राजनीति

बैतडी । बैतडीमा राष्ट्रिय स्वतन्त्र पार्टी (रास्वपा) का उम्मेदवार हरिमोहन भण्डारीले आफ्नो अग्रता कायमै राखेका छन् । ताजा मतपरिणामअनुसार रास्वपाका भण्डारीले ९ हजार ५३६ मत प्राप्त गरेका छन्। नेकपा एमालेका दामोदर भण्डारीले ९ हजार ४०३ मत ल्याएका छन् । दुईबीचको मतान्तर १३३ रहेको छ ।  त्यस्तै, नेपाली कांग्रेसका चतुरबहादुर चन्दका ७ हजार ८२३, राप्रपाका भुपेन चन्दले ६ हजार १६६ मत र नेकपाका प्रमानन्द भट्टले ३ हजार ९०० मत प्राप्त गरेका छन् । अहिलेसम्म कुल ३४ हजार १०७ मत गणना भइसकेको छ ।   

काठमाडौं । अछाम–१ मा नेपाली कांग्रेसका भरतबहादुर स्वाँर विजयी भएका छन् । उनी १० हजार ७५९ मतसहित विजयी भएका हुन् । उनका निकटतम प्रतिस्पर्धी नेपाली कम्युनिस्ट पार्टीका नेता भीम रावल १० हजार २३३ मतले दोस्रोमा सीमित भए। नेकपा एमालेका दीपकबहादुर साउदले सात हजार ३८९ मत ल्याएर तेस्रो भएका छन् । त्यस्तै, राष्ट्रिय स्वतन्त्र पार्टीका उम्मेदवार ओमप्रकाश रावलले एक हजार ७३९ मत ल्याएका छन् । त्यस्तै, राष्ट्रिय प्रजातन्त्र पार्टीका उम्मेदवार लोकेन्द्रबहादुर शाहले १०२ मत ल्याएर चौथो भएका छन् ।    

काठमाडौं । झापा निर्वाचन क्षेत्र नं. ५ को मतगणना अन्तिम चरणमा पुग्दा राष्ट्रिय स्वतन्त्र पार्टी (रास्वपा) का उम्मेदवार बालेन्द्र शाहले भारी मतान्तरले अग्रता कायम गरेका छन् । निर्वाचन अधिकृतको कार्यालयका अनुसार  शाहले नेकपा एमाले अध्यक्ष एवं पूर्व प्रधानमन्त्री केपी शर्मा ओलीलाई ४३ हजार २ सय १८ को भारी मतान्तरले पछाडि पारेका हुन् । कुल १ लाख ६ हजार ३ सय ७२ मत खसेको यस क्षेत्रमा हालसम्म ९३ हजार ९ सय ४७ मत गणना भइसकेको छ । पछिल्लो परिणाम अनुसार बालेन्द्र शाहले ५९ हजार ५ सय ६८ मत प्राप्त गरेका छन् भने उनका निकटतम प्रतिस्पर्धी नेकपा एमालेका केपी शर्मा ओलीले १६ हजार ३ सय ५० मत प्राप्त गरेका छन् । त्यस्तै, नेपाली कांग्रेसकी मन्धरा चिमरिया १ हजार ६ सय २७ मतसहित तेस्रो स्थानमा र नेपाली कम्युनिस्ट पार्टीका रन्जित तामाङ १ हजार ३ सय २७ मतका साथ चौथो स्थानमा रहेका छन् । अब गणना गर्न केवल १२ हजार ४ सय २५ मत मात्र बाँकी रहँदा बालेन्द्र शाहको जित प्राविधिक रूपमा सुनिश्चित भइसकेको छ ।