तातोपानी नाका दश दिन बन्द हुने, डेढसय मिटर सडक चर्कियो
चौतारा । अविरल वर्षाले तिब्बतको खासा बजारनजिक रमिते भन्ने ठाउँमा सडकको बीच भागमा करीब डेढसय मिटर चर्किएपछि तातोपानी नाका बन्द भएको छ । सीमा पुलबाट सात किलोमिटरमाथि रहेको सो सडकमा चिनियाँ प्राविधिक टोलीले निरीक्षण गरी मर्मत कार्य शुरु गरिएकाले आठ-दश दिनसम्मका लागि बन्द हुने भोटेकोशी गाउँपालिकाका अध्यक्ष राजकुमार पौडेलले जानकारी दिए । सडक बन्द भएकाले मर्मत गरी पुनः सञ्चालन हुन १० दिन लाग्ने जानकारी पाएको तोतोपानी भन्सार कार्यालयका भन्सार अधिकृत तथा सूचना अधिकारी केशव वलीले बताए । सो नाका भएर आउन लागेका मालवाहक कन्टेनर भ्यानहरु पनि सडक बन्द भएपछि केरुङतर्फ फर्काइएको अध्यक्ष पौडेलले जानकारी दिए । यस नाकाबाट भूकम्पपछि यस पालाको बडादशैँका लागि करीब ५० हजार भेडाच्याङ्ग्रा भित्रिने भएको छ । भेडाच्याङ्ग्रा लिन सात-आठ टोली तिब्बत गइसकेकाले अबको तीन÷चार दिनपछि तातोपानीमा आइपुग्ने व्यापारीहरुले बताएका छन् । रासस
भारतमा आयो ‘केटिएम ७९० ड्यूक’, के छन् विशेषता ?
काठमाडौँ । केटिएमले सोमवार भारतमा ‘७९० ड्यूक’ सार्वजनिक गरेको छ । कम्पनीले भारतीय बजारमा यो मिडलवेट स्पोर्ट–नेकेड बाइकको मूल्य रु.८,६४,००० तोकेको छ । भारतमा आज मात्र सार्वजनिक भएतापनि ७९० ड्यूक अन्य अन्तर्राष्ट्रिय बजारमा भने पहिलेबाट नै बिक्री वितरण भइरहेको थियो । सार्प बडि वर्क, मस्कुलर फ्युल ट्याङ्क र त्यसैगरी माथि लगाइएको एक्जस्टको कारणले गर्दा केटिएम ७९० ड्यूकले एकदम एग्रेशिभ लुक्स पाएको छ । स्प्लिीट हेड ल्याम्प दिइएको यस बाइकमा ३९० ड्यूकको जस्तै पूmल कलर टिएफटि इन्स्ट्रुमेन्ट कन्सोल पनि समावेस छ । यस बाइकमा ७९९ सीसी प्यारालल्–ट्वीन इञ्जिन दिइएको छ जसले १०५ बीएचपीको पावर र ८६ एनएमको टर्क प्रोड्युस गर्दछ । यस बाइकमा स्लिपर क्लच र क्विक–सिफ्टर सहितको ६–स्पिड गियरबक्स पनि दिइएको छ । अन्य फिचरहरुको रुपमा यस बाइकमा ट्र्याक्सन कन्ट्रोल, कर्नरि¨ एबीएस, लञ्च कन्ट्रोल, व्हिली कन्ट्रोल र त्यसैगरी ४ ओटा राइडि¨ मोडहरु पनि दिइएका छन् । १६९ के.जी कर्बवेट रहेको यस बाइकमा अगाडि तर्फ ‘डब्लूपी’ ब्राण्डको ४३ मिलिमिटर अप्साइड–डाउन फर्क र पछाडि भने प्रिलोड एडजस्टेवल मोनोशक दिइएको छ । त्यसैगरी ब्रेकको कुरा गर्नुपर्दा अगाडिको चक्कामा ३०० मिलिमिटरको ट्वीन डिस्क दिइएको छ भने पछाडिको चक्कामा चाहिँ २४० मिलिमिटरको सि¨ल डिस्क दिइएको छ । केटिएमको यो ७९० ड्यूक मोडेलले भारतीय बजारमा ट्रायम्पको स्ट्रिट ट्रिपल एस र स्ट्रिट ट्रिपल आरएस, यामाहाको एमटि–०९, सुजुकीको जिएसएक्स–एस७५० र डुकाटीको मोन्स्टर ८२१ जस्ता बाइकहरुसँग प्रतिष्पर्धा गर्नेछ । भारतीय बजारमा ७९० ड्यूक अहिलेका लागि भने १०० युनिट मात्र भित्रिएको भारतीय सञ्चारमाध्यमहरुले जनाएका छन् ।
ओपोद्वारा नेपालमा ए-सिरिज २०२० सार्वजनिक
काठमाडौँ । अग्रणी स्मार्टफोन ब्राण्ड ओपोले नेपालमा ओपो ए सिरिज २०२० सोमबधार आधिकारिक रुपमा सार्वजनिक गरेको छ । ओपो ए सिरिज २०२० अन्तर्गत सार्वजनिक ओपो एनाइन २०२० र ओपो एफाइभ २०२० मध्यम वर्गिय स्मार्टफोन बजारका लागि ब्राण्डको नयाँ भेट हो । उच्च गुणस्तर र मितब्ययी मूल्यको समायोजनका साथै उत्कृष्ट फोटोग्राफी, आकर्षक डिजाइन र लामो समय टिक्ने ब्याट्रीका साथमा ए सिरिज जेनरेशन यूवाका लागि अपरिहार्य उपकरणका रुपमा रहिरहने कम्पनीले बताएको छ । ८ जीबी ¥याम र १ सय २८ जीबी रोम सहितको ओपो एनाइन २०२०, मरिन ग्रिन र स्पेस पर्पल रंगमा अक्टोबर १ देखि नेपालभरका प्रमुख बिक्री केन्द्रमा उपलब्ध हुनेछ । यसको बजार मूल्य रु. ३५ हजार ९ सय ९० निर्धारण गरिएको छ । मूल्य रु. २७ हजार ९ सय ९० निर्धारण गरिएको ४ जीबी ¥याम र १ सय २८ जीबी रोम सहितको ओपो एफाइभ २०२०, मिरर ब्ल्याक र ड्याजलिङ ह्वाइट रंगमा सेप्टेम्बर २४ देखि नै नेपालभरका प्रमुखविक्रि केन्द्र मार्फत उपलब्ध हुने जनाइएको छ ।
अग्रज बहुउद्देश्यीय सहकारी संस्थाको एघारौं बार्षिक साधारण सभा सम्पन्न
काठमाडौँ । अग्रज बहुउद्देश्यीय सहकारी संस्थाको एघारौं बार्षिक साधारण सभा सम्पन्न शनिबार डल्लु स्थित स्वयम्भु ब्याङक्वेटमा सम्पन्न भयो । संस्थाका अध्यक्ष घनश्यामप्रसाद श्रेष्ठको सभापतित्वमा सम्पन्न कार्यक्रमका प्रमुख अतिथि सहकारीबिद् दीपकप्रकाश बास्कोटा रहेका थिए । उक्त कार्यक्रममा राष्ट्रिय सहकारी बैंक न्यूरोडका शाखा प्रमुख केदारनाथ उप्रेती र गोङ्गबु शाखा प्रमुख बिनोद भट्टराई अतिथि रहेका थिए । आव २०७५/०७६ को सञ्चालक समितिको प्रतिवेदन, लेखापरीक्षण प्रतिवेदन पास गर्नुको साथै अन्य बिभिन्न बिषयहरु माथि छलफल गरी निणर्य गरियो । उक्त अवसरमा कामनपा वडा नं.–१५, डल्लु आवासमा संस्थाले खरिद गरेको कार्यालय भवन उद्घाटन गरिएको संस्थाका सचिव विनयकुमार पौडेलले जानकारी दिए ।
अण्डाको मूल्य बढाइयो, अब प्रतिगोटा १२ रुपैयाँ
काठमाडौँ । नेपाल दाना, अण्डा, कुखुरा वितरक सङ्घ केन्द्रीय समितिले अण्डाको नयाँ मूल्य कायम गरेको छ । सङ्घले आज काठमाडौँमा आयोजना गरेको बृहत अन्तरक्रिया कार्यक्रममा किसान र व्यवसायी बीचको सहमतीपछि नयाँ मुल्य कायम गरिएको हो । नयाँ मूल्य अनुसार अबदेखि उपभोक्ताले प्रतिगोटा १२ रुपैयाँमा अण्डा पाउनेछन् । आज कायम भएको नयाँ मुल्य अनुसार बिक्रिवितरण नगर्नेलाई कार्वाही गर्ने संघले जनाएको छ । आजै मुल्य लागु गर्न व्यवसायीको तर्फबाट सूर्यमान शाक्य र किसानको तर्फबाट पिताम्बर सञ्जेलको संयोजकत्वमा अलग अलग ७÷७ सदस्यीय समिति गठन गरिएको छ । किसानहरु धेरै समयदेखि अण्डको रेट नपाएर व्यवसायी धरासीय भएको अवस्थामा नेपाल दाना, अण्डा, कुखुरा वितरक संघले काठमाडौँमा आम उत्पादक, सप्लार्यसहरु भेला गरेको संघका अध्यक्ष तेजनारायण पाण्डेले बताए । नेपाल दाना, अण्डा, कुखुरा वितरक संघकै पहलमा भएको मूल्य वृद्धिले किसानले वास्तविक मूल्य पाउनेमा कुनै शंका नरहेको संघका अध्यक्ष पाण्डेले बताए । यसअघि भदौ ३१ गते सोही संघले चितवनमा देशव्यापी रुपमा उत्पादक, सप्लार्यस, वितरकहरुको भेला राखी घट्दै २२० रुपैयाँ पुगेको अण्डाको क्रेट रेटलाई वृद्धि गरि २५० किसान रेट कायम गरेका थियो । कार्यक्रमका प्रमुख अतिथि नेपाल दाना उद्योग संघका केन्द्रीय अध्यक्ष रविन पुरीले सबै मिलेर समस्याको समाधान गर्नुपर्नेमा जोड दिँदै संघको कार्यक्रमको प्रशंसा गरे ।
असोज ९ गतेदेखि भृकुटीमण्डपमा फेस्टिवल मार्केट आयोजना हुने, ७५ प्रतिशतसम्म छुट
काठमाडौँ । दशैं, तिहार तथा छठलगायतका चाडपर्वलाई लक्षितगर्दै असोज ९ गतेदेखि राजधानीको भृकुटीण्डपमा फेस्टिवल शपिङ मार्केट संचालन हुने भएको छ । चाड पर्वका बेलाआवश्यक पर्ने सबैप्रकारका सामाग्री एकै छानामुनी सहज र सुपथ मूल्यमा उपलब्ध गराउन इभेण्ट सोलुसन प्रालिले फेस्टिवल मार्केट सञ्चालन गर्ने भएको हो । ‘अफरै अफरको ब्यापारिक भेला, शपिङ गर्ने यही हो बेला’ भन्ने नाराका साथ सञ्चालनहुने फेस्टिवल मार्केटमा घरायसी प्रयोजनका सम्पूर्ण सामाग्री, खाद्यान्न, छालाका उत्पादनहरु, खानाका परिकार तथाउत्पादन, कपडा, जुत्ता, ह्याण्डीक्राफ्ट, इलेक्ट्रोनिक्स लगायत सामाग्रीका सयभन्दा बढी स्टलहरु रहने आयोजकसंस्थाइभेण्ट सोलुसन प्रालिका बजार निर्देशक नविन भट्टले बताए । फेस्टिवल मार्केटमा जुत्ता तथा चप्पल उद्यमी समुह अन्तरगतका ४ वटा नेपाली ब्राण्डको विशेष सहभागिता रहनेछ । बिएफ डियर हिल, रन सुज, शिखर सुज र शु ल्याण्डका १ हजारभन्दा बढी मोडलका जुत्ता तथा चप्पलहरु १५ देखि ७५ प्रतिशतसम्मको छुटमा खरिद गर्न सकिने व्यवस्थामिलाइएकोबिएफ डियर हिलका प्रबन्ध निर्देशक होमनाथ उपाध्यायले बताए । रन सुजका प्रबन्ध निर्देशक रुद्र न्यौपानेका अनुसार जुत्ता मेला फूलपातीसम्म निरन्तर चल्नेछ । जुक्ता मेलामा स्पोर्टस, क्याजुअल तथा पार्टी सुजका साथै छालाका पेटीहरु सुपथ मूल्यमाउपलब्ध गराइने बताइएको छ । राजधानीकाबासिन्दातथा चाडपर्व मनाउन उपत्यकाबाहिर जाने व्यक्तिहरुलाई लक्षित गर्दै एकै ठाउँमा सहज रुपमा आवश्यक सामाग्री खरिद गर्न पाउने अवसर प्रदान गर्न फेस्टिवल शपिङ मार्केट संचालन गरिएको इभेन्ट सोलुसन प्रालिका अध्यक्ष सुनिल भण्डारीले बताए । एक्सपोको प्रवद्र्धन नेपाल नेपाल चेम्बर अफकमर्शले गर्नेछ । त्यस्तै ललिपुर चेम्बर अफकर्मश र भक्तपुर चेम्बर अफकमर्शले पनिएक्स्पोको प्रवद्धन गर्नेछन् । असोज ९ गतेदेखि संचालन हुने फेस्टिवल सपिङ मार्केट असोज १३ गतेसम्म संचालन हुनेछ ।
अक्सफोर्ड विश्वविद्यालयद्वारा नेतृत्व प्रशिक्षण कार्यक्रम आयोजना
काठमाडौँ । अक्सफोर्ड विश्वविद्यालय प्रेसले विद्यालयका प्रधानाध्यापकहरुको लागि अन्तरक्रियात्मक नेतृत्व प्रशिक्षण कार्यक्रमको आयोजना गरेको छ । प्रशिक्षण कार्यक्रममा देशभर भएका विभिन्न अग्रणी विद्यालयहरुका ७० भन्दा बढी प्रधानाध्यापकको सहभागिता रहेको थियो । आइतबार काठमाडौँको अन्नपूर्ण होटलमा प्राध्यापकहरुको लागि पहिलो पल्ट यस्तो प्रकारको अन्तरक्रियात्मक नेतृत्व प्रशिक्षण कार्यक्रमको आयोजना गरेको हो । कार्यक्रम डा. नीलकण्ठले संचालन गरेका थिए । अन्तरक्रिया कार्यक्रम मुख्यत ःशिक्षामा ‘नेतृत्व संगै भावनात्मक बौद्धिकता‘ विकासको लागि केन्द्रित थियो ।
वायुसेवा निगममा समस्याका चाङ, कर्मचारीलाई तलब दिनै धौधौ
काठमाडाैं । यतिखेर नेपाल वायुसेवा निगम वित्तिय संकटमा छ । निगमको सुधारका लागि गठित कार्यदलले प्रस्तुत गरेको प्रतिबेदनका उल्लेख भएअनुसार निगम भारी वित्तिय संकटमा परेको हो । सरकारको ३१ अर्ब ४ करोड लगानी रहेको वायुसेवा निगम हाल सुरक्षित, असुरक्षित र अन्य गरी ४० अर्ब रुपैयाँ ऋणमा रहेको खुलेको छ । निगम यहि अवस्थामा अगाडि बढे कर्मचारीहरुलाई तलव भुक्तान गर्न पनि समस्या हुन सक्ने प्रतिवेदनमा उल्लेख गरिएको छ । निगमसँग सुरक्षित ऋण ३३ अर्ब ९७ करोड ४० लाख, असुरक्षित ऋण ३ अर्ब १४ करोड ७२ लाख, अल्पकालिन ऋण २ अर्ब ५५ करोड र सरकारलाई तिर्नु पर्ने ऋण ४६ करोड २५ लाख रहेको उल्लेख गरिएको छ । निगम गत असार मसान्तसम्म ५ अर्ब २१ करोड ७६ लाख सञ्चित नोक्सानीमा रहेको प्रतिवेदनमा उल्लेख गरिएको छ । कार्यदलले तयार पारेको प्रतिवेदनमा निगमलाई एक शसक्त संस्था बनाउनका लागि पुँजी बढाउनु पर्ने जनाइएको छ । हाल सम्म नेपाल वायुसेवा निगम नाफामा नजानुको कारणहरु उल्लेख गर्दै कार्यदलले विविध समस्याहरु प्रस्तुत गरेको छ । निगम/ कानुन नै बाधक निगमलाई सशक्त संस्थाका रुपमा स्थापित गर्नको लागि वर्तमान नियमहरु नै बाधक भएको प्रतिवेदनमा उल्लेख गरिएको छ । नेपाल वायु सेवा निगमका नियम तथा कानुनहरु समयसापेक्ष र बढ्दो अन्तराष्ट्रिय प्रतिस्पर्धामा निगमलाई उत्कृष्ट बनाउन सक्ने खालका नदेखिएको प्रतिवेदनमा उल्लेख गरिएको छ । देशको राजनितिक, सामाजिक साँस्कृतिक आर्थिक अवस्थाको साथै निगमको समेत संस्थागत संरचना र व्यवस्थापन शैली र आवश्यकता हवाई यातायात क्षेत्रको परिवर्तन आदि कारणले विद्यमान कानुन समायानुकुल परिमार्जन गर्नु पर्ने जनाइएको छ । दक्ष जनशक्तिको अभाव निगमले अत्याधुनिक जहाज ल्याइसकेपछि उक्त जहाजहरुको मर्मत सम्भार गर्न सक्ने गरी भौतिक पूर्वाधार र जनशक्तिको तयारी गर्नु पर्ने थियो, तर उक्त तयारी नभएको प्रतिवेदनमा उल्लेख गरेको छ । निगमको ह्याङ्गर एकदमै पुरानो, अव्यवस्थित र असुरक्षित रहेको छ । यस्तै निगमले ग्राउण्ड ह्याण्डलिङ व्यवस्थापनमा त्यति ध्यान नदिएको पनि प्रतिवेदनमा उल्लेख गरिएको छ । यस्तै निगमले परम्परागत प्रणाली र पद्धतीबाट प्रचार प्रसार गरेको कारण पनित्यति प्रभावकारी नभएको जनाइएको छ, यसले पनि निगमको आर्थिक पक्ष त्यति सवल नभएको हो । निगमसँग भएको स्थिर सम्पती परिचालन गर्न कुनै पनि पहल नगरेकोले सोचे अनुरुप नाफा हाँसिल गर्न नसकेको जनाइएको छ । यस्तै निगमको आर्थिक व्यवस्थापनका लागि नेपाल वित्तिय प्रतिवेदन मान(एनएफआरएस) अनुसारको अवलम्बन नगरेको जनाइएको छ । समयानुकुल प्रतिस्पर्धामक क्षमता अभिबृद्धि गर्न जहाजको कमि, व्यवस्थापनमा राजनीतिक हस्तक्षेप, परम्परागत र अपारदर्शी निर्णय र प्रक्रिया, राष्ट्रिय तथा अन्तराष्ट्रिय बजार प्रवद्र्धन गर्ने दक्ष जनशक्तिको अभाव लगायतका निगमका कमजोरी रहेको कार्यदलले तयार पारेको प्रतिवेदनमा उल्लेख गरेको छ । यस्तै कार्यदलले निगमलाई एक शसक्त संस्था र पुँजी बढाउनका लागि बहुपक्षीय लगानीकर्ता भित्र्याउँदै कम्पनी मोडलमा लैजानुपर्ने लगायत १३ सुझाब दिएको छ । दुई एयर बस ३२० खरिद गर्नु पर्ने कार्यदल संयोजक पूर्वसचिव सुशील घिमिरे र वरिष्ठ चार्टर्ड एकाउन्टेन्ट सुबोध कर्णसहित पाँचसदस्यीय कार्यदलले नेपाल वायुसेवा निगम सुधारका लागि थप २ वटा एयर बस ३२० खरिद गर्न सुझाव दिएको छ । निगममा पर्याप्त जहाज नभएकै कारण आम्दानी गर्न नसकेको निश्कर्ष निकाल्दै कार्यदलले थप जहाज खरिदको सुझाव दिएको हो । यसैगरी उडान गर्ने गन्तव्यको बिश्लेषण, विमान तथा उडान व्यवस्थापन आवश्यक भएको औंल्याएको छ । यसैगरी अनलाइन टिकटको व्यवस्था, सम्पत्ति तथा दायित्वको मुल्यांकन, कार्यसम्पादन सम्झौता गर्नुपर्ने लगाएतका सुझाव रहेका छन । निगमसंग अहिले ३२० सेरिजका २ ओटा र ३३० सेरिजका २ गरी ४ ओटा एयरवसले अन्तर्राष्ट्रिय उडान गरिरहेको छ । गन्तव्य तथा विमान उडान विश्लेषण/व्यवस्थापन गन्तब्यको लागत र आम्दानीको विश्लेषण गरेर मात्रै निगमलाई विमान उडानको सुनिश्चितता गर्न पनि कार्यदलले सुझाब दिएको छ । कार्यदलले निगमले हाल नाफा हुन नसक्ने गन्तव्यहरुमा हवाई उडान नगरेर घाटाका कतिपय गन्तव्यहरुमा उडान भर्दै आएकोले पनि दैनिक करोडौं घाटा बेहोर्नु परेको जनाएको छ । भाडादरमा वैज्ञानिक प्रतिस्पर्धात्मक विश्लेषण प्रणाली लागू नगरेको पाइएको प्रतिवेदनले देखाएको छ । त्यस्तै, उडान गन्तव्यको विश्लेषण गरी उपयुक्त जहाजको व्यवस्था गर्नसमेत निगमलाई कार्यदलले सुझाब दिएको छ । निगमसँग पर्याप्त जहाज नहुनु र भइरहेका जहाजहरू पनि अधिकांश समय ग्राउन्डेड रहने, मर्मतका लागि दिइएका विमान पनि समयमा नै तयार नहुने हुँदा धेरै उडान तालिका अवरुद्ध हुने गरेको प्रतिवेदनमा उल्लेख छ । सुचना तथा सञ्चार प्रविधि प्रयोगमा जोड कार्यदलले यो अवस्था सम्म आइपुग्दा पनि निगमले पुरानै र बीसौं शताब्दिको अव्यवहारिक र पुरानो प्रविधी प्रयोग गर्दै आएको जनाइएको छ । सूचना प्रविधिको बढ्दो आवश्यकतालाई ध्यानमा राखेर तत्काल सम्पूर्ण उपलब्ध प्रणालीहरुमा आवद्ध हुन निगमलाई निर्देशन दिएको छ । प्रविधिको प्रयोगबाट निगममा हुने अनावश्यक खर्च पनि कम हुने प्रतिवेदनमा उल्लेख गरिएको छ । निगमको सम्पत्ति तथा दायित्वको पुनर्मूल्यांकन गर्नुपर्ने कार्यदलले निगमलाई सम्पत्ति तथा दायित्व पुनर्मूल्यांकन (डिडिए) गर्न सुझाब दिएको छ । त्यस्तै, कार्यदलले निगमलाई नेपाल फाइनान्सियल रिपेयरिङ स्ट्यान्डर्ड (एनएफआरएस) अनुसार वित्तीय विवरण तयार पार्नसमेत सुझाब दिएको छ । निगमको स्थिर सम्पतीको व्यवस्थापन तथा सञ्चालनका लागि पनि यसको पुनर्मुल्यांकन गर्नुपर्ने जनाइएको छ । हेलिकोप्टर र प्याकेज टुर सेवा प्रदान गर्नुपर्ने कार्यदलले निगमलाई हेलिकोप्टर सेवा सञ्चालन गर्न सुझाब दिएको छ । निगमको आम्दानी जुटाउन हेलिकप्टर सेवा सञ्चालन गर्नुपर्ने जनाइएको छ । यसका साथै टुर प्याकेज, खाना आपूर्ति सेवा, उडान तालिम केन्द्र स्थापना, जहाज मर्मतसम्भार सेवा सञ्चालन गर्नसमेत सुझाव दिएको छ ।