विदेशी फर्निचरभन्दा स्वदेशी फर्निचर धेरै बलियो छ: रुपेश प्रधान
२०४२ सालमा स्थापना भएको जया फर्निचरले राम्रो व्यापार गरिरहेको छ । नेपालमा फर्निचरको अवस्था र जया ब्रान्डको बारेमा सञ्चालक तथा नेपाल फर्निचर एण्ड फर्निसिङ एसोसियशनका अध्यक्ष रुपेश प्रधानसँग गरेको कुराकानीः नेपाली जया फर्निचर ब्राण्डको स्थापना कहिले भएको हो ? विसं. २०४२ सालमा फर्निचर बेच्ने उद्देश्यले स्थापना भएको हो । हामीले नेपालको उत्पादनलाई नै बेच्न पर्छ भनेर जया फर्निचर स्थापना गरेका हौँ । हाम्रो कारोबार टुकुचाबाट सुरु भएको हो । जया फर्निचरलाई कसरी चिने प्रयोगकर्ताले ? केही सयम पहिले गृह लक्ष्मी भन्ने स्टीलको दराज थियो । त्यो दराज विवाहमा नभै नहुने जस्तै सबैको लोकप्रिय भएको थियो । वीरगंजमा केडिया समूहको गृहलक्ष्मी दराज उत्पादन गरेको थियो, स्टीलको गृहलक्ष्मी जस्तै काठबाट बनेका जया ब्राण्डका दराज, शोफा, टेबुलकुर्सी जस्ता सामान उत्पादन गरी बिक्री शुरु गर्यो, जसलाई प्रयोगकर्ताहरुले मन पराए र लोकप्रिय भयो । जया फर्निचरले के-के सामान बेच्छ ? नेपाली काठबाट बनेका बेड, टेबल लगायत सबै सामानहरु बिक्री गर्छ । विदेशी सामानलाई भन्दा पनि हामीले स्वदेशी सामानलाई प्रथामिता दिएका छौं । जया फर्निचरको आफ्नै ब्रान्डको परिचय कसरी दिन्छ ? हामीले विदेशी फर्निचरहरुभन्दा पनि राम्रो र गुणस्तरको उत्पादन गरेर बिक्री गरिरहेका छौँ । नेपालको श्रम, कच्चा पदार्थको प्रयोग गरेर विदेशी फर्निचर भन्दा राम्रो फर्निचर विक्री गरिरहेका छौँ । हामीले ग्राहकको चाहान अनुसारका फर्निचर बनाएर दिने गरेका छौं । नेपाली फर्निचर विक्री गर्न चुनौती छ ? जया ब्रान्ड अर्थात नेपाली फर्निचर बेच्न त्यति ठूलो चुनौती छैन । ग्राहकले पनि नेपाली सामान अलि मंहगो परेपनि बलियो हुन्छ भनेर बुझेका छन् । नेपालको काठ र उत्पादन राम्रो भएपनि विदेशबाट किन फर्निचर आयात हुन्छ ? नेपालको काठ राम्रो छ । नेपाली काठ अलि मंह्गो छ । विदेशी फर्निचरहरूमा प्रविधिको प्रयोग गरेर थोरै खर्चमा धेरै फर्निचरहरु उत्पादन हुन्छ । मूल्यका कारणले नेपाली फर्निचरभन्दा विदेशी फर्निचरको प्रयोग आयात भइरहेको छ । सरकारले काष्ठ उद्योगलाई प्रवद्र्धन नगर्दा विदेशी काठ आयात बढ्दै गएको छ । आधुनिक प्रविधिको प्रयोग हुन नसक्दा नेपाली फर्निचर मह्गो भएको हो त ? नेपालमा आधुनिकभन्दा पनि हस्त निर्मित फर्निचर धेरै राम्रो हुन्छ । हस्त निर्मित भएकाले हाम्रो सामानहरू बलियो र टिकाउ छ । त्यहि कारणले मूल्य पनि बढी परेको हो । विदेशी फर्निचर बनाउँदा मेशिनको प्रयोग भएको हुन्छ । विदेशमा कच्चा पदार्थ र श्रम पनि सस्तो छ । हाम्रो देशमा मह्गो श्रमका साथै कच्चा पदार्थ पनि विदेशबाट आयात गर्नुपर्छ । जया फर्निचरनको उत्पादनमध्ये के बढी बिक्री हुन्छ ? जय फर्निचरको उत्पादनमा सबैभन्दा बढी पलङ र टेबल बिक्री हुने गरेको छ । हाम्रो ब्राण्ड अलि महंगो भए पनि बलियो हुन्छ भनेर नेपालीले बुझेका छन् । जया फर्निचरले वार्षिक कति कारोबार गर्छ ? जया फर्निचरले वर्षिक १५ करोडको कारोबार गरिरहेको छ ।
५० र २० दरका नौ लाखभन्दा बढी नयाँ नोट सिरिज बजारमा
काठमाडौं । नेपाल राष्ट्र बैंकले बिहीबारदेखि बजारमा नयाँ सिरिजका नोट बजारमा पठाएको छ । बैंकले ९ लाख ९९ हजार ९ सय ९९ वटा ५० र २० दरका नयाँ नोट बजारमा पठाएको हो । राष्ट्र बैंक ३ वर्ष अघि अर्थात २०१६ मा छापिएका २० दरका नोट बजारमा चलचल्तीका लागि पठाएको छ भने २०१५ मा छापिएको ५० दर सिरिजको नोट पठाएको छ । राष्ट्र बैंकले बजारमा २० दरकै जतिकै संख्या (नौ लाख ९९ हजार ९ सय ९९वटा) मा नोट बजारमा पठाएको हो । राष्ट्र बैंकले २० दरका सिरिजमा ञ/४१ ०००००१ देखि ञ/४१ ९९९९९सम्म अंक अंकित गरिएको छ । ५० दर सिरिजका ज/०००००१ देखि ज/९९९९९ सम्मका नोटमा बजारमा आएको हो ।
डिशहोमको फन्ड ट्रान्सफरबाट रिचार्ज गरी खुशी वर्षभरी योजना सार्वजनिक
काठमाडौँ । डिशहोमले ग्राहकहरुको सेवा सुविधाका लागि विभिन्न समयमा प्रदान गर्ने विभिन्न अफरहरुजस्तै यसपालि डिशहोम फण्ड ट्रान्सफर सेवामार्फत ३ महिना, ६ महिना र बार्षिक रिचार्ज गर्दा भारी छुट सहितको विभिन्न प्याकेजहरु सार्वजनिक गरेको छ । अनलाईन मार्फत सजिलै बिना कुनै झन्झट ग्राहकको सेट टप बक्स रिचार्ज गर्न मिल्ने फण्ड ट्रान्सफर सेवा मार्फत ३ महिना, ६ महिना र १२ महिनाको लागि रिचार्ज गर्न सकिन्छ । फण्ड ट्रान्सफर सेवा मार्फत एकमुष्ठ रिचार्ज गर्दा ग्राहकहरुलाई महिनैपिच्छे रिचार्ज कार्ड किनेर रिचार्ज गर्नुपर्ने झन्झटबाट मुक्ति मिल्छ भने वार्षिक रिचार्ज गर्दा भारी छुट पनि प्राप्त गर्न सकिने कम्पनीले जनाएको छ । फण्ड ट्रान्सफर सेवामार्फत रिचार्ज गर्दा विभिन्न एड अन प्याकेज पनि छानीछानी लिन सकिन्छ जुन सुविधा रिचार्ज कार्ड वा अन्य सेवा प्रदायकमार्फत रिचार्ज गर्दा प्राप्त हुने छैन । ३ महिनाको रिचार्जमा १ महिना, ६ महिनाको रिचार्जमा २ महिना र १२ महिनाको रिचार्जमा ४ महिनाको लागि आफुलाई मनपरेको कुनै एक एड अन प्याकेज छानीछानी लिन सकिन्छ । बार्षिक रिचार्ज गर्दा पहिले ४२०० मा हेरिरहनु भएको बेसिक प्याकेज ३६०० मै हेर्न सकिन्छ । यस्तै मिडियम प्याकेज ४,८०० को सट्टा ४,२००, बेसिक प्लस ५,१०० को सट्टा ४,५००, मिडियम प्लस ५,७०० को सट्टा ४,९९८, सुपर एचडी ६,००० को सट्टा ४,९९९, प्रिमियम एचडी ७,२०० को सट्टा ५,७९९ र लाईफस्टाईल एच.डी १०,८०० को सट्टा ८,४०० मै उपलब्ध हुनेछ । फण्ड ट्रान्सफर सेवा डिशहोमको नेपालभर रहेका आधिकारिक बिक्रेता, डिलर लगायत सबै डिलरहरुमा उपलब्ध रहेको कमपनीले जनाएको छ । फण्ड ट्रान्सफर सेवा, अफर अन्र्तगतका प्याकेज र एड अन प्याकेजको बारेमा विस्तृत जानकारी डिशहोमको आधिकारिक बिक्रेता वा ग्राहक सेवा केन्द्रमा सम्पर्क गर्न सकिन्छ ।
मुक्तिनाथ विकास बैंकका ग्राहकलाई रुपाकोट रिसोर्टमा १५ प्रतिशत छुट
काठमाडौँ । मुक्तिनाथ विकास बैंक लि.काठमाडौं र रुपाकोट रिसोर्ट, पोखरा कास्कीबीच एक सम्झौता भएको छ । उक्त सम्झौता बमोजिम मुक्तिनाथ विकास बैंकका भिषा डेविट कार्ड भएका सबै ग्राहकहरुले उक्त रुपाकोट रिसोर्टका विभिन्न सेवा सुविधामा १५% सम्मको विशेष छुट दिने व्यवस्था भएको छ । उक्त सम्झौता पत्रमा मुक्तिनाथ विकास बैंकको तर्फबाट बजारीकरण विभागका विभागीय प्रमुख बसन्त बक्सी र रुपाकोट रिसोर्टकोे तर्फबाट बिक्री प्रबन्धक पियुस लामाले हस्ताक्षर गरेका छन् । साथै हालैमात्र मुक्तिनाथ विकास बैंकको आफ्नै रेमिट, मुक्तिनाथ रेमिटले चाडपर्वलाई लक्षित गरी भदौ १ देखि कात्तिक ३० गतेसम्म लागू हुने गरी रेमिट्यान्स(विप्रेशण) केन्द्रित ‘७६ साल ७६ उपहार, चाडपर्वसंग खुशीको वहार’ अभियान सञ्चालन गरेको बैंकका प्रमुख सूचना अधिकारी तिलबहादुर गुरुङ्गले बताए ।
मनिग्रामको दशैं लक्षित नयाँ योजना घोषणा, तीन महिना अवधि, पैसा पठाउँदा दोब्बरसम्म भुक्तानी पाउनसक्ने
काठमाडौं । विश्वव्यापी कार्यक्षेत्र भएको अन्तर्राष्ट्रिय रेमिट्यान्स सेवाप्रदायक संस्था मनिग्रामले दशैं तिहारलक्षित नयाँ योजना सार्वजनिक गरेको छ । वैदेशिक रोजगारी, शिक्षा लगायतका कारणले विदेश गएकाहरुले आफ्ना परिवारलाई रकम पठाउँदा मनिग्रामको सञ्जाल प्रयोग गर्ने ग्राहकलाई दोब्बरसम्म भुक्तानी दिने योजनासहित मनिग्रामले नयाँ कार्यक्रम घोषणा गरेको हो । विहीबार राजधानीको होटल याक एण्ड यतिमा आयोजित पत्रकार सम्मेलनमा मनिग्रामका लागि भारतीय उपमहाद्विप, इन्डो-चाइना र मलेसियाका लागि क्षेत्रीय प्रमुख शेसागिरी मालियाह र मनिग्रामकी एशिया प्यासिफिक, दक्षिण एशिया र मध्यपूर्व क्षेत्रकी मार्केटिङ प्रमुख सब्रिना चानले सो कार्यक्रमको घोषणा गर्दै मनिग्रामले यसअघि मे महिनादेखि जुलाई महिनासम्म सञ्चालन गरेको कार्यक्रम विजेता बनेका २४ जनालाई पुरस्कार समेत प्रदान गरेका थिए । बिहीबारको कार्यक्रममा रामेश्वर बस्नेत, सीता पुन, बीरबहादुर गुरुङ, गोपालबहादुर अधिकारी, सीता कामी, मदन रानाभाट, बिनु सुनार विक, सन्तोष पौडेल, मिलन कार्की, रमेशचन्द्र खनाल, गणेश चन्द, खुस्बु रजत र गीता श्रेष्ठ र उनका परिबारले त्यस्तो पुरस्कार प्राप्त गरेका हुन् । दशैं तिहारको अवसरमा मनिग्रामले घोषणा गरेको उक्त कार्यक्रम यही भदौ १५ गतेबाट सुरु भएको छ भने मंसिर १४ गतेसम्म सञ्चालन हुनेछ । यो अवधिभित्र मनिग्राम नेटवर्क प्रयोग गरी पैसा पठाउने र प्राप्त गर्नेले लक्की ड्रका आधारमा आफूले पठाएको रकमको दोब्बर रकम प्राप्त गर्न सक्नेछन् । कार्यक्रममा बोल्दै मनिग्रामका लागि भारतीय उपमहाद्विप, इन्डोचाइना र मलेसियाका लागि क्षेत्रीय प्रमुख शेसागिरी मालियाहले मनिग्रामले सुरक्षित र भरपर्दो माध्यमबाट रेमिट्यान्स प्रवाह गर्दै नेपालको आर्थिक अवस्था र सामाजिक सांस्कृतिक अझ मजबुत गर्न सहयोग पुर्याउँदै आएको बताए । त्यस्तै, मनिग्रामकी एशिया प्यासिफिक, दक्षिण एशिया र मध्यपूर्व क्षेत्रकी मार्केटिङ प्रमुख सब्रिना चानले मनिग्रामले परिवारहरुलाई दोब्बर खुसी दिँदै आएको भन्दै नेपालले घोषणा गरेको भ्रमण वर्ष २०२० सफल पार्न समेत मनिग्रामले सहयोग गर्ने बताइन् । मनिग्रामले विश्वका २०० भन्दा बढी देशहरुमा आफ्नो सम्पर्क सञ्जाल स्थापित गरेको छ । ती सबै देशका जुनसुकै स्थानबाट समेत यो नेटवर्कमो मध्यमबाट रकम आदानप्रदान गर्न सकिनेछ । नेपालमा मनिग्रामको नेटवर्कमा युनाइटेड रेमिट, आईएमई, प्रभु मनि ट्रान्सफर, हिमाल रेमिट, सम्सारा रेमिट र सिटी एक्सप्रेस मनि ट्रान्सफर आवद्ध छन् ।
सेञ्चुरी कमर्सियल बैंकद्वारा दृष्टिविहीन सहयोग केन्द्रलाई कम्प्युटर हस्तान्तरण
काठमाडौँ । सेञ्चुरी कमर्सियल बैंकले महालक्ष्मी, ललितपुरस्थित दृष्टिविहीन सहयोग केन्द्र नेपाललाई २ थान कम्प्युटर हस्तान्तरण गरेको छ । उक्त कम्प्युटर बैंकका प्रमुख कार्यकारी अधिकृत तुलसीराम गौतमले दृष्टिविहीन सहयोग केन्द्र नेपालका अध्यक्ष राजेन्द्र दुलाल क्षेत्रीलाई हस्तान्तरण गरे । हस्तान्तरण समारोहमा बैंकका वरिष्ठ पदाधिकारीहरुको उपस्थिति थियो । बैंकले आफ्नो संस्थागत सामाजिक उत्तरदायित्व अन्तर्गत शिक्षा, स्वास्थ्य, वातावरण तथा अन्य क्षेत्रमा थुप्रै कार्यक्रमहरु गर्दै आएको जनाएको छ ।
एनओसीकोे निर्वाचनमा बाटाे खुला, भदौ २८ गते हुने
काठमाडौं । नेपाल ओलम्पिक कमिटी (एनओसी) को नयाँ कार्यसमितिका लागि यही भदौ २८ गते निर्वाचन हुने भएको छ । अन्तर्राष्ट्रिय ओलम्पिक कमिटी र ओलम्पिक काउन्सिल अफ एशियाको पर्यवेक्षणमा चुनाव हुने एनओसीका अध्यक्ष जीवनराम श्रेष्ठले जानकारी दिएका छन् । यसअघि भदौ २० गतेका लागि तय गरिएकोे निर्वाचन सर्वोच्च अदालतको आदेशले स्थगित भएको थियो । न्यायाधीशद्धय तेजबहादुर केसी र मनोजकुमार शर्माको संयुक्त इजलासले यही भदौ १७ गते अदालतले एनओसीको कार्यसमिति निर्वाचन रोक्न दिएको अन्तरिम आदेशलाई निरन्तरता नदिएपछि निर्वाचनका लागि बाटो खुलेको थियो । सर्वोच्च अदालतले विसं २०६७ मा मान्यता दिएको रुक्मशम्शेर राणा अध्यक्ष रहेको नेपाल ओलम्पिक कमिटीका सदस्य कमलबहादुर चित्रकारले राष्ट्रिय मान्यता नपाएको एनओसीको निर्वाचन रोक्न माग गर्दै सर्वोच्चमा रिट दायर गरेका थिए । रिटमा सुनुवाइ गर्दै सर्वोच्चका न्यायाधीश टङ्कबहादुर मोक्तानको इजलासले निर्वाचन रोक्न अन्तरिम आदेश जारी गरेको थियो । नेपाल ओलम्पिक कमिटीको नयाँ नेतृत्वका लागि वर्तमान अध्यक्ष जीवनराम श्रेष्ठ र पूर्व उपाध्यक्ष उमेशलाल श्रेष्ठ प्रतिस्पर्धामा छन् । त्यस्तै, महासचिवमा जीवनराम प्यानलबाट नीलेन्द्रराज श्रेष्ठ र उमेशलाल पक्षबाट पुरेन्द्रविक्रम लाखे प्रतिस्पर्धामा उत्रेका छन् । कोषाध्यक्षमा भने रतन टण्डन र उपमहासचिवमा पिताम्बर तिम्सिना निर्विरोध भइसकेका छन् । निर्वाचनले एक अध्यक्ष, पाँच उपाध्यक्ष, एक महासचिव, तीन सचिव र सात सदस्य चयन गर्नेछ । रासस
भिभो मोबाइल खरिदमा विदेश भ्रमणदेखि स्मार्ट टिभिसम्मका उपहार
काठमाडौं । दशैं–तिहारको अवसरमा भिभो मोबाइल किन्दा विभिन्न उपहार पाइने भएको छ । नेपालका लागि भिभो मोबाइलको आधिकरिक बिक्रेता एपेक्स मनकामना प्रालिले १३ हजार रुपैयाँ देखि ५० हजार रुपैयाँसम्मको भिभो सेट खरिद गर्ने ग्राहक तथा विक्रेताहरूलाई उपहार योजना घोषणा गरेको हो । कम्पनीले काठमाडौंमा वितरक भेला सम्पन्न गरेर १३ वितरकलाई दशैंतिहार लक्षित योजनाको वारेमा जानकारी गराइएको छ । मोवाइल किन्ने १० जना भाग्यशाली ग्राहकलाई इन्डोनेसियाको बाली भ्रमण, १५ जनालाई स्मार्ट टीभी, ४२ जनालाई स्मार्ट फोन, १६० जनालाई भिभो ब्याग उपहार राखिएकोे छ । ‘सो अवधिमा भिभो मोवाइल किन्ने सबै ग्राहकलाई स्क्रिन र रिप्ले समेन्ट ग्यारेन्टी उपलब्ध गराइन्छ’–एपेक्स मनकामनाका ब्यापार प्रमुख सुशील न्यौपानेले भने । त्यसैगरी, भिभोका वितरक तथा मोबाइल बिक्रेतालाई पनि विभिन्न ट्राभल प्याकेज उपलब्ध गराउने जानकारी दिइएको छ । सो योजनामा ३४ जना वितरक तथा भिभो मोवाइल बिक्रेतालाई भिभोको नयाँ मुख्य कार्यालय भ्रमण गराउने कम्पनीको लक्ष्य छ । मोबाइल आयात तथ्यांक अनुसार भिभो मोबाइल नेपालको तेस्रो ठूलो बजार हिस्सा ओगट्न सफल भएको ब्राण्ड हो । सो योजना भदौ २९ गतेबाट लागू हुनेछ ।