टिभीएसको एक्सचेन्ज जात्रा, जस्तोसुकै कन्डिसनको मोटरसाइकल साटिने
काठमाडौं । बिगतमा गरियको एक्सचेन्ज मेलाको सफलतापछि ग्राहकहरुको चाहना र आवश्यकतालाई मध्यनजर गर्दै यस पटक पनि टिभीएसले एक्सचेन्ज जात्रा नामक एक्सचेन्ज अफर आयोजना गरेको छ । भक्तपुरको सल्लाघारीस्थित ग्राउण्डमा भैरहेको उक्त जात्रामा ग्राहकहरुको उल्लेख्य सहभागिता रहेको जनाएकाे छ । चैत्र २३ देखि २७ सम्म चल्ने उक्त जात्रामा विभिन्न प्रकारका ग्राहकमुखी अफरहरु सार्वजनिक गरियको कम्पनीले बताएको छ । कम्पनीको अनुसार जस्तोसुकै कन्डिसनको मोटरसाइकल तथा स्कुटरको कम्तिमा रु २५००० मुल्यांकन गरि टिभीएस कम्पनीको मोटरसाइकल तथा स्कुटर एक्सचेन्ज गरिने अवसर प्रदान गरिएको छ । त्यसैगरी कनडिशनमा रहेको मोटरसाइकल तथा स्कुटरहरुलाई उत्कृस्ट मुल्याकनसहित नयाँ बर्षको उपहारस्वरुप थप रु ८००१ छुट दिइने छ कम्पनीको भनाइ छ । यसको अलावा टेस्ट राइडमा गिफ्ट ह्याम्पर, रु २५०० बराबरको टिभी एस हेलमेट, लक्की ड्रमा प्रत्येक दिन एक जनालाई स्मार्टफोन, क्विज लगायतको विभिन्न उपहारहरुको व्यवस्था गरिएको कम्पनीले जानकारी दिएकाे छ ।
सनराइज बैंकको नयाँ शाखा धनुषाको औरहीमा
काठमाडौं । सनराइज बैंक लिमिटेडले सोमबार धनुषाको औरही गाउँपालिकामा आफ्नो नयाँ शाखा बिस्तार गरेको छ । औरही गाउँपालिकामा गाउँपालिका अध्यक्ष ब्रहमदेव यादव र बैंकका नायब महाप्रबन्धक अपछकुमार यादबले संयुक्त रुपमा शाखाको उद्घाटन गरेका थिए । हाल सनराइज बैंकले मुलुकभर आफ्नो ७९ वटा शाखा, ९५ वटा एटीएम, २० वटा शाखारहित बैंकिङ सेवा र ३ वटा एक्सटेन्सन काउण्टरद्वारा आधुनिक एंव सर्वसुलभ बैकिङ सेवाहरु प्रदान गर्दै आइरहेको छ
शैक्षिक क्षेत्रमा माछापुछ्रे बैंकको साढे ६ लाख सहयोग
काठमाडौं । माछापुछ्रे बैंक लिमिटेडले संस्थागत सामाजिक उत्तरदायित्व निर्वाह गर्ने क्रममा मातृभूमि महिला समाज तथा टिच फर नेपाललाई आर्थिक सहयोग प्रदान गरेको छ । शनिबार एक कार्यक्रमकोबीच बैंकले उक्त समाजमा रहेका अनाथ, टुहुरा, भूकम्प पिडित, द्वन्द पीडित तथा विभिन्न समस्याबाट जकडिएका १५ जना विधार्थीहरुलाई ५ महिनासम्म शैक्षिक शुल्क तथा सामाग्रीका लागि पुग्ने गरी रु १ लाख ५० हजार आर्थिक सहयोग प्रदान गरेको जानकारी दिएको छ । त्यसैगरी सोमबार पनि एक कार्यक्रमका विच बैंकले देशको सार्वजनिक शिक्षाको विकासमा लागि रहेको संस्था टिच फर नेपाललाई रु ५ लाख आर्थिक सहयोग प्रदान गरेको बताएको छ । उत्त कार्यकममा बैंकका कायम मुकायम प्रमुख कार्यकारी अधिकृत अर्जुन थापा ले चेक हस्तान्तरण गरेको बताइएको छ । बैंकले मुलुकभर आफ्ना ६२ वटा शाखाहरु, ४ वटा एक्स्टेन्सन काउन्टरहरु लगायत १५ शाखा रहित बैंकिङ सेवा प्रदान गर्दै आएको छ ।
एनआईसी एशिया बैंकको नयाँ शाखा चितवनको गीतानगरमा
काठमाडौं । एनआईसी एशिया बैंकको नयाँ शाखा भरतपुर महानगरपालिका ६, चितवनस्थित गीतानगर–चोकबजार सोमबार एक समारोहकाबीच भरतपुर महानगरपालिकाका मेयर रेनु दाहाल र बैंकका सञ्चालक राजेन्द्रप्रसाद अर्यालले संयुक्त रुपमा उद्घाटन गरिएको छ । कार्यक्रमका मेयर दाहालले एनआईसी एशिया बैंकले अवलम्बन गरेको शाखा सञ्जाल विस्तार रणनीति एक अग्रगामी कदम भएको बताएका थिइन् । त्यस्तै बैंकका सञ्चालक अर्यालले बैंकले देशका कुना कन्दरामा बसोबास गर्ने स्थानीय सर्वसाधारणहरूलाई वित्तीय सेवाको पहुँचमा ल्याउने र यस यात्रालाई निरन्तरता दिदै जाने कार्यक्रममा जानकारी गराएका थिए । बैंकले हाल मुलुकभर १९२ शाखा कार्यालयहरु, १९३ एटीएम, ४ वटा एक्स्टेन्सन काउन्टर एवं ४ वटा ब्रान्चलेस बैंकिङमार्फत सेवा प्रदान गर्दै आएको जनाएको छ ।
सिद्धार्थ सिमेन्टका बिक्रेताहरुको गोसाईकुण्ड यात्रा
काठमाडौं । सिद्धार्थ सिमेन्ट उद्योगले आफ्ना काठमाडौंका प्रमुख बिक्रेताहरुलाई आइतबार रसुवा जिल्लामा अवस्थित गोसाईकुण्डको यात्रा गराएको थियो । नव वर्ष २०७५ लाई स्वागत गर्ने एवम् बिक्रेताहरुसँगको व्यवसायिक सम्बन्धलाई अझै प्रगाढ बनाउने उद्देश्यले उद्योगले उक्त धार्मिक तिर्थस्थलको भ्रमणको आयोजना गराएको जानकारी गराएको छ । करिब एक दर्जन बिक्रेताहरुलाई बिहान हेलिकप्टरद्वारा गोसाइकुण्डको यात्रा गराएको जनाइएको छ ।
एनएमबि बैंकद्वारा बर्लादहका १२३ किसानलाई साढे ८ लाखको तरकारीको विउ प्रदान
काठमाडौं । एनएमबि बैंकले आफ्नो संस्थागत समाजिक उत्तरदायित्व अन्तर्गत सप्तकोशी नगरपालिका वडा नं ४ बर्लादहका किसानहरुलाई रु. ८ लाख पचास हजार मुल्य वरावरको ११ किसिमका बेमौसमी तरकारीका विउ वितरण गरेको छ । बैंकले व्यवसायीक खेतीमा सहयोग पुग्ने उद्देश्यले तरकारी खेती, नगदेवाली, अन्नवाली लगायत अन्य वालीहरु लगाउन १२३ जना किसानहरुलाई ती विउ प्रदान गरेको हो । सोही कार्यक्रममा अन्तर्राष्ट्रिय एकीकृत पर्वतीय विकास केन्द्र (आईसिआईएमओडि) र अष्ट्रेलियन सरकारको संयुक्त सहयोगमा सप्तरी जिल्लाका २३ किसानलाई सोलार पम्प समेत वितरण गरेको जनाएको छ । कार्यक्रममा बैंकका प्रमुख कार्यकारी अधिकृत सुनिल केसीले व्यवसायीक तरकारी खेतीका लागि उक्त सहयोग बैंककोतर्फबाट सानो पहल भएको जानकारी गराएको छ ।
एलजी डिलर्स सबमिट सम्पन्न
काठमाडौं । एलजीले आफ्नो डिलर्स सबमिट २०१८ केही दिन अघि मात्रै सम्पन्न गरेको छ । राजधानीमा सम्पन्न भएको उक्त सबमिटमा एलजीले आफ्ना सबै काठमाडौंका र बाहिरका डिलरहरुलाई निम्त्याएको थियो । लेट्स ग्रो टुगेदर भन्ने मुल नाराका साथ सबमिटमा एलजीले आफ्नो २०२० को भिजन शेयर गरेको जानकारी दिएको छ । कार्यक्रममा सीजी इलेक्ट्रोनिक्सले उक्त भिजन प्रस्तुत गरेको थियो । सोही अवसरमा एलजीले नयाँ प्रोडक्ट पनि सार्वजनिक गरेको जनाएको छ । त्यस्तै कार्यक्रमकै अवसरमा कम्पनीले वेस्ट पफमेन्स र लङ टर्म एसोसिएसन विथ एलजी गरेर आफ्ना २० जना डिलरहरुलाई सम्मानित समेत गरेको बताइएको छ ।
सिण्डिकेट नहटाउन यातायात व्यवसायीको दवाव, हटाए घुँडा टेकाउने सरकारलाई चेतावनी
काठमाडौं । यातायात व्यवासायीले सिण्डिकेट हटाउने सरकारको निर्णयको विरुद्धमा आन्दोलन गर्ने भएका छन् । नेपाल यातायात व्यवसायी राष्ट्रिय महासंघको सोमबार सम्पन्न परिषद भेलाले सरकारले सिण्डिकेट हटाउन ल्याएको नयाँ व्यवस्था खारेजको माग गरेको छ । यातायात व्यवस्था विभागले ल्याएको कार्यविधि खारेज नगरे हदैसम्मको आन्दोलनमा उत्रने निर्णय भएको महासंघका महासचिव सरोज सिटौलाले जानकारी दिए । कार्यविधि खारेज गर्नका लागि दवाव दिन प्रधानमन्त्री केपी शर्मा ओली, भौतिक पुर्वाधार तथा यातायात व्यवस्थामन्त्री रघुवीर महासेठलगायत सातै प्रदेशका मुख्यमन्त्रीलाई ज्ञापनपत्र बुझाउने उनले बताए। यति गर्दा पनि माग पुरा नभए चरणवद्ध आन्दोलनमा जाने निर्णय भएको उनले जानकारी दिए । महासंघको परिषद बैठकले आन्दोलनका कार्यक्रम तय गर्ने जिम्मा कार्यसम्पादन समितिलाई दिएको उनले बताए । माग पुरा नभए हड्तालदेखि नेपाल बन्दसम्म गर्न सक्ने उनको भनाई छ । विभागले गत १८ गते यातायात व्यवस्था सम्बन्धि कार्यविधि निर्देशिका संशोधन गरेर देशभरका सडकमा रुट इजाजत खुला गर्ने निर्णय गरेको थियो । विभागले परमिट खुला गर्न देशभरीका यातायात कार्यालयलाई निर्देशन दिइसकेको छ । सरकारले यातायात सिण्डिकेट हटिसकेको जानकारी गराएको छ । महासंघको परिषद् भेलाले नयाँ व्यवस्था खारेजको माग गरेको छ । आक्रोसित व्यवसायीहरुले भेला गरेर आन्दोलनबाटै सरकारलाई घुँडा टेकाउने रणनीति बनाएका छन् । मयुर यातायातलाई सञ्चालन अनुमति दिएको विरुद्धमा कोटेश्वरपुर्वका यातायात व्यवसायी आन्दोलित भएका थिए । विभागले वस सञ्चालन नगर्ने र अवरोध गर्नेको रुट इजाजत खारेज गर्ने चेतावनी दिएपछि यातायात सञ्चालनमा ल्याएका छन् । कानूनले सिण्डिकेटलाई बर्जित गरेपनि व्यवसायीले समितिका नाममा अघोषित रुपमा आलोपालो सवारी सञ्चालन गरिरहेका छन् ।
