कनेक्ट आइपीएसबाट फ्लाइट तथा बस टिकटको भुक्तानी गर्दा आकर्षक क्यासब्याक
काठमाडौं । दशैंतिहार र छठ पर्वलाई लक्षित गर्दै कनेक्ट आइपीएसले नयाँ याेजना सार्वजनिक गरेकाे छ । कनेक्ट आइपीएसले ‘शुभलाभ अफर’ सार्वजनिक गरेकाे हाे । कनेक्ट आइपीएसबाट फ्लाइट तथा बस टिकटको भुक्तानी गर्दा आकर्षक क्यासब्याक तथा छुट पाउन सकिने छ । क्यासब्याक अफर बुद्ध एयर प्रालि, श्री एयरलाइन्स प्रालि, यति एयरलाइन्स प्रालि र बस सेवा ट्राभल एण्ड टुरको टिकट भुक्तानीमा उपलब्ध रहेको छ । बुद्ध एयरको फ्लाइट खरिद गरेर कनेक्ट आइपीएसबाट भुक्तानी गर्दा ग्राहकहरुले0 १०१ रुपैयाँ क्यासब्याक पाउन सक्नेछन् । त्यस्तै, श्री एयरलाइन्सको फ्लाइट टिकटको भुक्तानी कनेक्ट आइपीएसबाट गर्दा ५०१ रुपैयाँ क्यासब्याक प्राप्त गर्न सकिन्छ । साथै यति एयरलाइन्सको फ्लाइट टिकट भुक्तानीमा वाइटीसीआईपीएस प्रोमो कोड प्रयोग गरेर २५० रुपैयाँ एयरलाइन्सको छुटसँगै २५१ रुपैयाँ क्यासब्याक प्राप्त गर्न सकिन्छ । त्यस्तै, बस सेवाबाट टिकट काटेर कनेक्ट आइपीएसमार्फत भुक्तानी गर्ने पहिलो एक हजार ग्राहकले ५१ रुपैयाँ क्यासब्याक प्राप्त गर्नेछन् । प्रति बैंक खातामा एक पटक मात्र क्यासब्याक प्राप्त हुनेछ । अफर असोज ५ गतेदेखि असोज १६ गतेसम्म उपलब्ध हुनेछ । कनेक्ट आइपीएस बैंकका ग्राहकहरूका लागि फण्ड ट्रान्स्फर लगायत विभिन्न भुक्तानीहरू गर्नका निम्ति एक प्रमुख तथा सजिलो माध्यम हो । यसकाे नेटवर्कमा ५२ वटा बैंक तथा वित्तीय संस्थाहरू रहेका छन् जसबाट ग्राहकहरूले वेबमार्फत प्रति कारोबार रु २० लाखसम्म र यसको मोबाइल एप मार्फत प्रति कारोबार २ लाखसम्मको भुक्तानी गर्न सकिन्छ ।
भारतीय बाइक राइडर नेपालमा, साहसिक पर्यटन प्रवर्द्धन हुने अपेक्षा
काठमाडौं । नेपाल र भारतबीच साहसिक तथा सांस्कतिक प्रवर्द्धन गर्ने उद्देश्यले भारतबाट ३० जना अपाचे बाइक राइडर नेपाल आएका छन् । भारतका विभिन्न प्रान्तबाट गोरखपुर हँदै नेपाल प्रवेश गरेको वाइकर टोली पोखरा र मुस्ता«को भ्रमण गरेर काठमाडौं आइपुगेको हो । काठमाडौं आएको टोलीलाई सोमबार नेपाल पर्यटन बोर्डमा फ्लाग अफ गरी बाँकी यात्राका लागि शुभकामना व्यक्त गरिएको छ । फ्लाग अफ कार्यक्रममा नेपाल पर्यटन बोर्डका निर्देशक तथा सूचना अधिकारी मणिराज लामिछानेले नेपालमा पछिल्लो समय साहसिक पर्यटनका गतिविधि बढिरहेको सन्दर्भमा आयोजना गरिएको बाइक राइडरहरूको यो यात्राले नेपालको साहसिक तथा सांस्कतिक पर्यटन प्रर्वद्धन हुने बताए । ‘नेपाल प्रकृति संस्कति र साहसिक पर्यटनको केन्द्र नै हो, नेपालमा साहसिक पर्यटनको लागि विभिन्न ढंगले पर्यटक आउने गरेका छन्, तर आफैं राइड गरेर नेपाल घुम्दा हुने अनुभव पक्कै थप रोमाञ्चकारी भएको हुनुपर्छ,’ उनले भने, ‘खास गरी भारतीय पर्यटकका लागि नेपालमा धार्मिक र सांस्कतिक पक्ष पनि जोडिने भएकाले यस प्रकारका यात्रा थप प्रभावकारी हुने अपेक्षा गर्न सकिन्छ ।’ भारतीय राइडरको टोलीमा नेपालका १० जना राइडर थपिएर सोमबार काठमाडौं, ललितिपुर, भक्तपुर काभ्रेको धलिखेसम्मको यात्रा तय गर्ने आयोजक जगदम्बा मोटर्स (टीभिएस नेपाल) का बजार प्रबन्धक प्रशान्त राजभण्डारीले जानकारी दिए । काठमाडौंको यात्रा सकेर भारतीय राइडरको टोली चितवन सौराहाको जाने र चितवनबाट बुटबल सुनौली हँदै भारत प्रवेश गर्ने कार्यक्रम रहेको उनले जानकारी दिए ।
दशैंतिहार र छठको अवसरमा भाटभटेनीमा छुटैछुट
काठमाडौं । भाटभटेनी सुपरमार्केटले दशैंतिहार तथा छठ पर्वको अवसर पारेर भारी छुटकाे योजना सार्वजनिक गरेकाे छ । भाटभटेनीका अनुसार सबै प्रकारका विद्युतीय सामग्रीको खरिदमा २० देखि ४० प्रतिशतसम्म छुट दिन लागिएकाे हाे । देशभरि रहेका सबैस्टोरबाट विभिन्न सामग्री खरिदमा भारी छुट प्रदान हुने भएकाे हाे । छुट योजना असोज १७ गतेदेखि कात्तिक २२ गतेसम्म रहनेछ । भाटभटेनीका अनुसार सबै प्रकारका विद्युतीय सामग्रीको खरिदमा २० देखि ४० प्रतिशतसम्म छुटको व्यवस्था गरिएको छ । त्यसैगरी, किचनका निर्धारित सामग्रीमा ३० देखि ५० प्रतिशतसम्म छुट प्रदान गर्न लागिएको छ । रेडिमेड गार्मेन्टमा पनि भारी छुटको व्यवस्था गरिएको भाटभटेनीले जनाएको छ । सबै प्रकारका रेडिमेड तथा जुत्तामा पाँच प्रतिशत छुटको व्यवस्था गरिएको छ भने निर्धारित वस्तुमा ५० प्रतिशत सम्म छुटको व्यवस्था गरिएको छ । त्यसैगरी, अन्तराष्ट्रिय ब्राण्डका रेडिमेड आइटम तथा जुत्तामा ७० प्रतिशतसम्म छुट दिन लागिएको छ । चामल, दाल, चना, चिउरा, तेल, चिनी, चियालगायतका खाद्यान्नमा पनि भारी छुट दिन लागिएको भाटभटेनीले जनाएको छ । जिरा मसिनो स्टिम चामल २ हजार २० रुपैयाँमा पाइनेछ । त्यसैगरी, प्रिमियम सोना मनसुली २५ केजीको बोरा १ हजार ६४० रुपैयाँमै प्राप्त गर्न सकिने भएको छ । लङग्रेन चामल २० केजीको ३ हजार २२५ रुपैयाँमा पाइने भएकाे छ । त्यसैगरी, मुसरको दाल प्रति केजी १४८ रुपैयाँ, मासको दाल प्रति केजी २१३, रहरको दाल प्रति केजी २८८ रुपैयाँ, मुँगको दाल प्रति केजी १६७ रुपैयाँ, ब्राउन चना प्रतिकेजी १६८ रुपैयाँ, चिउरा प्रतिकेजी १०८ रुपैयाँमा उपलब्ध गराउन लागिएको भाटभटेनीले जनाएको छ । तोरीको तेल प्रतिलिटर २७९ रुपैयाँ, सनफ्लावर तेल प्रतिलिटर १९८ रुपैयाँ, सोयाबिन तेल प्रतिलिटर १९७ रुपैयाँमा उपलब्ध गराउन लागिएको छ । डीडीसीको घ्यू प्रति केजीमा रु.८१ घटाएर ९९९ रुपैयाँमा प्रदान गर्न लागिएको छ । चिनी प्रति केजी १०२ रुपैयाँ र चिया प्रति केजी ४९८ रुपैयाँमा उपलब्ध गराउन लागिएको छ । त्यसैगरी, निर्धारित कार्पेटमा २० प्रतिशतसम्म र लगेजमा ३० प्रतिशतसम्म छुटको व्यवस्था गर्न लागिएको छ । दसैं, तिहार र छठ जस्ता महान्पर्वलाई ध्यानमा राखेर ग्राहकलाई यसरी छुट प्रदान गर्न लागिएको भाटभटेनीका चिफ अपरेटिङ अफिसर्स पानु पौडेलले जानकारी दिए ।
प्रभु बैंक भिजा इन्टरनेसनलको दुई विधामा सम्मानित
काठमाडौं । प्रभु बैंक लिमिटेड दुई विधामा सम्मानित भएको छ । भिजा इन्टरनेसनलले आयोजना गरेको ‘लिडरसीप कनक्लेभ नेपाल २०२४’ मा बैंक दुई विधामा सम्मानित भएको हो । बैंक ’एक्सिलेन्स इन कन्जुमर क्रेडिट कार्ड्स बिजनेस’ र एक्सिलेन्स इन क्रस बोर्डर बिजनेस’ अवार्डबाट सम्मानित भएको हो । प्रभु बैंकद्धारा सञ्चालित भिजा बिजनेस डेबिट कार्डको मद्दतले व्यवसायिक कारोबारको भुक्तानीमा सहजता भई व्यवसाय प्रबद्र्धनमा थप सहजता तथा पारदर्शीता समेत कायम रहने बैंकले विश्वास लिएको छ ।
मन्त्री अधिकारीको दावी- दलित समुदायको प्रतिनिधित्व हुनेगरी भूमि आयोग गठन हुन्छ
काठमाडौं । भूमि व्यवस्था, सहकारी तथा गरिबी निवारणमन्त्री बलराम अधिकारीले दलिय समुदायको समेत प्रतिनिधित्व हुनेगरी भूमि आयोग बन्ने बताएका छन् । नेकपा एमाले निकट नेपाल उत्पीडित जातीय मुक्ति समाजले सोमबार मन्त्री अधिकारीलाई बुझाएको ४ बुँदे ध्यानाकषर्णपत्र बुझ्दै उनले उत्पीडित दलित समुदायको हक हित र पाउनु पर्ने अधिकार प्राप्तीका लागि आफुले पहल गर्ने प्रतिवद्धता जनाए । भूमि आयोगको गठन आदेशमै केन्द्रको भूमि आयोगमा एक जना दलित समुदायको प्रतिनिधित्व हुने उल्लेख गरेकाले दलितको प्रतिनिधित्व कानुनीरूपमै सुनिश्चित भएको मन्त्री अधिकारीको भनाइ छ । नेकपा एमालेका पोलिटब्युरो सदस्य एवं मुक्ति समाज नेपालका इञ्चार्ज जितु गौतमले राज्यले भूमिहीन दलित समुदायलाई सरकारले जग्गा उपलब्ध गराउनुपर्ने र उत्पीडित दलित समुदायका सबै भूमिहीन किसान, भूमिहिन सुकुम्बासीहरूलाई तत्काल जमिन उपलब्ध गराउन मन्त्री अधिकारीसँग आग्रह गरे । त्यसैगरी, मुक्ति समाजले मन्त्रालयले अति विपन्न दलित समुदायलक्षित आर्थिक अवस्था सुधार गर्नेगरी विशेष कार्यक्रम सञ्चालन गर्न, दलित समुदायको परम्परागत पेशामा आधारित व्यवसायमा संलग्न गराई व्यावसायिक बनाउन र दीर्घकालीन जीविकोर्पाजनको व्यवस्था गर्नेगरी कार्यक्रम ल्याउन र भूमि व्यवस्था मन्त्रालयले गठन गर्ने भूमि आयोगको पदाधिकारीमा र जिल्लास्तरमा समेत दलित समुदायको प्रतिनिधित्वको माग गरेको हो ।
नेप्से भन्छ- सञ्जालकाे भरमा सेयर बजारमा लगानी नगर्नूस्, नेपालमा काेही पनि विश्लेषक छैनन्
काठमाडौं । नेपाल स्टक एक्सचेन्ज (नेप्से)ले सामाजिक सञ्जालमा आउने विभिन्न प्रकारका विश्लेषण हेरेर सेयर बजारमा लगानी नगर्न अनुरोध गरेको छ । नेप्सेले सोमबार सूचना जारी गर्दै सामाजिक सञ्जालको भरमा लगानी नगर्न अनुरोध गरेको हो । नेप्सेले जारी गरेकाे सूचनामा नेपालमा कुनै पनि निकायबाट कोही पनि बजार विश्लेषकको रूपमा दर्ता नभएको उल्लेख गरेकाे छ । सामाजिक सञ्जालमा आउने विश्लेषणले लगानी जोखिममा पर्न सक्ने भन्दै नेप्सेले लगानीकर्तालाई सचेतसमेत गराएको छ । उसले यथार्थ बुझेर मात्र लगानीसम्बन्धी निर्णय गर्न अनुराेधसमेत गरेकाे छ । सूचना :
शुक्रराज अस्पतालमा डेङ्गी, स्क्रब टाइफस र रेबिजका बिरामीको चाप
काठमाडौं । शुक्रराज ट्रपिकल तथा सरुवा रोग अस्पतालमा सरुवा रोगका बिरामीको चाप बढेकाे छ । अस्पतालमा डेङ्गी, स्क्रब टाइफस र रेबिजका बिरामीको चाप बढेको हो । अस्पतालका निर्देशक डा. युवानिधि बसौलाले एक हप्तायता बिरामीको चाप बढेको बताए । उनले बिरामीको चापका कारण अस्पतालले शय्याको अभाव हुन थालेको बताए । उनका अनुसार डेङ्गी, स्क्रब टाइफस र रेबिजका ५५ जना भर्ना गरी उपचाररत रहेका छन् । अस्पतालका निर्देशक डा. बसौलाले अहिले दैनिक आठ बिरामी उपचारका लागि आउने गरेको बताए । तीमध्ये धेरै डेङ्गी, स्क्रब टाइफस र रेबिजका बिरामी रहेका छन् । भदौयता डेङ्गीका १९५, स्क्रब टाइफसका १३ र सर्पदङ्शका ७१ बिरामीले उपचार गरेका छन् । स्क्रब टाइफस मुसामा लाग्ने किर्नाजस्तो देखिने कीराको टोकाइबाट मानिसमा सर्ने गर्दछ । मुसामा हुने किर्ना प्रायः झाडी, खेतबारी, वनजङ्गल, घर वरिपरिको झाडी वा घुरान हुने ठाउँमा देखिने गर्दछ । आजभोलि मानिस घाँसपात गर्न जाने गर्दछन् र सोही किर्नाले टोकेपछि मानिसमा सर्दछ । चिकित्सकहरूका अनुसार मानिसबाट मानिसमा स्क्रब टाइफस सर्दैन । धेरै ज्वरो आउनु, धेरै टाउको दुख्नु, पसिना धेरै आउनु, आँखा रातो हुनु, झाडापखाला लाग्नु, विस्तारै शरीरका मुख्य अङ्गले काम गर्न छाड्नु, कीराले टोकेको ठाउँमा रातो दाग देखिने र पछि कालो दाग बस्न जस्ता स्क्रप टाइफसका लक्षण हुन्। समयमा यसको उपचार गर्न नसकेपछि मिर्गौला, कलेजामा असर पर्ने अस्पतालका निर्देशक डा. बसौलाले बताए । सय शैय्याको स्वीकृत पाएको अस्पताल अहिले ८५ शैय्यामा सञ्चालनमा रहेको छ ।
मोफसलबाट उदाएको शाइन रेसुङ्गा जोखिम व्यवस्थापनसँगै व्यवसाय विस्तारमा
काठमाडौं । मोफसलबाट उदाउँदै गरेको शाइन रेसुङ्गा डेभलपमेन्ट बैंकले तीन जिल्ला हुँदै विभिन्न बैंकसँग मर्जर/प्राप्ति गरेर पूँजी वृद्धि गरेको यस बैंकले व्यवसायमा पनि वृद्धि गरेको छ । बोनस सेयर वितरण तथा हकप्रद सेयर जारी गरेर पूँजी वृद्धि गरेको बैंकले जनाएको छ । लुम्बिनी प्रदेशको रूपन्देहीमा स्थापना भएको शाइन रेसुङ्गा ले मर्ज/प्राप्ति गरेका वित्तीय संस्थाहरू पनि सोही प्रदेशको गुल्मीको तम्घास, प्यूठानको बिजुवार, रूपन्देहीको भैरहवा र बाँकेको नेपालगन्जमा स्थापना भएका कारण पनि व्यवसायिक सिनर्जी आएको प्रमुख कार्यकारी अधिकृत प्रकाश पौडेलले जानकारी दिए । कर्मचारी, लगानीकर्ता तथा व्यवसायीहरू स्थानीय भएको हुँदा व्यवसायिक सम्बन्ध स्थापित गर्न आवश्यक पर्ने ग्राहक पहिचान पद्धति केही सहज भएको उनको भनाइ छ ।ले पछिल्लो समय राष्ट्रिय स्तरको विकास बैंकमा स्तरोन्नति भएर उपत्यका प्रवेश र पोखरामा शाखा कार्यालय विस्तार गरेपछि बैंकको कारोबार पनि बढेको उनले बताए । “बैंकका वित्तीय सूचकहरू नियामक निकायको निर्देशन बमोजिम कायम राखी राख्नका लागि हरेक दिन कार्यालय समय, बैंकले विकास गरि लागू गरेको म्यानेजमेन्ट इन्फरमेसन सिस्टम (एमआईएस) सँगै शुरु हुने गरेको छ । नियामक निकायको निर्देशन बमोजिम कायम गर्नुपर्ने वित्तीय सुचकहरु जस्तैः सीआरआर, एसएलआर, सीडी रेसियो, क्यापिटल एडुकेसी रेसियो, स्प्रेड, लगानी, निक्षेप, कर्जा सीमा लगायत सूचकहरू कायम राखी राख्न उक्त एमआईएसले मद्दत गर्ने हुँदा नियामक निकायको कारवाही तथा जरिवानाबाट बच्न पनि यस व्यवस्थाले मद्दत गरेको छ जसका कारण ग्राहकहरूको विश्वास कायम राखी व्यवसाय विस्तार तथा सेवा प्रवाहमा समेत गुणस्तर कायम गर्न सहयोग पुगेको छ ।” नियामक निकायको निर्देशनको पालनासँगै व्यवसाय विस्तार गर्दै आएको उनले बताए । अनुपालना, जोखिम व्यवस्थापन तथा आन्तरिक नियन्त्रण प्रणालीमा शाइन रेसुङ्गा डेभलपमेण्ट बैंकले बैंकिङ इन्डष्ट्रिमा प्रयोगमा ल्याइएका राम्रा अभ्यासहरूलाई अनुशरण गर्दै प्रयोगमा ल्याइएको चिफ रिस्क एण्ड कम्पलायन्स अफिसर यशोधन पाण्डेयले जानकारी दिए । उनका अनुसार जोखिम व्यवस्थापनको संयन्त्रभित्र कर्जा जोखिम विभाग समेत रहेको छ जसले हरेक शाखा कार्यालय मार्फत कर्जा प्रवाह गर्दा जोखिम विश्लेषण पश्चात मात्रै स्वीकृत प्रदान गर्ने गरेको छ । बैंकले नियामक निकायको निर्देशनको अधिनमा रहेर बैंकका हरेक गतिविधिका लागि आवश्यक नीति नियम बनाई लागू गरेको र उक्त नीतिको प्रभावकारी कार्यान्वयनका लागि आवश्यक म्यानुअल, गाइड लाइन, प्रोसेस नोट आदी बनाई सम्बन्धित कर्मचारीहरूलाई उक्त व्यवस्थाको महत्व तथा यसले पार्ने प्रभाव, जोखिम व्यवस्थापन आदीका बारेमा परामर्श सहित मार्गदर्शन गरिने हुँदा उक्त व्यवस्थाहरुको पालना गर्ने तर्फ सम्बन्धित कर्मचारी स्वयम सजग हुने गरेको उनले बताए । बैंकले प्रदान गर्ने सेवा सुविधाहरु प्रविधि मैत्री हुँदै गर्दा यसले निम्त्याउन सक्ने जोखिम समेतलाई मध्यनजर गर्दै नियमित रुपमा गरिने आन्तरिक तथा बाह्य लेखापरीक्षण बाहेक सुचना प्रविधिसँग सम्बन्धित रहन सक्ने जोखिम न्यूनीकरणका लागि समेत नियमित इन्फर्मेसन सिस्टम अडिट गराउँदै आइरहेको छ । बैंकले ग्राहकको विवरण तथा तथ्याङ्कलाई सुरक्षित राख्न डाटा सेन्टर, नियर बाइ डाटा सेन्टर र डीआर साइटको प्रभावकारी व्यवस्थापनका लागि समय सापेक्ष प्रविधिमा आवश्यक लगानी गरेको उनले बताए । साथै, प्रविधिको प्रयोगबाट हुने कारोबारहरुको सुरक्षाको लागि आवश्यक एप्लिकेसन÷सफ्टवेयर तथा आन्तरिक नियन्त्रण प्रणाली विकासमा समेत आवश्यक लगानी गरि भुक्तानी प्रणाली थप सुरक्षित गरिएको उनले बताए । बैंकिङ्ग व्यवसाय ग्राहक तथा बैंक बीचको विश्वासको बातावरणको आधारमा अघि बढ्ने भएकाले आन्तरिक नियन्त्रण प्रणाली, अनुपालना तथा जोखिम व्यवस्थापनको संयन्त्र बलियो बनाउनु पर्ने उनले बताए । प्रत्यक्ष रुपमा नतिजा नदेखिए पनि ग्राहकहरूको विश्वास जित्नका लागि सहयोग गर्ने र उक्त बातावरणले बैंकको समग्र व्यवसाय विस्तारमा थप मद्दत गर्ने उनको भनाइ छ ।
