विकासन्युज

मोदीखोला जलविद्युत आयोजनाको असर, स्थानीयमा कान नसुन्ने समस्या

काठमाडाैं । पर्वतको मोदी खोलामा निर्माणाधीन र सञ्चालनमा रहेका जलविद्युत आयोजनाहरु वातावरणमैत्री नबन्दा स्थानियलाई समस्या भएको छ । आयोजनाको बारेमा नेपाल वातावरण पत्रकार समूहले गरेको एक अध्ययनका अनुसार त्यहाँका स्थानीयहरुमा कान नसुन्ने र माछा व्यवसाय नै विस्थापन हुने लगायतका समस्याहरु देखा परेको जनाइएको हाे । आइतबार वातावरण पत्रकार समूहले उर्जा, जलस्रोत तथा सिँचाई मन्त्री वर्षमान पुनलाई अध्ययन प्रतिवेदन हस्तान्तरण गर्दै मोदी खोलामा निर्माण भइरहेका जलविद्युत आयोजनाहरुले विकास सँगै विनास निम्त्याएको बताएका हुन् । वर्षौंदेखि माछा व्यवसाय गर्दै आएका त्यहाँका स्थानियको व्यवसाय नै धरापमा पारेको प्रतिवदेनमा उल्लेख गरिएको छ । आयोजनाहरुका लागि निर्माण गरिएका टवाईनको आवाजले कर्मचारीहरुको श्रवण शक्ति पनि गुम्दै गएको वातावरणीय अध्ययन प्रतिवेदनमा छ । मोदी खोलामा निर्माणाधीन आयोजनाहरुले प्रतिकुल वातावरणीय प्रभाव न्युन गर्न कुनै पनि उपायहरू कार्यान्वयन नगरेको प्रतिवेदनमा उल्लेख छ । जिल्लाको बिरेठाँटीदेखि चुवासम्म निर्माणाधिन र सञ्चालित ४ जलविद्युत आयोजनाको आधारमा यस प्रकारको “क्यासकेड” आयोजना सञ्चालन हुने खोला नदीमा पानी छोडेर जलीय जीव विविधता र तिनको उत्पादन कायम गर्न सकिने नदेखिएकोले विद्यमान नीतिको पुनरावलोकन गर्नु पर्ने अध्ययनमा देखाइएको छ । माछाका लागि भर्याङ मोदी खोला जलविद्युत आयोजनाले माछाको लागि भर्याङ बनाएको छ । सुक्खा समयमा खोला सुक्ने हुँदा माछा लगायत अन्य जलिय जीव र तिनको वासस्थानमा प्रतिकुल प्रभाव पर्ने कारणले  त्यसको समाधानका लागि फिस ल्याडर तथा ह्याचरीको निर्माण गरिएको हो । वातावरणीय परीक्षण (अडिटिङ्ग) प्रतिवेदनमा उल्लेख भए अनुसार ह्याचरीको स्थान र डिजाइन अनुपयुक्त रहेको छ । प्रतिवेदनका अनुसार आयोजनाका कारण खोलामा पानीको मात्रा घटेकोले माछा व्यवसायीहरुको व्यवसाय नै धरापमा परेको जनाइएको छ । जलविद्युत विकास नीति(२०८५) का अनुसार न्युनतम १० प्रतिशत पानी छाडी जलिय जीव र तिनको वासस्थान कायम गर्नु पर्ने प्रावधान छ । उक्त प्रावधान सुक्खायाममा पालना नभएको जनाइएको छ । प्रतिवदेनका अनुसार वातावरणीय क्षति न्यून गर्ने उपायहरूको बारेमा ठेकदार र परामर्शदाता समेत अनभिज्ञ देखिएको छ । अध्ययन टोलीले आयोजनाहरुको वातावरणीय प्रभाव मूल्याङ्कन प्रतिवेदन नै आयोजना स्थलमा नभेटिएको बताए । तर तल्लो मोदीखोला जलविद्युत आयोजनाका म्यानेजर प्रदिप कुमार दासले कुनै पनि समुह आफ्नो कार्यालयमा प्रतिवेदन सम्वन्धि बुझ्न नआएको बताए । कार्यक्रममा उर्जा जलस्रोत तथा सिँचाई मन्त्री पुनले वातावरणीय प्रभाव मुल्याङ्कन प्रतिवदेन तयार पार्दा आर्थिक, साँस्कृतिक र सामाजिक पक्षमा केके प्रभाव पार्छ भन्ने कुराहरु बुझेर तयार पार्नु पर्ने बताए । उनले पछिल्लो समय आयोजनाहरुका वातावरणीय प्रभाव मुल्याङ्कन प्रतिवदेन कपि पेष्ट तरिकाले हुने गरेका उदाहरणहरु सुनाउँदै विकास र वातावरणलाई सन्तुलन हुने गरी तयार पार्न आग्रह गरे । उनले स्थानीयहरुले पनि विकासप्रेमी बन्नु पर्ने बताउँदै लगानीकर्ताहरु लाई विभिन्न टर्चर दिएर दु:ख नदिन आग्रह गरे । वन मन्त्रालयका प्रवक्ता सिन्धुप्रसाद ढुङ्गेलले मन्त्रालयबाट ३ सय भन्दा बढि इआइएहरु स्वीकृत भईसकेको बताउँदै जनशक्तिको अभावले इआइए अनुगमनमा समस्या हुने गरेको बताए । मोदी खोलामा दुईटा आयोजना सञ्चालनमा छन् भने दुईटा जलविद्युत आयोजनाहरु निर्माणाधिन अवस्थामा छन् । मोदीखोला जलविद्युत आयोजना (१४.८ मे.वा), तल्लो मोदी (१०. मे.वा), तल्लो मोदी खोला ( २० मे.वा) र तल्लो मोदी खोला २ जलविद्युत आयोजना (१०.५ मे.वा) जलविद्युत आयोजनाहरु रहेका छन् । नेपाल सरकारले वि.स २०८२ सम्म १५ हजार मेगावाट जलविद्युत उत्पादन गर्ने लक्ष्य लिएको छ ।

शाओमीको “दशैं विथ एम आई” मा आकर्षक अफर, स्मार्टफोन खरिद गर्दा २ हजार छुट

काठमाडौं । शाओमी, ग्लोबल टेक्नोलोजी लिडरले एमआई फ्यानहरुका लागि आकर्षक दशैं अफर सार्वजनिक गरेको छ । एमआई ए३ सार्वजनिक भएसँगै विभिन्न स्मार्टफोनको खरिदमा रु २ हजारसम्मको छुटको व्यवस्था रहेको छ । दशैंको शुभ अवसरमा शाओमीले प्रयोगकर्ताहरुका लागि स्मार्टफोनमा ५ वटा विशेष सप्र्राइज ल्याएको छ । ग्राहकहरुले अब शाओमीको नयाँ–नयाँ स्मार्टफोन रेडमी ७, रेडमी वाई ३ ,रेडमी रेडमी नोट ७, एमआई ए३ र रेडमी ७ ए किन्दा आकर्षक अफरहरुको रहेको छ । विशेष गरि दशैं जस्तो मेगा चाडँपर्वको अवसरमा स्मार्टफोन ठूलो उपहारको एक विकल्प रहेको जनाएको छ । एमआई फ्यानले रु १९हजार ९ सय ९९मा रेडमी नोट ७ (३ जीबीप्लस ३२ जीबी) खरिद गरेर निर्धारण गरिएको मुल्यमारु २ हजारको फ्ल्याट छुटको मज्जा लिन सक्नेछन् । विशेष सप्र्राइजको रुपमा शाओमीले नेपालमा एमआई ए३ (४ जीबीप्लस ६४ जीबी) र (६ जीबीप्लस १२८ जीबी) सार्वजनिक गरेको छ, यो रु २३ हजार ९ सय ९९ र रु २७ हजार ९ सय ९९ मा उपलब्ध हुनेछ । रेडमी ७ए (२ जीबीप्लस ३२ जीबी) मापनि छुटको व्यवस्था रहेको छ र यो अब रु १० हजार ९ सय ९९ मा उपलब्ध हुनेछ । ग्राहकहरुले रेडमी ७(२ जीबीप्लस १६जीबी) र (३ जीबीप्लस ३२जीबी)तेसै गरि रेडमी वाई ३ (३ जीबीप्लस ३२ जीबी) र (४ जीबीप्लस ६४ जीबी) मारु १ हजार छुटको मज्जा लिन सक्नेछन् । यी अफरहरु सम्पूर्ण अफलाइन स्टोर, दराज डटकम डट एनपी र सस्तोडिलमा उपलब्ध हुनेछ । शाओमी नेपालका कन्ट्री जनरल म्यानेजर सौरभ कोठारीलले भने, “हामी सम्पूर्ण एमआई फ्यानहरुलाई शाओमी स्मार्टफोनको खरिदमादशैंको विशेष अफर प्रदानगर्न निकै उत्साहित छौं । दशैंको रमाइलो अवसरमायो पहलले हाम्रो उच्च गुणस्तरीय स्मार्टफोनलाई सुलभ मुल्यले गर्दा अझै आकर्षक बनाउने आशा गरेका छौं ।”

९२ हजारले अवलोकन गर्दै सकियो स्टक क्लियरेन्स मेला, व्यवसायी उत्साहित

काठमाडौं । दशैंको अवसर पारेर राजधानीको भृकुटीण्डपमा आयोजना गरिएको स्टक क्लियरेन्स मेला सकिएको छ । गत बुधबारदेखि सुरु भएको मेलाको ५ दिनमा ९२ हजारले अवलोकन गरेका छन् । चाड पर्वका लागि सस्तोमा सामान किन्न आउनेहरुको चापले आयोजक तथा व्यवसायीहरु उत्साहित बनेका छन् । इभेण्ट सोलुसन प्रालिको आयोजनामा सञ्चालन भएको मेलाले एकै छानामुनी सेवाग्राहीलाई सस्तो मूल्यमा गुणस्तरीय सामान किन्ने अवसर प्रदान गरेको नेपाल चेम्बर अफ कमर्शका अध्यक्ष डा. राजेशकाजी श्रेष्ठले बताए । आगामी दिनहरुमा पनि यस किसिमका मेलाहरुलाई चेम्रले प्रवद्र्धन गर्दै लैजाने उनको भनाइ छ । असोज ३ गते संविधान दिवसको अवसरमा सार्वजनिक विदा तथा शनिबार २ दिन विदा परेका कारण अवलोकनकर्ताको बाक्लो उपस्थिती भएको इभेण्ट सोलुसन प्रालिका प्रबन्ध निर्देशक विजयसागर प्रधानले बताए । इभेण्ट सोलुसनले पछिल्लो ३ वर्षदेखि नियमित रुपमा स्टक क्लियरेन्स मेला आयोजना गर्दै आईरहेको छ । चाडपर्वका बेला सस्तो मूल्यमा एकै छानामुनी स्वदेशी तथा विदेशी सामानहरु उपलब्ध गराउनका लागि मेलाको आयोजना गरिएको हो । ‘दशैंको बेला सस्तो मेला’ भन्ने नाराका साथ सञ्चालन गरिएको मेलाबाट उपभोक्ता र व्यवसायी दुवै लाभान्वित भएको इभेण्ट सोलुसनका बजार निर्देशक नविन भट्टले बताए । मेलामा जुत्ता तथा चप्पल उद्यमी समुह अन्तरगतका ४ वटा नेपाली ब्राण्डको शोरुममा अवलोकनकर्ता तथा ग्रागहकको विशेष चाप देखिएको थियो । बिएफ डियर हिल, रन सुज, शिखर सुज र शु ल्याण्डका १ हजारभन्दा बढी मोडलका जुत्ता तथा चप्पलहरु १५ देखि ७५ प्रतिशतसम्मको छुटमा खरिद गर्न सकिने भएकाले खरिदकर्ताको चाप बढेको बिएफ डियर हिलका प्रबन्ध निर्देशक होमनाथ उपाध्यायले बताए । रन सुजका प्रबन्ध निर्देशक रुद्र न्यौपानेका अनुसार स्टक क्लियरेन्स मेला सकिए पनि ४ ब्राण्डको जुत्ता मेला भने फूलपातीसम्म निरन्तर चलिरहेछ । अलग्गै डूममा चलिरहेको जुक्ता मेलामा स्पोर्टस, क्याजुअल तथा पार्टी सुजका साथै छालाका पेटीहरु सुपथ मूल्यमा उपलब्ध गराइएको छ । एक्स्पोमा नेपाल, भारत, पाकिस्तान, बंगलादेश, चीन, थाइल्याण्ड र जापानका उत्पादन तथा प्रदर्शकहरुको सहभागिता रहेको थियो । दशैंका लागि आवश्यक सम्पूर्ण उपभोग्य सामाग्रीहरु एकै ठाउँबाट बिशेष छुटमा उपलब्ध गराउने लक्ष्यका साथ आयोजना गरिएको एक्सपोको प्रवद्र्धन नेपाल चेम्बर अफ कमर्शले गरेको हो ।

छिमेकी देशमा करको दर परिवर्तन हुँदा नेपालमा पनि असर पर्छः अर्थमन्त्री खतिवडा

काठमाडौं । अर्थमन्त्री डा. युवाराज खतिवडाले धेरै भष्ट्राचार गर्न पाइन्छ भनेर सभासदहरु नै आफु निकट व्यक्तिहरुलाई भन्सारमा सरुवा सिफारिस गर्न अर्थ मन्त्रालय आउने गरेको बताएका छन् । बिस्तारै भन्सारमा सुधार हुँदै गएकाले त्यहाँ सरुवा गरिदिनु पर्यो भनेर आउनेहरु घटेका छन्उ-नले उने । नेपाल उद्योग वाणिज्य संघ काठमाडौंको प्रथम वार्षिक साधारण सभामा बोल्दै अर्थमन्त्री खतिवडाले छिमेकी देशमा करको दर परिवर्तन हुँदा नेपालमा पनि असर गर्ने र त्यसका लागि सरकार व्यवसायीहरुसँग बसेर छलफल गर्न तयार रहेको बताए । बैंक उद्योगीहरुकै भएकाले उद्योगीहरुको पीडा बैंकले बुझि दिन अनुरोध गरे । उनले भने-‘जीवन रक्षाका लागि भिटामिनको प्रयोग गरे जस्तै राम्रा र असल उद्योगीहरुको प्रोत्साहन गर्न सरकार तयार रहेको छ । कस्तो बस्तु उत्पादन र निर्यातमा सरकारले कति भिटामिन दिनु पर्ने हो, त्यसको बारेमा छलफल गर्न सरकार तयार छ ।’ कार्यक्रममा नेपाल उद्योग वाणिज्य महासंघका अध्यक्ष भवानी राणले देशमा राजनीतिक परिवर्तन भन्दा पनि आर्थिक परिवर्तनका लागि लाग्नु पर्ने समय आएको बताइन् । उनले विश्वका उद्योगहरुमा प्रयोग भइरहेको प्रविधिको नेपालमा प्रयोग नभएकाले पनि नेपाल उद्योगका क्षेत्रमा पछि परेको बताइन् । नेपाल उद्योग वाणिज्य संघ काठमाडौंका अध्यक्ष दिनेश श्रेष्ठले सरकारले कानून निर्माण गर्दा निजी क्षेत्रलाई पनि ध्यान दिनु पर्ने बताए । सरकारले देशमा भएका स्रोत र साधनलाई प्रयोग गरेर कर उठाउने नीति ल्याउनु पर्ने बताए ।

सेञ्चुरी बैंकद्वारा नाला र टुकुचा क्षेत्रमा वित्तीय साक्षरता अभियान

काठमाडौँ । सेञ्चुरी कमर्सियल बैंकले बनेपा नगरपालिकाको ग्रामिण क्षेत्रलाई लक्षित गरेर उग्रचण्डी नाला शाखामा एक दिने वित्तीय साक्षरता कार्यक्रम सञ्चालन गरेको छ । बैंकले संस्थागत सामाजिक उतरदायित्व अन्तर्गत बनेपा नगरपालिका अन्र्तगत उग्रचण्डी नाला र टुकुचा नाला क्षेत्रमा उक्त कार्यक्रम आयोजना गरेको हो । कार्यक्रममा मुख्य विषयवस्तु सहुलियतपूर्ण कर्जाका लागि ब्याज अनुदान अन्तर्गतको व्यवसायिक कृषि तथा पशुपन्छी कर्जा सम्बन्धी जानकारीका साथै डिजिटल वित्त ९विधुतीय वित्त० सम्बन्धी जानकारी दिएको थियो । उक्त कार्यक्रममा १६५ जनाभन्दा बढीको सहभागिता थियो । सहुलियत कर्जा, बैंक खाता, बैंकले नागरिकलाई दिइरहेको सेवा प्रवाहलगायत ग्रामीण भेगका नागरिकसंग बैंकको पहुँच बढाउन गाउँगाउँसम्म वित्तीय साक्षरता अभियान बैंकले सुरु गरिरहेको हो । बैंकले आफ्नो संस्थागत सामाजिक उतरदायित्व अन्तर्गत अन्य स्थानहरुमा वित्तीय साक्षरता कार्यक्रम सञ्चालन गर्दै आइरहेका जनाएको छ ।

निक्षेपको चरम अभाव हुँदा नबिलले गर्यो १०.१० प्रतिशत अफर, अरु वाणिज्य बैंकलाई तनाव

काठमाडौं । बैकिङ क्षेत्रमा निक्षेपको चरम अभाव भएको बेलामा नबिल इन्भेष्टमेन्ट लिमिटेडले निक्षेपकर्तालाई १० दशमलव १० प्रतिशत प्रतिफल दिने नयाँ याेजना ल्याएकाे छ । मुद्दति खाताका बचतकर्तालाई जस्तै लगानीकर्तालाई हरेक तीन महिनामा प्रतिफल भुक्तानी गरिने नबिल इन्भेष्टमेन्टले जनाएको छ । बैकिङ क्षेत्रको लिडर बैंकको रुपमा परिचित नबिल बैंकको सहायक कम्पनीले ल्याएकाे नयाँ स्कीमले बैंकहरुलाई ब्याज बढाउन दवाव पर्ने जानकारहरु बताउँछन् । नेपाल बैंकर्स संघको निर्णयका आधारमा वाणिज्य बैंकहरुले ९.७५ प्रतिशत वा सोभन्दा कम ब्याजदरमा निक्षेप संकलन गर्दै आएको समयमा नबिलले १०.१० प्रतिशत प्रतिफल दिने निक्षेप प्रकृतिकाे याेजना ल्याएकाे हाे । ‘फिक्स रिर्टन’ नाम दिइएको उक्त स्कीम सात दिन मात्रा चल्ने नबिलले जनाएको छ । तर उक्त सेवाको बारेमा जानकारी दिंदै अनिश तन्डुकारले विकासन्युजसँग भने-‘तपाई पैसा व्यवस्थापन गर्न समय लाग्छ भने दशैंपछि पनि आउन सक्नुहुन्छ ।’ यस्तो स्कीमको रिर्टनदर घटबढ भईरहने उनले बताए । बैंकमा मुद्दति निक्षेपको ब्याज १० प्रतिशतभन्दा कम भएको समयमा मर्चेन्ट बैकर्सले १० प्रतिशतभन्दा बढी प्रतिफल दिनुले यसभित्र जोखिमको गन्ध आउँछ । ‘पोर्टफोलियो म्यानेजमेन्ट सर्भिस’ अन्तरगत दिने यो सेवाको विशेषता वाणिज्य बैंकको मुद्दति बचतको जस्तै हुने र पूर्ण सुरक्षित हुने तण्डुकारले बताए । ‘लिखित डकुमेन्ट हुन्छ । लगानीकर्ताको नाम, लगानी भएको रकम, ब्याज र मुद्दति परिपक्व हुने अवधि तोकेर सर्टिभिकेट दिन्छौं । सावाँ ब्याज दुबै ग्यारेन्टी गरिएको हुन्छ’ उनले भने-‘मुद्दति निक्षेपमा झै यस सर्टिफिकेट धितो राखेर कर्जा लिने भने पाइने छैन ।’ ‘नबिल इन्भेष्टमन्टले शुरुमा पनि यसरी स्रोत परिचालन गरेको थियो । त्यतिबेला प्रतिफल दर पनि कम थियो र कम प्रभावकारी भयो । अहिले बैंकले दिने व्याजदर  भन्दा बढी प्रस्ताव गरेको छौं’ तण्डुकारले भने । पोर्टफोलियो म्यानेजमेन्ट सर्भिस अन्तरगतकाे याे याेजना झट्ट हेर्दा निक्षेप जस्ताे भएपनि याे मुद्दति निक्षेप नभइ लगानी नै भएकाे नबिल इन्भेन्टमेन्ट क्यापिटलका प्रमुख कार्यकारी अधिकृत सबिर बाधे श्रेष्ठले बताए । पोर्टफोलियो म्यानेजमेन्ट गर्नेले स्रोतको निश्चित प्रतिशत बैंकको मुद्दतिमा राख्न पाउने नेपाल धितोपत्र बोर्डका कार्यकारी निर्देशक निरज गिरीले बताए । ‘पोर्टफोलियो म्यानेजमेन्ट सर्भिस’ अन्तरगत मर्चेन्ट बैंकर्सले यसरी बजारबाट पैसा संकलन गर्न पाउने उनको भनाई छ ।

राष्ट्रिय गौरवका आयोजनामा २ खर्ब ८३ अर्ब खर्च, सन्तोषजनक छैन भौतिक प्रगति

काठमाडौँ । राष्ट्रिय गौरवका २२ आयोजनामा हालसम्म २ खर्ब ८३ अर्ब ८६ करोड खर्च भएको छ । कूल लागत १८ खर्ब १० अर्ब ६८ करोड भएका आयोजनामा हालसम्मको २ खर्ब ८३ अर्ब मात्र खर्च भएको हो । प्रधानमन्त्री केपी शर्मा ओलीको उपस्थितिमा राष्ट्रिय योजना आयोगद्वारा आइतबार आयोजित राष्ट्रिय विकास समस्या समाधान समितिको ४६ औँ बैठकमा आव २०७५/७६सम्मको कूल खर्च प्रस्तुत गरिएको हो । आव २०७५/७६सम्मको भौतिक प्रगतितर्फ राष्ट्रिय गौरवका आयोजना मध्ये पुष्पलाल मध्यपहाडी लोकमार्गको ४८ प्रतिशत, रेल्वे तथा मेट्रो विकास आयोजनाको १९.४ प्रतिशत, हुलाकी लोकमार्गको ४४ प्रतिशत, उत्तर दक्षिण(कोशी करिडोर) लोकमार्गको १५ प्रतिशत, उत्तर दक्षिण(कालिगण्डकी करिडोर) लोकमार्गको २७ प्रतिशत देखिएको छ । त्यसैगरी, काठमाडौँ-तराई/मधेस द्रुतमार्गको ८.५ प्रतिशत, गौतमबुद्ध अन्तर्राष्ट्रि विमानस्थलको ७४ प्रतिशत, पोखरा क्षेत्रीय विमानस्थलको ४२ प्रतिशत, निजगढ अन्तर्राष्ट्रिय विमानस्थलको १० प्रतिशत र लुम्बिनी विकास कोषको ८२ प्रतिशत भौतिक प्रगति देखिएको छ । यता, बहुप्रतिक्षित मेलम्ची खानेपानी आयोजना पहिलो चरणको भौतिक प्रगति १५.१२ प्रतिशत, राष्ट्रपति चुरे तराई मधेस संरक्षण विकास समितिको १२.१९ प्रतिशत, सिक्टा सिचाई आयोजनाको ८०.७ प्रतिशत, बबई सिचाई आयोजनाको ४६.४ प्रतिशत, रानीजमरा कुलरिया आयोजनाको ४३ प्रतिशत र भेरी बबई डाइभर्सन बहुउद्देश्यीय आयोजनाको ३८.४ प्रतिशत भौतिक प्रगति भएको योजना आयोगले प्रस्तुत गरेको तथ्याङ्कमा उल्लेख छ । यसैगरी, माथिल्लो तामाकोशी जलविद्युत आयोजनाको भौतिक प्रगति ९९.३ प्रतिशत भएको छ । आयोगले प्रस्तुत गरेको विवरणमा बुढीगण्डकी जलविद्युत आयोजना, पश्चिम सेति जलविद्युत आयोजना, विद्युत प्रशारण आयोजना र पशुपति क्षेत्र विकास कोषको भौतिक प्रगति भने उल्लेख छैन ।

कागज मिलाउनेलाई होइन काम गर्नेलाई योजना दिनुस् : मन्त्री अर्याल

काठमाडौं । भूमि व्यवस्था, सहकारी तथा गरिबी निवारण मन्त्री पद्मा कुमारी अर्यालले कागज मिलाउन जान्नेलाई नभएर सहि रूपमा जनताको पक्षमा काम गर्नेलाई विकास योजनाका काम दिन स्थानीय जनप्रतिनिधिहरूलाई आग्रह गरे । राष्ट्रिय सहकारी महासंघले मन्त्रालयको सहयोगमा ‘प्रदेश तथा स्थानीय तहको समृद्धिका लागि सहकारी विषयमा आयोजना गरेको दुई दिने प्रादेशिक गोष्ठीलाई भक्तपुरमा सम्बोधन गर्दै ’मन्त्री अर्यालले भने । मन्त्री अर्यालले खासगरी योगना बाँडफाँडका क्रममा हुने गरेका बेथितिलाई इङ्गित गर्दै कागज मिलाएर व्यक्तिगत स्वार्थमा प्रयोग गर्नेलाई नभएर सहि रूपमा जनताको काममा योजना लगाउनेलाई काम दिन आग्रह गरे। ‘योजना माग्न आउदाखेरि कागज बनाएर ल्याउनेलाई मात्र योजना नदिन। काम गर्नेले पाउदैन । कागज बनाउनेले पाउछ । कागज बनाउनेले पाउछ नीजि स्वार्थमा प्रयोग गर्छ । जनतालाई समेटेर काम गर्नेले योजना पाउदै पाउदैन । किनकी उसको नेतासँग पहुँचै छैन । उ दिनदिनै आउन पनि भ्याउदैन । अनि भेट्न पनि सक्दैन’ मन्त्री अर्यालकाे भनाइ छ । उनले भने, कागज मिलाउनेलाई होइन काम गर्नेलाई योजनाका काम दिनुस । अब हामीले कागज मिलाउनेलाई होइन काम गर्नेलाई भन्ने हिसाबले केही न केही हिजो भन्दा फरक हुनेगरी हामी अगाडी बढौं ।’ यपाली जनताले लामो संघर्षपश्चात् प्राप्त गरेको गणतन्त्र सबैले कुशलतापूर्वक काम गरेर जनताको मन जित्न सकियो भने सफल हुने भन्दै मन्त्री अर्यालले राम्रोढंगले काम गर्न नसकेमा, जनताको मन जित्न नसेकामा जनतामा आशंकारअविश्वास खडा हुने र गणतन्त्र पनि जोगाउन कठिन हुने बताए । स्थानीय, प्रदेश तथा संघ सबैतिर कम्युनिष्टको बहुमत आउने कुरा कसैले कल्पना गरेको कुरा नरहेको अवस्थामा नेपालले सबैतिर बहुमत ल्याउदा अन्तर्राष्ट्रिय जगत हिजोको परम्परावादी शैलीले अब कुनैपनि काम चल्न नसक्ने भन्दै मन्त्री अर्यालले हिजोकै मान्यता, सोच, काम गर्ने शैलीबाट पार नलाग्ने दाबी गरे । अहिलेपनि आक्रमण गर्ने, अनआस्था फैलाउने, अविश्वास खडा गर्ने, हाम्रो व्यवस्थामाथी प्रश्न उठाउने ठाउँमा पुर्या्उनेगरी चलखेल शुरू भइसकेको भन्दै यी कुरालाई चिर्दै अगाडी बढ्नुपर्ने अवस्था रहेको छ । यी कुरामा सबै जनप्रतिनिधिहरू सचेत हुदै मसिनो ढंगले, सिर्जनशील ढंगले जनताको घरदैलोमा लाभान्वित हुने खालको काम गर्न मन्त्री अर्यालले स्थानीय तहका जनप्रतिनिधिहरूलाई आग्रह गरे । एक वर्षको अवधीमा संघियतालाई कुशलतापुर्वक कार्यान्वयन गर्न सफल भएको भन्दै उनले यो सरकारले नेपालमा एक वर्षमा कुशलतापूर्वक संघियता कार्यान्वयन गर्न सकेर विश्वमै आश्चर्जनक काम गर्न सफल भएको बताए । हालकाे कानुन निर्माणसँगै काम गर्ने हाे भने सरकारले फड्को मारेर अगाडी बढेको समेत मन्त्री अर्यालको भनाइ थियो । हिजोको दुई वर्ष अगाडीको स्थानीय पालिका र अहिलेको स्थानीय पालिकामा निकै भिन्नता आएको भन्दै अब बिकासका निम्ती योजनाबद्ध तरिकाले स्थानीय पालिकामा जाने हो भने धेरै काम गर्न सकिने अपेक्षा राखेर जनताले अनुभूत गर्ने सरकार भनेको स्थानीय तह भएको भन्दै सचेत भएर काम गर्न उहाँले स्थानीय पालिकाहरूलाई आग्रह गरे । त्यस अवसरमा मन्त्री अर्यालले सहकारी महासंघको तर्फबाट इण्डियन फार्मर फर्टिलाइजर कोअपरेटिभ (इफ्को)का एमडी डा.यु.एस अवस्थीलाई दोसल्ला र सम्मानपत्रले सम्मान गर्न भएको थियो ।