नेपाल इन्स्योरेन्सले माग्यो कार्यालय प्रमुख
काठमाडौं । नेपाल इन्स्योरेन्स कम्पनीले कार्यालय प्रमुखका लागि विज्ञापन आह्वान गरेको छ । कम्पनीले दार्चुला जिल्लामा रहि कार्य गर्नका लागि कार्यालय प्रमुख (वरिष्ठ सहायक तथा कनिष्ठ अधिकृत)पदका लागि कर्मचारी माग गरेको हो । कम्पनीका अनुसार कार्यालय प्रमख पदका लागि कृषि विषयमा स्नातक गरेको ब्यक्ति हुनु पर्नेछ । त्यस्तै, कृषि क्षेत्रमा काम गरेको र दुई पांग्रे सवारीचालक अनुमतिपत्र प्राप्त गरेको र विज्ञापन प्रकाशन भएको मितिसम्म ३५ वर्ष उमेर ननाघेको हुनु पर्ने कम्पनीले जनाएको छ । इच्छुक ब्यक्तिले १५ दिनभित्र कम्पनीको मानव स्रोत तथा व्यवस्थापन सेवा विभागमा काठमाडौंमा आवेदन पेश गर्न कम्पनीले आग्रह गरेको छ ।
नेपाल माइक्रो इन्स्योरेन्सले माग्यो २६ जना कर्मचारी
काठमाडौं । जागिर खोज्नेहरुका लागि खुसिको खबर छ । नेपाल माइक्रो इन्स्योरेन्स कम्पनीले सात जिल्लाका लागि धेरै संख्यामा कर्मचारी माग गरेको छ । कम्पनीले सुनसरीको इटहरी, पर्साको विरगंज, कास्कीको पोखरा, काभ्रेको बनेपा, मकवानपुरको होटौडा, नवलपरासीको कावासोती, बाँकेको नेपालगंजका लागि कर्मचारी माग गरेको हो । कम्पनीले मार्केटिङ तथा अनडरराइटिङ विभागका लागि सहायकमा ८ जना, कनिष्ठ अधिकृतमा ३ जना, कनिष्ठ सहायकमा ८ जना, अधिकृतमा ३ जना कर्मचारी माग गरेको हो । प्रशासन विभागमा अधिकृतका लागि १ जना, पुनर्बीमा अधिकृतका लागि १ जना, रिसेप्शनिष्टमा सहायकका लागि १ जना र डिजिटल मार्केटिङमा कनिष्ट सहायकका लागि १ जना कर्मचारी गरी कुल २६ जना कर्मचारी माग गरेको हो । ईच्छुक तथा योग्यता पुगेका व्यक्तिले १५ दिनभित्र आवेदन दिन सक्नेछन् ।
सपोर्ट लघुवित्तले माग्यो कर्मचारी
काठमाडौं । जागिर खोज्नेहरुका लागि खुसिको खबर छ । सपोर्ट लघुवित्त वित्तीय संस्थाले विभिन्न पदहरुका लागि कर्मचारी माग गरेको छ । संस्थाले सुपरभाइजर बरिष्ठ सहायक सहायक आईटीका लागि केही र शाखा प्रमुखका लागि केही संख्यामा कर्मचारी माग गरेको हो । उक्त पदहरुमा आवेदन दिनको लागि ईच्छुक व्यक्तिले प्लस टु देखि स्नात्तक तह उत्तिर्ण गरेको हुनुपर्ने छ । संस्थाले आफ्नो केन्द्रिय कार्यालय तथा विभिन्न शाखा कार्यालयका लागि कर्मचारी माग गरेको हो । ईच्छुक तथा योग्यता पुगेका व्यक्तिले भदौ २६ गतेभित्र आवेदन दिनुपर्नेछ ।
