विकासन्युज

कुमारी बैंकको ट्याक्सी सेवा प्रदायक सारथीसँग सहकार्य शुरु

काठमाडौ । कुमारी बैक लिमिटेडले ट्याक्सी सेवा प्रदायक कम्पनी सारथी प्राइभेट लिमिटेडसँग डिजिटल पेमेण्ट सम्बन्धि सहकार्य गरेको छ । आफ्ना ग्राहक तथा सर्वसाधारणहरुलाई थप सुविधा दिने उदेश्यले बैकले देशकै प्रचलित र एप वेस्ट सुविधा भएको ट्याक्सी सेवा प्रदायक सारथीसँग सहकार्य गरेको हो । आधुनिका सूचना प्रविधिको प्रयोग गरि दैनिक आवात जालत सहज बनाउनको लागि सारथीको ट्याक्सीहरुमा सो भुक्तानी प्रणाली स्थापना गरिने बैँकले जनाएको छ । उक्त प्रविधिले नगद रहिद र झण्झट रहित कारोबारमा सहजता ल्याउनुको साथै ट्याक्सी व्यवसायीहरुको आम्दनीलाई पनि तुरुन्तै सम्बन्धित बैक खातामा बचत हुने र उक्त निक्षेपमा प्राप्त हुने व्याजको समेत लाभ हुनेछ।

आठ इँटा उद्योगमा डोजर लगाउन नगरपालिकाले दियाे निर्देशन, ९० कराेड नाेक्सान

काठमाडौं । काभ्रेपलाञ्चोकको नमोबुद्ध नगरपालिकाको निर्देशनमा भकुण्डेबेसीमा स्थापना भइराखेका आठ इँटा उद्योगको भौतिक संरचनामाथि डोजर लगाउँदा कम्तीमा रु १० करोडभन्दा बढीको सामग्री नोक्सान भएको नेपाल इँटा उद्योग महासङ्घले जनाएको छ । महासङ्घले जारी गरेको विज्ञप्तिमा उद्योगका चिम्नि, पाकेका इँटा, बासस्थान तथा कार्यालय भवन ध्वस्त हुँदा सो मूल्यबराबरको सामग्री क्षति भएको आरोप लगाउँदै त्यस कार्यको भर्सर्ना समेत गरेको छ । सरकारले उद्योग प्रतिष्ठानको विकास, प्रवद्र्धन र संरक्षण गर्नुपर्नेमा उल्टो डोजर लगाएर व्यक्तिगत सम्पत्ति नोक्सानी पुर्याउने, उद्योगी व्यवसायीलाई मानसिक रुपमा यातना दिने कार्य गरेकाले यसको छानविन गरी तत्काल आवश्यक कदम चाल्न सम्बन्धित निकाय समक्ष महासङ्घले माग गरेको छ । त्यस्तै पछिल्लो समयमा काठमाडौँको चन्द्रागिरि नगरपालिकालेसमेत आफ्नो क्षेत्रभित्रका इँटा उद्योग सञ्चालनमा रोक लगाउन पत्र काटिसकेको भन्दै यसले संवैधानिक हक हननको घटना बढाएको महासङ्घका अध्यक्ष महेन्द्रबहादुर चित्रकारद्वारा जारी विज्ञप्तिमा उल्लेख छ । परम्परागत भुस्से इँटा बनाउन छोडेर आधुनिक प्रविधि प्रयोग गर्दै आएको र यसबाट वायु प्रदूषण कम गर्न योगदान पुर्याउँदै आएको जनाइएको छ । महासङ्घले इँटा व्यवसाय विद्यमान कानूनको विधि र प्रक्रियाअनुसार दर्ता भएका, कर तिर्ने गरेका र सामाजिक उत्तरदायित्वका कामसमेत गर्दै आएकाले ती देशका जिम्मेवार व्यवसायी भएको उल्लेख गरेको छ । रासस

१.३३ अंकले घट्यो नेप्से, २७ करोडको कारोबार

काठमाडौ । सेयर कारोबारका लागि साताको अन्तिम दिन बिहिबार नेपाल स्टक एक्सचेञ्ज (नेप्से) परिसूचक घटेको छ । नेप्से परिसूचक १.३३ अंकले घटेको हो ।  ०.११ प्रतिशतले घट्दा नेप्से परिसूचक ११९६.४१ बिन्दुमा पुगेको हो । बिहिबार सेयर बजारमा १७० कम्पनीले कारोबार गरेका छन् । ९ लाख ७५ हजार ८ सय ३४ कित्ता सेयर किनबेच हुँदा २७ करोड ७३ लाख ५९ हजार ६ सय ५९ रुपैयाँको कारोबार भएको छ ।  बजार घटेका दिन नेप्सेका सबै २ सूचक हरियो देखिएका छन् ।  बैक समूह ०.८६ र विकास बैक समूह २.९ अंकले बढेका छन् । ट्रेडीङ्ग समूह २.३७, होटल समूह ०.०७, जलविद्युत समूह ३.०४, वित्तीय समूह १.६९, निर्जीवन बीमा समूह १०.७१, उत्पादन मूलक समूह ३२.२२, अन्य समूह ०.१५, माईक्रो फाइनान्स समूह १.८४, जीवन बीमा समूह ५०.२४ र म्यूचुअल फण्ड समूह ०.०२ अंकले घटेका छन । सबैको लघुवित्त वित्तीय संस्था लिमिटेडका लगानीकर्ताले ९.९८ प्रतिशतले सबैभन्दा धेरै नाफा आर्जन गरेका छन् ।  यस्तै, युनाइटेड फाइनान्स लिमिटेड लगानीकर्ताले ६.४१ प्रतिशतले सबैभन्दा धेरै घाटा व्यहोरेका छन् ।

गोरखाको छेपेटारमा प्रभु बैंकको नयाँ शाखा

काठमाडौं । प्रभु बैंकले शाखा सञ्जाल विस्तार गर्ने क्रममा गोरखाको छेपेटारमा बिहीबारदेखिे छेपेटार शाखा कार्यालय सञ्चालनमा ल्याएको छ । उक्त शाखाको उद्घाटन गोरखा नगरपालिकाका नगरप्रमुख राजनराज पाण्डेले गरेका हुन् । छेपेटार शाखा कार्यालय उद्घाटन कार्यक्रममा गोरखा जिल्लास्थित विभिन्न सरकारी कार्यालयका प्रतिनिधिहरु, विभिन्न राजनैतिक दलका प्रतिनिधीहरु, उद्योग वाणिज्य संंघ गोरखाका पदाधिकारीहरु, विभिन्न संघ संस्थाका प्रतिनिधिहरु, स्थानीय व्यापारी, बुद्धिजिवी लगायत ठूलो संख्यामा सर्वसाधारणको उपस्थिति रहेको थियो । यस बैंकको छेपेटार शाखा कार्यालयबाट यहाँका स्थानीय सर्वसाधारणहरु, फर्म, कम्पनी तथा संघ संस्थाहरुले प्रभु बैंकको गुणस्तरीय सेवा उपभोग गरी लाभान्वित हुनेछन् र गोरखा नगरपालिकाको समग्र आर्थिक विकासमा टेवा पुग्नेछ ।

गाडी र बाइकको इञ्जिन सफा गर्ने ‘एचएच ओ कार्वन क्लिनर’ नाडा अटो शोमा

काठमाडौ । अब सडकमा गुड्ने बाइक र गाडीहरुले कालो धुवा फ्याक्ने समस्याबाट सवारीसाधन प्रयोगकर्ताले मुक्ति पाउने भएका छन् । इन्जिनको समस्यालाई लक्षित गरेर ‘एचएच ओ कार्वन क्लिनर’ नेपाल भित्रिएको छ । क्याटालाइसिस अटो कम्पनीले ‘एचएच ओ कार्वन क्लिनर नेपाल भित्र्याएको छ । ‘एचएच ओ कार्वन क्लिनर’ ले गाडी र बाइकको कालो धुवा फ्याक्ने समस्याको समाधान गर्ने भएको छ । ‘नाडा अटो शो’ को विषेश अवसर पारेर ल्याएका अनेकौ नौला प्रविधि मध्ये सो क्लिनर ग्राहकहरुको रोजाईमा परेको पाइएको हो । ‘गाडीको मुख्य पार्टसको रुपमा इन्जिनलाई नै बुझ्नु पर्छ । गाडी विक्रेताहरुले पनि गाडी वा बाइकको प्रयोगकर्तलाई इन्जिनको ख्यान राख्न सल्लाह दिहिरहेका हुन्छन । एचएच ओ कार्वन क्लिनर मेसीनमा हुन्छ, हाइड्रोजन ग्यास हुने र त्यो ग्याँसले सवारीसाधनको इन्जिनलाई सफा गरि बलियो बनाउने छ । क्याटालाइसिस अटो कम्पनीका म्यानेजर खेम केसीले एचएच ओ कार्वन क्लिनर मेसीनले अक्सि हाइड्रोजन ग्यासको उत्पादन गर्ने र त्यसले इन्जिनलाई सफा गर्ने बताउछन् । यो प्रविधिको प्रयोग पछि सवारीसाधनको इन्जिन बनाउन नपर्ने र माइलेज पनि बढि दिने कम्पनीको दाबी रहेको छ । डिजेल र पेट्रोलका सबै प्रकारका सवारीसाधनहरुको इन्जिन यसले सफा गर्दछ । बाइक, गाडी र बसका लागि ग्राहकले मेसिनको प्रयोग गर्न सक्छन् । मिसिनको मूल्य भने १४ लाख रुपैयाँ कम्पनीले तेकेको केसीले बताए । सिङ्गल क्लिन र डबल क्लिनमा मिसिनका नेपाली बजारमा उपलब्ध छ । सवारी साफ गर्ने प्रविधि अमेरीकाको हो यसको उत्पादन चीनले गर्दै आएको छ । यस मेसिनले इन्जिनको सुरक्षा गर्दछ । गाडी वा बाइकको इन्जिनले कालो धुवा फाल्ने समस्याबाट हैरान भएका ग्राहकहरुको लागि यो उपयोगि हुने कम्पनीले बताएको छ । किनभने उक्त मिसिनको प्रयोग पश्चात मिसिनले कालो धुवा फाल्दैन ।  कार्वन क्लिन गर्दा कार र गाडीहरुको ५ हजार ५ सय र मोटरसाइकलको लागि १ हजार रुपैयाँ लाग्ने छ । विक्रेता कम्पनीले बजारमा आफूहरुको राम्रो प्रभाव परेको र सवारीसाधन प्रयोगकर्ताले उत्साका साथ प्रयोग गरेको बताएको छ ।  हालसम्म ८ सय भन्दा माथि मिसिन बिक्री भइसकेको कम्पनीले जनाएको छ । कम्पनील नेपाल भित्रीएको ८ महिना भएको छ । मिसिन पार्सियर्लीमा खरिद गर्दा ५० प्रतिशतसम्म छुट पाइने पाइएको छ । कहाँ कहाँ पाइन्छ ? जिनियस अटो केयर नक्खु (एनसेलको कार्यालय नजिकै) देवी अटो केयर शंखमुल दोभान पुल, जयदुर्गा अटो सानो ठिमी, (भक्तपुर), जयदेव ट्रेडीङ्ग ग्वार्को, ललितपुर, किरण अटो वर्कसप पुरानो बानेश्वर, गुड अटो मोवाइल्स प्राईभेट लिमिटेड धुम्बाराही (पिपलबोट), भक्तपुर अटो वर्कसप सल्लाघारी (भक्तपुर) र गण्डकी इको टेक प्राईभेट लिमिटेड रहेका छन् । नाडा अटो शोको २ दिनमा नै २ सय जनाभन्दा बढीले अवलोकन गरि सकेको कम्पनीले जानकारी दिएको छ । अवलोकन कर्ताको चासो खरिदमा भन्दा बढी सर्भिसकालागि भएको कम्पनीको अनुभव छ ।  

ज्योति विकास बैंकको नयाँ शाखा सातदोबाटोमा

काठमाडौं । ज्योति विकास बैंकले शाखा विस्तारका क्रममा बिहीबार ललितपुरको सातदोबाटोमा नयाँ शाखाको उद्घाटन गरेको छ। उक्त शाखाको उद्घाटन नेपाल राष्ट्र बैंक, बैंक तथा वित्तीय संस्था नियमन विभागका कार्यकारी निर्देशक देव कुमार ढकालबाट भएको हो । कार्यक्रममा ज्योति विकास बैंकका अध्यक्ष श्री हरि चन्द्र खड्काले विगतका दिनमाझैं ज्योति विकास बैंकले सेवाग्राही र समाजको माग अनुसार ल्याइरहेको सेवा र सुविधालाई निरन्तरता दिने र र समाजको हरेक आयाममा बैंकिङ्ग सेवामार्फत योगदान प्रदान गर्ने प्रतिबद्धता व्यक्त्त गरेका छन् । हाल ज्योति विकास बैंकले नयाँ शाखासहित १०२ शाखा कार्यालय, १ एक्सटेन्सन काउन्टर तथा ४१ वटा एटिएममार्फत सेवा उपलव्ध गराउँदै आईरहेको छ । साथै, यसै आर्थिक वर्षमा थप नयाँ शाखा संचालनमा ल्याउने प्रक्रियामा रहेको छ ।

१३औँ सागका लागि ३५ क्रिकेट खेलाडी छनोट

काठमाडौं । आगामी मङ्सिरमा नेपालमा नै आयोजना हुने १३औँ दक्षिण एसियाली खेलकूद (साग) का लागि नेपाली राष्ट्रिय पुरुष क्रिकेट टोलीको प्रारम्भिक चरणमा ३५ खेलाडी छनोट भएका छन् । मुख्य प्रशिक्षक उमेश पटवाल र कप्तान पारस खड्काको छनोट समितिले प्रारम्भिक चरणमा ३५ खेलाडीको नाम आज सार्वजनिक गरेको हो । नेपाली टोलीको बन्द प्रशिक्षण भने यही भदौ १५ गतेदेखि शुरु हुनेछ । प्रारम्भिक टोलीमा पारस खड्का, ज्ञानेन्द्र मल्ल, शरद भेषवाकर, वसन्त रेग्मी, राजु रिजाल, जितेन्द्र मुखिया, प्रदीप ऐरी, सुनिल धमला, शौरभ खनाल, ललित सिंह भण्डारी, विक्रम सोब, इशान पाण्डे र करण केसी छन् । त्यसैगरी, छनोट हुने अन्य सदस्यमा मोहम्मद आरिफ शेख, विनोद भण्डारी, सन्दीप जोरा, कुशल मल्ल, रित गौतम, पवन सरार्फ, अमित श्रेष्ठ, किशोर महतो, मोहम्मद आशिफ शेख, सुसन भारी, अनिलकुमार शाह र अभिनास बोहोरा छनोटमा परेका छन् । त्यस्तै, सन्दीप लामिछाने, ललितनारायण राजवंशी, नन्दन यादव, रोहितकुमार पौडेल, भीम सार्की, कुशल भुर्तेल, दीपेन्द्रसिंह ऐरी, सोमपाल कामी, सागर ढकाल र शाहब आलम रहेका छन् । साग खेलकूद आगामी मङ्सिर १५ देखि २४ गतेसम्म सञ्चालन हुँदैछ । रासस

उत्कृष्ट शैक्षिक गन्तव्यः दामी पढाइ हुने ‘नामी कलेज’

काठमाडौं । जोरपाटी नारायणटारबाट केही अगाडि बढेपछि एउटा सुन्दर दृश्य देखिन्छ । त्यहि सुन्दरता भित्र सुन्दर सुन्दर भौतिक संरचना देखिन्छन् । सुन्दर भौतिक संरचना भित्र उत्कृष्ट शैक्षिक क्रियाकलाप हुने संस्थाको देशमै नाम कमाएको शैक्षिक गन्तव्य हो ‘नामी कलेज’ । शहर बजारका शैक्षिक संस्था साँघुरो स्थानमा सञ्चालन भइरहेका छन्, तर नामी कलेज ३७ रोपनी क्षेत्रमा फैलिएको छ । कलेजको ग्राउण्ड देख्दा लाग्छ कि यो कलेज भन्दा पनि ठूलो खेल मैदान हो । सन् २०१४ मा स्थापना भएको नामी कलेजको पूरा नाम मल्टी आयम डिसीप्लिनरी ईन्टिच्युट हो । बेलायतको युनिभर्सिटी अफ नर्थ ह्यम्प्टनबाट आफ्नो डिग्री कोर्स संचालन गरिरहेको कलेजले ५ वर्षकै छोटो समयमै राम्रो छाप छोड्न सफल भएको छ। कलेजले छोटो समयमै विभिन्न अवार्डहरु हाँसिल गरेको छ।प्लस २ देखि ए लेभल र एमबीए सम्मको कोर्स संचालन गर्दै आएको कलेजमा अहिले ७ सयभन्दा धेरै विद्यार्थी अध्ययन गरिरहेका छन् । कलेजमा अध्यापन र व्यवस्थापन सहित करिब १ सय बढीले रोजगारी पाएका छन् । ४० करोडको लगानी करिब ४० करोडको लगानीमा स्थापना भएको नामी कलेज नेपालका निकै चर्चित व्यक्तित्वहरुले संचालनमा ल्याएका हुन्। कलेज सञ्चालक समितिको अध्यक्षमा डा. आरजु राणा (देउवा) र निर्देशकमा क्याप्टेन रामेश्वर थापा, सुरेशराज , उमा राज्यलक्ष्मी शाह, सोनी जोशी, सीता बास्तोला (कोईराला) र योगराज कँडेल शर्मा रहेका छन् । स्नातक तह र स्नातक्कोत्तर तहको कोर्स बाहेक कलेजमा ए लेभल र प्लस २ भने अक्षेरिका स्कुलसँगको समन्वयमा संचालन भईरहेको छ । यधपी नामी कलेज एउटा सिस्टर अर्गनाईजेशनको रुपमा संचालित छ । कस्तो छ भौतिक पूर्वाधार फराकिलो कक्षाकोठा, कम्प्युटर ल्याब, विज्ञान प्रयोगशालाको व्यवस्था कलेजले राम्रैसँग गरेको देखिन्छ। कलेजले कक्षाकोठा देखि विद्यार्थीहरु बस्ने टेबल, कुर्सीहरु सबै विद्यार्थीलाई सहज हुने तरिकाले व्यवस्थापन गरिदिएको देख्न सकिन्छ। कलेजका सिनियर म्यानेजर अमरदीप मण्डलले विद्यार्थीलाई राम्रोसँग अध्यापन गराउन भौतिक संरचनाको पनि महत्वपूर्ण भूमिका खेल्ने बताउँछन्। कलेज शैक्षिक वातवरण राम्रो भएकाले थानकोट, हरिसिद्धी, दक्षिणकालीबाट समेत विद्यार्थीहरु आउने गरेका छन् । कलेज स्थानीय क्षेत्रमा मात्र होइन टाढाटाढासम्म प्रभाव जमाएको सफल भएको छ । युनिभर्सिटी अफ नर्थ ह्याम्पटन युनिभर्सिटी अफ नर्थ ह्याम्प्टन बेलायत सरकारबाट युनिभर्सिटी अफ नर्थ ह्याम्प्टनले सन् २००५ बाट युनिभर्सिटी टाईटल पाएको हो । नेपालमा बेलायतको डिग्री ल्याउनुको मुख्य कारण विद्यार्थीलाई बाहिर गएर पढ्नका लागि लाग्ने खर्चको एक चौथाइ भन्दा कम खर्चमा अध्ययन गराउनु रहेको हो– कलेजका सिनियर म्यानेजर मण्डल बताउँछन् । नामीलाई युनिभर्सिटी अफ नर्थ ह्याम्प्टन युनिभर्सिटीले बेलायतबाटै संचालन गर्दै आएको छ । कलेजको शिक्षक, प्रश्नपत्र बनाउने र जाँच्ने र डिग्री सबैको जिम्मेवारी युनिभर्सिटीले नै सम्हालेको छ । साथै नामी कलेजमा अध्ययन गरेर पाउने डिग्रीलाई नेपाल सरकारको शिक्षा मन्त्रालय र त्रिभुवन विश्वविद्यालयले पनि मान्यता दिएको छ। सुरुवातको दिन २०१४ मा नामी कलेज सुरुवात गर्दा ब्याचलरमा ५३ र ए लेभलमा ४० विद्यार्थी थिए । सुरुवाती दिनमा सस्तोमा नेपालमै ब्रिटिश डिग्री पढ्न पाइन्छ भन्दा धेरैले पत्याएनन् । दोस्रो बर्षमा आईपुग्दा कलेजलाई झनै भार पर्‍यो । भूकम्प गएको कारण धेरै कलेजलाई समस्या परेको कलेजका सिनियर म्यानेजर मण्डल बताउँछन् । प्रतीक्षाको फल मीठो हुन्छ भने जस्तै तेस्रो बर्षमा आईपुग्दा कलेजलाई लाभ भयो । अहिले कलेजमा ७ सय भन्दा बढी विद्यार्थी र १ सय भन्दा बढी कर्मचारी कार्यरत रहेको सिनियर म्यानेजर मण्डल बताउँछन् । कलेजमा पढाईसँगै तालिम पनि कलेजले विद्यार्थीहरुलाई अध्ययनसँगै तालिम पनि प्रदान गर्ने गरेको छ । सफ्ट्वेयर ईन्जिनियरिङ्ग पढिरहेका विद्यार्थीहरुलाई आईटी कम्पनीहरुबाट ईन्जिनियरहरु ल्याएर ट्रेनिङ दिने गरेको छ । कलेजले धेरै कम्पनीहरुसँग साझेदारी गरेको छ । नामी कलेजमा पढेका विद्यार्थीहरुले आफ्नो क्षेत्रमा गएर गर्नुपर्ने कामका बारेमा व्यवहारिक तालिम दिने गरिएको छ । पढाई पूरा भईसकेपछी विभिन्न युरोपेली राष्ट्रहरुमा सजिलै प्लेसमेन्ट गराउने कलेजको दाबी छ । साथसाथै नेपालबाट सिधै विद्यार्थीलाई जापानमा प्लेसमेन्ट गराउने ‘नामी’ नेपालकै पहिलो कलेज रहेको छ । नामीमा पढाई हुने बिषयः १. प्लस २ः विज्ञान र व्यवस्थापन २. ए लेभल ३. स्नातक तह अर्थात ब्याच्लरः बिएस्सी (होन्स) कम्प्युटिङ : बिएस्सी (होन्स) सफ्ट्वेयर ईन्जिनियरिङ्ग : बिएस्सी (होन्स) कम्प्युटर नेटवर्क ईन्जिनियरिङ्ग : बिएस्सी (होन्स) ईन्भारोमेन्टल साईन्स : बिबिए ४. स्नातककोत्तर अर्थात मास्टर्सस् : एमबिए कति लाग्छ शुल्क ? कलेजले मध्यम वर्गीय परिवारलाई लक्षित गर्दै आफ्नो मासिक शुल्कहरु तोकेको छ । राम्रो अंक प्राप्त गर्ने विद्यार्थीहरुलाई छात्रबृत्ति प्रदान गर्दै आएको छ । कलेजमा प्लस २ पढ्न २ देखी ३ लाख, ए लेभल पढ्न ५ लाखको हाराहारी शुल्क लाग्छ। अमरदिप मण्डल, सिनियर म्यानेजर, नामी त्यस्तै बिबिए पढ्न ९ लाख, ईन्भारोमेन्टल साइन्स पढ्न ९ लाख, सफ्ट्वेयर ईन्जिनियरिङ्ग तथा नेट्वर्किङ पढ्न ११ लाख, आईटी पढ्न १० लाख, कम्प्युटिङ पढ्न १० लाख र एमबिए पढ्न करिब ५ लाखको हारहारिमा खर्च लाग्ने कलेज व्यवस्थापनले जनाएको छ । विदेशमा एउटै सेमेस्टरमा लाग्ने खर्चले यहाँ अध्ययन पूरा गर्न सकिन्छ । नामीले आगामी दिनमा अझै टेक्निकल कोर्सहरु थप्ने जनाएको छ । ५ वर्षमा कलेजले पाएका अवार्डः – सन् २०१५ मा बेस्ट आईडल क्याम्पस अवार्ड (नर्थ ह्याम्प्टन युनिभर्सिटी) – सन् २०१६ मा बेस्ट राइजिंग कलेज – सन् २०१७ मा मोस्ट प्रोग्रेसिभ स्कुल (ब्रिटिश काउन्सिल) – सन् २०१८ मा मोस्ट क्रियटिभ कलेज (शिक्षालय म्यागजिन)