सार्वजनिक निष्कासन गर्न भएको छ । यसको लागि लघुवित्तले सन्राइज क्यापिटललाई निष्कासन तथा बिक्री प्रबन्धकमा नियुक्त गरेको छ । सो नियुक्ति सम्बन्धी सोमबार दुई कम्पनीबीच सम्झौता भएको छ । सम्झौतामा लघुवित्तको तर्फबाट प्रमुख कार्यकारी अधिकृत बटुक शमशेर श्रेष्ठ र सनराईज क्यापिटलको तर्फबाट प्रमुख कार्यकारी अधिकृत विजय लाल श्रेष्ठले हस्ताक्षर गरेका छन् । श्रृजनशील लघुवित्त नेपाल राष्ट्र बैंकबाट ुघु वर्गको इजाजत प्राप्त लघुवित्त हो । यसको गोलबजार ७, चोरहवा( सिराहामा रजिष्ट्रर्ड कार्यालय रहेको छ ।
‘एनआईबीएल सम्वृद्धि फण्ड-१’ परिपक्व हुँदै, नयाँ स्किम ल्याउने तयारीमा क्यापिटल
काठमाडौं । एनआईबीएल म्युचुअल फण्ड अन्तर्गत सञ्चालित एनआईबिएल सम्वृद्धि फण्ड-१ आगामी पुस २२ गते परिपक्व हुँदै छ । २०७१ पुसदेखि दोश्रो बजारमा सञ्चालनमा आएको उक्त फण्ड आगामी पुस २२ गतेदेखि परिपक्व हुन लागेको हो । फण्ड व्यवस्थापक एनआईबीएल एस क्यापिटलले ७ वर्षमा परिपक्व हुने गरी एक अर्ब रुपैयाँ बराबरको आकार रहेको उक्त फण्ड जारी गरेको थियो । एनआईबिएल सामूहिक लगानी कोष अन्तगर्तको यो पहिलो योजना समेत हो । ७ वर्षे अवधिमा यो फण्डको प्रतिइकाई खुद सम्पत्ति मूल्य (न्याभ) न्यूनतम ९ रुपैयाँदेखि अधिकतम १८.३२ रुपैयाँसम्म पुगेको छ । त्यस्तै, पहिलो योजना परिपक्व हुन लागेसँगै क्यापिटल अर्को नयाँ स्किम ल्याउने तयारीमा छ । क्यापिटलले सामूहिक लगानी कोष अन्तर्गतकै ‘एनआईबिएल ग्रोथ फण्ड’ नामक नयाँ स्किम ल्याउने तयारी गरिरहेको क्यापिटलका म्युचुअल फण्ड प्रमुख पोष्कर बस्नेतले बताएका छन् । उनका अनुसार उक्त फण्डको आकार एक अर्ब ६० करोड रुपैयाँ बराबरको रहने छ । बन्दमुखी प्रकारको यो योजनाको अवधि १० वर्षको रहने क्यापिटलले जनाएको छ । पहिलो योजना परिपक्व हुन लागेसँगै क्यापिटल अर्को नयाँ स्किम ल्याउने तयारीमा छ । क्यापिटलले सामूहिक लगानी कोष अन्तर्गतकै ‘एनआईबिएल ग्रोथ फण्ड’ नामक नयाँ स्किम ल्याउने तयारी गरिरहेको क्यापिटलका म्युचुअल फण्ड एक्टिङ हेड पोष्कर बस्नेतले बताएका छन् । उनका अनुसार उक्त फण्डको आकार एक अर्ब ६० करोड रुपैयाँ बराबरको रहेको छ । जुन १० वर्षे अवधिको बन्दमुखी योजना हो । जुन निष्काशन गर्न नेपाल धितोपत्र बोर्डसँग स्वीकृति माग्दै प्रकृया अघि बढाएको क्यापिटलले जनाएको छ । ‘हाम्रो सामूहिक लगानी कोष अन्तगर्तको पहिलो योजना ‘एनआईबिएल सम्वृद्धि फण्ड १’ यही पुसदेखि परिपक्व हुँदै छ । त्यसको सट्टामा हामीले नयाँ स्कीम ल्याउने तयारी गरेका छौं, जसको लागि बोर्डमा फाइल पठाइसकेका छौं, बोर्डको स्वीकृति पाएपछि हामीले दोश्रो बजारमा एक अर्ब ६० करोड रुपैयाँको नयाँ स्किम ल्याउने छौं,’ बस्नेतले विकासन्युजसँग भने । यससँगै, नेपाल धितोपत्र बोर्डले अनुमति दिएसँगै क्यापिटलले एक करोड ६० लाख इकाईको ‘एनआईबिएल ग्रोथ फण्ड’ निष्काशन तथा बिक्रीमा ल्याउने छ ।
नेपालको सेयर बजार अहिल्यै सकिनु पर्छ भनेको होइन, मान्छेले मेरो कुरा बुझेनन्ः प्रचण्ड
काठमाडौं । नेकपा माओवादी केन्द्रका अध्यक्ष पुष्पकुमल दाहाल ‘प्रचण्ड’ले नेपालको सेयर बजार अहिले नै सकिनु पर्छ भन्ने आफ्नो आशय नभएको बताएका छन् । न्युज एजेन्सी नेपालका सविन धमलासँग कुरा गर्दै अध्यक्ष प्रचण्डले अहिले पुँजीवादको स्वरुप कस्तो छ भनेर आफूले सैद्धान्तिक बहस सुरु गरेकोमा केही मान्छेहरुले नबुझेर र केही मानिसले जानीबुझीकन गलत व्याख्या गरेको बताए । ‘मैले पुँजीवाद अहिले वित्तीय पुँजीवादको रुपमा आएको छ भनेर सैद्धान्तिक वहस सुरु गरेको हूँ, त्यो विषयले धेरै तरंग पनि ल्यायो, मानिसहरु पैसाको लागि पैसामा लगानी गर्न थाले, उत्पादनको लागि लगानी हुन छोड्यो, छिटो पैसा कमाउनको लागि घरजग्गा जस्ता क्षेत्रमा लगानी गर्ने प्रवृत्ति देखियो, मैले यो विषय भनेको हूँ, नेपालको सेयर बजार अहिले नै सकिनु पर्छ भनेको होइन, नेपालको संरचनामाथि हमला गरेको होइन,’ अध्यक्ष प्रचण्डले भने । उनले अहिले नेपालमा जे जस्तो कार्य भइरहेको छ, त्यसले नेपालको तरक्की पनि नहुने वताए । युवा जनशक्तिलाई विदेश पठाएर रेमिटान्स भित्र्याएको भरमा नेपालको विकास नहुने र नेपालीको शिर उचो नहुने उनको भनाई छ । अध्यक्ष प्रचण्डले गत शनिवार पार्टीको प्रदेश सम्मेलन उद्घाटन गर्दै सेयर बजार पुँजीवादको नयाँ औजार भएको प्रतिक्रिया दिएका थिए । उनको यस्तो भनाईपछि सेयर बजारमा ठूलो गिरावट आएको थियो । प्रचण्डको सो अभिव्यक्तिको नेकपा एमालेका अध्यक्ष केपी ओलीले ‘प्रचण्ड माक्र्सभन्दा पनि जान्ने भएर बोलेको’ प्रतिक्रिया दिएका थिए । सम्बन्धित समाचार सेयर बजारमा संलग्न ४५ लाख नेपाली साम्राज्यवादका एजेन्ट हुन् र प्रचण्ड कामरेड ? सेयर साम्राज्यवादको साधन होइन, सेयर कर्जामा ४/१२ को नीतिप्रति म कन्भिन्स छैनः उपाध्यक्ष पौडेल प्रचण्डलाई कुन सेयर कारोबारीले चन्दा दिएन होला, अनि ध्वस्त पार्दिन्छु भनेः ओली कम्युनिष्टले राजनीति छिराए सेयर बजारमा, ओली बढाउने, प्रचण्ड घटाउने
