युवा उद्यमीको प्रश्नः होङसी शिवमको विदेशी लगानी यहि हो ?
प्रबलजंग पाण्डे काठमाडौं । युवा उद्यमी प्रबलजंग पाण्डेले होङसी शिवम् सिमेन्टले विदेशी लगानी ल्याउने भनेर नेपाली बैंकबाटै ऋण लिएको भन्दै प्रश्न गरेका छन् । नेपाली लगानीमै मुलुक सिमेन्टमा आत्मनिर्भरताको बाटोमा अघि बढिरहेका बेला विदेशी लगानीका नाममा नेपाली बैंकबाटै ऋण लिएर प्रतिफल विदेश जाने अवस्था बनेको भन्दै पाण्डेले प्रश्न गरेका हुन् । नेपाल उद्योग बाणिज्य महासंघका कार्य समिति सदस्य समेत रहेका युवा उद्यमी पाण्डेको पनि सिमेन्ट उद्योगमा लगानी रहेको छ । विदेशी लगानीका नाममा नेपाली बैंकबाट ऋण लिएर नाफा जति विदेश लैजानुको साटो स्वदेशी उद्योगीहरुलाई नै अवसर दिनुपर्ने पनि उनले बताएका छन् । उनले फेसबुकमा लेखेका छन्ः ‘नेपाल को सबै भन्दा ठुलो बिदेशी लगानीमा भर्खरै सन्चालनमा आएको सिमेन्ट उद्योगले सबै लगानी बिदेशबाटै ल्याउछ भनेको त नेपाली बैक हरुबाटै ऋण लिएर प्रतिफल बिदेश जाने रै छ । नेपाली पुंजी नै लगानी हुने हो भने नेपाली नै लगानी कर्ता भएको भए त प्रतिफल बिदेश जाने त थिएन , जबकी नेपाली कै लगानीमा नेपाल सिमेन्टमा आत्मनिर्भर उन्मुख भैरहेको थियो ।’
फिफा उत्कृष्ट खेलाडीको मनोनयनमै परेनन मेस्सी
लण्डन । अर्जेन्टियन स्टार फुटबलर लियोनेल मेस्सी यसपालीको विश्व फुटबल महासंघ (फिफा) विश्व पुरुष खेलाडीको मनोनयनमै पर्न असफल भएका छन् । उनीसँगै ब्राजिलियन स्टार नेइमार पनि उत्कृष्ठ खेलाडीको सूचिमा पर्न असफल भएका हुन । यस बर्ष उत्कृष्ठ खेलाडीको सूचिमा क्रिस्टियानो रोनाल्डो, रियल मड्रिडका उनका पुर्वसहकर्मी लुका मोड्रिक र इजिप्टका मोहम्मद सालहको नाम मनोनयनमा परेको छ। यी मध्ये रोनाल्डोले यसअघि पाँच पटक अवार्ड जितेका थिए । तर यसअघि मनोनयनमा पर्ने गरेका अर्का चर्चित खेलाडी लियनोल मेसी भने यस पटक मनोनयनमा परेका छैनन् । उनी विगत ११ बर्षदेखि फिफाको उत्कृष्ट तीन खेलाडीको सूचीमा पर्दै आएका थिए । फ्रन्सका विश्वकप विजेता टोली व्यवस्थापक डिडिएर डेस्चाम्पस, जलाटको डालिक र जिनेडिन जिडाने भने यसअघि नै बर्ष प्रशिक्षक अवाडीका लागि मनोनयनमा परिसकेका छन् । रासस
नेपाली मुद्रा हालसम्मकै कमजोर भई ११४.२४ पैसा पुग्यो, डलर बलियो हुनुको कारण यस्तो छ
काठमाडौं । नेपाली रुपैयाँ अमेरिकी डलरसंग झनै कमजोर भएर नयाँ रेकर्ड कायम भएको छ । नेपाल राष्ट्र बैंकले मंगलबार लागि १ डलर बराबर ११४ रुपैयाँ २४ पैसा बिक्री दर तोकेको छ । यो हालसम्मको उच्च दर हो । अमेरिकी डलरसंग भारतीय रुपैयाँ (भारु) कमजोर भएपछि यसको असर नेपाली रुपैयामा परेको हो । भारतीय रिजर्व बैंक (आरबीआई) ले मंगलबारका लागि १ डलर बराबर ७१ रुपैयाँ ३७ पैसा भारु तोकेको छ । स्थिर विनिमय दर (फिक्सड पेग) भएका कारण भारु कमजोर हुनसाथ नेपाली रुपैयाँ पनि अवमूल्यन हुन्छ । डलर मजवुत भएपछि यसको चाप मूल्यमा पर्नेगर्छ र बजार भाउ बढ्छ । गत बैंशाखमा अमेरिकी डलर औसत १०६ रुपैयाँ ३८ पैसा थियो । ५ महिनाको बीचमा नेपाली रुपैयाँ झण्डै ९ रुपैयाँले कमजोर भएको छ । बैंकरले डलर अझै मजवुत हुने अनुमान गरेका छन् । एनएमबी बैंकका प्रमुख कार्यकारी अधिकृत (सीईओ) सुनील केसीे डलर मंगिएर ११६ रुपैयाँ पुग्ने बताएका छन् । उनले डलर मजवुत भएका कारण विदेशबाट ऋण लिन समस्या भएको जानकारी दिएका छन् । यता नेपाल राष्ट बैंक विदेशी विनिमय विभागका कार्यकारी निर्देशक भिष्मराज ढुगाना अमेरिकी अर्थतन्त्र मजवुत हुदा नेपाली रुपैयाँ कमजोर भएको बताउछन् । अमेरिकी राष्ट्रपति डोनाल्ड ट्रम्पले लिएका नीतिका कारण अमेरिकी अर्थतन्त्र मजवुत हुदा डलर महंगिएको हो । पछिल्लो समयमा अन्य मुलुकमा भएको लगानी अमेरिकामा फिर्ता हुन थालेपछि डलर संचिती बढेको छ । भारतबाट लगानी अमेरिकामा फिर्ता हुन थालेको छ । भारतमा डलर संचितीमा गिरावट आउनुका साथै अर्थतन्त्र कमजोर हुदै गएको छ । डलरका कारण वस्तु तथा सेवाको भाउमा वृद्धि भई मुद्रास्फितीको चाप बढ्ने देखिएको छ । विशेष गरी आयातित वस्तुको भाउ बढ्ने छ । आउदो दशैं महंगो हुने देखिएको छ । डलर बलियो भएपछि अर्जे्न्टिना, इण्डोनेसिया र टर्कीको मुद्रा धेरै कमजोर हुन पुगेको छ । डलर बलियो हुँदाका बेफाइदा डलर तिरेर आयात गरिएका वस्तु तथा सेवाको लागत महंगो भई खुद्रा मूल्य बढ्छ र अन्त्यमा यसको मारमा उपभोक्ता पर्छन् । यस्तै पेट्रोलियमको भाउ बढाउन पनि सहयोग गर्छ । डलर तिरेर विदेशबाट आउने सामानको मूल्य बढी हुन्छ । यस्तै भारत तथा तेस्रो मुलुकबाट आउने सवारीसाधन, मोबाइल फोन, इलेक्ट्रोनिक्सका सामान, लत्ताकपडाको भाउ बढ्छ । विदेशबाट कच्चा पदार्थ ल्याएर उत्पादन गर्ने उद्योगको लागतमा वृद्धि हुने छ । विदेशबाट आयातित वस्तुको लागत बढेर बजार भाउ महंगो हुन्छ । यस्तै जलविद्युत आयोजनाको लागत पनि बढ्ने छ । राज्यले विदेशी दातृ निकायसंग लिएको ऋणको भार बढ्छ । डलरमा ऋण तिर्न सरकारले बढी रुपैयाँ खर्च गर्नुपर्ने हुन्छ । अन्तराष्ट्रिय बजारमा हवाइ टिकटको मूल्य बढ्छ । नेपाल विद्युत प्राधिकरणले डलरमा बिजुली खरिद गर्दा तिर्ने दाइत्व पनि थप हुन्छ । यस्तै विदेशी कम्पनीले फिर्ता लैजाने लाभांश दायित्व बढ्छ । डलर बढ्दा रेमिट्यान्स र पेन्सन आप्रवाहमा वृद्धि हुन्छ ।
होङसी शिवमको क्षमता विस्तारमा ५ नेपाली बैंकको १६ अर्ब लगानी, उद्योगले दैनिक १२ हजार टन सिमेन्ट उत्पादन गर्ने
काठमाडौं । होङसी शिवम् सिमेन्ट प्राइभेट लिमिटेडको क्षमता विस्तार गर्न ५ नेपाली बैंकले १६ अर्ब रुपैयाँ ऋण लगानी गर्ने भएका छन् ।एनएमबी बैंकको अगुवाइमा नेपाल इन्भेष्टमेन्ट बैंक, प्रभु बैंक, एभरेष्ट बैंक, नेपाल एसबीआई बैंकले ऋण लगानी गर्ने भएका हुन् । अगुवा बैंकको तर्फबाट एनएमबीका प्रमुख कार्यकारी अधिकृत (सीईओ) सुनील केसी र होङसी सिमेन्टका उपाध्यक्ष विश्वनाथ गोयले सोमबार ऋण लगानी सम्झौतापत्रमा हस्ताक्षर गरेका हुन् । उद्योगमा एनएमबीको ६ अर्ब ७५ करोड, नेपाल इन्भेष्टमेन्टको ४ अर्ब, प्रभुको ३ अर्ब, एभरेष्टको १ अर्ब २५ करोड र एसबीआईको १ अर्ब रुपैयाँ ऋण लगानी हुने छ । उद्योगले नेपाल राष्ट्र बैंकबाट ९ अर्ब ८२ करोड रुपैयाँ वैदेशिक लगानी ल्याउन स्वीकृति पाएको छ । ७ वर्ष अवधि रहेको कर्जाको सुरक्षण जमानत बैंक अफ चाइना र मिङसेङले दिएका छन् । बैंकले थप लगानी गरेपछि होङसी शिवमको उत्पादन क्षमता दोब्बर बढेर दैनिक १२ हजार टन पुग्ने छ । हाल उद्योगले दैनिक ६ हजार टन अर्थात १ लाख २० हजार बोरा सिमेन्ट उत्पादन गरिरहेको छ । गत जेठदेखि उद्योगले सिमेन्ट उत्पादन थालेको हो । काम शुरु गरेको १६ महिनामा उद्योग सञ्चालनमा आएको छ । गत वर्षको भदौ १८ गते लगानी बोर्ड र होङसीबीच परियोजना लगानी सम्झौता (पीएनए) भएको थियो । सम्झौताअनुसार कम्पनीले नवलपरासीमा सिमेन्ट कारखाना स्थापनाको लागि ३६ अर्ब ७५ करोड रुपैयाँ (करिब ३५ करोड ९१ लाख अमेरिकी डलर) लगानी गरेको छ । कारखानाका लागि आवश्यक खानी पाल्पाको ज्यामिरेमा छ । उद्योग सञ्चालनका लागि आवश्यक ५० मेगावाट मध्ये १२ मेगावाट आफैले उत्पादन गर्ने छ । चीनको होङसी सिमेन्ट ग्रुपको सहायक कम्पनी हङकङ रेडलायन सिमेन्ट ३ लिमिटेडको लगानी छ । कारखानामा नेपालको व्यवसायीक समुह शिवम् होल्डिङसको ३० र होङसीको ७० प्रतिशत लगानी छ । सिमेन्ट उद्योगबाट उत्पादित सिमेन्ट वा ब्राण्डको नाम ‘होङ्सी’ राखिएको छ । चिनियाँ गुणस्तर पीओ ४२.५ र पीओ ५२.५ ग्रेडको “लो अल्काली” ओपीसी र पीपीसी सिमेन्ट उत्पादन गर्दैछ । १३ करोड टन उच्च गुणस्तरको आफ्नो चुनढुङा खानी छ । उद्योगले ६ सेट हवल स्वचालित प्याकेजिङ मेशिन र १२ सेट बोरा सिमेन्ट लोडिङ मेशिन जडान गरेको छ । जसको प्याकेजिङ र ढुवानी क्षमता १० हजार टन भएको उद्योगले जनाएको छ ।
होण्डा एक्स् ब्लेड अब नेपाली बजारमा, मूल्य ८ लाख ८५ हजार ९०० रुपैयाँ
काठमाडौं । नेपालका लागि होण्डा मोटरसाइकल तथा स्कुटरको अधिकारिक बिक्रेता स्याकार ट्रेडिङ्ग कम्पनी प्रा.लि. ले नयाँ होण्डा एक्स् ब्लेडलाई नेपाली बजारमा सार्वजनिक गरेको छ । भारतीय बजारमा केहि समय अगाडि लन्च भएको यस मोटरसाइलको नेपाली बजारमा पनि माग भएको कारण होण्डाले यस बाइकलाई नेपाली बजारमा लन्च गरेको हो । १६० सिसि अन्तर्गतको मोटरसाइलहरुमा रोबो फेस एईडी हेड ल्याम्प प्रयोग गर्ने होण्डा एक्स् ब्लेड पहिलो मोटरसाइल हो । नेपालको सडकहरुका लागि अति उपयुक्त यस बाइकलाई होण्डाले स्पोर्टी र मस्कुलर लुक दिएको कम्पनीले बताएको छ । कम्पनीका अनुसार यस बाइकमा स्ट्रिट टिच डिजिटल मिटर, लामो र आरमदायी सिट, मोनोसक सस्पेन्सन, डुअल आउटलेट मूफलर, राजोर इजड एलईडी टेल ल्याम्प, फराकिलो टायर, बढी समय टिक्ने सिल चेन जस्ता धेरै विशेषताहरु रहेका छन् । १६० सिसि इञ्जिन रहेको यस होण्डा एक्स् ब्लेडको मूल्य २ लाख ८५ हजार ९०० रुपैयाँ तोकिएको कम्पनीले जनाएको छ । जुन, नेपाली बजारमा विभिन्न ५ रङमा उपलब्ध रहेको छ ।
बजाज बाइक ग्राहकको अब हुनेछ पाकेट फुल, तपाईंको पाकेटमा कति अट्छ ?
काठमाडौं । बजाजको आधिकारिक वितरक हंसराज हुलासचन्द एण्ड कम्पनी प्रालीले ‘बजाज पाकेट फुल’ नामक ग्राहक योजना ल्याएको छ । कम्पनीले दशैं-तिहारकोे अवसरमा ग्राहकहरुको पाकेट भर्नको लागि उक्त योजना ल्याएको हो । यो योजनामा बजाजको कुनै पनि मोटरसाईकल खरिद गर्दा एउटा स्क्र्याच कार्ड पाइने छ । जसको एउटा भागमा स्क्र्याच गर्ने ठाउँ हुनेछ भने अर्को भागमा पाकेट फुल साप्ताहिक लक्की ड्र कुपन रहनेछ । स्क्र्याच कुपनबाट तत्कालै ग्राहकले ६ हजारदेखि १ लाख रुपैयाँसम्मको नगद छुट पाउन सक्ने कम्पनीले जनाएको छ । योजना अवधिभर साप्ताहिक पाकेटफुल लक्की ड्र कुपन मध्येबाट हरेक हप्ता लक्की ड्र गरि एकजना भाग्यशाली विजेताको घोषणा गरिनेछ, जसले पाकेटफुल कार्यक्रममा गई पाकेटफुल गर्ने मौका पाउने छन् । साप्ताहिक पाकेट फुल कार्यक्रममा विजेताले तोकिएको समय भित्र बढीभन्दा बढी पैसारुपी कुपनहरु समातेर आफ्नो पाकेटहरु फुल गर्नुपर्नेछ, सोही कुपन बराबरको रकम विजेतालाई प्रदान गरिनेछ ।
संघियता असफल भएमा सैन्य शासन आउँछ
काठमाडौं । संघीयताको मातमा नेपालको ब्युरोक्रेसी र एलिट निजामति सेवा निरन्तर ध्वस्त हुदैछ । निजामति सेवा क्षेत्रमा भिजनरी नेतृत्व देखिएन । सरकार भनेकै निजामति सेवा हो र यसको बेहाल हुनु भनेको कुशासनको महारोगमा फस्नु हो । आफू संघीय व्यवस्थाको हिमायति हुदाहुदै पनि म यसको नयॉ निजामति प्रणाली केवल विद्यमान संरचना भत्काउने तर नयॉ प्रभावकारी संरचना निर्माणमा बलिदान र योगदान नगर्नेहरूको हातमा पुग्छ कि भन्ने जुन डर थियो, त्यही देखिन थालेको भान हुदैछ । निजामति सेवाको वर्तमान जेजस्तो छ दह्रो फ्रेम २०१३ सालमा टंकप्रसादले बनाएका थिए, महेन्द्रले दह्रो पारेका थिए । बहुदल आएपछि यसको अंग पतन हुदै अब संघीय व्यवस्था दाहसंस्कार हुन लागेको अनुभूत भयो । कमजोर सरकार र कमजोर ब्योरोक्रेसीले आमन्त्रित गर्ने राज्य व्यवस्था सैनिक शासन हुने गरेको विश्व ईतिहास र वर्तमानले देखाएको छ । नेता कर्मचारीलाई दोष लगाउने, कर्मचारीले नेतालाई सराप्ने र जनता कर्मचारी र नेतालाई धारे हात लाउने अहिलेको अवस्था खतरनाक हो । निजामति सेवा जोगाऔं अनि मात्र मुलुकमा स्थीरता शान्ति र विकासका पूर्वाधार सही हुन पुग्नेछ । नत्र पिँध बिनाको लोटामा पानी अडिने छैन, पुर्पुरोमा हात राखेर धिक्कार्नुको के अर्थ होला ।
बालाजु क्षेत्रमा विद्युत आपूर्ति नियमित गर्ने प्रयास जारी, १५ मेगावाट बिजुली कटौती
काठमाडौं । नेपाल विद्युत प्राधिकरणले आगलागीका कारण क्षति पुगेको बालाजू सबस्टेसनको ट्रान्सफर्मको मर्मत गरिरहेको छ । सबस्टेसनमा रहेका २ वटा २२.५ एमभिएको ट्रान्सफर्मरमध्ये एउटाको उच्च भोल्टेज बुसिङमा शनिबार राति करिब ७ बजे आगलानी भएको थियो । यसबाट बालाजु र महाराजगञ्जको बीचमा विद्युत आपूर्तिमा गडबढी भइरहेको छ । प्राधिकरणका प्रवक्ता प्रबल अधिकारीले ट्रान्सफर्मरमा समस्या आउनसाथ प्राविधिक टोली खटिई मर्मत गरिरहेको जानकारी दिए । प्राधिकरणका कार्यकारी निर्देशक कुलमान घिसिङ आइतबार सबस्टेसनको स्थलगत निरीक्षण गरी मर्मतसम्भारको काम छिट्टो सक्न निर्देशन दिएका थिए । ‘आगलागी भएको बुसिङ फेरी तेल हालिएको छ, लो भोल्टेज बुसिङमा पनि समस्या देखिएकाले त्यसलाई फेर्ने काम भइरहेको छ’,प्रवक्ता अधिकारीले भने,‘मर्मत सम्भारको काम चाँडोभन्दा चाँडो सकेर विद्युत आपूर्ति नियमित गर्न प्राधिकरण लागिरहेको छ ।’ बालाजू सबस्टेसनमा पिक समयमा करिव ३१ मेगावाट विद्युत माग छ । साधारण समयमा सबस्टेसनमा चालू रहेको एउटा ट्रान्सफर्मरले लोड धाने पनि पिक समयमा नधान्ने हुँदा आलोपालो गर्दे त्यस क्षेत्रमा विद्युत आपूर्ति कटौती गरिएको अधिकारीले जानकारी दिए । ‘एउटा ट्रान्सफर्मरमा आगलागी भएपछि त्यस क्षेत्रमा करिव १५ मेगावाट विद्युत आपूर्ति गर्न सकिंदैन’,उनले भने,‘यसले गर्दा त्यस क्षेत्रमा विद्युत आपूर्तिमा केही गडबढी भएको छ ।’ धर्मस्थली, विष्णुमती, नागार्जुन, महाराजगञ्ज १, महाराजगञ्ज(२, टेकु(१, बिआई डि(१, बिआई डि(२, नयाँ बजार फिडरहरुबाट विद्युत आपूर्ति भएका क्षेत्र प्रभावित भएका हुन् ।
