गाउँमाभन्दा सहरमा निजी आवास निर्माण सुस्त
काठमाडौ । भूकम्पपछिको पुनर्निर्माण अन्र्तगत निजी आवास निर्माण गाउँमा भन्दा सहरमा कम देखिएको छ । विनाशकारी भूकम्प गएको साढे ३ वर्ष वितेपनि पहाडी क्षेत्र तथा गाउँको तुलनमा निजी आवास निर्माण सहरमा भने हुन नसकेको हो । अहिलेसम्म भूकम्प अति प्रभावित १४ जिल्ला र कम प्रभावित १८ जिल्लाको तथ्यांकअनुसार गाउँतर्फ निजी आवास निर्माणमा ३७ प्रतिशत प्रगति देखिएको छ भने सहर तर्फ २२ प्रतिशत मात्रै घर बनेका हुन् । प्राधिकरणले दिएको अनुदान निकै कम, जग्गा र निर्माण महङ्गो, विलासी लाभग्राही, कृत्रिम लाभग्राही लगायत अन्य समस्याका कारण सहरी क्षेत्रको आवास निर्माण सुस्त देखिएको हो । काठमाडौं उपत्यकामा निजी आवास मात्रै होइन, ऐतिहासिक तथा पुरातात्विक सम्पदाको पुननिर्माणको अवस्था पनि उस्तै छ । काठमाडौं उपत्यकामा मात्रै झन्डै साढे एक लाख घर क्षति भएका थिए । त्यस्मा अहिलेसम्मको तथ्याङ्कअनुसार एक लाख ५ हजार घरमात्रै लाभग्राही सुचीमा परेका थिए । त्यसमध्ये अहिलेसम्म २२ प्रतिशतको हाराहारीमा मात्रै घर बनेको प्राधिकरणले जनाएको छ । झन्डै काठमाडौं उपत्यकामा मात्रै ९५ प्रतिशतले पहिलो किस्ता, २५ प्रतिशतले दोस्रो किस्ता र १८ प्रतिशतले तेस्रो किस्ता पाइसकेको प्राधिकरणको तथ्याङ्कमा उल्लेख छ । गाउँको तुलनमा सहरी क्षेत्रमा निजी आवास निर्माणमा केही जटिलता थपिएको प्राधिकरणले जनाएको छ । सरकाले उपलव्ध गराउने अनुदानले सहरमा घर बन्न निकै गाहे हुने, कृत्रिम लाभग्राही र निर्माण महङ्गो पर्ने भएकाले पनि सहरी क्षेत्रको निजी आवास निर्माणमा जटिलता थपिएको प्राधिकरणका सीईओ सुशील ज्ञवालीले बताए । ‘गाउँमा भन्दा सहरी क्षेत्रमा पुनर्निमाणमा केही जटिलता र चुनौती छन्’ उनले भने, ‘सहरी क्षेत्रको पुनर्निमाणमा ३ लाख अनुदानले घर नबन्ने भएकाले पनि घर बनाएका छैनन् । प्राधिकरणले निजी आवास निर्माण चालू आर्थिक ब त्र सम्पन्न गर्ने लक्ष्य लिएपनि सहरी क्षेत्रको पुनर्निर्माणमा देखिएको सुस्तताले लक्ष्य हासिल गर्न चुनौतिपूर्ण देखिन्छ ।
पुजा र शतिसबीच सम्बन्ध विच्छेद, सम्पत्ति विवादमा मेल मिलाप
काठमाडौं । विवाह भएको १८ वर्षपछि पुजा दाहाल र शतिस न्यौपानेबीच सम्बन्ध विच्छेद भएको छ । १२ वर्षिय दुई छोराका आमाबुबा समेत रहेका पुजा र सतिशबीच सम्बन्ध विच्छेद गत भदौ २१ गते जिल्ला अदालत काठमाडौंमा भएको हो । अदालतमा भएको सहमति पछि पुजाले आफ्नो अंशदाबी सबै छाडी छोराहरुको लालनपालन, शिक्षा दिक्षा सहितको सम्पूर्ण जिम्मेवारी स्वयंले लिएकी छिन् । उनी २०७४ फाल्गुन देखि दुबै छोरालाई लिएर माईतीमा बस्दै आएकी छिन् । सच्याइएको मिति २०७५ श्रवण २१ गते ‘बुहारी भगाएर गुरु न्यौपानेको सम्पत्ति हत्याउने प्रयास, डिभोर्ससँगै आधा सम्पत्ति मागिन् पुजाले’ भन्ने बिषयमा प्रकाशित समाचारमा पुजाले श्रीमान शतिससँग सम्पत्ति माग दावी गर्दै अदालतमा मुद्दा हालेको हुनु पर्नेमा भुलवस ससुरा गुरुप्रसाद न्यौपानेको आधा सम्पत्ति दाबी गरेको भन्ने हुन गएकोमा सच्याइएको छ । उक्त समाचार कसैको व्यक्तिगत जीवन र चरित्र माथि आँच पुर्याउन उदेश्यले प्रकाशित गरिएकाे हाेइन । कुनै खराव नियत, अाग्रह वा पूर्वाग्रहमा उक्त समाचार लेखिएकाे पनि हाेइन । समाचारमा उल्लेखित व्यक्तिहरूलार्इ गाली गलाैज गर्ने वा सार्वजनिक जीवनमा दख्खल गर्ने हाम्राे कुनै उद्देश्य वा मनासय छैन । भुलवस भएका केही त्रुटीका करण उक्त समाचारले पुजा दाहाल र सम्बन्धित व्यक्तिहरु माथि पर्न गएको असर प्रति दुःख व्यक्त गर्दै क्षमा प्राथी छौं । सम्पादक
चितवनमा राति ९ बजेपछि मदिरा बिक्री वितरणमा रोक
काठमाडौं। जिल्ला प्रशासन कार्यालय चितवनले राति ९ बजेपछि मदिरा बिक्री वितरणमा रोक लगाएको छ । जिल्ला प्रशासन कार्यालयले सूचना जारी गर्दै अनुमति प्राप्त पसलले मात्र मदिरा बिक्री गर्न पाउने जनाएको छ । विजयादशमीलाई लक्षित गरी प्रशासनले सूचना जारी गरेको हो । प्रशासकीय अधिकृत रामचन्द्र ढकालद्वारा जारी गरिएको विज्ञप्तिमा चाडपर्वलाई अनुशासित तरिकाले मनाउनका लागि आग्रह गरिएको छ । लोकमार्गका होटलबाहेक अन्य होटल राति १० बजेपछि बन्द हुनुका साथै मनोरञ्जनात्मक कार्यक्रम पनि १० बजेपछि बन्द गर्नुपर्ने स्थानीय प्रशासनले जनाएको छ । जुवातास र कौडा खेल्ने, खेलाउनेलाई कडा कारवाही गरिने पनि विज्ञप्तिमा उल्लेख छ । विज्ञप्तिमा भनिएको छ, “विशेष चाडपर्व सुरक्षा योजनाअनुसार जिल्लाका सबै स्थानमा नेपाल प्रहरी र सशस्त्र प्रहरीको पहुँच विस्तार गरिएको छ ।” रासस
नेपाल – भारत सीमावर्ती सुरक्षा बैठक भारतको अररियामा सम्पन्न
काठमाडौं। शान्तिसुरक्षा, आपराधिक गतिविधि नियन्त्रण र यातायात क्षेत्रमा देखिएको समस्या न्यूनीकरणका लागि नेपाल– भारत सीमावर्ती सुरक्षा बैठक भारतको अररियामा सम्पन्न भएको छ । बैठकमा सीमावर्ती भारतीय बजार जोगबनीमा हुने मालबाहक गाडीको चापलाई खुकुल्लो पार्न, मिरगञ्जस्थित जीर्ण पुलबाट ५०÷६० मेट्रिक टन बोकेको मालबाहक गाडी ओहोरदोहर गर्नबाट उत्पन्न समस्या समाधान गर्न, आइसिटी सञ्चालन र सीमा क्षेत्रमा हुने आपराधिक गतिविधिलाई न्यूनीकरण गर्ने सम्बन्धमा दुवै देशका स्थानीय प्रशासन र सुरक्षा निकायबीच सहमति भएको मोरङका प्रमुख जिल्ला अधिकारी रमेश केसीले जानकारी दिए। सोमबार बसेको सो बैठकमा नेपालकोतर्फबाट मोरङका प्रमुख जिल्ला अधिकारी केसी, प्रहरी उपरीक्षक मनोज केसी र विराटनगर भन्सार प्रमुख निमांस अधिकारी तथा भारतकातर्फबाट अररियाका जिएम हिमांशु शर्मा, प्रहरी प्रमुख, सीमा सुरक्षा प्रहरी प्रमुख र भन्सार प्रमुखको सहभागिता थियो। रासस
दशैँघरमा फूलपाती भित्र्याइयो
काठमाडौं। प्रत्येक वर्ष दुर्गा पक्षअन्तर्गत आश्विन शुक्ल सप्तमीका दिन आज साँझ घरघरमा शास्त्रीय विधिअनुसार शुभसाइतको प्रतीक फूलपाती भित्र्याइएको छ । घटस्थापनाका दिनदेखि वैदिक विधिपूर्वक दुर्गालाई आवाहन गरी पूजाआजा गरिएको दशैँघर अथवा पूजाकोठामा शुभसाइतको प्रतीकका रूपमा उखु, हलेदो, केराको बोट, धानको बाला, बेलपत्र, दारिम, जयन्ती, अशोकको फूल, मान वृक्ष र अन्य नयाँ पालुवासमेत भित्र्याइएको छ । फूलपाती भित्र्याएपछि उखुमा कालिका, हलेदोमा दुर्गा, केराको बोटमा ब्रह्मायणी, धानको बाला लक्ष्मी, बेलपत्रमा शिवा, दारिममा रक्तदन्तिका, जयन्तीमा कार्तिकी, अशोकको फूलमा शोकरहिता, मान वृक्षमा चामुण्डा देवीको विशेष पूजा गरिन्छ । आजैका दिनदेखि सरकारी कार्यालय पनि बिदा हुने भएकाले विभिन्न पेशा र व्यवसायमा संलग्न व्यक्ति सपरिवार बसेर दुर्गा भवानीको प्रसादका रूपमा टीका थाप्न आफ्नो पुख्र्यौली थलो फर्कने क्रम अझ तीव्र हुने गर्छ । रासस
अब एनआईसी एशियाको बैंक खाता घरबाटै खोल्न सकिने, विभिन्न सेवामा २०% छुट
काठमाडौं । अब घरैमा बसी एनआईसी एशिया बैंकको बैंक खाता खोल्न सकिने भएको छ । बैंकले लाइनमा बसी रहन नपर्ने र झण्झटरहित तरीकाबाट आफ्नो बैंक खाता खोल्न नयाँ अनलाइन सेवा सञ्चालनमा ल्याएको छ । अब ग्राहकहरुले अनलाइन बाट “न्यू प्रिमियम समुन्नति बचत खाता” खोल्न सक्नेछन् । जस अन्तर्गत भिसा डेबिट कार्ड, मोबाइल बैंकिङ् तथा इन्टरनेट बैंकिङ सुविधामा २० प्रतिशतको विशेष छुट पाउन सक्नेछन् । यस सुविधाबाट देश तथा विदेशमा रहेका ग्राहकहरुलाई बैंकको उक्त खाता खोल्न सजिलो होस् भन्ने उद्देश्यले संचालनमा ल्याएको बैंकले जनाएको छ ।
२५ कम्पनीले ७ अर्ब ८६ करोडको आईपीओ निष्कासन गर्दै, कसको कति (सूचिसहित)
काठमाडौं । जलविद्युत र वित्तीय क्षेत्रका गरी २५ कम्पनीले साधारण सेयर (आईपीओ) निष्कासन गर्न लागेका छन् । २५ मध्ये १९ वटा जलविद्युत कम्पनी रहेका छन् । ७ अर्ब ८६ करोड ७६ लाख ५७ हजार रुपैयाँ बराबरको ७ करोड ८६ लाख ७६ हजार कित्ता आईपीओ निष्कासन गर्न लागेका हुन् । सबै कम्पनीले आईपीओ निष्कासन गर्न नेपाल धितोपत्र बोर्डमा निवेदन दिएका छन् । (सूची हेर्न यहाँ क्लिक गर्नुहोस) अपरतामाकोसी हाइड्रोपावर लिमिटेडले १ अर्ब ५८ करोड ८५ लाख रुपैयाँ बराबरको १ करोड ५८ लाख ८५ हजार कित्ता र रसुवागढी हाइड्रोपावर कम्पनी लिमिटेडले १ अर्ब ७१ करोड ५० लाख रुपैयाँ बराबरको १ करोड ७१ लाख ५० हजार रुपैयाँ बराबरको आईपीओ निष्कासन गर्न लागेका छन् । यस्तै मध्यभोटेकोसी जलविद्युत कम्पनी लिमिटेडले कर्मचारी संचय कोषका संचयकर्ता, संस्थापक लगानीकर्ता र आयोजनामा ऋण लगानी गर्ने संस्थाका कर्मचारीलाई गरी १ अर्ब ४४ करोड रुपैयाँ बराबरको १ करोड ४४ लाख कित्ता आईपीओ निष्कासन गर्न बोर्डमा निवेदन दिएको छ । कम्पनीले सिन्धुपाल्चोकमा १०२ मेगावाटको मध्यभोटेकोसी आयोजना निर्माण गरिरहेको छ । यस्तै युनिभर्सल पावर कम्पनी लिमिटेडले आयोजना प्रभावित स्थानीयबासिन्दा र सर्वसाधारणलाई गरी ९६ करोड ६१ लाख ६१ हजार रुपैयाँ बराबरको ९६ लाख ६१ हजार कित्ता आईपीओ निष्कासन हुदैछ ।सीईडीबी हाइड्रो फण्ड लिमिटेडले पनि सर्वसाधारणलाई २२ करोड ८९ लाख ३० हजार रुपैयाँ बराबरको आईपीओ निष्कासन गर्ने भएको छ । पछिल्लो समयमा आईपीओ निष्कासन गर्नेमा जलविद्युत कम्पनीको संख्या बढेको छ । न्युनतम १० प्रतिशत आईपीओ जारी गर्नुपर्ने कानूनी व्यवस्थाले गर्दा जलविद्युत कम्पनी सर्वसाधारणमा जान लागेका हुन् । आईपीओ निष्कासन माग गर्नेमा पाँचथर पावर कम्पनी, सयपत्री हाइड्रोपावर, घलेम्दी हाइड्रो, शुभश्री हाइड्रोपावर, जोशी हाइड्रोपावर, ग्रिन लाइफ हाइड्रोपावर, सीबीआइएल क्यापिटल, चौतारी लघुवित्त वित्तीय संस्था, हिमालय ऊर्जा विकास कम्पनी, मैलुङखोला जलविद्युत, युनिक हाइडेल, गज्र्याङ उपत्याका हाइड्रो र लाफिङ वुद्ध पावर कम्पनी रहेका छन् ।
‘उपभोक्ताको स्वास्थ्यमाथि मजाक र कालोबजारी गर्नेलाई कार्वाही गर्ने’
चितवन । चितवन प्रशासनले चाडपर्वलाइ लक्षित गर्दै जिल्लामा सञ्चालित होटलहरुको अनुगमन कार्यलाई तीव्र बनाएको छ । नेपालीहरुको पर्व विजयादशमी, शुभदीपावाली तथा छठ पर्वलाई मध्ययनजर गर्दै जिल्लामा रहेका होटलहरुको अनुगमन गरेको जनाएको छ । खाद्य निरीक्षक प्रविण कुमार तिवारीको नेतृत्वमा रहेको अनुगमन टोलीमा मध्यरातमा यहाँ गरिएको अनुगमनका क्रममा नारायणगढ ( मुग्लिङ्ग र फिस्लिङ लोकमार्गमा सञ्चालित दुई वटा होटलहरु बन्द गराएका छन् । लोकमार्गमा सञ्चालित होटलहरुमा गरिएको अनुगमनमा क्रममा हामीले फोहोर व्यवस्थापनमा लापरबाही गरेको पाइएपछि इच्छाकामना गाउँपालिका वडा नं. ४ लेवाटारका सुजन लाङ्घाली होटल एण्ड खाजा घर र छिम्केश्वरी होटल एण्ड खाजा घर बन्द होटल बन्द गरेका हौं । खाद्य निरीक्षक तिवारीले भन्छन्: ‘अनुगमनका क्रममा हामीले पकाएका खानेकुराहरु गन्हाउने र फोहोर व्यवस्थापनमा समेत चरम लापरबाही गरेको भेटायौं त्यसैले सो होटलहरु बन्द गरेको बताए । यता, उपभोक्ता अधिकार संरक्षण मञ्च चितवनका उपाध्यक्ष विष्णु भुषालले अनुगमनका क्रममा कालोबजारी समेत भएको पाइएको बताए । १८ रुपैयाँमा पाइने पानी यहाँ २५ रुपैयाँसम्म लिएका रहेछन् साथै म्याद गुज्रिएका पेय पदार्थहरु पनि उल्लेखनीय मात्रामा भेटायौं त्यसलाई हामीले नष्ट समेत गरेका छौँ ।’ उनी भन्छन् : ”यतिमात्र कहाँ हो र ? उपोभोक्ताको स्वास्थ्य माथि समेत यहाँ उत्तिकै खेलवाड गर्दो रहेछ । होटलमा ग्राहक ल्याइदिए लामो दुरीका बस चालकलाइ होटल सञ्चालकले यस अगाडि ५०० रुपैयाँ भत्ता दिदै आएकोमा त्यो अहिले बढाएर दुई हजार रुपैंयाँसम्म पुर्याएका रहेछन् । त्यसबाट भत्ता लिएका होटलहरुले यात्रुहरु ओराल्ने र गुणस्तरहिन खानेकुरा खुवाउनेसम्म गरेको पायौं । यात्रुलाई होटलमा लगेर ओराल्ने र त्यहीँको खाना खुवाउन बाध्य बनाउने चालकहरुलाइ मासु खाना र मदिरासमेत निःशुल्क खुवाउने गरेका रहेछन् । यो लापरबाहीको पराकाष्ठा हो ।” उनले भने, उपभोक्ताको स्वास्थ्यमाथि मजाक गर्ने र कालोबजारी गर्नेलाई दण्डीत गर्नुपर्छ । तब मात्र, यस्तो गतिविधि कम हुने उनले बताए । सभ्य तरिकाले चार्डपर्व नमनाए कार्वाही हुन्छ: प्रजिअ बर्ष दिनमा एकपटक मात्रै आउने चार्डपर्वलाइ मर्यादित र हर्षोल्लासका साथ मनाउन जिल्ला प्रशासन कार्यालय चितवन ले जिल्लाबासीमा आह्वान गरेको छ । चितवनका प्रमुख जिल्ला अधिकारी जीतेन्द्र बहादुर बस्नेतले आधुनिकताका नाममा नेपाली समाजको संस्कृति, परम्परा, मर्यादा, अनुशासन विपरित शान्ति सुव्यवस्था नै प्रभावित हुने गरी अवाञ्छित गतिविधि हुन सक्ने भएकाले यस्ता गतिविधि नगर्न आग्रह गरेका हुन् । उनले विजयादशमीलाई अनुशासित रुपमा मनाउन अपिल गरेका हुन् । मर्यादित एवं अनुशासनमा रहि चार्डपर्व नमनाएको खण्डमा प्रशासनले कडा कारबाही गर्ने बस्नेतको जोड थियो । लोकमार्गका होटल बाहेक अन्य होटल र रात्री मनोरञ्जन व्यवसाय राती १० बजेपछि अनिवार्य रुपमा बन्द गर्न समेत प्रशासनले सार्वजनिक रूपमा आह्वान गरेको छ । जुवाजन्य खेल जस्तै स् तास, कौडा लगायतका खेल, स्वीकृति बिना चिठ्ठा, उपहारलगायतका कार्यक्रम सञ्चालन, एवं पटका लगायतका विष्फोटकजन्य सामग्री र मदिरा र मदिराजन्य वस्तुको बिक्री वितरणमा समेत रातीको नौ बजेपछि प्रशासनले रोक लगाएको जनाएको छ । विशेष चाडपर्व सुरक्षा योजना अनुसार जिल्लाका सबै स्थानमा नेपाल प्रहरी र सशस्त्र प्रहरीको पहुँच विस्तार गरिएको छ । लोकमार्गमा हुने सवारी दुर्घटनालाई न्यूनीकरण गर्न प्रहरीबाट ट्राफिक गस्ती, चेकजाँच, मापसे जाँचलाई तीव्र बनाइएको छ । घटनालार्इ शीघ्र सम्बोधन गर्न नेपाल प्रहरीमा क्विक रेसपोन्स टिम र सशस्त्र प्रहरीमा इमिडिएट रेसपोन्स टिमको व्यवस्था गरिएको बताउँदै कुनै पनि विषयमा गुनासो, जानकारी वा उजुरी गर्नुपरे नेपाल प्रहरीको यात्रु सहायता कक्ष पुल्चोक र केन्द्रीय बस टर्मिनल, नजिकैको प्रहरी चौकी वा सशस्त्र प्रहरी बल वा जिल्ला प्रहरी कार्यालयको कन्ट्रोल ९८५५०९०१३३ र निःशुल्क ०५६-५२४२४१ वा १०० मा समेत फोन गर्न सकिने प्रमुख जिल्ला अधिकारी जीतेन्द्र बस्नेतले जानकारी दिए ।
