फाइल फाेटाे
काठमाडौं । असार १ गतेदेखि भदौ मसान्तसम्म सडक खन्नेलाई सरकारले कारबाही गर्ने भएको छ ।
संघीय सडक सुपरिवेक्षण तथा अनुगमन कार्यालय, काठमाडौंले बुधबार एक सूचना जारी गरी वर्षायामको दुई महिना सडक खनिए कारवाही गर्ने जनाएको हो ।
बर्षायाममा धारा, ढल, बिजुली, टेलिफोन आदि प्रयोजनका लागि सडक खन्दा तत्काल मर्मत सम्भार गरी यथास्तितिमा ल्याउन नसकिने र सडक पनि थप बिग्रँदै जाने भएपछि उक्त निर्णय गरिएको कार्यालयले जनाएको छ ।
कार्यालय अन्तरगत सडक डिभिजनहरु मातहत रहेका कुनैपनि सडक खन्ने स्वीकृति नदिईने र कसैले जबर्जस्त सडक खनेको पाइएमा सार्वजनिक सडक ऐन २०३१ अनुनसार कडा कारबाही गरिने जनाईएको छ ।
