आश्वा सदस्यता नवीकरण गराउन बोर्डको आग्रह
काठमाडौं । नेपाल धितोपत्र बोर्डले आश्वा सदस्यता नवीकरण गराउन आग्रह गरेको छ । बोर्डले आस्वा सदस्यता प्राप्त बैंक तथा वित्तीय संस्थाहरुलाई चालु आर्थिक वर्ष आर्थिक वर्ष २०७८/७९ को अनुमतिपत्र नविकरण गराउन आग्रह गरेको हो । जसको लागि बोर्डले यो जेठ मसान्तसम्मको समय दिएको छ । यससँगै अनुमति पत्र नविकरण गराउन निवेदन पेश नगरेका आस्वा सदस्यहरुले जेठ ३१ गतेभित्र निवेदन दिन सक्नेछन् । साथै, बोर्डका अनुसार उनीहरुले नवीकरण दस्तुर, सक्कल अनुमतिपत्र र निर्देशिकाले तोकेका योग्यता पुरा भएको जनाउने विवरणसहित निवेदन पेश गर्नुपर्ने छ ।
आईएमई जनरल इन्स्योरेन्सको ४० प्रतिशत हकप्रद सेयर सूचीकृत
काठमाडौं । आईएमई जनरल इन्स्योरेन्स कम्पनीको ४० प्रतिशत हकप्रद सेयर नेपाल स्टक एक्स्चेञ्ज (नेप्से) मा सूचीकृत भएको छ । कम्पनीको जेठ २३ गते सोमबार सो मात्राको हकप्रद सेयर नेप्सेमा सूचीकृत भएको हो । इन्स्योरेन्सको ४६ लाख ३० हजार ३४४ सय कित्ता हकप्रद सेयर नेप्सेमा सूचीकृत भएको हो । यससँगै उक्त सेयर सेयरधनीको डिम्याट खातामा हस्तान्तरण हुने छ ।
दुई इन्स्योरेन्ससहित ५ कम्पनी बने योग्य संस्थागत लगानीकर्ता, बोर्डले दियो स्वीकृति
काठमाडौं । धितोपत्र बोर्डको योग्य संस्थागत लगानीकर्ताको सूचीमा थप ५ वटा कम्पनी थपिएका छन् । बोर्डले आईएमई जनरल इन्स्योरेन्स र अजोड इन्स्योरेन्ससहित ५ वटा संस्थालाई योग्य संस्थागत लगानीकर्ताको मान्यता दिएको हो । बोर्डले हालै अजोड इन्स्योरेन्स, आईएमई जनरल इन्स्योरेन्स, सिभिल बैंक, आरबिबि म्युचुअल फण्ड १ र एनआईबिएल समृद्धि फण्ड २ लाई योग्य संस्थागत लगानीकर्ताको मान्यता दिएको छ । यसअघि योग्य संस्थागत लगानीकर्ताको सूचीमा ९५ वटा संस्था रहेकोमा उक्त संख्या बढेर १०० पुगेको छ । योग्य संस्थागत लगानीकर्ता भनेको के हो ? बोर्डले बुक विल्डिङ विधिबाट सार्वजनिक निष्कासन (आईपीओ) गर्ने कम्पनीको मूल्य तय गर्नको लागि योग्य संस्थागत लगानीकर्ताबाट आशय मूल्य लिनुपर्छ । बुक विल्डिङ विधिबाट आईपीओ जारी गर्नको लागि सो आईपीओको मूल्य तय गर्न संस्थागत लगानीकर्ताको भूमिका रहन्छ ।
