अब युवा होइन नेपाली उत्पादनको निर्यात गर्छाैः मन्त्री पाण्डे
भक्तपुर , ३२ जेठ । उद्योग मन्त्री सोम प्रसाद पाण्डेले दश वर्ष भित्रमा युवा शक्ति नभएर युवाले उत्पादन गरेका सामाग्री विदेश निर्यात गर्ने घोषणा गरेका छन् । त्यसका लागि सरकारले आवश्यक तयारी गरिसकेको पनि उनले बताए । रफत संचार क्लबले आयोजना गरेको साक्षात्कार कार्यक्रममा बोल्देै मन्त्री पाण्डेले भने–मुलुकको सबै प्रदेशमा औद्योगिक क्षेत्रको निर्माण गरी नेपाली उत्पादनलाई प्राथामिकता दिँदै नेपालमै रोजगारीको वातावरण निर्माणमा गरी युवालाई बिदेश होईन उनीहरुले उत्पादन गरेको वस्तु बिदेश पठाउन सफल हुने बताएका हुन । पछिल्लो समयमा सबै राजनीतिक दलहरुको प्रमुख एजेन्डा आर्थिक बिकास हुनु राम्रो भएता पनि देशलाई आर्थिक समृद्धि तर्फ लान औद्योगिक बिकासबिना असम्भव रहकाले सबैभन्दा पहिला प्राथामिकता औद्योगिक बिकास भएकाले वर्तमान सरकार औद्योगिक बिकासमा केन्द्रित बनेको पाण्डेले बताए । सात प्रदेशमा औद्योगिक क्षेत्र निर्माणको लागि जग्गा अधिग्रहण कार्य भइरहेको भन्दै मन्त्री पाण्डेले १ नं. प्रदेशको झापामा बन्ने औद्योगिक क्षेत्रको विकाशको लागि लगानी गर्न चीन र कोरिया तयार रहेको भन्दै कुरो भन्दा कामको शैलिले तिब्रता पाएको बताए । सात प्रदेशमा बिस्ता हुन लागेका औद्योगिक क्षेत्रमा नेपालमा उत्पादित कच्चा पदार्थबाट निर्माण हुने वस्तुहरुलाई पहिलो सूचीमा राखेको र हस्तकलाबाट निर्मित वस्तुको प्र्रबद्र्धन गर्दैै बुहुराष्ट्रिय कम्पनीहरुको लगानीलाई समेत समेट्दै औद्योगिक क्षेत्रको बिस्तारमा अघि बढेको बताए । दैलेखबाट सुरु गरिएको पेट्रोलियम पदार्थको उत्खनन्सँगै अन्य स्थानमा रहेका इन्धन खानीको उत्खनन गरि व्यवसायिकरुपमा उत्पादन गर्ने र तिन वर्षभित्र मुलुकमा रहेका सबै खनिजजन्य पर्दाथको उत्खनन् कार्य सकिने भन्दै मन्त्री पाण्डेले नेपालको १० स्थानमा उक्त कार्य जारी रहेको बताए । सरकार परिवर्तनतको बिषय हल्ला मात्र भएको भन्दै सरकार परिवर्तन २०७४ माघ सम्म कसैले चाहेर पनि नहुने यदि यसो भएमा संबिधान नै संसोधन गर्नु पर्ने टिप्पणी गरे । संविधानको धारा २ सय ९८ अनुसार सरकार बनेकाले गठबन्धनको एक दल मात्र बाहिरे पनि देशमा संवैधानिक संकट आउन सक्ने मन्त्री पाण्डेले बताए ।
टाटा मोटर्सको टेक्निकल ट्रेनिङ्ग सम्पन्न
काठमाडौं, ३२ जेठ । इन्डियाको प्रख्यात अटोमोबाइल कम्पनी टाटा मोटर्स् र नेपालका लागि टाटा मोटर्स्को आधिकारिक वितरक सिप्रदी ट्रेडिङ्ग प्रा.लि. को संयोजकत्वमा हालै बिर्तामोडको होटल हेभेनमा ड्राइभरहरुका लागि टेक्निकल ट्रेनिङ्ग सम्पन्न भएको छ । आफ्ना ग्राहकहरुलाई उपयुक्त तरिकाले गाडीहरु सञ्चालन गरि बढी भन्दा बढी आय आर्जन गर्नका लागि प्रेरित गर्ने उद्देश्यले उक्त ट्रेनिङ्ग सञ्चालन गरिएको कुरा कम्पनीले जानकारी गराएको छ । साथै उक्त कार्यक्रममा समान्य गाडी मर्मतका तरिकाहरु र टाटा मोटर्स्को सेवाप्रति ग्राहकहरुको प्रतिक्रियाको बारेमा समेत छलफल गरिएको थियो ।
नक्कली प्रमाण पत्र धारी प्रहरी विरुद्ध मुद्धा
काठमाडौं, ३२ जेठ । अख्तियार दुरुपयोग अनुसन्धान आयोगले नक्क्ली प्रमाण धारी प्रहरी अधिकृत विरुद्ध मुद्धा दायर गरेको छ । आयोगले पूर्वाञ्चल क्षेत्रीय प्रहरी कार्यालय बिराटनगरमा कार्यरत प्राविधिक प्रहरी नायव निरीक्षक डम्बर बहादुर बस्नेतले सुरु नियुक्ती प्रयोजनको लागि पेश गरेको बिहार इन्टरमिडीयट शिक्षा परिषद पटनाको नक्कली प्रमाण पत्र पेश गरेको प्रमाण फेला परेपछि बिशेष अदालत काठमाडौंमा मुद्धा दायर गरेको हो । नउले सन १९९३ मा आईए तह उत्तिर्ण गरेको प्रमाण पत्र पेश गरेका थिए ।
मर्जर कमिटिद्धारा पाँच वटा संस्थाको सेयर स्वाप रेसियो पारित, एनसीसी र कुमारी बैंकको बराबर
काठमाडौं, ३२ जेठ । संयुक्त मर्जर कमिटिले एनसीसीसँग गाभिन लागेको पाँच वटा सस्थाको रेसियो पारित गरेको छ । कमिटिद्धारा एनसीसी र कुमारी बैंकको सेयर स्वाप रेसियो १ बराबर १ हुने छ । अन्य चार वटा विकास बैंकको भने केही थोरै सेयर स्वाप रेसियो हुने भएको कमिटिले जनाएको छ । मर्जरमा जान लागेका मध्ये एनसीसीको सेयरलाई आधार बनाएर सम्पत्ति तथा दायित्वको विस्तृत अध्ययन प्रतिवेदन (डिडिए रिपोर्ट) तयार गरिएको थियो । डिडिएले कुमारीलाई ९९.३१, एपेक्सलाई ४७.३९, इन्फ्रास्टक्चर डेभलपेन्ट बैंकलाई ७६.९४, इन्टरनेशनल डेभलपमेन्ट बैंकलाई ७२.७७ र सुप्रिम डेभलपमेन्ट बैंकलाई ७६.०५ कित्ता सेयर दिन सिफारिश गरेको थियो । मर्जर कमिटिले दसमलव पछि आएको अंकलाई एक कित्ता दिनेगरी निर्णय गरेको हो । यसले गर्दा कुमारी र एनसीसी बैंकको सेयर स्वाप रेसियो बराबर अर्थात सय कित्ता बराबर सय नै भएको हो । यो रेसियो अनुसार एपेक्सका लगानीकर्ताले सयको ४८, इन्फ्रास्टक्चरका लगानीकर्ताले ७७, इन्टरनेशनल डेभलपमेन्टका लागनीकर्ताले ७३ र सुप्रिमका लगानीकर्ताले ७७ कित्ताका दरले सेयर पाउँने छन् । संयुक्त मर्जर कमिटिको निर्णयमा एपेक्सको सञ्चालक समितिले भने असहमति जनाएको छ । स्वाप रेसियोमा धेरै कम सेयर प्राप्त हुने भएपछि यो बैंकको सञ्चालक समितिले असहमति जनाएको मर्जर कमिटि सम्वद्ध स्रोतले बतायो । एपेक्सले असहमति जनाएपनि स्वाप रेसियो परिवर्तन नगर्ने अडानमा मर्जर समिति छ । ‘मर्जको प्रक्रिया रोकिँदैन, स्रोतले भयो, हामी कात्तिकमा एकिकृत कारोबार गर्छौ ।’ मर्जर कमिटिले नेपाल राष्ट्र बैंकमा कात्तिकसम्मको म्यादका लागि पत्र बुझाउँदै छ । असारसम्म मर्जर सक्नुपर्ने सर्त सहितको सौद्धान्तिक सहमति यी संस्थाहरुलाई राष्ट्र बैंकले दिएको थियो । असारसम्म सबै काम नसकिने भएपछि कात्तिक सम्मको म्याद दिन राष्ट्र बैंकले आग्रह गरेको हो । यी संस्थाहरुले असार भित्रै विशेष साधारण सभा गर्ने तयारीमा छन् । डिडिए गर्दा गैरबैंकिङ सम्पती धेरै भएको एनसिसी बैंकको सम्पतिको मूल्यांकन केही घटाएर गरिएको छ । एनसिसीको नाममा आएको हरिसिद्धि ईटा उद्योगको जग्गाको मूल्य करिव एक अर्ब रुपैयाँलाई घटाएर ५० करोडको हाराहारीमा गणना गरिएको छ ।
१०औँ इक्यान शैक्षिक मेला सम्पन्न, करिब १ लाख ५१ हजारद्धारा अवलोकन
काठमाडौं, ३२ जेठ । राजधानीमा चार दिन देखि जारी १०औ इक्यान शैक्षिक मेला सम्पन्न भएको छ । मेलामा १ लाख ५१ हजार जनाले अवलोकन गरेका छन् । शुक्रबारबाट राजधानीको भृकुटिमण्डपमा सुरु भएको १०औँ इक्यान शैक्षिक मेलाको चौथो तथा अन्तिम दिन सोमबार पनि ३७ हजार जनाले अवलोकन गरेका छन् । कम्पनीका अनुसार यसअघि आइतबार ३७ हजार, शनिबार ५२ हजार र पहिलो दिन २५ हजारले मेला अवलोकन गरेका थिए । मेलाको अन्तिम दिन पनि अरु दिनझै बिभिन्न क्षेत्रका व्यक्तित्वहरुले पनि अवलोकन गरेका थिए । पूर्व प्रधानमन्त्री झलनाथ खनाल, पूर्व स्थानिय विकासमन्त्री राजेन्द्र पाण्डे, एमाले सचिव योगेश भट्टराई, एमाले नेता ठाकुर गैरे, सांसदहरु रामहरी खतिवडा, उदयसम्ेशर राणा, अनेरास्ववियूका अध्यक्ष नविना लामा, नेविसंघका नेता जितजंग बस्नेतका साथै विभिन्न क्षेत्रका अन्य व्यक्तित्वहरुले मेला अवलोकन गरेका छन । मेला अवलोकन गर्ने क्रममा पूर्व प्रधानमन्त्री झलनाथ खनालले ज्ञान आर्जन गर्न विद्यार्थीहरु संसारको कुनैपनि मुलुक पुगेपनि आफुले आर्जन गरेको ज्ञान र सिप नेपाल नेपालमै खर्च गर्न विद्यार्थीहरुलाई आह्वान गरेका छन् । यस्तै पूर्व स्थानिय विकास मन्त्री राजेन्द्र पाण्डेले नेपालबाट विद्यार्थी पठाउने मात्रै होइन नेपाल भित्र बिधार्थी भित्र्याउन पनि इक्यानले भुमिका खेल्नुपर्ने बताएका छन् । चार दिन सम्म चलेको उक्त मेलामा करिअर काउन्सिलिङका लागी कोशे ढुङ्गा सावित हुने इक्यानले जनाएको छ । व्यवसायीहरुको व्यवसायीक पवद्र्धन र विद्यार्थीहरु अविभावकले पाउनुपर्ने सुचना एकिकृत ढंगले प्रदान गर्न सफल भएकाले मेलाको उदेश्य पुरा भएको अध्यक्ष प्रकाश पाण्डेले बताए । यस्तै यसपटकको सहभागीता आफुहरु उस्ताहित र यसले आगामि दिनमा यसप्रकार थप मेला आयोजना गर्न उर्जा मिलेको मेला आयोजक समितिका संयोजक रमेश वाग्लेले बताए । मेलामा २ सय २५ स्टल र १७ पेविलियन गरि जम्मा २ सय ४२ स्थान बाट परामर्श व्यवसायीहरुले मेलामा सहभागी बिधार्थी तथा अविभावकहरुलाई परामर्श दिएका थिए । यस मेलामा ५० भन्दा बढि गन्तव्यका लागी ८० भन्दा बढि शैक्षिक संस्थाहरु तथा १ सय भन्दा आधिकारिक परामर्श व्यवसायीहरुको सहभागीता रहेको संस्थाले जनाएको छ ।
नबिल बैंकको शाखा सिनामगंलमा स्थानान्तरण
काठमाडौं, ३२ जेठ । नबिल बैंकले सिनामगंल शाखामा स्थानान्तरण गरेको छ । बैंकको सो शाखा भिमसेन गोला चोक तर्फ वडा नं. ९मा स्थानान्तरण भएको छ । बैंकले ग्राहकहरुलाई बैंकिङ् सेवा तथा सुविधाहरु सहज र सरल रुपमा उपलब्ध गराउने उद्देश्यले उक्त स्थानमा शाखा स्थानान्तरण गरेको हो । बैंकले ग्राहकका आवश्यकताहरुमा आधारित विविधतायुक्त सेवा/सुबिधा प्रदान गर्ने कार्यमा सदैव अग्रणी भूमिका खेल्दै आएको छ । नवीनतम प्रविधिहरुको प्रयोग, वासलातको आकार र गुणस्तर, शाखाहरु र एटिमहरुको व्यापक सञ्जाल तथा ग्राहकहरुकोे सन्तुष्टि प्रति समर्पित पारङ्गत दक्ष पेशाकर्मीहरु नै नबिल बैंक सधैं अग्रणी बैंक बन्नुको आधार भएको बैंकले जनाएको छ । हालसम्म बैंकले ५२ वटा शाखाहरु, ९० वटा एटिएमहरुका साथै, १४ सय भन्दा बढी नबिल रेमिट एजेन्टहरुका साथमा सेवा प्रदान गर्दै आएको जनाइएको छ ।
साहसिक पर्यटन गाईड तालिम सुरु
काठमाडौं, ३२ जेठ । ट्रेकिङ एजेन्सिज एसोसियसन अफ नेपाल (टान) र एड्भेन्चर ट्राभल ट्रेड एसोसियसन (आट्टा) अमेरिकाको संयुक्त आयोजनामा ८ दिने साहसिक पर्यटन गाईड तालिम टान केन्द्रीय कार्यालय मालिगाउँमा सुरु भएको छ । तालिम उद्घाटन कार्यक्रममा शुभकामना मन्तव्य व्यक्त गर्दै टानका महासचिव कर्ण लामाले नेपाललाई साहसिक पर्यटनको गन्तव्यको रुपमा विकास गर्न दक्ष जनशक्तिको आवश्यकता महशुष गरी तालिम संचालन गरेको बताए । तालिम कार्यक्रममा साहसिक पर्यटन, सुरक्षा र जोखिम, समुह व्यवस्थापन, प्राकृतिक, ऐतिहासिक सम्पदाको व्याख्या शैली, दिगो पर्यटन व्यवस्थापन, आकस्मिक प्राथमिक उपचार विषयमा विज्ञ विदेशी प्रशिक्षकहरुबाट तालिम प्रदान गरिनेछ । प्रशिक्षार्थीहरुलाई प्रयोगात्मक तालिमको लागि शिवपुरी राष्ट्रिय निकुञ्जमा लगेर आवासिय तालिमको समेत प्रबन्ध गरिएको टानका तालिम संयोजक शितल चन्द्र धरेलले बताए । तालिम कार्यक्रममा लामो समय देखि साहसिक पर्यटन प्रशिक्षणमा संलग्न रहदै आएका डान मुर, गोडेन, जिन क्लाउड, सुसान र पेगीले प्रशिक्षण दिनेछन् । नेपालमा पहिलो चोटी गाईडहरुको क्षमता अभिवृद्धिको लागी अन्तराष्ट्रिय स्तरको तालिम आयोजना भएको सार्मथ्यका पर्यटन व्यवस्थापन सल्लाहकार प्रनिल उपाध्यायले बताए । विश्वमा पर्यटन क्षेत्रको योगदान कुल ग्राहस्थ उत्पादनमा ११ प्रतिशत रहेपनि नेपालमा जम्मा ९ प्रतिशत मात्रै रहेको तथ्याङक छ । पछिल्लो समय विश्वभर ६५ प्रतिशतका दरले साहसिक पर्यटनको व्यवसाय बढिरहेको तथ्याङक सार्वजनिक भएको छ ।
आउला त हुलाकी राजमार्गका लागि भारतीय अनुदानको एक अर्ब ७७ करोड ?
काठमाडौं, ३२ जेठ । तराई मधेशको लाइफ लाइनका रुपमा रहेको हुलाकी राजमार्गलाई सरकारले चार अर्ब २० करोेड रुपैंयाँ बजेट विनियोजन गरेको छ । त्यसमा नेपाल सरकारले दुई अर्ब ४३ करोड रुपैंयाँ छुट्याएको छ भने बाँकी एक अर्ब ७७ करोड भारतीय अनुदानको रकम रहने उल्लेख गरेको छ । तर चालु आर्थिक वर्षकै लागि भारत सरकारबाट हुलाकी राजमार्गले पाउने भनिएको दुई अर्ब ६ करोड रुपैंयामध्ये नेपालले एक रुपैंयाँ समेत पाएको छैन् । चालु आर्थिक वर्षमा सरकारले हुलाकी राजमार्गका लागि ३ अर्ब १९ करोड रुपैंयाँ विनियोजन गरेको थियो । त्यसमध्ये एक अर्ब १३ करोड नेपाल सरकारको थियो भने दुई अर्ब ६ करोड भारतीय अनुदानको रकम थियो । सो भारतीय अनुदान वापतको रकम हालसम्म नेपालले पाएको छैन् । ‘चालु आर्थिक वर्षका हुलाकी राजमार्गले पाएको बजेट मध्ये दुई अर्ब ६ करोड भारतीय अनुदानबाट प्राप्त हुने भनिएको थियो तर अझै एक रुपैंयाँ समेत पाईएको छैन्’, हुलाकी राजमार्ग आयोजना प्रमुख बलराम मिश्रले विकासन्युजसँग भने । नेपाल सरकारले दिने भनेको एक अर्ब १३ करोडमध्ये हालसम्म ९७ करोड रुपैंयाँ खर्च भैसकेको छ । सो रकमबाट ५० वटा पुलको निर्माण भैसकेको मिश्रले जानकारी गराए । हाल थप ७० वटा पुल निर्माणको चरणमा रहेका छन् । सरकारले आगामी आर्थिक वर्षका लागि हुलाकी राजमार्गलाई चालु आवको भन्दा एक अर्ब बढि बजेट विनियोजन गरेको छ । त्यसमा पनि नेपाल सरकारले उपलब्ध गराउने रकमको हिस्सा सवा अर्बले बढेको छ । ‘चालु आर्थिक वर्षमा नेपाल सरकारले एक अर्ब १३ करोड दिने भनेको थियो, आगामी आवका लागि दुई अर्ब ४३ करोड रुपैंयाँ नेपाल सरकारले दिने भनेको छ, यसले हुलाकी मार्गलाई सरकारले उच्च प्राथमिकतामा राखेको देखाउँछ’, मिश्रले भने । तर भारतीय अनुदाबाट प्राप्त हुने भनिएको रकम भने अझै आउनेमा उनी विश्वस्त छैनन् । ‘भारती अनुदान वापतको रकम चालु आवमा पनि पाइएन र आगामी आवमा पनि पाइन्छ भन्नेमा विश्वास छैन्, कार्यबिधीमै समस्या छ भन्ने सुनिको छ’, मिश्रले भने । सुरुमा भारत सरकारले नै निर्माण गरिदिने सहमति भएको हुलाकी राजमार्गपछि भारतीय अनुदानमा नेपाल आफैंले बनाउने समझदारी भएको थियो । जस अन्तर्गत भारतले अनुदान रकम दिने र नेपालले टेण्डर आव्हान गरेर निर्माण अघि बढाउने उल्लेख गरिएको थियो । तर भारतले परामर्श दाता नियुक्तीमा आफु अनुकुल सर्त अघि सारेपछि अनुदान उपलब्ध गराएको छैन् ।
