कैलाश बैंकको नयाँ शाखा दमकमा, चाँडै तीन जिल्लामा खोल्दै
कैलाश विकास बैंक लिमिटेडले झापा जिल्लाको दमकमा आफ्नो ४७ औँ शाखा स्थापना गरि सोमवारदेखि कारोवार सन्चालनमा ल्याएकाे छ । उक्त शाखाको उद्घाटन दमक नगरपालिकाका मेयर रोमनाथ ओलीले एक समारोहकाबीच गरेको जानाएको छ । उक्त नयाँ शाखासहित बैंकको शाखा संख्या ४७ पुगेका छ । एटीएमको संख्या २२ पुगेको छ । बैंकले निकट भविष्यमा बारा जिल्लाको गंजभवानीपुर, सिराहा जिल्लाको बेल्हा, पर्सा जिल्लाको विरगंज तथा अन्य विभिन्न ठांउहरुमा समेत शाखा सञ्चालन गर्ने तयारी गरिरहेको जानकारी गराएको छ । राष्ट्रिय स्तरको सो विकास बैंकको चुक्ता पूँजी रु.२ अर्व ५२ करोड रहेको छ । हालसम्म रु.२० अर्व ४ करोड निक्षेप संकलन गरी रु.१८ अर्ब १६ करोड कर्जा प्रवाह गरेको जनाएको छ । बैंकले अत्याधुनिक प्रविधिको उपयोग गर्दै समस्त आधारभूत बैंकिङ सेवाको अलावा मोबाएल बैंकिङ, एसएमएस बैंकिङ, ईन्टरनेट बैंकिङ लगायतका सेवाहरु प्रदान गर्दै आएको छ ।
ग्लोबल आईएमई र नेपाल इन्भेष्टमेन्ट बैंकले १ अर्ब ७० करोडको म्युचअल फण्ड बजारमा ल्याउदै
काठमाडौं । दुई वाणिज्य बैंकले १ अर्ब ७० करोड रुपैयाँ बराबरको १७ करोड एकाई सामूहिक लगानी कोष (म्युचअल फण्ड) निष्कासन गर्न लागेका छन् । ग्लोबल आईएमई बैंकले १ अर्ब २० करोड रुपैयाँ बराबरको १२ करोड कित्ता ग्लोबल आईएमई व्यालेन्स फण्ड १ र नेपाल इन्भेष्टमेन्ट बैंकले ५० करोड रुपैयाँ बराबरको ५ करो एकाईको एनआईबीएल सहभागिता फण्ड निष्कासन गर्न लागेका छन् । म्युचअल फण्ड निष्कासन गर्न दुबै बैंकले धितोपत्र बोर्डमा निवेदन दिएका छन् । बैंकको प्रस्तावको अध्ययन भइरहेको बोर्डले जानकारी दिएको छ । दुई कम्पनीले प्रति इकाई १० रुपैयाँका दरले कुल १७ करोड इकाई निष्कासन गर्ने प्रक्रिया अघि बढाएका हुन् । बोर्डले अनुमति दिए पश्चात बजारमा यी दुई कम्पनीले म्यूचल फण्डको बिक्री गर्ने छन् । ग्लोबल आईएमई ब्यालेन्स फण्ड १ ग्लोबल आइएमई क्यापिटल लिमिटेड र एनआइबिएल सहभागिता फण्ड एनआईबिएल क्यापिटल लिमिटेडले जारी गर्नेछन् । बैंकको ब्याजदर बढेको र ऋण पनि नपाउने अवस्था आएपछि ठुला लगानीकर्ताले लगानी गर्न नसक्दा एनआईसी एसिया बैंकले १ अर्ब रुपैयाँको एनआईसी एसिया ग्रोथ फण्ड बिक्री नभएपछि समय थप गरिएको थियो । यस्तै सिटिजन्स बैंकले ल्याएको १ अर्ब रुपैयाँको फण्ड पनि बिक्री भएन । चालु आर्थिक वर्षमा सिद्धार्थ इक्विटी फण्ड, सानिमा इक्विटी फण्ड, एनआईसी एशिया ग्रोथ फण्ड र सिटिजन म्यूचल फण्ड १ ले म्यूचल फण्ड निष्काशन गर्ने बोर्डको अनुमति पाई बिक्री पनि गरिसकेका छन् । बजारमा सिद्धार्थ इक्विटी फण्ड र सानिमा इक्विटी फण्डले बिक्रीमा ल्याएको म्यूचल फण्डको सजिलै बिक्री भएको थियो ।
नाडाको अध्यक्षमा शम्भु दाहाल निर्वाचित
काठमाडौं नेपाल अटोमोबाइल डिलर्स एशोसिएसन(नाडा)को अध्यक्षमा शम्भु दाहाल निर्वाचित भएका छन् । सोमबार भएको निर्वाचनमा दाहाल अध्यक्षमा निर्वाचित भएका हुन । दाहालले ६६० मत ल्याएर विजयी भएका हुन् । उनका प्रतिस्पर्धी राम कँडेलले ६८ मत मा पाएका थिए । नाडाका उपाध्यक्ष समेत रहेका दाहाल तारा म्यानेजमेन्टका निर्देशक पनि हुन् । सदस्यमा सबै दाहाल पक्षका निर्वाचि भएका छन । सदस्यमा कृष्णप्रसाद दुलाल, करणकुमार चौधरी,अभिक ज्योती,सुनिल रिजाल,सुरेन्द्रकुमार उप्रेती,अनुपकुमार बराल, विक्रम सिंघानिया,प्रकाश कपुरी,सुरज भट्टराई,दीपक अग्रवाल,मिलनबाबु मल्ल,पंकज अग्रवाल,नन्दकिशोर शाही र निलमणि पाठक निर्वा्चित भएका छन् ।
प्रधानमन्त्री अाेलीले गरेकाे सम्झौताको कांग्रेसद्वारा स्वागत
काठमाडौं । प्रमुख प्रतिपक्षीमा रहेको नेपाली कांग्रेसले भारतको राजकिय भ्रमणको क्रममा प्रधानमन्त्री केपी ओलीले गरेको सम्पूर्ण सम्झौताको स्वागत गरेको छ । सोमबार राजधानीस्थित नेपाली कांग्रेस केन्द्रीय कार्यालयमा पत्रकार सम्मेलन गर्दै पार्टीको प्रवक्ता विश्वप्रकाश शर्माले प्रधानमन्त्रीले भारतमा रेल, पानीजहास सम्बन्धि गरेको सम्झौताको काग्रेसले स्वागत गरेको बताए । ‘हामीले भारतमा प्रधानमन्त्री र भारतीय समकक्षी प्रधानमन्त्री नरेन्द्र मोदीसंग भएको रेल, पानीजहाज लगायत सम्झौताको स्वागत गरेका छाै,’ उनले भने । उक्त सम्झौतालाई कार्यान्वयन गर्दै मुलुकलाई आर्थिक समृद्धिको दिशामा अघि बढाउन पर्ने कांग्रेसले जोड दिएको उनकाे भनाइ छ । कार्यक्रमको अवसरमा कांग्रेसका उच्च स्तरिय नेताहरुले मुलुकमा वैदेशीक लगानी भित्र्याउन पर्नेमा जोड दिएका थिए । कार्यक्रममा पूर्व परराष्ट्रमन्त्री प्रकाशशरण महत्त लगायतको उपस्थिति रहेको थियो । प्रधानमन्त्री ओली र समककक्षी मोदीले वीरगञ्जदेखि राजधानीसम्म रेलमार्ग निर्माण गर्ने सम्झौता गरेको थियो । त्यसलार्इ भारतले सहयोग गर्ने भएको छ । यसैबीच नेपालले सम्भाव्यता अध्ययन गर्नका लागि रेल विभागले प्रारम्भिक छानैटमा पेरका ६ वटा कम्पनीले पेश गरेको आर्थिक र प्राविधिक प्रस्ताव छान्ने क्रममा रहेको छ । तयार भएको सम्भाव्यता अध्ययन रिपोर्टकै आधारमा डिपिआर निर्माण र रेल मार्ग निर्माणको काम अघि बढाइसकिएको छ । त्यस्तै बंगालबाट नेपालसम्म पानीजहाज सञ्चालन गर्ने सम्बन्धमा शनिबार नै नेपालकातर्फबाट प्रधानमन्त्री ओली र भारतकातर्फबाट प्रधानमन्त्री माेदीबीच सम्झौता भएकाे थियो । त्यसको लागि पनि भारतले सहयोग गर्ने भएको छ । सम्झौता अनुसार नेपलाको कोशीनदीसम्म जहाज चल्ने भएकाे छ । कलकत्ताबाट सडकमार्ग हुदै विराटनगर र वीरगञ्जसम्म भइरहेका आयात–निर्यात व्यापार जहाज सञ्चालनपछि सिधै समुद्रबाट हुनेछ जनाइएकाे छ ।
बुटवल पावरको सेयर मूल्य एफपीओ भन्दा कम, ५०१ मा किन्नेलाई २० रुपैयाँ नगद लाभांशले धान्नाला त ?
काठमाडौं । बुटबल पावर कम्पनी लिमिटेड (बीपीसी) को सेयर मूल्य घटेर अहिले थप निष्कासन (एफपीओ) को भन्दा कम भएको छ । सोमबार बजार घटेर बीपीसीको सेयर मूल्य प्रतिकित्ता ४७० रुपैयाँमा झरेको छ । कम्पनीले प्रतिकित्ता ५०१ रुपैयाँमा एफपीओ निष्कासन गरेको थियो । एफपीओ निष्कासन गर्नुअघि कम्पनीको सेयर बढेर प्रतिकित्ता ७ सय रुपैयाँ कटेको थियो । पछि विस्तारै घट्न थालेको हो । चीनबाट २ खर्ब रुपैयाँ वैदेशिक लगानी ल्याएर ५ वर्षमा १ हजार मेगावाट थप बिजुली उत्पादनको योजना ल्याएपछि बीपीसको सेयर मूल्य उकालो लागेको थियो । बीपीसीले नयाँ सेयरधनीलाई समेत गरी २० प्रतिशत नगद लाभांश वितरण गर्ने भएको छ । कम्पनीको आइतबार बसेको सञ्चालक समिति बैैठकले गत आर्थिक वर्षमा गरेको नाफाबाट २० प्रतिशत नगद लाभांश दिने प्रस्ताव गरेको हो । ५०१ रुपैयाँमा एफपीओ किन्नेले जम्मा २० रुपैयाँ मात्र लाभांश पाउने भएका छन् । कम्पनीको सेयर मूल्य बढ्ने भन्दा पनि घट्ने क्रममा रहेकाले लगानीकर्ताले राम्रो प्रतिफल पाउने देखिन्दैन् । नगद लाभांश दिने प्रस्ताव पारित गर्न बीपीसीले जेठ ८ गते वार्षिक साधारणसभा बोलाएको छ । वार्षिक साधारणसभाबाट पारित भएपछि लाभांश वितरण गर्ने बीपीसीले जनाएको छ । साधारणसभा प्रयोजनका लागि वैशाख २७ देखि जेठ ८ गतेसम्म सेयरधनी दर्ता किताव बन्द हुने भएको छ । थप निष्कासन (एफपीओ) खरिद गर्नेले पनि लाभांश पाउने भएका छन् ।
साेमबार बैंक अफ काठमाण्डूको १२ करोड बढीको संस्थापक सेयर कारोबार, कसले किन्यो ?
काठमाडौं । सेयर बजार घटेको दिन बैंक अफ काठमाण्डू (बीओके) लिमिटेडको ठूलो परिमाणमा संस्थापक सेयर किनबेच भएको छ । बीओकेको प्रतिकित्ता २१२ रुपैयाँमा ५ लाख ९७ हजार ९१४ कित्ता सेयर किनबेच भएको छ । ब्रोकर नम्बर ३५ र ५९ मार्फत बीओकेको १२ करोड २९ लाख ४१ हजार रुपैयाँको संस्थापक सेयर किनबेच भएको छ । हालै मात्र कर्मचारी संचय कोषले २५१ रुपैयाँमा ६१ लाख ५० हजार कित्ता संस्थापक सेयर किनेको थियो । बीओकेको संस्थापक सेयर अहिले घटेर प्रतिकित्ता २१२ रुपैयाँमा झरेको छ । बीओकेपछि सबैभन्दा बढी सेयर नविल बैंकको कारोबार भएको छ । नविलको प्रतिकित्ता ९९४ रुपैयाँमा ३ करोड ५६ लाख रुपैयाँको सेयर किनबेच भएको छ । सस्तो मूल्य र राम्रो प्रतिफल पाउने आशामा लगानीकर्ताले नविलको सेयर किन्न थालेका हुन् । केही सातायता नविलको सेयर बढी कारोबार हुदै आएको छ । सेयर बजार ६.८७ अंकले घटेपनि सोमबार ९४ करोड ९६ लाख रुपैयाँको सेयर किनबेच भएको छ ।
सेयर बजारमा एक्कासी ब्रेक, ६.८७ अंकले घट्दा ९४ करोड ९६ लाखको कारोबार
काठमाडौं । निरन्तर बढीरहेको सेयर बजार सोमबार आएर ब्रेक लागेको छ । आइतबार ४४ अंकले बढेको बजार सोमबार ६.८७ अंकले बढेको छ । बजार खुल्दा २० अंक बढेकोमा बन्द हुदाँ ६.८७ अंकले घटेको छ । सोमबार नेप्स परिसुचक १ हजार २८७ मा झरेको छ । बजार घटेपनि कारोबार रकम भने बढेर ९४ करोड ९६ लाख रुपैयाँ पुगेको छ ।सोमबार सबै क्षेत्रको सेयर मूल्य घटेको छ ।
फोहोरको व्यवस्थापन मुलुकको लागि चुनौति, पानीलाई शुद्ध पार्न ९ गुणा खर्च लाग्ने
काठमाडौं । वन तथा वातावरण मन्त्री शक्तिबहादुर बस्नेतले हरेक नागरिकको स्वच्छ वातावरणमा बस्न पाउने संवैधानिक अधिकारको संरक्षण र प्रत्याभूतिको लागि फोहर पानी र ढलको समूचित प्रशोधन र व्यवस्थापन आवश्यक रहेको बताएका छन् । नेपालमा फोहर पानी प्रशोधनको विकेन्द्रीत मार्गचित्र : दक्षिण एशियाली अनुभवबाट सिकाई विषयक राजधानीमा शुरु भएको एक दिवसीय अन्तराष्ट्रिय गोष्ठीको उद्घाटन गर्दै मन्त्री बस्नेतले फोहोरको व्यवस्थापन गर्नु पर्ने आवश्यकता महसुस गरेका थिए । कार्यक्रममा उनले पानीको अभावलाई पूर्ति गर्ने, वातावरण स्वच्छ पार्ने र सफा पानीको स्रोतलाई जोगाउनका लागि फोहर पानीको प्रशोधन अनिवार्य रहेको सुझाए । कानूनी व्यवस्था, उपयुक्त संरचनाको निर्माण, व्यवस्थापकीय पक्षहरुलाई संबोधन गर्दै सबै तहका सरकारको सक्रियता र समन्वयमा स्वच्छ वातावरणमा बस्न र बाच्न पाउने नेपाली नागरिकको अधिकारको प्रत्याभूति गरिने उनको प्रतिवद्धता छ । कार्यक्रममा पूर्व मन्त्री गणेश शाहले फोहरलाई पनि स्रोतको रुपमा प्रयोग गर्न सकिने वताउदै भन्ने, ‘हरेक प्रकारको फोहर मोहरमा बदल्न सकिन्छ ।’ फोहर पानीलाई प्रशोधन गरेर शुद्ध बनाउन ९ गुणा खर्च लाग्ने बताउदै प्रदुषण गर्नु अपराध भएकोले त्यस्तालाई दण्ड वा जरिवानाको सरकारले व्यवस्था मिलाउनु पर्ने उनको बुझाइ छ । उद्घाटन कार्यक्रमलाई वातावरण तथा स्वास्थ्य संस्थाका अध्यक्ष तथा वातावरणविद् भूषण तुलाधरले नेपालमा ९६ प्रतिशत घरपरिवारमा चर्पीको सुविधा भए पनि चर्पीमा जम्मा भएको फोहरको व्यवस्थापन चुनौति पूर्ण रहेको बताए । ढल र नालीबाट निसृत फोहर पानीको प्रशोधनमा ठूला प्रणाली सञ्चालन गर्दा पूर्वाधार निर्माण र फोहर प्रवाहित गर्न बढी खर्च हुने भएकोले साना वस्तीका फोहर स्थानीय तहमा नै प्रशोधन गर्ने प्रविधि र अनुभवहरुलाई बढाउदै लैजानु पर्नेमा उनको जोड छ ।
