जनशक्ति : नियुक्ति

काठमाडौं । नेपाल स्टक एक्स्चेञ्ज (नेप्से)का नवनियुक्त प्रमुख कार्यकारी अधिकृत कृष्णबहादुर कार्कीले कार्यभार सम्हालेका छन् । सीईओ कार्कीले माघ २६ गते बुधबार पदबहाली गरी आफ्नो कार्यभार सम्हालेका हुन् । उनले नेप्सेका सञ्चालक समिति समक्ष पद तथा गोपनीयताको शपथ ग्रहण गरेका हुन् । यससँगै उनले आगामी ४ वर्षसम्म नेप्सेको सीईओ पदको जिम्मेवारी सम्हाल्ने छन् । यसअघि गत सोमबार नै कार्यभार सम्हाल्ने तयारीमा रहेका कार्कीले आफ्नो व्यक्तिगत कामले गर्दा केही ढिला भएको बताएका छन् । आफ्नो पदभार ग्रहण गर्दै सीईओ कार्कीले आवश्यकता अनुसार पुँजी बजारको विकास तथा विस्तार, लगानीकर्ता, स्टक एक्स्चेञ्ज तथा कर्मचारीको हित प्रवद्र्धन गर्न सकारात्मक भूमिका निर्वाह गर्ने प्रतिवद्धता व्यक्त गरेका छन् । अर्थशास्त्र र सार्वजनिक प्रशासनमा मास्टर गरेका कार्कीले विगत ५ वर्ष अघिदेखि बुढीगण्डकी आयोजनाको संयोजक अर्थात सहसचिव सरहको पदमा रहेर काम गरिरहेका छन् । पहिलादेखि नै पुँजीबजार प्रति रुची राख्ने कार्कीले अब पुँजीबजारको नेतृत्वमा रहेर सबैको साथ सहयोगका साथ बजारको विकास तथा विस्तारलाई विशेष जोड दिने बताएका छन् । ‘पुँजीबजारलाई स्वच्छ, प्रतिस्पर्धी, पारदर्शी, समय सापेक्ष प्रविधिमैत्री बनाउनेमा नै जोड दिने हो, विसंगतिहरुलाई पनि हटाउँदै लगानीकर्ताको मनोबल बढाउने खालको काम कारवाही अघि बढाउने नै मेरो मुख्य प्राथमिकता हो,’ सीईओ कार्कीले भने । साथै, कार्यभार सम्हालिसकेपछि थप अध्ययन गरेर मात्रै कार्ययोजना तयार पार्ने उनी बताउँछन् । ‘पहिला कार्यभार सम्हालौं, त्यसपछि संस्थाका व्यवस्थापकीय टीमहरुसँग बसेर थप अध्ययन अनुसन्धान गरेर अल्पकालीन, मध्यकालीन र दीर्घकालीन कार्ययोजना बनाएर अघि बढ्ने उद्देश्य छ,’ विकासन्युजसँग बोल्दै उनले भने- ‘अब कार्यभार सम्हालेको २/३ हप्ताभित्र आफ्नो योजना सार्वजनिक गर्ने छु ।’ अहिले बाहिरी दृष्टिकोणले हेर्दा नेप्सेमा केही नीतिगत स्वार्थ, केही संरचनागत संस्थाका कुराहरु छन्, कार्यक्षेत्र विकास लगायत ब्रोकरको पूर्वाधार विकासमा केही सुधार गर्नुपर्ने देखिएको उनको भनाई छ । जसलाई सुधार गर्न आफ्नो प्रयास जारी रहने र त्यसमा सबैको साथ सहयोग पाइनेमा उनी विश्वस्त छन् । सम्बन्धित समाचारः नेप्सेका नवनियुक्त सीईओ भन्छन्ः तीन कार्ययोजना बनाएर अघि बढ्छु  

काठमाडौं । नेपाल नागरिक उडड्यन प्राधिकरणका (क्यान) का नवनियुक्त महानिर्देशक (डीजी) प्रदिप अधिकारी मालाले छोपिएका छन् । ११ औं तहका अधिकारीलाई सोमबार बसेको मन्त्रिपरिषद् बैठकले आगामी चार वर्षे कार्यकालका लागि महानिर्देशकमा नियुक्त गरेको थियो । क्यानको डीजी बन्नका लागि १२ औं तहका ६ जना उपमहानिर्देशक प्रतिस्पर्धामा रहेका थिए । ६ जना सिनियरलाई पाखा लगाउँदै अधिकारीले डीजीमा बाजी मारेका हुन । उनको स्वागतमा धेरै वटा मालाको प्रयोग भएको एउटा तस्विरले देखाएको छ । नवनियुक्त डीजी अधिकारीलाई धेरै वटा माला लगाइएकोे तस्विर फेलापारेपछि उनकै एक सहपाठीले व्यङग्य गरेका छन् । ‘लौ गज्जबको दृश्य देख्न पाइयो त ! यस्ता मालाको खातमा आफ्नै सहपाठी देख्दा एकातिर खुशी र गर्व लाग्ने अर्कोतिर आफ्ना साथी उस्तै आहालमा रमेको देखेर चसक्क मन दुख्ने !!! नियुक्त हुँदा जस्तो निवृत्त हुँदा होस् या चीरकालसम्म यस्तै माला पहि¥याउने गरेर काम गर्नु मित्र !! सुखद, सफल र अब्बल कार्यकालको शुभकामना !!! बधाई छ प्रदीप अधिकारी,’ सामाजिक सञ्जाल (फेसबुकमा) डीजी अधिकारीलाई मेन्सन गर्दै माधनराज न्यौपानेले लेखेका छन् ।

काठमाडौं । नेपाल स्टक एक्स्चेञ्ज (नेप्से)का नवनियुक्त प्रमुख कार्यकारी अधिकृत (सीईओ) कृष्णबहादुर कार्कीले आगामी सोमबार अर्थात माघ २४ गतेदेखि कार्यभार सम्हाल्ने भएका छन् । सरकारले नेप्सेको प्रमुखको जिम्मेवारी दिएको करिब एक सातापछि कार्कीले आफ्नो पदभार सम्हाल्ने तयारी गरिरहेका हुन् । माघ १७ गते बसेको मन्त्रिपरिषदको बैठकले कार्कीलाई ६ महिना अघिदेखि नेतृत्वविहीन भएको नेप्सेमा प्रमुखको जिम्मेवारी दिने निर्णय गरेको हो । यससँगै कार्कीले माघ २४ गतेदेखि चार वर्षसम्म नेप्सेको नेतृत्व सम्हाल्ने भएका छन् । ४ वर्षको लागि नियुक्त भएका नवनियुक्त सीईओ कार्कीले हाल आवद्ध रहेको संस्थाको राजिनामा स्वीकृत भएपछि नेप्सेमा कार्यभार सम्हाल्ने बताएका छन् । ‘अन्य संस्थाको राजिनामा स्वीकृत गराएर नेप्सेमा जाने हो, सायद आइतबार सबै काम सकिन्छ अनि सोमबारदेखि जान्छु होला,’ कार्कीले विकासन्युजसँग भने । अर्थशास्त्र र सार्वजनिक प्रशासनमा मास्टर गरेका कार्कीले विगत ५ वर्ष अघिदेखि बुढीगण्डकी आयोजनाको संयोजक अर्थात सहसचिव सरहको पदमा रहेर काम गरिरहेका छन् । पहिलादेखि नै पुँजीबजार प्रति रुची राख्ने कार्कीले अब पुँजीबजारको नेतृत्वमा रहेर सबैको साथ सहयोगका साथ बजारको विकास तथा विस्तारलाई विशेष जोड दिने बताएका छन् । ‘पुँजीबजारलाई स्वच्छ, प्रतिस्पर्धी, पारदर्शी, समय सापेक्ष प्रविधिमैत्री बनाउनेमा नै जोड दिने हो, विसंगतिहरुलाई पनि हटाउँदै लगानीकर्ताको मनोबल बढाउने खालको काम कारवाही अघि बढाउने नै मेरो मुख्य प्राथमिकता हो,’ सीईओ कार्कीले भने । साथै, कार्यभार सम्हालिसकेपछि थप अध्ययन गरेर मात्रै कार्ययोजना तयार पार्ने उनी बताउँछन् । ‘पहिला कार्यभार सम्हालौं, त्यसपछि संस्थाका व्यवस्थापकीय टीमहरुसँग बसेर थप अध्ययन अनुसन्धान गरेर अल्पकालीन, मध्यकालीन र दीर्घकालीन कार्ययोजना बनाएर अघि बढ्ने उद्देश्य छ,’ विकासन्युजसँग बोल्दै उनले भने- ‘अब कार्यभार सम्हालेको २/३ हप्ताभित्र आफ्नो योजना सार्वजनिक गर्ने छु ।’ अहिले बाहिरी दृष्टिकोणले हेर्दा नेप्सेमा केही नीतिगत स्वार्थ, केही संरचनागत संस्थाका कुराहरु छन्, कार्यक्षेत्र विकास लगायत ब्रोकरको पूर्वाधार विकासमा केही सुधार गर्नुपर्ने देखिएको उनको भनाई छ । जसलाई सुधार गर्न आफ्नो प्रयास जारी रहने र त्यसमा सबैको साथ सहयोग पाइनेमा उनी विश्वस्त छन् । सम्बन्धित समाचारः नेप्सेको सीईओ बने कृष्णबहादुर कार्की, को हुन् उनी ?