महिला लघुवित्तले गर्यो ५० प्रतिशत लाभांश घोषणा
काठमाडौं । महिला लघुवित्तले ५० प्रतिशत लाभांश घोषणा गरेको छ । बैंकको मंगलबार सम्पन्न संचालक समितिको बैठकले उक्त निर्णय गरेको हो । गत वर्षको नाफाबाट सेयरधनीलाई हाल कायम चुक्ता पूँज ४७.५ प्रतिशत नगद लाभांश र २.५ प्रतिशत नगद लाभांश प्रस्ताव गरेको हो । लघुवित्तको हाल चुक्ता पूँजी १४ करोड ७५ लाख रुपैयाँ रहेको छ । प्रस्तावित लाभांश साधारण सभाले पारित गरेपछि सेयरधनीले पाउनेछन् ।
साइन रेसुङ्गा डेभलपमेन्ट बैंककाे १४ प्रतिशत लाभांश पारित
काठमाडौं । साइन रेसुङ्गा डेभलपमेन्ट बैंकको प्रस्तावित १४ प्रतिशत लाभांश पारित भएको छ । बैंकको सोमबार सम्पन्न १४ औं साधारण सभाले प्रस्तावित लाभांश पारित गरेको हो । बैंकले गत वर्षको नाफाबाट सेयरधनीलाई हाल कायम चुक्ता पूँजीको १३.३० प्रतिशत बोनस सेयर र ०.७० प्रतिशत नगद लाभांश प्रस्ताव गरेको थियो । यस्तै, सभाले २०७९/८० को लेखापरिक्षण गर्नको लागि लेखा परीक्षकमा एसआर एशोिपयट्सलाई नियुक्त गरेको छ ।
१३ प्रतिशत लाभांश दिने कृषि विकास बैंककाे घोषणा
काठमाडौं । कृषि विकास बैंकले लाभांश घोषणा गरेको छ । बैंकले गत आर्थिक वर्ष २०७८/७९ को नाफाबाट आफ्ना सेयरधनीहरुलाई लाभांश प्रस्ताव गरेको हो । कम्पनीको मंगलबार बसेको संचालक समितिको बैठकले हाल कायम रहेको चुक्तापूँजीको ११ प्रतिशत नगद (कर प्रयोजन) र २ प्रतिशत बोनस गरी कुल १३ प्रतिशत लाभांश दिने निर्णय गरेको हो । साथै, बैठकले नेपाल सरकारको हाल कायम भएको फिर्ता नहुने अग्राधिकार सेयर पूँजीमा समेत वार्षिक ६ प्रतिशत हुने नगद लाभांश रकम समेत प्रदान गर्ने निर्णय गरेको छ ।
