धमाधम नेपाल रिको सेयर बेच्दै विशाल ग्रुप, थप ४८.७५ करोडको बिक्रीमा राख्यो
काठमाडौं । नेपाल पुनर्बीमा कम्पनीको दोस्रो ठूलो सेयरधनी हो, विशाल ग्रुप । आर्थिक वर्ष २०७८/७९को तथ्याङ्क अनुसार नेपाल पुनर्बीमा कम्पनीमा यस ग्रुपको ३.०२ प्रतिशत अर्थात् ३५ लाख २२ हजार ५२८ कित्ता सेयर स्वामित्व छ । तर, विशाल ग्रुपले नेपाल रिमा भएको आफ्नो स्वामित्व धमाधम बिक्री गरेर बाहिरिन लागेको छ । ग्रुपले कम्पनीमा रहेको आफ्नो स्वामित्वको १५ लाख कित्ता सेयर बिक्रीमा राखेको हो । कम्पनीले उक्त सेयरको न्यूनतम मूल्य प्रतिकित्ता ३२५ रुपैयाँ तोकेको छ । सो मूल्यका आधारमा ग्रुपले ४८ करोड ७५ लाख रुपैयाँ बराबरको सेयर बिक्री गर्न लागेको हो । यसअघि गत असोजमा ग्रुपले आफ्नो स्वामित्वको १० लाख कित्ता सेयर बिक्री गरिसकेको छ । उक्त सेयर फरक फरक मूल्यमा बिक्री भएको थियो । कम्पनीको सेयर खरिद गर्न इच्छुक लगानीकर्ताले आज पुस २४ गतेदेखि माघ २९ गतेसम्म निवेदन पेश गर्नु पर्नेछ । कम्पनीको सेयर विद्यमान संस्थापक वा जो कोही व्यक्ति, कम्पनी, संघ, संस्थाले खरिद गर्न सक्ने बताइएको छ । कम्पनीको सेयर बिक्री प्रबन्धकमा एनआईसी एशिया क्यापिटल लिमिटेड रहेको छ । नेपाल पुनर्बीमाबाट बाहिरिँदै विशाल ग्रुप, साढे ३३ करोडको सेयर बिक्रीमा राख्यो नेपाल पुनर्बीमाको सेयर बिक्री नभएपछि मूल्य घटाएर बेच्दै विशाल ग्रुप नेपाल रिबाट बाहिरिए विशाल ग्रुप र नेपाल इन्स्योरेन्स, एक अर्बको कारोबार
सिटिजन्स बैंकको १० प्रतिशत ऋणपत्र सूचीकृत, मंगलबारदेखि कारोबारमा आउने
काठमाडौं । सिटिजन्स बैंक इन्टरनेशनलको १० प्रतिशत डिबेन्चर (ऋणपत्र)नेप्सेमा सूचीकृत भएको छ । पुस २३ गते सोमबार बैंक र नेप्सेबीच ‘१० प्रतिशत सिटिजन्स बैंक डिबेन्चर २०९०’ ऋणपत्र सीआईजेडबीडी९० सूचीकृत गर्ने सम्झौता भएको हो । यससँगै बैंकको १० वर्षे अवधि रहेको प्रतिथान एक हजार रुपैयाँ रहेको कूल ३० लाख कित्ताको सूचीकरण भएको छ । कम्पनीले सर्वसाधारण समक्ष हिमालयन क्यापिटल लिमिटेड (धितोपत्र निष्काशन तथा बिक्री प्रबन्धक कम्पनी) मार्फत खुल्ला बिक्री आव्हान गरेको थियो । सोमबार सूचीकृत भएको उक्त ऋणपत्र मंगलबारदेखि नेप्सेमा कारोबार हुने छ । जसको वार्षिक ब्याजदर १० प्रतिशत छ । बैंकले १९० वटा शाखा, १५१ वटा एटीएम र ९७ वटा शाखारहित बैंकिङ्ग ईकाईहरुबाट १६ लाख ९६ हजार ग्राहकलाई आधुनिक बैंकिङ्ग सेवाहरु प्रदान गर्दै आएको छ ।
माउन्टेन हाइड्रोको शतप्रतिशत हकप्रद सेयर जारी गर्ने प्रस्ताव पारित
काठमाडौं । माउन्टेन हाइड्रो नेपालको प्रस्तावित शतप्रतिशत हकप्रद सेयर जारी गर्ने प्रस्ताव पारित भएको छ । पुस २३ गते सम्पन्न कम्पनीको आठौं वार्षिक साधारणसभाले सञ्चालक समितिको उक्त प्रस्तावलाई पारित गरेको हो । साधारणसभाले आर्थिक वर्ष २०७९/८० को वार्षिक प्रतवेदन र लेखा परीक्षकका प्रतिवेदन सहितको आर्थिक वर्ष २०७९ ०८० को वार्षिक आर्थिक विवरण (वासलात, नाफा नोक्सान हिसाव तथा नगद प्रवाह लगायतका वित्तीय विवरणहरु) माथि छलफल गरी पारित गरेको छ । त्यसैगरि, सभाले आर्थिक वर्ष २०८०/८१ को लागि लेखापरीक्षक नियुक्ति समेत गरेको छ । सभाले अन्य कुनै जलविद्युत् आयोजनालाई प्राप्ती गर्ने तथा एक आपसमा गाभ्ने प्रस्ताव पारित गरेको छ ।
