पूर्वाधार निर्माणका लागि ४० हेक्टर वन क्षेत्र प्रयोग गर्न सरकारले दियो अनुमति
काठमाडौँ । सरकारले आधा दर्जन आयोजनाको पूर्वाधार निर्माणका लागि करीब ४० हेक्टर वन क्षेत्र प्रयोग गर्न दिने अनुमति दिएको छ । मन्त्रिपरिषद्को यही पुस १३ र १६ गते बसेको बैठकले लमजुङमा माथिल्लो स्याङ्गे खोला साना जलविद्युत् आयोजना (२ दशमलव ४० मेगावाट) का लागि ३ दशमलव ४९ हेक्टर, उदयपुरमा चुनढुङ्गा उत्खननका लागि ४ दशमलव ४३ हेक्टर र पाल्पामा पत्थरकोइला उत्खनन योजना सञ्चालनका लागि १ दशमलव ३२ हेक्टर वन क्षेत्र प्रयोग गर्न अनुमति दिएको वन तथा वातावरण मन्त्रालयले जनाएको छ । त्यस्तै सिन्धुपाल्चोकमा याम्बालिङ खोला जलविद्युत् आयोजना (७ दशमलव २७ मेवा) का लागि ३ दशमलव ४९ हेक्टर, रसुवामा रसुवा–भोटेकोशी जलविद्युत् आयोजना ९१२० मे।वा।० का लागि २३ दशमलव ०२ हेक्टर र ताप्लेजुङमा पाथीभरादेवी दर्शन केवलकार योजना सञ्चालनका लागि ४ दशमलव ९७ हेक्टर वन क्षेत्र प्रयोग गर्न अनुमति दिएको मन्त्रालयको वन तथा जालाधार महाशाखाले जनाएको छ । उक्त आयोजनाहरुलाई प्रयोग गर्न दिइएको वन क्षेत्रमा हाल जम्मा १५ हजार १३८ रूख छन् । कुनै पनि आयोजनाले वन क्षेत्र स्थायी प्रयोग गरेबापत सो क्षेत्रफल बराबरको जमीन अन्यन्त्र खरीद गर्नुपर्ने र कटान हुने प्रत्येक एक रूख बराबर नयाँ २५ रूख रोप्नुपर्ने कानूनी प्रावधान छ । रोपण गरिएका नयाँ रूखलाई पाँच वर्षसम्म सम्बद्र्धन तथा संरक्षण गरी सरकारलाई हस्तान्तरण गर्नुपर्ने प्रावधान रहेको महाशाखा प्रमुख कृष्णप्रसाद आचार्यले जानकारी दिए । वन क्षेत्र प्रयोग गरेबापत आयोजानाले बेहोर्नु पर्ने क्षतिपूर्तिका सम्बन्धमा हालसम्मको कार्यान्वयनको अवस्था निकै फितलो र कमजोर रहेको स्वयं मन्त्रालयको गुनासो छ । सोही विषयलाई मध्यनजर गरी मन्त्रालयले हाल प्रभावकारी अनुगमन संयन्त्र बनाउने र कडाइका साथ लागू गर्ने तयारी गरेको छ । मन्त्रालयले हालसम्म विभिन्न निकायलाई अन्य प्रयोजनका लागि १६ हजार ७१६ हेक्टर वन क्षेत्र उपलब्ध गराइसकेको छ । मन्त्रालयले ५१६ विभिन्न निकायलाई फरक फरक १२ प्रयोजनका लागि सरकारी वन क्षेत्रको उक्त जग्गा प्रयोग गर्न दिएको हो । सबैभन्दा बढी जलविद्युत् र विद्युत् प्रसारण लाइनको क्षेत्रमा १६४, सरकारी कार्यालय ९२, सुरक्षा निकायलाई ६७, भौतिक पूर्वाधारलाई ५७ र सामाजिक सेवाका लागि ३८ आयोजनालाई जग्गा दिने प्रस्ताव मन्त्रिपरिषद्बाट स्वीकृत भएको देखिन्छ । यसबाहेक मन्त्रिपरिषद् बैठकले बसोबास क्षेत्रका रूख हटाउन र मुक्तकमैया बसोबास क्षेत्रका रूख हटाइ व्यवस्थापन गर्न स्वीकृत दिएको छ । सो निर्णयअनुसार मन्त्रालयले कैलाली, दाङ र बर्दियामा मानव बस्तीमा रहेका ८०० भन्दा बढी रूख द टिम्बर कर्पोरेशन अफ नेपाल लिमिटेडमार्फत कटान गर्ने भएको छ । सरकारले विभिन्न समयमा मुक्त कमैया र अन्य परिवारलाई बसोबासका लागि जमीन वितरण गरे पनि सो क्षेत्रमा रहेका रूख भने सरकारकै नाममा रहेका छन् । सोही मन्त्रिपरिषद् बैठकले बर्दघाट सुस्तापश्चिम (नवलपरासी) र बर्दघाट सुस्तापूर्व (नवलपरासी) मा जिल्ला वन पैदावार आपूर्ति समिति गठन गर्न स्वीकृति दिएको छ । नवलपरासी जिल्ला विभाजन भए पनि दुबै जिल्लामा वन पैदावार आपूर्ति समिति गठन गर्न सो निर्णय गरिएको मन्त्रालयका प्रवक्ता डा सिन्धुप्रसाद ढुङ्गानाले जानकारी दिए ।
सन नेपाल लाइफ इन्स्योरेन्सद्वारा डोटी र डडेल्धुरामा बीमा जागरण कार्यक्रम सम्पन्न
काठमाडौं । सन नेपाल लाइफ इन्स्योरेन्स कम्पनीद्वारा डोटी र डडेल्धुरामा छुट्टाछुट्टै बीमा जागरण अभियान तथा अभिकर्ता सम्मान कार्यक्रम सम्पन्न भएको छ । डोटीमा भएको कार्यक्रममा कम्पनीका महा प्रवन्धक कमलराज गौतमको सभापतित्वमा संचालनमा कार्यक्रमको प्रमुख अतिथीहरुमा दिपायल सिलगढी नगरपालिकाका मेयर मन्जु मलासी, उपमेयर शिवराज खड्का, डोटी उद्योग वाणिज्य संघका अध्यक्ष, जिल्ला स्थित सरकारीतथा गैरसरकारी कार्यालयका प्रमुखहरु, बैंक तथा वित्तीय संस्थाका प्रतिनिधिहरु ल्गायत स्थानीय समाजसेवी, पत्रकार उपस्थिती रहेको थियो । डडेल्धुरामा संचालित कार्यक्रममा सामाजिक अभियन्ता तथा हास्यकलाकार सिताराम कट्टेल (धुर्मुस) र कुन्जना घिमिरे (सुन्तली)ले फजुल खर्च गर्नु भन्दा बीमा गर्न आग्रह गरेका छन् । सन नेपाल लाइफ इन्स्योरेन्स कम्पनी शाखा कार्यालय डडेल्धुराले शनिबार जिल्ला सदरमुकाम बस पार्कमा आयोजना गरेको बीमा जागरण कार्यक्रममा बताएका छन् । कार्यक्रममा सहभागी हुन पहिलो पटक डडेल्धुरा आएका धुर्मुसले भने, रक्सी–जाड, चुरोट खाने पैसाले बीमा गर्ने र आफ्नो परिवार खुशी बनाउँन आग्रह गरेका छन् । कार्यक्रममा सन नेपाल लाइफ इन्स्योरेन्स कम्पनिका महा प्रबन्धक कलमराज गौतम, डडेल्धुरा अमरगडि नगरपालिकाका नगर प्रमुख विशेश्वर ओझा, जिल्ला न्यायधिस कृष्णचन्द ज्ञवालि, प्रमुख जिल्ला अधिकारी मोहनराज जोशी, जिल्ला प्रहरी कार्यालयका प्रहरी नायव उपरिक्षक डम्बरबहादुर केसि, ससस्त्र प्रहरी बलका प्रमुख रमेशबहादुर कुवर, पत्रकार महसंघका अध्यक्ष मानबहादुर साउद लगायतको सहभागिता थियो । ५ हजार बढि व्यक्तिहरुको सहभागिता रहेको उक्त कार्यक्रममा महा प्रबन्धक गौतमले बीमाबारे जानकारी दिएका छन् ।
आइतबारको सेयर बजार ७ अंकले घट्यो, अन्य बाहेक सबै समूह राताम्मे
काठमाडौं । आइतबारको सेयर बजार ७.२२ अंकले घटेको छ । कारोबार शुरु भएदेखि निरन्तर ओरालो लागेको बजार अन्तत ०.६१ प्रतिशतले घटेर ११७०.७९ अंकमा अडेको छ । बजारमा कुल १० समूह करोबारमा आएका छन् । जसमध्ये अन्य समूह बाहेक बाँकी समूह राताम्मे भएका छन् । सबैभन्दा बढी निर्जीवन बीमा समूह ७९ अंकले घटेको छ । अन्य समूह भने ९.५४ अंकले उकालो लागेको छ । सो दिन कुल १५६ कम्पनीको ३१ करोड रुपैयाँ बराबरको सेयर कारोबार भएको छ । सो मध्ये सबैभन्दा एनसीसी बैंकको ३ करोड ३२ लाख रुपैयाँ बराबरको सेयर किनबेच भएको छ ।
सुजुकी बर्गम्यान १२५ स्कूटर तुलसीपुरमा लन्च
काठमाडौं । सुजुकी टु ह्वीलर्सको तुलसीपुरको लागी आधिकारीक विक्रेता न्यू केसी अटोमोबाइल्स प्रालीले सुजुकी बर्गम्यान १२५ आजबाट औपचारीक रुपमा विक्रि शुभारम्भ गरेको छ । यो आकर्षक तथा सुविधाजनक म्याक्सी–स्कूटर हो, जसमा १४ इन्चको आकारको ट्युबलेस ठूला टायरहरु छन्, सुजुकी बर्गम्यान १२५ मा ७५०० आरपिएममा ८.७ बिएचपि को शक्ति उत्पादन गर्ने क्षमता बोकेको १२४.३ सिसिको शक्तिशाली इन्जिन जडित छ । स्कूटरको अग्र भागमा डिस्क ब्रेक छ भने ५.६ लिटर क्षमताको प्रेट्रोल अट्ने क्षमता राख्दछ । डिजिटल ड्यासबोर्ड रहेको यो स्कूटरमा एलइडि हेड लाइट, एलइडि टेल ल्याम्प जडान गरिएका छन् । एरो डाइनामिक डिजाइन, क्रोम फिनिसिङ, सेन्ट्रल लक प्रणाली, मोबाइल चार्जको लागि युएसबि पोर्ट, पञ्जा राख्ने भाग जस्ता विविध सुविधाजनक विशेषताहरु पनि यस स्कुटरमा रहेका छन् । फरक खालको बनावटको कारणले यो स्कुटर अत्यन्त आकर्षक देखिनुका साथै बाक्लो र विस्तारित सिटले यसलाई चलाउँदा छुट्टै प्रकारको अनुभूति महशुस हुन्छ । यो स्कूटर सबै १२५ सिसिका स्कूटरहरुको समूहमा एक बेन्चमार्कको रुपमा स्थापितहुने कुरा निर्विवाद रहेको कुरा न्यू केसी अटोमोबाइल्स प्राली संचालक प्रेम केसीले जानकारी गराएका थिए । यो चौथो पुस्ताको हरेक चालकले खोजिरहेको एक सम्पूर्ण प्याकेजको स्कूटर पनि हो । हाल यसको बजार मूल्य २ लाख २९ हजार ९०० रूपैयाँ कायम गरिएको छ । सुजुकी, जापानीज बाइकहरु निर्माणमा ख्याति कमाएको विश्वकै एक अग्रणी बाइक निर्माता हो र हाल विश्वका प्रायःजसो सबै देशहरुमा यसको उपस्थिति रहेको छ । विश्वमा सर्वाधिक अवार्डहरु प्राप्त गर्न सफल सुजुकी बाइकहरु नेपालमा विभिन्न आकर्षक रङ्गहरु र विविध मुल्यमा उपलब्ध छन् र नेपालभर ८३ ठाउ बाट एउटै छाना सेल्स, सर्भिस र स्पेयर्स पार्ट्स बिक्री बितरण नेपाल को ठुलो घराना भी जी आटोमोबाइलस ले गर्दै आएको छ । तुलसीपुर तथा आसपासका क्षेत्रमा बिक्री पछिको सेवा प्रभावकारी रुपमा प्रदान गर्ने क्षमता राख्ने रा न्यू के सी अटोमोबाइल्स प्रा ली ले सेल्स, सर्भिस र स्पियर्स सजीलो सँग उपलब्ध गराउदै आएको छ । आइतबार(आज) तुलसीपुर महानगरपालिका बडा नं ५ का अध्यक्ष प्रमुख अतिथि बिरेन्द्र शाहबाट विधिवत रुपमा सुजुकी बर्गम्यान १२५ सीसीको बिक्रि शुभारम्भ भएको थियो ।
कोशी नदीमा फागुन दोस्रो साता जेट बोट चल्ने, १८ वटा बोट ल्याइदै
काठमाडौं । कोशी नदीको ५० किलोमिटर दूरीमा फागुन दोस्रो साताबाट जेट बोट र स्पिड बोट सञ्चालन हुने भएको छ । कोशी एड्भेन्चर प्राइभेट लिमिटेड र बराहक्षेत्र जल यातायात तथा पर्यटन सेवाले नदीमा जल यातायात सुरु गर्न लागेका हुन् । कोशी एड्भेन्चरले कोशी नदीमा स्पिडबोट सञ्चालन गर्नेछ । सुनकोशी, सप्तकोशी र अरुण नदीमा वराह क्षेत्रले स्पिडबोट सञ्चालन गर्ने भएको हो । स्पिडबोट सुनसरी, उदयपुर, धनकुटा र भोजपुरमा सञ्चालन हुने एड्भेन्चर प्रमुख डीबी कार्कीले बताए । कार्कीका अनुसार प्रालिले १८ वटा बोट निर्माणका लागि भारतीय कम्पनीलाई जिम्मा दिएको छ । कम्पनीले फागुन महिनासम्ममा केही बोट उपलब्ध गराउने कार्कीको भनाई छ । बोट ६ देखि २६ सिट क्षमताको हुनेछ । प्रालिका अनुसार स्पीड बोटबाट २ नगरपालिका र ३ गाँउपालिका समेट्नेछ । हाल एड्भेन्चरले नदीमा ४ वटा बोटबाट र्याफ्टिङ सञ्चालन गरिरहेको छ । १२ जना क्षमताको बोटबाट र्याफ्टिङ गर्दा प्रतिव्यक्ति ३ हजार रुपैयाँँ शुल्क लिने गरिएको छ । आयोजना परामर्शको काम प्रकृति कन्सल्ट प्रालिले गरिरहको छ । कन्सल्टका म्यानेजर डा. माधव गिरीले देशका अन्य स्थानमा समेत जेट बोट सञ्चालन गर्न सकिने बताए । यसअघि नै कोशी नदीमा बराहक्षेत्र जल यातायात तथा पर्यटन सेवा प्रालिले २५ सिट क्षमताको मिनी पानी जहाजको परीक्षण गरिरहेको छ ।सो कम्पनीले ३ वटा मिनी पानी जहाजबाट बराह क्षेत्रदेखि भोजपुरसम्म जल यात्रा आरम्भ गराउन लागेको हो । २५ सिट क्षमताको जेट बोटले चतरादेखि भोजपुरको सिम्लेसम्म ५० देखि ६० किलोमिटर दूरी पार गर्नेछ । नेपालमा यो जेट बोट पहिलो पटक भित्र्याउन लागिएको हो, यसको प्रारम्भिक लागत १० करोड रुपैयाँ रहेको एड्भेन्चरका प्रमुख कार्कीले बताए । यसले आन्तरिक तथा बाह्य पर्यटकलाई मनोरञ्जन दिने कम्पनीले विश्वास लिएको छ ।
सेञ्चुरी कमर्सियल बैंक र ब्लु क्रस अस्पतालबीच सेवा सम्झौता
काठमाडौं । सेञ्चुरी कमर्सियल बैंक र त्रिपुरेश्वरस्थित ब्लु क्रस अस्पतालबीच विभिन्न सेवा सुविधामा दिइने छुट सम्बन्धि सम्झौता भएको छ । उक्त सम्झौतापत्रमा बैंकका प्रमुख बजार अधिकृत रन्जन खड्का र ब्लु क्रस अस्पतालका कार्यकारी व्यवस्थापन समितीका सदस्य सचिव रजत श्रेष्ठले हस्ताक्षर गरेका छन् । बैंकले आफ्ना खातावाला, क्रेडिट र डेबिट कार्ड ग्राहकहरु तथा शयेर धनिहरुलाई सहुलियत प्रदान गर्ने सम्झौता गरेको छ । सम्झौता अनुसार बैंैकको खातावाला, क्रेडिट र डेबिट कार्ड ग्राहकहरु तथा बैंकका शयेरधनिहरुले अस्पतालको प्याथोलोजी, अल्ट्रासाउन्ड, सीटी स्क्यान, अपरेशन, रेडियोलोजी, बेड चार्ज तथा अन्य जांचमा १२ प्रतिशतसम्म छुट पाउनेछन् । बैंकले उपत्यकामा १३ शाखाहरु र ६ वटा एक्स्टेन्सन काउन्टरहरु र उपत्यका बाहिर ९६ शाखाहरु र २ वटा एक्स्टेन्सन काउन्टरहरु साथै १२ वटा शाखारहित बैंकिङ्ग गरी जम्मा १२९ स्थानबाट कारोबार सञ्चालन गरिरहेको छ ।
प्रदेश नं. ५ काे नवलपरासीमा नेपाल बैंकद्वारा वित्तीय साक्षरता कार्यक्रम
काठमाडौं । प्रदेश नं ५ नवलपरासी जिल्ला (पश्चिम) को पाल्हीनन्दन स्थित सिद्धार्थ उच्च माध्यमिक विद्यालयमा वित्तीय साक्षरता कार्यक्रम आयोजना गरेको हो । उक्त कार्यक्रममा प्रमुख अतिथि पाल्हीनन्दन गाउँपालिकाका अध्यक्ष वैजुप्रसाद गुप्ताले बैंकले वित्तीय साक्षरता कार्यक्रम छानेकोमा स्थानीय जनताको तर्फबाट आभार व्यक्त गरेका थिए । नेपाल बैंक पाल्हीनन्दन शाखाका शाखा प्रवन्धक विनोद गुप्ताको सभापतित्वमा बैंकका भैरहवा, मणिग्राम तथा बुटवल क्षेत्रका शाखा प्रबन्धकहरुको समेत सहभागिता रहेको उक्त कार्यक्रमको प्रधान कार्यालयका प्रवन्धक शंकरप्रसाद अधिकारीले सहजिकरण गरेका थिए । २५० बढी स्थानीय विद्यार्थी, कृषक, उद्यमी, व्यवसायीको सहभागिता रहेको उक्त कार्यक्रममा बैंकको प्रधान कार्यालय संस्थागत योजना तथा अनुसन्धान विभागका प्रमुख तथा कार्यक्रम संयोजक लेखनाथ भुसालले बैंकिङ्ग आदत, वचतको महत्वबारे चर्चा गर्दै नेपालको बैंकिङ्ग बजारमा नेपाल बैंकले पुर्याउँदै आएको छ । प्रदेश नं ५ का प्रमुख पासांग दोर्जी शेर्पाले यस प्रदेशमा उद्यमशीलता बढाई रोजगारी तथा आय अभिवृदि गर्ने उद्यमी व्यवसायीको प्रयासमा नेपाल बैकले हरसंभव सहयोग गर्ने जनाएका छन् । सिद्धाार्थ उच्च माध्यमिक विद्यालय संचालक समितिका अध्यक्ष केदार गिरीले यस कार्यक्रमबाट यस उच्च माध्यमिक विद्यालयका विद्यार्थीहरु तथा यस क्षेत्रका बासिन्दाको बैंकिङ्ग आदत विकासमा योगदान पुग्ने बताएका छन् । बैकले देशका ५९ जिल्लामा १५४ शाखा ८१ वटा एटिएम सेवा विन्दु मार्फत १५ लाख बढी ग्राहकलाई प्रत्यक्ष बैंकिङ्ग सेवा पुराउँदै आएको छ ।
माछापुच्छ्रे बैंकले तीन जिल्लामा थप ८ शाखा रहित बैंकिङ्ग सेवा संचालन
काठमाडौं । माछापुच्छ्रे बैंकले रियल टाइममा नै खाता खोल्न मिल्ने गरी तीन जिल्लामा थप ८ शाखा रहित बैंकिङ्ग सेवा सूचारु गरेको छ । माछापुच्छ्रे बैंकले खोटाङ्ग, भोजपुर र डडेलधुरामा ८ शाखा रहित बैंकिङ्ग सेवा एकै पटक संचालनमा ल्याएको छ । बैंकले खोटाङ्गमा पर्ने हलेसी तुबचुङ्ग नगरपालिकाको अर्खौले र राजापानीमा २ शाखा रहित बैंकिङ्ग सेवा सञ्चालनमा ल्याएको छ । डडेलधुरामा पर्नेवागेश्वर गाँउपालिको रुपाल र गन्यापधुरा गाँउपालिको बदलमा २ शाखा रहित बैंकिङ्ग सेवा सञ्चालनमा ल्याएको छ । साथै भोजपुरमा पर्ने ट्याम्के मैयुङ् गाँउपालिका कोट र पाँचधारे, सदानन्द नगरपालिको साङ्पाङ् र पौवाडुङ्मा गाउँपालिकाको च्याङ्रेमा पनि ४ शाखा रहित बैकिङ्ग सेवा संचालनमा ल्याएको छ । बैकिङ्ग पहुँचदेखि टाढा रहेका ग्रामीण भेगमा बैंकले आफ्ना ग्राहक सेवा केन्द्रहरु मार्फत अत्याधुनिक बैकिङ्ग सेवा प्रदान गरेको छ । बैंकले पुर्वमा झापा देखि पश्चिममा कन्चनपुर साथै हिमाल देखि पहाड, र तराईसम्म आफ्ना ८८ वटा शाखाहरु, २ एक्सटेन्सन काउण्टर लगायत ५२ शाखा रहित बैकिङ्ग सेवागरी जम्मा १४२ स्थानबाट ग्राहकमा सम्पुर्ण बैंकिङ्ग सुविधा प्रदान गरेको छ । साथै, बैंकको देशभर ११० वटा एटिएम सञ्चालनमा रहेका छन् ।
