ट्वीटरको प्रमुख रहने वा नरहने बारेमा प्रयोगकर्तासँग एलन मस्कद्वारा रायका लागि सर्वेक्षण
काठमाडौं । ट्वीटरका प्रमुख कार्यकारी अधिकृत एलन मस्कले भविष्यमा आफू ट्वीटरको जिम्मेवारीमा रहने वा नरहने राय लिन एक सर्वेक्षण पोस्ट गर्दै नतिजाको पालना गर्ने प्रतिबद्धता जनाएका छन् । उनले पोस्टमा सोधेका छन्, ‘के म ट्वीटरको प्रमुख पदबाट हट्नु पर्छ’ उनले निर्णय दिन ट्वीटरका प्रयोगकर्ताहरूलाई हो वा होइन मा क्लिक गर्न आग्रह गरेका छन् । सोमबार मतदान सकिन चार घण्टा बाँकी रहँदा करिब एक करोड ४० लाख उत्तरदातामध्ये ५६।७ प्रतिशतले ‘हो’ मा मतदान गरेका थिए । फलोअर्ससँगको ट्वीटर एक्सचेन्जमा मस्कले आफूसँग प्रयोगकर्ताको रायभन्दा फरक सोच नभएको बताए । उनले भने, ‘ट्वीटरलाई जीवन्त राख्न सक्ने काम कसैलाई पनि चाहिएको छैन । उत्तराधिकारी कोही छैन ।’ मस्कलाई ‘रमाइलो सुझाव’ दिँदै एमआईटीका अनुसन्धान वैज्ञानिक लेक्स फ्रिडम्यानले कुनै तलब बिना केही समयका लागि प्लेटफर्म चलाउन प्रस्ताव गरेका छन् । मस्कले ट्वीटर ‘दिवालियापनको द्रुत मार्गमा’ रहेको बताएका छन् । मस्कले सोधे, ‘तपाइहरूलाई पीडा असाध्यै मन पर्छ । तपाईंले ट्विटरमा आफ्नो जीवनका लागि गरेको बचत लगानी गर्नु पर्दछ र यो मे देखि दिवालियापनको द्रुत लेनमा भएको छ । अझै पनि जागिर चाहिएको छ ।’ अप्रत्याशितरूपमा अरबपति सञ्चालकले ट्वीटर प्रयोगकर्ताहरूलाई प्रतिद्वन्द्वी सामाजिक सञ्जालमा मिडिया प्लेटफर्महरूमा उनीहरूको खाताहरू प्रचार गर्न प्रतिबन्ध लगाउने गल्ती गरेको स्वीकारेको केही समयपछि सर्वेक्षण पोस्ट गरे। उनले भने, ’आगामी दिनमा ठूला नीतिगत परिवर्तनका लागि मतदान हुनेछ । म माफी माग्छु । फेरि त्यस्तो हुनेछैन,’ उनले ट्वीटरमा लेखेका छन्। नियमहरूमा अचानक परिवर्तन मस्कले अक्टोबरमा कम्पनीको कार्यभार सम्हालेपछि विवादास्पद परिवर्तनहरूको श्रृंखलामा नवीनतम थियो – उथलपुथल जसले प्रयोगकर्ताहरूको बढ्दो संख्यालाई अनुयायीहरूलाई अन्य साइटहरूमा उनीहरूको पोस्टहरू हेर्न प्रोत्साहित गर्न प्रेरित गरेको छ। ट्वीटर कम्पनीले घोषणा गरेको छ, ‘अब विशिष्ट सामाजिक मिडिया प्लेटफर्महरूको निः शुल्क प्रचारको अनुमति दिइनेछैन ।’ ट्वीटरले भनेको छ, ‘उदाहरणका लागि, प्रयोगकर्ताहरूलाई इन्स्टाग्राममा ‘फलो मी’ पोस्ट गर्न प्रतिबन्ध लगाइनेछ ।’ ट्वीटरका सह–संस्थापक ज्याक डोर्सीले नयाँ नीतिमाथि प्रश्न उठाएका छन् । टेक इन्भेस्टर पल ग्राहमसहित नयाँ नीतिअन्तर्गत केही उल्लेखनीय अकाउन्टहरू निलम्बन गरिएपछि मस्कले ट्वीट गर्दै व्यक्तिगत ट्वीटलाई विचार गर्नुको साटो यो नीति ‘एकाउन्टहरू निलम्बन गर्नमा मात्र सीमित हुनेछ । त्यस्ता एकाउन्टको प्रमुख उद्देश्य प्रतिस्पर्धीहरूको पदोन्नति गर्नु हो ।
मन्त्री पदको लागि कसैको घर धाउँदैनौं : अध्यक्ष लिङ्देन
काठमाडौं । राष्ट्रिय प्रजातन्त्र पार्टीका अध्यक्ष राजेन्द्र लिङदेनले राप्रपालाई सरकारमा जान हतारो नभएको बताएका छन् । सोमबार पार्टीको केन्द्रिय सचिवालयले आयोजना गरेको पार्टीबाट निर्वाचित सांसदहरुलाई स्वागत तथा बधाई कार्यक्रममा बोल्दै अध्यक्ष लिङदेनले राप्रपालाई सरकारमा जान हतारो नभएको बताएका हुन् । उनले आफूहरुले सरकारमा नजाने भनेर कसम पनि नखाएको भन्दै आगामी दिनमा के गर्दा आफ्नो मान्यताहरु स्थापित हुन्छन् सोही गर्ने बताए । ‘हामीहरु मन्त्री खानको लागि कसैको घर धाउँदैनौं, राप्रपा कुनै दलको पुच्छर बन्नदैन, सरकारमा जानुपरेमा वा कसैलाई समर्थन गर्नुपरेमा कारणसहित गर्छौं,’ उनले भने । यस्तै, अध्यक्ष लिङ्देनले राप्रपाको उकालो यात्रा शुरु भएको बताएका छन् । उनले आगामी दिनमा सतर्कतापूर्वक अगाडी बढ्दै पार्टीलाई पहिलो बनाउने बताए ।
सफ्टवेरिका कलेजका चार सय बढी विद्यार्थी दीक्षित
काठमाडौं । नेपालमा विगत १२ वर्षदेखि सूचना तथा प्रविधिमा उच्च शिक्षा प्रदान गर्दै आएको सफ्टवेरिका कलेजका चार सय ६ जना विद्यार्थी शनिबार दीक्षित भएका छन् । याक एन्ड यति होटलमा भएको समारोहमा सफ्टवेरिका कलेजका कम्प्युटिङ र इथिकल ह्याकिङ विषयमा स्नातक गरेका ब्याच २६ र २७ का विद्यार्थीहरु दीक्षित भएको कलेजका अध्यक्ष विज्ञान श्रेष्ठले जानकारी दिए । दीक्षान्त समारोहमा बोल्दै सूचना तथा प्रविधि विभागका महानिर्देशक प्रेमशरण श्रेष्ठले सूचना तथा प्रविधिको विकास गर्दै कृषि, पर्यटन, शिक्षा, आर्थिक, स्वास्थ्य, उद्योग तथा भौतिक पूर्वाधारको क्षेत्रमा आर्थिक तथा सामाजिक रुपान्तरण गराउन नेपाल सरकार लागि परेको बताए । उनले सार्वजनिक सेवा प्रवाह चुस्त बनाउन, विद्युतीय शासन प्रणाली मजबुत गराउन विद्यार्थीहरुले हासिल गरेको सीप र ज्ञानलाई सरकारले उचित प्रयोग गर्ने वातावरण सिर्जना गर्ने पनि उक्त समारोहमा बताए । दीक्षित विद्यार्थीहरुलाई कामको अवसर उपलब्ध गराउन कलेजले लिपफ्रग, इसेवा, खल्ती, उपायसिटी कार्गो, हिटाची इनर्जी, टेकक्राफ्ट, इन्फो डेभलपर्स, जेनेसस, कोड हिमालय, इजोन इन्टरनेसनल, ब्रज टेक्नोलोजीलगायतका ३० भन्दा बढी कम्पनीसँग सहकार्य गरेको छ । कलेजले स्नातक तथा स्नातकोत्तर दुवै तहमा बेलायतको कोभेन्ट्री विश्वविद्यालयको आइटी पाठ्यक्रम अध्यापन गराइरहेको छ । सूचना तथा प्रविधिका विषयमा नेपालमै गुणस्तरीय उच्च शिक्षा प्रदान गर्ने उद्देश्यले हालै एमएससी डेटा साइन्स एन्ड कम्प्युटेसनल इन्टेलिजेन्स विषयको पठनपाठन पनि सुरु गरेको छ । यसबाहेक सिस्को सर्टिफाइड कोर्स, सर्टिफाइड इथिकल ह्याकिङ र अन्य आइटीसम्बन्धी पाठ्यक्रमका कक्षा सञ्चालन गरेको कलेजले जानकारी दिएको छ ।
कालीकोटको सामुदायिक विद्यालयमा इन्टरनेट सेवा दिइने
कालीकोट । कालीकोटको सान्नी त्रिवेणी गाउँपालिकाका सबै सामुदायिक विद्यालय ब्रोडब्याण्ड इन्टरनेट सेवा दिइने भएको छ । नेपाल दुरसञ्चार प्राधिकरणले गाउँपालिकाका सबै सामुदायिक विद्यालयमा इन्टरनेट सेवा जडान गर्न लागेको हो । प्रविधिमार्फत सामुदायिक विद्यालयमा शैक्षिक सुधार ल्याउनका लागि ब्रोडब्याण्ड इन्टरनेट सेवा दिने विषयमा गाउँपालिका र नेपाल दूरसञ्चार प्राधिकरणबीच सम्झौता भएको छ । गाउँपालिका र प्राधिकरणबीच समझदारी भएअनुसार तत्काल गाउँपालिकाका २१ वटा आधारभूत विद्यालयमा इन्टरनेट सेवा सुरुआत हुने गाउँपालिकाका अध्यक्ष मोहनबहादुर केसीले जानकारी दिए । ‘स्थानीय तहले तत्काल प्रधानाध्यापकलगायत सरोकारवालाको भेलामा माइक्रो, फोरजी र फाइबरमध्ये कुन सेवा उपयुक्त हुन्छ सोही सेवाको इन्टरनेट सेवा विस्तार गर्ने भएको छ’, उनले भने, ‘सुरुमा सामुदायिक विद्यालय त्यसपछि सबै विद्यालयमा उक्त सेवा उपलब्ध गराइनेछ ।’ विद्यालयमा उपलब्ध गराइने इन्टरनेट सेवाका लागि लाग्ने लागत प्राधिकरणले नै व्यहोर्ने सहमति भएको गाउँपालिकाका अध्यक्ष केसीले बताए । उनले भने, ‘यसका लागि प्राधिकरणले पहिलो चरणमा अध्यायन गर्ने भएको छ ।’ सूचना प्रविधिबाट शिक्षण सिकाइ सुरु गर्ने सरकारको योजनाअनुसार नै गाउँपालिकाका सामुदायिक विद्यालयमा इन्टरनेट सेवा जडान गर्न थालिएको गाउँपालिकाका सूचना प्रविधि अधिकृत प्रकाश बरालले जानकारी दिए । उनले भने, ‘परम्परागत शिक्षण विधिभन्दा सूचना प्रविधि विधिबाट शिक्षण गराउनु अहिलेको आवश्यकता हो ।’
नेकपा एसको संसदीय दलको नेतामा अध्यक्ष नेपाल
काठमाडौं । नेकपा (एकीकृत समाजवादी) ले संसदीय दलको नेतामा अध्यक्ष माधवकुमार नेपाललाई चयन गरेको छ । सोमबार बसेको पार्टीको बैठकले अध्यक्ष नेपाललाई संसदीय दलको नेतामा चयन गरेको हो । बैठकपछि सञ्चारकर्मीहरुसँगको कुराकानीमा पार्टीका महासचिव वेदुराम भुसालले संसदीय दलको नेताको प्रश्तावमा संसदीय दलको उपनेतामा उपाध्यक्ष राजेन्द्रप्रसाद पाण्डे र दलको सचेतकमा उप–महासचिव प्रकाश ज्वालालाई चयन गरेको बताए । ‘पार्टी अहिले सरकारमा जाने पक्षमा रहेको छ, गठबन्धनको सरकारमा जाने निर्णय पार्टीले गरेपनि कसको नेतृत्वमा कसरी जाने भन्ने विषयमा छलफल भएको छैन,’ उनले भने । महासचिव भुसालले आईतबार पार्टीको सचिवालय बैठकले गठबन्धमा आवश्यक छलफल बढाउने र अन्य दलहरुसँग पनि छलफल गरेर सरकारमा जाने निर्णय गरेको बताए ।
५० करोडको निर्यात गरेर पनि अनुदान नपाइने भएपछि उद्योगी असन्तुष्ट, एक वर्ष कुर्नु पर्ने
काठमाडौं । सरकारले स्वदेशी उद्योगलाई प्रोत्साहन गर्न भन्दै निर्यातमा दिन लागेको ८ प्रतिशत अनुदानमा तोकिएको समय सीमामा उद्योगीले असन्तुष्टी जनाएका छन् । सरकारले निर्यात अनुदान सम्बन्धी जारी गरेको कार्यविधिमा निर्यातमा अनुदानका लागि आर्थिक वर्ष समाप्त भएको ३ महिनाभित्र दाबी गर्न सकिने उल्लेख गरेसँगै उद्योगी व्यवसायीहरु असन्तुष्ट भएका हुन् । ५० करोड रुपैयाँमाथि निर्यात गर्ने उद्योगले ८ प्रतिशत अनुदान पाउने कार्यविधिमा उल्लेख छ । वार्षिक रुपमा ५० करोड रुपैयाँ माथिको निर्यात गर्ने उद्योगलाई तोकिएको समयसीमा उद्योगीमैत्री नभएको उद्योगीले बताएका छन् । श्रीस्टील तथा अघाँखाची सिमेन्ट उद्योगका सञ्चालक राजेश अग्रवाल अनुदानका लागि समयावधि तोकिने नीति गलत भएको बताउँछन् । ‘हाम्रो पुँजी फस्छ, निर्यातको रकम लिन नै एक वर्ष पर्खनु पर्दा बजारमा पुँजी चलायमान हुँदैन,’ उनले भने, ‘तोकिएको ५० करोड रुपैयाँ बढीको निर्यात गरिसकेपछि अनुदान दिनुपर्छ, हामीमध्ये कोहीले १ महिनामा कोहीले ३ महिनाभित्र ५० करोड बढीको निर्यात गरिसक्यौँ भने अनुदान दिनुपर्छ ।’ उनले अर्घखाँची सिमेन्ट र श्री स्टीलले नियमित रुपमा भारतका बजारमा नेपाली उत्पादन निर्यात गरिरहेको भन्दै अपेक्षा गरेअनुसारको निर्यात हुन नसकेको बताए ।‘नयाँ ब्राण्ड र नयाँ बजारका कारण अहिले निर्यात सुस्त भएको छ, समय लाग्छ, हामीले सुस्त रुपमा भएपनि निर्यात जारी राखेका छौँ’, उनले भने । उद्योग विभागका सूचना अधिकारी रमिला भण्डारी आगामी आर्थिक वर्षका लागि मात्रै अनुदान कार्याविधि कार्यान्वयनमा आउने बताउँछिन् । ‘निर्यातमा अनुदान कार्यान्वयन हुने भनेको नै आगामी आर्थिक वर्षमा हो, आगामी वर्षका लागि भएर अहिलेसम्म मागदाबी आएको छैन’, उनले भनिन । ५० करोडभन्दा कम निर्यात गर्नेलाई पनि नगद अनुदानको व्यवस्था गरेको छ । सरकारले निर्यात गर्ने वस्तुलाई वर्गीकरण गरी अनुदान दिने भएको हो । हस्तकला, काष्ठकला, जडीबुटी, तरकारी तथा फलफूलमा ५ प्रतिशतसम्म अनुदान र सिमेन्ट, छडमा ४ प्रतिशत दिने व्यवस्था छ । हस्तकला र काष्ठकलाका वस्तु, प्रशोधित तथा अर्धप्रशोधित जडीबुटी, बेसार, ताजा तरकारी, फूल, अलैँची, अदुवा, दुग्धजन्य पदार्थ, फलफूल, अम्रिसोलगायतका ५० प्रतिशत भ्यालुएड भएका वस्तुले नगद अनुदान पाउनेछन् । कुल निर्यात मूल्यको पाँच प्रतिशतले हुन आउने रकम अनुदान पाउनेछन् । यसमा ८० प्रतिशत भ्यालुएड गर्नेले मूल्यको १ प्रतिशत थप नगद अनुदान पाउने छन् । यी वस्तुको भ्यालुएड ३० प्रतिशत कम भए ४ प्रतिशत नगद अनुदान पाउनेछन् । त्यसैगरी, क्लिंकर, सिमेन्ट, स्टील, कत्था, रोजिन तथा तार्पेन, प्याईउडले वस्तुको उत्पादनमा कम्तीमा ३० प्रतिशत भ्यालुएड भएका वस्तुले नगद अनुदान पाउनेछन् । पश्मिना, क्यासमेयर लगायतका वस्तुले ४ प्रतिशत अनुदान पाउने छन् । त्यस्तै राष्ट्रियस्तरको सामूहिक ट्रेडमार्कमार्फत् वस्तुको निर्यात गरेमा कुल निर्यातको एक प्रतिशतले हुन आउने थप रकम अनुदान दिइने छ । कार्यविधिअनुसार अघिल्लो आर्थिक वर्ष निर्यात गरेको परिमाणभन्दा २० प्रतिशतले बढी निर्यात गरेमा १ प्रतिशत रकम थप अनुदान दिने व्यवस्था गरेको छ । निर्यातकर्ताले पाउने अनुदानलाई अन्तर्राष्ट्रिय बजार प्रवर्द्धन, प्रविधि तथा क्षमता विकास र विद्युतीय व्यापारको क्षेत्रमा खर्च गर्नुपर्ने शर्त राखेको छ । आवेदन दिएको २२ दिनमा पैसा पाइने उद्योगी व्यवसायीले आर्थिक वर्ष समाप्त भएको तीन महिना भित्र नगद अनुदान लिन उद्योग विभागमा अनलाईन माध्यम वा भौतिक उपस्थितिमा निवेदन दिन सक्नेछन् । विभागले उद्योगको उत्पादनको मूल्यवृद्धि एकिन गरी १५ दिन भित्र नगद अनुदान उपलब्ध गराउन उद्योगी र व्यवसायीले छनोट गरेको बैंकलाई सिफारिस गर्नु पर्ने व्यवस्था कार्यविधिमा गरिएको छ । बैंक तथा वित्तीय संस्थाले नेपाल राष्ट्र बैंकबाट रकम शोधभर्ना लिने गरी उद्योग विभागबाट पत्र पाएको ७ दिन भित्र नगद अनुदान खातामा जम्मा गर्नु पर्नेछ । अर्थ मन्त्रालयले नगद अनुदान दिने प्रयोजनका लागि राष्ट्र बैंकमा छुट्टै खाता खालेर रकम राख्नु पर्ने व्यवस्था कार्यविधिमा गरिएको छ ।
सेयर लगानीकर्ताकाे लागि स्मार्ट कारोबार मोबाइल एप सञ्चालनमा
काठमाडौं । सेयर लगानीकर्ताहरुलाई सहजताका साथ प्राविधिक विश्लेषणको सुविधा प्रदान गर्दै स्मार्ट कारोबार मोबाइल एप सञ्चालनमा आएको छ । होम सर्भिस ट्रेड लिंक प्रालिले डेभलप गरेको एप यस अघि अनौपचारिक रुपमा सञ्चालनमा आए पनि अहिले ‘फुल भर्सन’ लञ्च भएको हो । एक वर्ष अगाडि नै स्मार्ट कारोबारको ‘बेटा भर्सन’ सार्वजनिक भए पनि तथ्यपरक तथ्यांक उपलब्ध गराउने प्रणालीको विकासमा समय लागेका कारण स्मार्ट कारोबारको अपडेटेड भर्सन लन्च हुन सकेको थिएन । सबै प्राविधिक कमी कमजोरीहरुलाई सुधार गरेपछि होम सर्भिसले स्मार्ट कारोबार एप गुगल प्लेस्टोरमा उपलब्ध गराएको हो । एपमा प्राविधिक विश्लेषणका अतिरिक्त वाचलिस्ट, लाइभ डाटा, एभरेज प्राइस, कम्पनी स्टाटस, कोरिलेसन, अड लट, फिबोनाची, न्यारो रेन्ज जस्ता फिचरहरु छन् । यो एपले सेयर सम्बन्धी अनुभव भएका व्यक्तिहरुलाई मात्र नभई सेयर बजारको ज्ञान नभएका व्यक्तिहरुलाई पनि ज्ञान हासिल गर्न सहयोग गर्ने होम सर्भिस ट्रेड लिंकका प्रबन्ध निर्देशक दामोदर श्रेष्ठले बताए । यसैगरी एपमा उपलब्ध गराइएका फिचरहरुलाई लिएर प्रयोगकर्तामा कुनै दुविधा भएमा उक्त दुविधाहरु हटाउनका लागि निशुल्क तालिम प्रदान गरिने श्रेष्ठले जानकारी दिए । यसैगरी प्याकेजमा उपलब्घ गराइएका सेवाहरु प्रयोग गर्नका लागि प्रयोगकर्ताहरुले बेसिक प्याकेज तथा प्रिमियम प्याकेज खरिद गर्न सक्ने छन् । एप प्रयोगकर्ताहरुले १५ दिनसम्म परीक्षणका लागि सबै फिचरहरु निशुल्क प्रयोग गर्न पाउने छन् भने त्यस पछिको बेसिक प्याकेज मासिक १९९ र प्रिमियम प्याकेज मासिक ३९९ रुपैयाँमा लिन सक्नेछन् । यस्ता प्याकेजको वार्षिक भुक्तानीमा ३५ प्रतिशत छुट उपलब्ध गराउने श्रेष्ठले जानकारी दिए । यी प्याकेजको रकम भुक्तानी इसेवाबाट गर्न सकिनेछ । यसका साथै ३ जनालाई रिफरल पठाएर १ महिनाको प्रिमियम प्याकेज निशुल्क प्रयोग गर्न सकिन्छ । नेपाली सेयरबजारमा नवलगानीकर्ताहरु प्रवेश गर्दा बजारमा आकर्षण बढे पनि सेयरबजार सम्बन्धी ज्ञान नहुँदा धेरै मानिसहरु नोक्सान व्यहोर्न बाध्य छन् । त्यस्ता लगानीकर्ताहरुले यो एपबाट धेरै जानकारी तथा सूचनाहरु, तुलनात्मक अध्ययन लगायतको सदुपयोग गर्न सक्छन् । यस आधारमा लगानीकर्ताहरुलाई सेयर सम्बन्धी ज्ञान प्राप्त गर्न स्मार्ट कारोबार एप महत्वपूर्ण हुने श्रेष्ठको दाबी छ । लञ्च भएको केही दिनमा नै एपका प्रयोगकर्ताहरुको सङ्ख्या ४ हजार भन्दा धेरै पुगेको छ । एप तथा एप भित्रको फिचर सजिलै बुझ्न र चलाउन सकिने भएकोले डाउनलोड गर्नेको संख्या दिनहु बढिरहेको कम्पनीका प्रबन्ध निर्देशक श्रेष्ठले बताए । यसैगरी हरेक साँझ ६ बजे स्मार्ट कारोबारको टिमले जुम मार्फत एपभित्रका सम्पूृर्ण फिचरको बारेमा जानकारीमुलक छलफल गर्नुका साथै निशुल्क प्राविधिक विश्लेषण समेत गराउँदै आएको छ ।
पूर्वी भेगका केही स्थानमा वर्षा र हिमपातको सम्भावना
काठमाडौं । भारतको विहारमा रहेको न्यूनचापीय प्रणालीको सामान्य प्रभाव नेपालमा रहेको छ । उक्त मौसमी प्रणालीको प्रभावले देशका पूर्वी भेगका केही स्थानमा हल्का वर्षा र हिमपातको सम्भावना रहेको जल तथा मौसम विज्ञान विभाग मौसम पूर्वानुमान महाशाखाले जनाएको छ । महाशाखाका मौसमविद् सञ्जिव अधिकारीले पूर्वी क्षेत्रको उच्च पहाडी भेगमा हिमपात साथै केही क्षेत्रमा हल्का वषाकोसमेत सम्भावना रहेको जानकारी दिए । उनले भने, ‘विहारमा न्यूनचापीय प्रणालीको सानो प्रणाली देखापरेकाले देशका पूर्वी भेगमा बादल बढ्ने र हिमपात हुने सम्भावना छ, केही क्षेत्रमा हल्का वर्षाको पनि सम्भावना रहेको छ ।’ विशेषगरी प्रदेश १ र बागमती प्रदेशमा बढी बद्ली रहने मौसमविद् अधिकारीले उल्लेख गरे । महाशाखाले जारी गरेको मौसम पूर्वानुमान बुलेटिनमा अहिले प्रदेश १, बागमती प्रदेश, गण्डकी प्रदेश र लुम्बिनी प्रदेशमा आंशिकदेखि सामान्य बद्ली रहनुका साथै बाँकी भेगमा मौसम सामान्यतया सफा रहेको छ । ती प्रदेशको उच्च पहाडी तथा हिमाली भूभागको एक दुई स्थानमा हल्का हिमपातको सम्भावना रहेको छ । रातिका समयमा पनि सोही किसिमको मौसमी प्रणाली कायम रहने महाशाखाले जनाएको छ । राजधानी काठमाडाैं उपत्यकाको आकाश बिहान सामान्य बद्ली रहे पनि मध्याह्नदेखि पारिलो घाम लागेको छ । रासस
