चितवनमा नाडाको भन्सार र भिसिटियस सम्बन्धी प्रशिक्षण कार्यक्रम सम्पन्न
काठमाडौं । नाडा अटोमोवाइल्स एशोसिएशनले चितवनमा कर, भन्सार तथा भिसिटियस सम्बन्धि प्रशिक्षण कार्यक्रम सम्पन्न गरेको छ । नाडाले चितवन अटोमोवाइल्स एशोसिएशन, प्रदेश ३ संगको सहकार्यमा उक्त प्रशिक्षण कार्यक्रम सम्पन्न गरेको हो । सो कार्यक्रममा आन्तरिक राजश्व कार्यालय, भरतपुरका प्रमुख घनश्याम पन्थी, वीरगञ्ज भन्सार कार्यालयका निर्देशक हरिहर पौडेल, राजश्व अनुसन्धान विभागका कम्प्युटर अधिकृत पवन बस्नेत तथा चार्टड एकाउण्टेन निकेट अग्रवालले आ—आफनो विषयमा केन्द्रित रही प्रशिक्षण दिएका थिए । उक्त प्रशिक्षण कार्यक्रममा नाडाका महासचिव सुरेन्द्र कुमार उप्रेति, कोषाध्यक्ष मिलनबाबु मल्ल, केन्द्रीय कार्य समिति सदस्यद्धय अनुप बराल, निलमणी पाठक, प्रकाश कपुरी तथा सोहन श्रेष्ठ समेतको उपस्थिति रहेको थियो । नाडाले गत जेष्ठ २७ गते लुम्बिनी अटोमोवाइल्स एशोसिएशन अफ नेपाल, प्रदेश ४ को सहकार्यमा सोहि प्रकारको प्रशिक्षण कार्यक्रम सम्पन्न गरिसकेको छ । नाडाले यही असार मसान्तसम्म ७ वटै प्रदेशमा यस्ता प्रशिक्षण कार्यक्रम सम्पन्न गर्दे जाने बताएको छ ।
लेक्ट्रो ब्राण्डको विद्युतीय साइकल नेपालमा, कति पर्छ मूल्य ?
काठमाडौं । पछिल्लोे समय नेपाली बजारमा विद्युतीय साइकलदेखि चार पाँग्रे सवारी साधन पर्याप्त मात्रामा भित्रिएका छन् । सरकारले डिजेल तथा पेट्रोलियम पदार्थबाट सञ्चालित हुने साधनलाई प्रतिस्थापन गर्दै विद्युतीय सवारीलाई प्राथमिकतामा राख्ने नीति सार्वजनिक गरेसँगै विद्युतीय सवारीको आयातमा बृद्धि हुन थालेको छ । पछिल्लो समय डिजेल तथा पेट्रोलका सवारी साधनबिक्री गर्दै आएका ठूला घरानाका व्यवसायीहरुले समेत विद्युतीय सवारी साधन आयात गर्दै आएका छन् । निम्बस समूह अन्तरगतको निम्बस इन्टनेशनल प्रालिले विद्युतीय साइकल नेपाल भित्र्याएको छ । उक्त कम्पनीले भारतीय ब्राण्ड लेक्ट्रो ब्राण्डको विद्युतीय साइकल नेपाल ल्याएको हो । कम्पनीले विभिन्न् ९ मोडलका साइकल भित्र्याएको जनाएको छ । लेक्ट्रो भारतमा लोकप्रीय इलेक्ट्रीक साइकल ब्राण्ड हो । कति पर्छ मूल्य कम्पनीले विभिन्न ९ मोडलका विद्युतीय साइकल नेपाल ल्याएको हो । कम्पनीले नेपाल भित्र्याएका उक्त विद्युतीय साइकलहरुमा २५० वाटको लिथियम आयन ब्याट्री रहेको जनाएको छ । उक्त साइकलहरु एक पटकको फुलचार्जमा ३० देखि ६० किलोमिटरसम्म यात्रा गर्न सकिन्छ भने प्याडल गरेर पनि यी साइकल चलाउन सकिन्छ । निम्वसले ल्याएको मोडलमध्ये सी ३ मोडलका विद्युतीय साइकलका ७५ हजार ९ सय रुपैयाँ तोकेको छ । सी–५ मोडलको ८० हजार ९००, सी–६ मोडलको ९० हजार ९००, सी–७ मोडलको ९० हजार ९०० र सी–७ प्लसको ९५ हजार ९०० रुपैयाँ तोकिएको छ । यस्तैगरी, सी–८ मोडलको ९५ हजार ९००, सी–८ आई मोडलको १ लाख ४ हजार ९०० र सि–९ मोडलको १ लाख २२ हजार ९०० रुपैयाँ र एफ–६ आई मोडलको १ लाख ३९ हजार ९०० रुपैयाँ रहेको छ ।
फेरी बढ्यो गाडी भाडा, यस्तो छ नयाँ मूल्यसूचि
काठमाडौं । सरकारले सार्वजनिक सवारी साधनको भाडा बढाएकाे छ ।नेपाल आयल निगमले पेट्रोल तथा डिजेलको मूल्य बढाएसँगै सरकारले सार्वजनिक यातायातकाे भाडा पनि बढेको हाे । यातायात व्यवस्था विभागले सोमबार एक सूचना जारी गर्दै दुई वा सो भन्दा बढी प्रदेश भई (राष्ट्रियस्टरका रुटमा) सञ्चालन हुने सार्वजनिक यातायातको भाडा बढाएको हो । विभागले स्वचालित प्रणाली बमोजिम आजदेखि नै बढेको मूल्य लागू हुने जनाएको छ । विभागले यात्रुवाहक सवारीमा ५.३०, पहाडी बाटोमा सञ्चालन हुने मालवहाक सवारीमा ६.९४ र तराईको बाटोमा सञ्चालन हुने मालवाहक सवारीमा ७.७ प्रतिशतले भाडा बढाएको हो । नेपाल आयल निगमले आइतबार पेट्राेलियम पदार्थकाे मूल्य बढाएकाे थियाे । निगमले आइतबार राति पेट्रोल लिटरको २१ रुपैयाँ, डिजेल र मट्टितलेकाे मूल्य २७ रुपैयाँ बढाएकाे थियाे । मूल्य बढेसँगै पेट्रोल १९९ रुपैयाँ लिटर र डिजल १९२ रुपैयाँ प्रतिलिटर पुगेको छ। [pdf id=334904]
