उद्योग परिसंघले गर्याे स्वास्थ्य मन्त्रीलाई पिपिइ हस्तारन्तरण
काठमाडौं । नेपाल उद्योग परिसंघले नोवल कोरोना भाइरस संक्रमण प्रकोप नियन्त्रण गर्ने स्वास्थ्य मन्त्रीलाई उपचारको क्रममा प्रयोग हुने सामान हस्तान्तरण गरेको छ । परिसंघ अध्यक्ष सतिशकुमार मोरले स्वास्थ्य मन्त्री भानुभक्त ढकाललाई नोवल कोरोना भाइरस संक्रमणको उपचारको क्रममा स्वास्थ्यकर्मीले प्रयोग गर्ने निजी सुरक्षा उपकरण (पिपिइ) सय थान तथा ७५ हजार थान मास्कहरु हस्तान्तरण गरेको हो । हाल विदेशबाट आयात गरिएका तथा नेपालमै निर्मित सामानहरु उपलब्ध गराईएको र निकट भविष्यमै विदेशबाट सामान आयात गरि थप आवश्यक सामग्रीहरु समेत उपलब्ध गराउने अध्यक्ष मोरले जानकारी गराए । उनले भने ‘ स्वास्थ्य संकटको यो घडीमा संक्रमणको रोकथाममा पहिलो पंतिमा रहने स्वास्थ्यकर्मीको सुरक्षा र हौसला बढाउन पहिलो प्रथामिकता हो ।’ उक्त पिपिइ हस्तान्तरणका अवसरमा परिसंघका वरिष्ठ उपाध्यक्ष विष्णुकुमार अग्रवाल, उपाध्यक्षहरु राजेश अग्रवाल, सुलभ अग्रवाल समेत सहभागिता रहेको थियो । स्वास्थ्यकर्मीले प्रयोग गर्ने निजी सुरक्षा उपकरणहरु मित्र राष्ट्रहरुमा संकलन गरि आयातको व्यवस्था मिलाई रहेको तथा मास्क नेपालमै उत्पादन भई रहेको परिसंघले जनाएको छ । त्यस्तै संकटको यस घडीमा सवैलाई संयमित हुन र सरकारले जारी गरेका सवै निर्देशनको पालना गर्न अनुरोध गरेकाे छ।
सिलिन्डरमा आधा ग्यास भरेर बेच्न उद्याेगिलाई निर्देशन, उपभाेक्ता ठगिने जाेखिम
काठमाडौं । कोरोना भाइरस संक्रमणका कारण बजारमा अब आधा ग्यास मात्र भरेको सिलिन्डर आउने भएको छ । नेपाल आयल निगमले आधा ग्यास मात्र भरेको सिलिन्डर बजारमा पठाउन ग्यास उद्योगहरुलाई निर्देशन दिएको हो । नेपाल आयल निगम लिमिटेडका कार्यकारी निर्देशक सुरेन्द्रकुमार पौडेल भारतबाट नेपालमा मागभन्दा धेरै ग्यास आउदा पनि समस्या देखिएकोले निगमले आधा ग्यास भरेको सिलिन्डर मात्र बजारमा पठाउन ग्यास उद्योगहरुलाई निर्देशन दिएको बाताए । ‘नेपाली बजारमा खपत हुनेभन्दा धेरै ग्यास भारतबाट आएको छ, ग्यासमा समस्या नआओ भनेर नेपाल आयल निगमले आधा ग्यास भरेको सिलिन्डर मात्र बजारमा पठाउन लगाएको हो,’ पौडेलले भने । उनले बजारमा ग्याँसको अभाव हटाउन भारतबाट पहिलेको तुलनामा धेरै ग्याँस बुलेट आयात गर्दापनि अभाव हट्न नसकेपनि आधा ग्यास भरेर बिक्री गर्ने तयारी अघि बढाउन लागिएको बताए । हाल एक सिलिन्डरमा १४.२ केजी ग्यास हुन्छ भने अब सिलिन्डरमा ७.१ केजी मात्रै ग्यास हुनेछ । निगमका अनुसार आधा भरिएको ग्यासको मूल्य उपभोक्ताले ६ सय ८७ रुपैयाँ ५० पैसा तिर्नुपर्नेछ । आधा ग्यास भरेको सिलिन्डर बजारमा पठाउँदा उपभाेक्ता ठगिने जाेखिम बढी हुने उपभाेक्ताबादी कानुन व्यवसायी ज्याेति बाँनियाँले बताए । ग्यास बिक्रेतासँग ग्यास सिलिण्डर ताैलने उपकरण नभएकाेले उपभाेक्ता ठगिने उनकाे भनाइछ ।
चैत मसान्तसम्म सावाँ र व्याज तिर्नु नपर्ने, खराब कर्जामा प्राेभिजन हाललाई स्थगित
काठमाडौं । कोरोनाको भाइरसको त्रासले लक डाउन भएपछि सरकारले उद्योगी र व्यवसायीहरूलाई राहत दिने भएको छ । उद्योगी र व्यावसायीलाई चैत मसान्तसम्म कर्जाको सावाँ तथा ब्याज भुक्तानी गर्नु नपर्ने गरी सरकारले राहत घोषणा गरेको हो । अर्थ मन्त्रालयले बुधबार बैंक तथा वित्तीय संस्था र गैरबैंकिङ वित्तीय संस्थालाई चैत मसान्तसम्म कर्जा असुली स्थगन गर्न निर्देशन दिएको छ । त्यस्तै खराव कर्जा हुँदा बैंक तथा वित्तीय संस्थाले गर्नुपर्ने प्राेभिजनकाे व्यवस्था हाललाई स्थगित गरिएकाे छ । नेपाल चेम्बर अफ कर्मशको वरिष्ट उपाध्यक्ष राजेन्द्र मल्लले सरकारले चैत मसान्तसम्म कर्जाको सावाँ तथा ब्याज भुक्तानी गर्नु नपर्ने निर्णय गरेको बताए । ‘देशमा लकडाउन भइरहेको छ, यो संकटलाई उद्योगी, व्यापारी र सरकार भएरे साम्य पर्ने काम गर्नु पर्छ,’ मल्लले भने । सो अवधिमा प्रवाह भएको कर्जाको बर्गीकरण तथा नउठेको खराब कर्जा बापत गर्नुपर्ने व्यवस्था पनि स्थगनको व्यवस्था मिलाउन अर्थमन्त्रालयले राष्ट्र बैंकलाई निर्देशन दिएको छ ।संक्रमणको अवधि निश्चिन नभएकाले कोरोना प्रभावित उद्योगी र व्यवसायहरुको सावा ब्याज असुली सम्बन्धी कार्य चैत्र मसान्तसम्मका लागि स्थगन गर्न निर्देश दिएको हो । सरकारले कुन कुन उद्योग तथा व्यावसय कोरोना प्रभावित भन्ने खुलाइएको छैन । वित्तीय प्रणालीमा तरलता अभाव हुन नदिन अर्थमन्त्रालयले भुक्तानी गर्न बाँकी रहेको रकम भुक्तानी गर्न, बैंक तथा वित्तीय संस्थाले ऋण प्रवाह कार्यलाई सहज बनाउन, पुनर्कर्जा कोषको उपयोग गर्न पनि अर्थमन्त्रालयले आग्रह गरेको छ ।
