ओरिअन सेरिज अन्तर्गत सिजी मोबाइल्सले ल्यायो दुई नयाँ मोडल, सस्तो मूल्यमा धेरै फिचर
काठमाडौं । सिजी मोबाइल्सले ओरिअन सेरिज अन्तर्गत दुई नयाँ मोडल नेपाली बजारमा ल्याएको छ । सिजीले ‘ओरिअन १८१डब्लु’ र ‘ओरिअन २४१डब्लु’ नामक दुई मोडलका फोनहरु बजारमा सार्वजनिक गरेको हो । उक्त मोडलका फोनहरुमा धेरै फिचरका साथैं सस्तो मूल्यमा पाइने कम्पनीले जनाएको छ । दुई मध्ये ‘ओरिअन १८१डब्लु’ मोडल सस्तो रहेको कम्पनीले जनाएको छ । जसमा १.८ ईन्चको स्क्रीन, डिजिटल क्यामरा, ८ जिबि सम्मथपगर्न सकिने मेमोरी, डुवल सिम र १००० एम.ए एचको ब्याट्री रहेको छ । साथै, यसमा वायरलेस एफएम ब्लूटुथ, म्यूजिक र भिडियो प्लेयर जस्ता थप विशेषता रहेको छ । यस फोनको बजार मूल्य १ हजार १९९ रुपैयाँ तोकिएको छ । यसैगरी, ‘ओरिअन २४१डब्लु’मा २.४ ईन्चको स्क्रीन, डिजिटल क्यामरा, ८ जिबि सम्म थप गर्न सकिने मेमोरी, डुवल सिम र १००० एम.ए एचको ब्याट्री रहेको छ । यसमा पनि वायरलेस एफएम ब्लूटुथ, म्यूजिक र भिडियो प्लेयर जस्ता थप विशेषता छ । यसको बजार मूल्य भने १ हजार ४९९ रुपैयाँ तोकिएको छ । ‘ओरिअन १८१डब्लु’ कालो र निलो, कालो र पहेलो, कालो र रातो तीन विभिन्न आकर्षक रङ्गहरुमा उपलब्ध छ । त्यस्तै, ‘ओरिअन २४१डब्लु’ कालो र रातो, कालो र सुन्तला रङ्गहरुमा उपलब्ध छ । साथै, कम्पनीले यो नया“ मोडलमँ १०० दिनको सटही नीति ल्याएको छ । यी दुबै फोनहरु नेपालको सम्पूर्ण मोबाइल बिक्री गर्ने पसलहरुमा उपलब्ध हुने छ ।
मोबाइलबाटै काठमाडौं र पोखराको ३५ बढी होटलको कोठा बुक गर्न सकिने, १५ प्रतिशतसम्म ‘क्यास व्याक’ पाइने
काठमाडौं । मोबाइल तथा कम्प्युटरबाटै अब सहजै रुपमा स्तरिय होटल बुकिङ गर्न सकिने भएको छ । उक्त सेवा प्रदान गर्न काठमाडौंमा आइतबार एक कार्यक्रमबीच उचित मूल्यमा स्तरीय होटल सेवा प्रदान गर्दै आएको ओयोले इसेवासँग सहकार्य गरेको छ । उक्त सम्झौता दुई कम्पनीबीच होटल बुकिङ र भुक्तानीको लागि भएको हो । कार्यक्रममा ओयोसँगको सहकार्य सम्बन्धी सम्झौतापत्रमा इसेवाका प्रेसिडेण्ट अस्गर अली र ओयोका भाइस प्रसिडेण्ट प्रसुन चौधरीबीच हस्ताक्षर भएको छ । साेही अवसरमा इसेवाका प्रेसिडेण्ट अलीले ओयो र इसेवाबीचको सहकार्यले नेपालको पर्यटन क्षेत्रमा ठूलो टेवा पुग्ने बताए । ‘सरकारले सन् २०२० लाई पर्यटन वर्ष घोषणा गरिसकेको अवस्थामा नेपाल आउने पर्यटकको लागि हाम्रो सहकार्यले महत्वपूर्ण सहयोग पुर्याउने विश्वास गरेका छौं,’ उनले भने ‘ ग्राहकहरुलाई होटल खोज्न दशतिर भौतारीरहन नपरोस् भन्ने उद्देश्यले हामीले यो सम्झौता गरेका हौं ।’ त्यस्तै कार्यक्रममा ओयोका भाइस प्रेसिडेण्ट चौधरीले इसेवासँग सहकार्य गर्न पाएकोमा खुसी व्यक्त गरे । ‘यो सहकार्यले ओयोको विस्तारका लागि धेरै सहज हुनेछ,’ उलने भने ‘ओयो र इसेवा दुवै प्रविधिको प्रयोग गरेर ग्राहकहरुलाई अभुतपूर्व सेवा दिन सकिनेमा हामी विश्वस्त छौं ।’ इसेवासँगको सहकार्यले आफु निकैनै उत्साहित भएको उनको भनाइ छ । इसेवाको अनुसार ओयोमार्फत तत्काल काठमाडौं र पोखराका ३५ बढी होटलका ६ सय रुम इसेवामार्फत बुकिङ गर्न सकिन्छ । त्यस्तै ओयोले ६ महिनाभित्रै १ सय ५० होटलका ३ हजारभन्दा बढि कोठा आफ्नो नेटवर्कमा ल्याउने लक्ष्य राखेको इसेवाका प्रेसिडेण्ट अलीले जानकारी दिए । १५ प्रतिशतसम्म क्यास व्याक इसेवाको अनुसार ओयो र इसेवाको संयुक्त कारोबार सञ्चालन गरेको पहिलो चरणमा काठमाडौैंका होटलहरुमा ७ प्रतिशत र पोखराका होटलहरुमा १५ प्रतिशत ‘क्यास व्याक’ को सुविधा दिइएको छ । इसेवा नेपालको पहिलो पेमेन्ट गेटवे कम्पनी हो । नेपाल राष्ट्र बैंकबाट अनुमति प्राप्त इसेवामा हाल ४६ वटा बैंक सदस्य रहेका छन् । सन् २००९ बाट कारोबार शुरु गरेको इसेवाबाट प्रत्यक्ष तथा अप्रत्यक्ष ६० लाखभन्दा बढीले सेवा लिइरहेका छन् । हाल इसेवाका देशभर करिब ३५ हजारभन्दा बढी एजेन्ट(इसेवाजोन तथा पोइन्ट) रहेको इसेवाको प्रेसिडेण्ट अलीको भनाइ छ । त्यस्तै ओयोले २०१७ मे २४ देखि नेपालमा आफ्नो सेवा प्रारम्भ गरेको थियो र छोटो अवधिमा काठमाडौं र पोखरामा गरी ३५ भन्दा बढी होटलसँग सहकार्य गरेको छ । सन् २०१३ मा आफ्नो सेवा प्रारम्भ गरेको ओयोले भारत, चीन, मलेसिया साथै नेपालमा पनि सेवा दिदै आएको आयोको भाइस प्रसिडेण्ट चौधरीले जानकारी दिए ।
चौतारी लुघवित्तले आईपीओ निष्कासन गर्ने, धितोपत्र बोर्डमा दियो निवेदन
काठमाडौं । चौतारी लघुवित्त वित्तीय संस्था लिमिटेडले साधारण सेयर (आईपीओ) निष्कासन गर्ने भएको छ । आईपीओ निष्कासन गर्न संस्थाले धितोपत्र बोर्डमा आवेदन दिएको छ । संस्थाले ५ करोड ४० लाख रुपैयाँ बराबरको ५ लाख ४० हजार कित्ता आईपीओ निष्कासन गर्न लागेको हो ।
पञ्चकन्यामाई हाइड्राेले आईपीओ निष्कासन गर्ने, बोर्डले दियो स्वीकृति
काठमाडौं । पञ्चकन्यामाई हाइड्रोपावर लिमिटेडले साधारण सेयर (आईपीओ) निष्कासन गर्न अनुमाति पाएको छ । धितोपत्र बोर्डले कम्पनीलाई ११ करोड रुपैयाँ बराबरको ११ लाख कित्ता आईपीओ निष्कासन गर्न अनुमति दिएको हो । कम्पनीले यसअघि आयोजना प्रभावित स्थानीयबासिन्दालाई १० प्रतिशत आईपीओ निष्कासन गरिसकेको छ । आईपीओ निष्कासन तथा बिक्री प्रवन्धकमा सनराइज क्यापिटल लिमिटेड रहेको छ ।
रोजगारीका लागि विदेश जाँदै हुनुहुन्छ, यी हुन् ठगी गरेर कालो सूचिमा परेका १९७ मेनपावर कम्पनी
काठमाडौं । श्रम रोजगार तथा सामाजिक सुरक्षा मन्त्रालयले १९७ वटा मेनपावर कम्पनीहरुलाई कालो सूचिमा राखेको छ । मन्त्रालयले नियम बमोजिम काम नगरेका १९७ वटा कम्पनीलाई कालो सूचिमा राखेको विवरण सार्वजनिक गरेको हो । श्रम मन्त्रालयले ती मेन पावर कम्पनीहरुबाट विदेश जाने कुनै पनि प्रक्रियामा सहभागी नहुन पनि सबैमा अपिल गरेको छ । श्रम मन्त्री गोकर्ण बिष्टले विदेश जाने नेपाली कामदार ठगीको शिकार बन्न नपरोस भनेर कालो सूचिमा रहेका सबै कम्पनीको विवरण सार्वजनिक गरिएको बताए । मन्त्रालयले अब केहि दिन भित्रै थप कम्पनीहरुलाई कालोसूचिमा राख्ने तयारी पनि अघि बढाईसकेको छ । वैदेशिक रोजगारीमा जाने नेपाली कामदारलाई ठगी गर्ने त्यस्ता कम्पनीहरुलाई कालो सूचिमा राखेर थप कारवाहीको प्रक्रिया अघि बढाउने मन्त्री बिष्टले बताएका छन् ।
भारतीय पक्षबाट निर्माण भइरहेका सडकले दक्षिण क्षेत्र डुबानमा पर्ने खतरा
बुटवल । बाँके र बर्दिया जिल्लाका सिमानामा भारतीय पक्षबाट निर्माण भइरहेका सडकले त्यहाँको दक्षिण क्षेत्र डुबानमा पर्ने खतराप्रति प्रदेश सरकारको ध्यानाकर्षण गराए । प्रदेश नं ५ प्रदेशसभाको आजको बैठकको विशेष समयमा प्रदेशसभा सदस्य इन्द्रप्रसाद खरेलले भारतीय पक्षले दशगजासँग जोडेर निर्माण गरेको सडकका कारण हुलाकी सडकदेखि दक्षिण क्षेत्र डुबानमा पर्ने खतराप्रति सरकारको ध्यानाकर्षण गराएका हुन्। “यो विषय संघीय सरकारको भए पनि प्रदेश सरकारले पहलकदमी लिनुपर्छ र यस्तो कार्यमा दुई पक्षीय समझदारी हुनुपर्छ,” उनले भने, “उक्त निर्माण कार्यका कारण स्थानीय त्रसित भएका छन्, यो राष्ट्रियतासंग जोडिएकोे विषय पनि हो ।” विशेष समयमा उठेका प्रश्नको जवाफ दिँदै भौतिक पूर्वाधार मन्त्री वैजनाथ चौधरीले सीमामा निर्माणसम्बन्धी काम दुई पक्षीय समन्वयमा हुनुपर्नेमा जोड दिए । यो संघीय सरकारसंग जोडिएको विषय भएकाले आवश्यक तथ्यांक संकलन गरी पत्राचार गरिने जानकारी सदनलाई दिए । यस्तै बैठकले प्रदेशसभा नियमावली, २०७४ लाई संशोधन गर्न बनेको विद्येयक तथा प्रदेश नं ५ को प्रदेशसभा (पहिलो संशोधन) नियमावली, २०७५ लाई सर्वसम्मतिले पारित गरेको छ । प्रदेशसभा सदस्य कृष्णध्वज खड्काले पारित गरियोस् भन्ने प्रस्ताव प्रस्तुत गरेपछि सभामुख पूर्णबहादुर घर्तीले निर्णयार्थ प्रस्तुत गर्दा सो नियमावली पारित भएको हो । यस्तै प्रदेश आर्थिक विधेयक २०७५ माथि सैद्धान्तिक छलफल गर्दै प्रदेशसभा सदस्यले प्रगतिशील करको अवधारणाका रुपमा विधेयक आएको बताए । प्रदेशसभा सदस्य रेवतीरमण शर्माले करको दर तथा राजश्व संकलनका विषयमा विधेयकले सम्बोधन गरेको र प्रगतिशील कर अवधारणा ल्याएको बताएका छन् । अर्का सदस्य रमा अर्यालले करलाई जनताले स्वीकार गर्ने र समय सान्दर्भिक हुनुपर्नेमा जोडदिँदै निवेदन दस्तुरका आधारमा जग्गा रजिष्ट्रेसनमा कर लगाउनुपर्ने जनाएका छन् । प्रदेश नं ५ का मुख्यमन्त्री शंकर पोखरेलले भने-‘प्रक्रियामा हामी सिक्दै जाने चरणमा भएको हुँदा काम गर्ने विधि कार्यान्वयन हुँदै जानेछ।’ उनले आर्थिक वर्ष २०७५/७६ को सेवा र कार्यका लागि प्रदेश नं ५ प्रदेश सञ्चित कोषबाट केही रकम खर्च गर्ने र विनियोजन गर्ने सम्बन्धमा व्यवस्था गर्न बनेको विधेयक (प्रदेश नं ५ प्रदेश विनियोजन विधेयक, २०७५) माथि विचार गरियोस् भन्ने प्रस्ताव प्रस्तुत गरेका हुन् । त्यस्तै लुम्बिनीको पृष्ठभूमिमा रुकुमको पूथा हिमालदेखि मर्चवारसम्म धानको बाला, विभिन्न वेशभूषा देखिने आकृतिको लोगो सभामुख पूर्णबहादुर घर्तीले प्रदेशसभा सदस्यहरुलाई वितरण गरेका छन् । रासस
कुमारी बैंकद्धारा गैर-सरकारी संस्थालाई एक लाखको सहयोग
काठमाडौं । कुमारी बैंक लिमिटेडले “साथ” नामक सामाजिक कल्याण-उन्मुख गैर-सरकारी संस्थालाई नगद एक लाख रुपैयाँको सहयोग गरेको छ । बैंकले आफ्नो संस्थागत सामाजिक उत्तरदायित्व अन्तर्गत उक्त संस्थालाई सो मात्राको सहयोग गरेको हो । साथले “हकुना मटाटा” परियोजना अन्तर्गत विगत ६ वर्षदेखि एचआइभी संक्रमित परिवारका बालबालिकाको आधारभूत शिक्षा र हेरचाहमा सहयोग पुर्याईरहेको छ । साथै, बहिस्कृत वर्गका महिलालाई जीविकोपार्जनका निमित्त सिपमुलक तालिम दिँदै आईरहेको छ । बैंकले उक्त संस्थाका प्रशंसनीय कार्यहरुलाई प्रोत्साहन दिएर, समाजलाई समावेशी विकासतर्फ धकेल्ने उद्देश्यका साथ यस कार्यक्रमको आयोजना गरेको हो । उक्त कार्यक्रममा बैंकका नायब प्रमुख कार्यकारी अधिकृत राजिब गिरिले साथका संस्थापकहरुलाई चेक हस्तान्तरण गरेका हुन् । साथै, बैंकले आगामी दिनमा पनि यस्ता सेवामूलक र अझ प्रभावकारी कार्यक्रमहरु गर्दै जाने प्रतिबद्धता जनाएको छ ।
प्रदेश नं ४ को नाम ‘गण्डकी’ राख्न सुझाव, तमुवान मगरात धर्नामा
पोखरा । प्रदेश नं ४ को नाम र राजधानी तय गर्न आइतबार(आज) समितिको प्रतिवेदन गठन भएकाे छ । प्रतिवेदनमा पहिलो नम्बरमा प्रदेशको नाम ‘गण्डकी’ राख्न सुझाइएको छ । दोस्रोमा तमुवान-मगरात, तेस्रोमा गोरखा र चौथोमा धवलागिरि नाम राख्न सकिने सुझाव छ । गत जेठ २१ गते नामांकन तथा प्रदेश राजधानी सुझाव संकलन समितिले विभिन्न विकल्पसहितको प्रतिवेदन प्रदेशसभामा बुझाएको थियो । यसअघि नामांकन समितिले प्रतिवेदन बुझाए पनि नामको विषयमा छलफल नगराइएको भन्दै प्रमुख प्रतिपक्षी दल नेपाली काँग्रेसले गत जेठ २६ र २७ गते दुईपटकसम्म बैठक अवरुद्ध गरेको थियो भने तेस्रो पटक अवरोध गर्न खोजिँदा मार्सल लगाएरै बैठक चलाइएको थियो । यसैबीच, प्रदेशको नाम तमुवान मगरात हुनुपर्ने माग राख्दै आएको तमुवान मगरात संयुक्त संघर्ष समितिले आज नदीपुरमा धर्ना दिएको छ । स्थानीय प्रशासनले नदीपुरदेखि प्रदेशसभास्थल र आसपासका क्षेत्रलाई निषेधित क्षेत्र घोषणा गरेको छ । अर्को बैठक असार १७ गते दिउँसो १ः०० बजे बस्नेछ । रासस
