पछिल्लो एक सातामा नेप्से परिसूचक ७३.५९ अंकले वृद्धि
काठमाडाैं । पछिल्लो एक सातामा शेयर बजार मापक नेप्से परिसूचक ७३.५९ अंकले वृद्धि भएको छ । गत साताको बिहीबार अन्तिम कारोबारको दिन परिसूचक १६५.२८ अंकले बढेर २ हजार ८५७.७५ विन्दुमा पुगेर रोकिएको थियो । यो साताको पाँचै दिन कारोबार भएको नेप्से परिसूचक तीन दिन बजार उकालो लाग्दा दुई दिन भने गिरावट आएको छ । यो साताको पाँच दिनको कारोबारमा नेप्से परिसूचक ७३.५९ अंकले बढेर २ हजार ९३१.५९ विन्दुमा पुगेर रोकिएको छ । अघिल्लो साता १६५.२८ अंकले बढेको नेप्से परिसूचक यो साता ७३.५९ अंकले बढेको हो । गत साताभन्दा पछिल्लो यो साता नेप्से परिसूचक गिरावट आएको छ । साताको पहिलो दिन शेयर बजार मापक नेप्से परिसूचक आइतबार उच्च अंकले बढेर ४ महिना यताकै उच्च विन्दुमा पुगेको थियो । आइतबार नेप्से परिसूचक ६९ अंकले बढेर २ हजार ९२६.७४ विन्दुमा पुगेको थियो । आइतबार कारोबारमा आएका २२९ कम्पनीको १ करोड ८२ लाख ५४ हजार कित्ता शेयर ९ अर्ब ६७ करोड ६३ लाख १७ हजार रुपैयाँ बराबरको कारोबार भएको थियो । त्यस्तै साताको दोस्रो कारोबारको दिन सोमबार नेप्से परिसूचक २०.६४ अंक बढेर २९४७.३८ विन्दुमा पुगेको थियो । त्यस्तै सेन्सेटिभ इण्डेक्स पनि ३.७० अंक बढेको छ भने फ्लोट इण्डेक्स १.४० अंक र सेन्सेटिभ फ्लोट इण्डेक्स १.१५ अंक बढेको थियो । यस दिन कारोबारमा आएका २२४ कम्पनीको १ करोड ४४ लाख ७४ हजार कित्ता शेयर ७ अर्ब ९० करोड १८ लाख ९० हजार रुपैयाँ बराबरको कारोबार भएको थियो । पछिल्लो दुई सातादेखि लगातार उकालो लाग्दै आएको नेप्से परिसूचक मंगलबार भने गिरावट आएको थियो । मंगलबार १०.७८ अंकले घटेर २ हजार ९३६.६६ विन्दुमा झरेको थियो । तर यता सेन्सेटिभ सूचक भने १.१० अंकले बढेको थियो । मंगलबार कारोबारमा आएका २२४ कम्पनीको १ करोड ६० लाख ४ हजार ५३० कित्ता शेयर ८ अर्ब ४४ करोड ३४ लाख १९ हजार ५६१ रुपैयाँ बराबरको कारोबार भएको थियो । त्यस्तै, नेप्से परिसूचक बुधबार पनि गिरावट आएको थियोे । बुधबार नेप्से परिसूचक ३८.३५ अंकले घटेर २ हजार ८९८.३१ विन्दुमा झरेको थियो । त्यस्तै, सेन्सेटिभ इन्डेक्स पनि ७.८१ अंकले घटेको थियो । त्यस दिन कारोबारमा आएका २२८ कम्पनीको १ करोड १८ लाख ३७ हजार २१५ कित्ता शेयर ६ अर्ब २ करोड १३ लाख ११ हजार ८८१ रुपैयाँ बराबरको खरिदबिक्री भएको थियो । यसरी साताको अन्तिम कारोबारको दिन बिहीबार शेयर बजारमा मापक नेप्से परिसूचकमा वृद्धि भएको छ । बुधबार ३८ अंकले गिरावट आएको नेप्से परिसूचकमा बिहीबार ३३ अंकले उकालो लागेको हो । साताको अन्तिम कारोबारको दिन नेप्से परिसूचक ३३.०३ अंक बढेर २ हजार ९३१.३४ विन्दुमा पुगेको छ । त्यस्तै सेन्सेटिभ इण्डेक्स ४.०९ अंक, फ्लोट इण्डेक्स २.३२ अंक र सेन्सेटिभ फ्लोट इण्डेक्स १.४१ अंक बढेको छ । कारोबारमा आएका २२९ कम्पनी १ करोड ५९ लाख ८९ हजार कित्ता शेयर ५ अर्ब ७७ करोड ३१ लाख २० हजार रुपैयाँ बराबरको खरिदबिक्री भएको छ । पछिल्लो एक सातामा नेप्से परिसूचकसँगै लगानीकर्ताको सम्पतिमा पनि वृद्धि भएको छ । गतसाता २ खर्ब ६ अर्ब ७८ ककरोड रुपैयाँले बढेको लगानीकर्ताको सम्पति यो साता १ खर्ब ५ अर्ब ४१ करोड रुपैयाँले बढेको छ । गत बिहीबार शेयर बजारमा रहेको लगानीकर्ताको सम्पत्ति मापक बजार पूँजीकरण कूल ४० खर्ब ३७ अर्ब १२ करोड रुपैयाँ रहेको थियो । यो साता १ खर्ब ५ अर्ब ४१ करोड रुपैयाँ सम्पति बढेर ४१ खर्ब ४२ अर्ब ५३ करोड रुपैयाँ कायम भएको छ ।
नेशनल माइक्रोफाइनान्सकाे ४५ प्रतिशत लाभांश पारित
काठमाडाैं । नेशनल माइक्रोफाइनान्स लघुवित्त वित्तीय संस्थाले ४५ प्रतिशत लाभांश पारित गरेकाे छ । माघ ६ गते सम्पन्न संस्थाको ८ औं वार्षिक साधारणसभाले प्रस्तावित लाभांश पारित गरेको हो । यससँगै सेयरधनीले आर्थिक वर्ष २०७७/७८ को नाफाबाट चुक्ता पुँजीको ४० प्रतिशत बोनश सेयर र ५ प्रतिशत नगद लाभांश पाउने छन् । बाेनश सेयर पश्चात कम्पनीको चुक्ता पूंजी ५८ करोड ६७ लाख पुगेको छ । सभाले सञ्चालक समितिको तर्फबाट सभाध्यक्ष रविन सिजापतिले प्रस्तुत गरेकाे आ.व.२०७७/७८ को वार्षिक प्रतिवेदन पारित गरेको छ । साथै सभाले संस्थाको हालको अधिकृत पुँजी ५० करोडबाट बृद्धि गरी ७० करोड पुर्याउने विशेष प्रस्ताव समेत पारित गरेको छ । यस लघुवित्तले आठौं बर्षमा आइपुग्दा, हाल देशका ७ वटा प्रदेशहरुका ६४ वटा जिल्लाहरुमा रहेका १०० वटा शाखा कार्यालयहरु मार्फत करीव १ लाख ४३ हजार भन्दा बढी ग्राहक सदस्यहरुलाई लघुवित्त सेवा प्रदान गर्दै आएको छ । संस्थाले हालसम्म १० अर्ब ५३ करोड कर्जा लगानी गरी २ अर्ब ८३ करोड बरावर ग्राहक सदस्यहरुबाट बचत संकलन गरेको छ ।
यी ५ कम्पनीकाे एक अर्ब २१ करोडको आईपीओ जारी हुँदै, कसको कति ?
काठमाडौं । नेपाली प्राथमिक बजारमा अब धमाधम एक अर्ब बढीको आईपीओ निष्काशन हुने भएको छ । बजारमा लघुवित्त र हाइड्रो समूहका कम्पनीहरुले कूल १ अर्ब २१ करोड ६ लाख ६९ हजार रुपैयाँ बराबरको प्राथमिक सार्वजनिक निष्काशन (आईपीओ) जारी गर्ने भएका हुन् । जसमध्ये सबैभन्दा बढी हाइड्रो कम्पनीहरुको रहेको छ । हाइड्रो समूह अन्तर्गतका कम्पनीले ९९ करोड ५ लाख ९४ हजार रुपैयाँ बराबरको आईपीओ जारी गर्ने भएका हुन् भने लघुवित्त समूह अन्तर्गतका संस्थाले २२ करोड ७५ हजार रुपैयाँ बराबरको आईपीओ निष्काशन तथा बिक्री खुला गर्ने छन् । नेपाल धितोपत्र बोर्डले अनुमति दिएसँगै हाइड्रो समूहका दुई र लघुवित्त समूहका तीन कम्पनी गरी ५ वटा कम्पनीलाई सेयर निष्काशन गर्न बाटो खुला भएको हो । यससँगै यिनीहरूले धमाधम आईपीओ जारी गर्न शुरू गर्ने छन् । लघुवित्त समूहमध्ये नेष्ठो सम्बृद्ध लघुवित्त, जालपा सामुदायिक लघुवित्त र राष्ट्र उत्थान लघुवित्तले लामो पर्खाइपछि आईपीओ जारी गर्ने प्रकृया अघि बढाएका हुन् । जसमा नेष्ठो सम्बृद्धले करिब ७ महिना पछि ८ करोड २८ लाख ७५ हजार रुपैयाँ बराबरको ८ लाख २८ हजार ७५० कित्ता सेयर जारी गर्ने छ । संस्थाले गत असार ६ गते सो मात्राको आईपीओ जारी गर्नको लागि बोर्डको स्वीकृति मागेको थियो । उक्त सेयर निष्काशन तथा बिक्री प्रबन्धकमा ग्लोबल आईएमई क्यापिटल रहेको छ । त्यस्तै, असार २० गते आईपीओको अनुमति मागेको जालपा सामुदायिक लघुवित्तले पनि ८ महिनाको पर्खाइ पछि बोर्डको स्वीकृति पाएको हो । स्वीकृति पाएसँगै संस्थाले ५ करोड २२ लाख रुपैयाँ बराबरको ५ लाख २२ हजार कित्ता सेयर निष्काशन गर्ने छ । उक्त सेयर निष्काशनको काम भने प्रभु क्यापिटलले गर्ने छ । उता राष्ट्र उत्थान लघुवित्तले पनि करिब ७ महिना पछि नै अनुमति पाएको हो । संस्थाले ८ करोड ५० लाख रुपैयाँ बराबरको ८ लाख ५० हजार कित्ता आईपीओको जारी गर्न गत असार २४ गते नै बोर्डमा पत्र पठाएको थियो । यता हाइड्रो कम्पनीले पनि ९९ करोड ५ लाख ९४ हजार रुपैयाँ बराबरको आईपीओ बजारमा ल्याउने भएका छन् । बोर्डले बलेफी हाइड्रोपावर र ग्रीन भेन्चरलाई सो मात्राको आईपीओ जारी गर्न स्वीकृति दिएसँगै उनीहरुले अब छिट्टै नै आईपीओ निष्काशनको प्रकृया अघि बढाउने छन् । जसमध्ये बलेफी हाइड्रोलाई ३६ करोड ५५ लाख ९४ हजार रुपैयाँ बराबरको आईपीओ जारी गर्न अनुमति दिइएको छ । यससँगै कम्पनीले स्थानिय तथा सर्वसाधारणलाई एक सय अंकित दरको ३६ लाख ५५ हजार ९४० कित्ता आईपीओ सेयर निष्काशन गर्ने छ । उक्त सेयर निष्काशन तथा बिक्री प्रबन्धकमा ग्लोबल आईएमई क्यापिटल रहेको छ । त्यसैगरी, गीन भेन्चरलाई पनि एक सय अंकित दरका ६२ लाख ५० हजार कित्ता अर्थात ६२ करोड ५० लाख रुपैयाँ बराबरको आईपीओ जारी गर्न बोर्डले स्वीकृति दिएको छ । यससँगै कम्पनीले सेयर निष्काशन तथा बिक्री प्रबन्धक लक्ष्मी क्यापिटल मार्फत सो मात्राको सेयर स्थानिय तथा सर्वसाधारणमा जारी गर्ने छ ।
