फोहर व्यवस्थापन गर्न निजी क्षेत्रसँग सहकार्य गर्दै ‘तुलसीपुर’
दाङ । दाङ तुलसीपुर उपमहानगरपालिकाले फोहर व्यवस्थापनका लागि निजी क्षेत्रसँग सहकार्य गर्ने तयारी गरेको छ । काठमाडौँको ‘इनरिच नेपाल’ नामक संस्थालाई फोहर व्यवस्थापनको जिम्मा दिने गरी तयारी गरिएको छ । त्यसका लागि उपमहानगरपालिकाको छैटौँ कार्यपालिका बैठकले ठेक्का दिने गरी प्रक्रिया अगाडिसमेत बढाएको छ । बैठकले यसका लागि विपद् व्यवस्थापन समितिका संयोजक तथा तुलसीपुर–६ का वडाध्यक्ष वर्षात भण्डारीको नेतृत्वमा कार्यदल बनाएको छ । त्यो कार्यदलले प्रतिवेदन तयार गरेपछि मात्रै ठेक्का प्रक्रिया अघि बढ्नेछ । ‘हामीले यसमा छानबिन गरिरहेका छौँ’, भण्डारीले भने, ‘अहिले जिम्मा दिने कुरा छैन, कार्यदलले प्रतिवेदन तयार पारेपछि त्यहीअनुसार नै हामी अघि बढ्छौँ ।’ उपमहानगरपालिका उपप्रमुख स्यानी चौधरीले पनि निजी क्षेत्रसँगको सहकार्य आवश्यक रहेको बताए ।
सन् २०२२ मा जापानको जनसङ्ख्या ०.४३ प्रतिशतले घट्यो
एजेन्सी । जापानको कुल जनसङ्ख्या सन् २०२२ मा ०.४३ प्रतिशत अर्थात् करिब पाँच लाख ३८ हजारले खुम्चिएको सरकारी अनौपचारिक तथ्याङ्कले देखाएको छ । आन्तरिक मामिला तथा सञ्चार मन्त्रालयले सार्वजनिक गरेको अस्थायी अनुमानित तथ्याङ्कअनुसार सन् २०२३ को जनवरी १ सम्ममा देशको कुल जनसङ्ख्या १२ करोड ४७ लाख ७० हजार रहेको छ । यो सङ्ख्या एक बर्षअघि १२ करोड ५३ लाख १० हजार रहेको थियो । सन् २०२१ मा जनसङ्ख्या ०।६ प्रतिशतले घटेको थियो भने सन् २०२१ मा यो दर केही कम भएको थियो । पछिल्लो गणनामा ६५ वर्ष वा सोभन्दा माथिका तीन करोड ६२ लाख १० हजार जनसङ्ख्या रहेको छ । यो कूल जनसङ्ख्याको २९ प्रतिशत हो । तथ्याङ्कले १५ वर्षमुनिका बालबालिकाको औसत जनसङ्ख्या एक करोड ४४ लाख ५० हजार पुगेको छ । यो कूल जनसङ्ख्याको ११।६ प्रतिशत हो । घट्दो जन्मदर र वृद्धवृद्धाको जनसङ्ख्या, घट्दो श्रमशक्ति र चिकित्सा तथा सामाजिक सुरक्षा प्रणालीमा ठूलो आर्थिक भारले जापानका लागि चुनौतीबनिरहेको छ । जापानका प्रधानमन्त्री फुमियो किशिदाले आगामी हप्ता संसदको नियमित सत्रको उद्घाटनमा आफ्नो भाषणमा जापानको घट्दो जन्मदरसँग जुध्ने नीतिका लागि कोष सुरक्षित गर्ने प्रतिबद्धता व्यक्त गर्ने बताइएको छ । नयाँ वर्षको शुरूमा गरिएको पत्रकार सम्मेलनमा किशिदाले यस वर्ष बालबालिकासँग सम्बन्धित नीतिहरूमा ध्यान केन्द्रित गर्ने वाचा गरेका थिए र ‘अभूतपूर्व’ कदमहरू मार्फत् कम जन्मदरको सामना गर्ने प्रतिज्ञा गरेका थिए ।
मर्जरमा रहेको सिभिल बैंक झनै चम्किँदै, नाफा र ईपीएस दुवै बढ्दा अन्य सूचक कस्ता छन् ?
काठमाडौं । हिमालयन बैंकसँग गाभिन लागेको सिभिल बैंकको चालु आर्थिक वर्षको दोस्रो त्रैमासमा खुद नाफा २६.३९ प्रतिशत बढेर ६३ करोड ७० लाख रुपैयाँ आर्जन गरेको छ । बैंकले गत आर्थिक वर्षको सोही अवधिमा ५० करोड ४० लाख रुपैयाँ खुद नाफा आर्जन गरेको थियो । समीक्षा अवधिमा बैंकको खुद ब्याज आम्दानी ५३.९० प्रतिशत बढेर २ अर्ब २५ करोड रुपैयाँ, कुल सञ्चालन आम्दानी ३७.४२ प्रतिशत बढेर २ अर्ब ५२ करोड ५२ लाख रुपैयाँ, सञ्चालन मुनाफा २८.५० प्रतिशत बढेर ९४ करोड ९ लाख रुपैयाँ र वितरणयोग्य मुनाफा २५ करोड २२ लाख रुपैयाँ रहेको छ । चलु आर्थिक वर्षको ६ महिनामा बैंकको चुक्ता पूँजी ९ अर्ब ७ करोड ५८ लाख रुपैयाँ, जगेडा कोष २४.१५ प्रतिशत बढेर ३ अर्ब २६ करोड रुपैयाँ, निक्षेप ०.२३ प्रतिशत बढेर ९४ अर्ब ७१ करोड रुपैयाँ र कर्जा १.२७ प्रतिशत बढेर ८४ अर्ब ८ करोड रुपैयाँ पुगेको छ । समीक्षा अवधिमा बैंकको प्रतिसेयर आम्दानी २ रुपैयाँ ३८ पैसा बढेर १४ रुपैयाँ ४ पैसा पुगेको छ । गत वर्षको सोही अवधिमा बैंकको प्रतिसेयर आम्दानी १४ रुपैयाँ ४ पैसा रहेको थियो । बैंकको मूल्य आम्दानी अनुपात १६.६७ गुणा रहेको छ भने प्रतिसेयर नेटवर्थ १३५ रुपैयाँ ९६ पैसा रहेको छ । पुस मसान्तसम्ममा बैंकको खराब कर्जा १.४७ प्रतिशत बढेर २.४१ प्रतिशत पुगेको छ । बैंकको कस्ट अफ फण्ड ९.४९ प्रतिशत, आधार दर ११.७३ प्रतिशत, इन्ट्रेस्ट रेट स्प्रेड ४ प्रतिशत र सीडी रेसियो ८७.०५ प्रतिशत रहेको छ । हिमालयन बैंक र सिभिल बैंकको एकीकृत कारोबार माघको १८ गते गर्ने तयारी रहेको छ । दुवै बैंकको पुस २८ गतेको वार्षिक साधारणसभा मर्जर प्रस्ताव पारित गरिसकेको छ । हिमालयन बैंक र सिभिल बैंकबीच गत असार २९ गते प्रारम्भिक सम्झौता पत्रमा हस्ताक्षर भएको थियो । हिमालयन बैंक र सिभिल बैंक १००ः८०.२८ को स्वाप रेसिया अनुपातमा मर्ज हुने भएका हुन् । अर्थात् सिभिल बैंकको १०० कित्ता सेयर हुने सेयरधनीले हिमालयन बैंकमा ८०।२८ कित्ता सेयर हुनेछ ।
ग्लोबल आइएमई बैंकले मार्याे अधिकांश सूचकमा फड्को, नाफा पौने ३ अर्ब पुग्यो
काठमाडौं । हालै बैंक अफ काठमाण्डूसँग मर्ज गरेको ग्लोबल आइएमई बैंकको चालु आर्थिक वर्षको दोस्रो त्रैमासमा खुद नाफा ४.४७ प्रतिशत बढेर २ अर्ब ७८ करोड रुपैयाँ आर्जन गरेको छ । गत आर्थिक वर्षको सोही अवधिमा बैंकले २ अर्ब ६६ करोड रुपैयाँ खुद नाफा आर्जन गरेको थियो । समिक्षा अवधिमा बैंकको खुद ब्याज आम्दानी ३६.४५ प्रतिशत बढेर ६ अर्ब ५४ करोड रुपैयाँ, सञ्चालन मुनाफा ३.१९प्रतिशत बढेर ३ अर्ब ७९ करोड रुपैयाँ र वितरणयोग्य मुनाफा १ अर्ब ११ करोड रुपैयाँ रहेको छ । बैंकको चुक्ता पुँजी ३५ अर्ब ७७ करोड रुपैयाँ र जगेडा कोष ७१.१४ प्रतिशतले बढेर १८ अर्ब ३१ करोड रुपैयाँ, निक्षेप ४ खर्ब ३ अर्ब रुपैयाँ र कर्जा प्रवाह ३ खर्ब ६३ अर्ब रुपैयाँ पुगेको छ । समिक्षा अवधिमा बैंकको प्रतिसेयर आम्दानी घटेर १८.०७ रुपैयाँमा झरेको छ । गत वर्षको सोही अवधिमा प्रतिसेयर आम्दानी २२.३९ रुपैयाँ रहेको थियो । बैंकको मूल्य आम्दानी अनुपात ११.६४ गुणा छ भने प्रतिसेयर नेटवर्थ १५४.३४ रुपैयाँ रहेको छ । बैंकको निष्क्रिय कर्जा बढेर २.९२ प्रतिशत पुगेको छ । गत वर्ष सोही अवधिमा बैंकको खराब कर्जा १.१३ प्रतिशत थियो । सीडी रेसियो ८९.४३ प्रतिशत र आधार दर १०.८० प्रतिशत रहेको छ ।
सानिमा बैंकको नाफा र ईपीएस बढ्यो, सीडी रेसियो ८३ प्रतिशत
काठमाडौं । सानिमा बैंकको चालु आर्थिक वर्षको दोस्रो त्रैमासमा खुद नाफा १९.३४ प्रतिशत बढेर १ अर्ब २८ करोड ५३ लाख रुपैयाँ आर्जन गरेको छ । गत आर्थिक वर्षको सोही अवधिमा बैंकले १ अर्ब ७ करोड ७० लाख रुपैयाँ खुद नाफा आहर्जन गरेको थियो । समीक्षा अवधिमा बैंकको खुद ब्याज आम्दानी ४७.१८ प्रतिशत बढेर ३ अर्ब २१ करोड रुपैयाँ, कुल सञ्चालन आम्दानी २८.८१ प्रतिशत बढेर ३ अर्ब ८३ करोड रुपैयाँ, सञ्चालन मुनाफा २१.४२ प्रतिशत बढेर १ अर्ब ८२ करोड रुपैयाँ र वितरणयोग्य मुनाफा ९६ करोड ३७ लाख रुपैयाँ रहेको छ । पुस मसान्तसम्म बैंकको चुक्ता पूँजी १० प्रतिशत बढेर १२ अर्ब ४६ करोड रुपैयाँ, जगेडा कोष ५ अर्ब ५८ करोड रुपैयाँ, निक्षेप १.०७ प्रतिशत बढेर १ खर्ब ५९ अर्ब २० करोड रुपैयाँ र कर्जा ५.२९ प्रतिशत बढेर १ खर्ब ४३ अर्ब ७३ करोड रुपैयाँ रहेको छ । समीक्षा अवधिमा बैंकको प्रतिसेयर आम्दानी १ रुपैयाँ ६६ पैसा बढेर २० रुपैयाँ ६३ पैसा पुगेको छ । गत वर्षको सोही अवधिमा बैंकको प्रतिसेयर आम्दानी १८.९७ रुपैयाँ रहेको छ । बैंकको मूल्य आम्दानी अनुपात १२.५७ गुणा छ भने प्रतिसेयर नेटवर्थ १४४ रुपैयाँ ८२ पैसा रहेको छ । बैंकको खराब कर्जा ०.४६ प्रतिशत बढेर ०.७७ प्रतिशत पुगेको छ । यस्तै, बैंकको कस्ट अफ फण्ड ८.९२ प्रतिशत, सीडी रेसियो ८३.०३ प्रतिशत र इन्ट्रेस्ट रेट स्प्रेड ४.३९ प्रतिशत रहेको छ ।
सेञ्चुरी प्राप्तिपश्चात् प्रभु बैंक : ब्याज आम्दानी २० प्रतिशत बढ्यो, नाफा १.१९ अर्ब
काठमाडौं । सेञ्चुरी कमर्सियल बैंकलाई प्राप्ति गरेपश्चात् प्रभु बैंकले वित्तीय विवरण सार्वजनिक गरेको छ । चालु आर्थिक वर्षको दोस्रो त्रैमासमा बैंकको खुद नाफा ४.९२ प्रतिशत घटेर १ अर्ब १९ करोड ९९ लाख रुपैयाँ आर्जन गरेको छ । गत आर्थिक वर्षको सोही अवधिमा बैंकले १ अर्ब २६ करोड २० लाख रुपैयाँ खुद नाफा आर्जन गरेको थियो । समिक्षा अवधिमा बैंकको खुद ब्याज आम्दानी २०.०३ प्रतिशत बढेर ३ अर्ब ३९ करोड ८ लाख रुपैयाँ, कुल सञ्चालन आम्दानी १५.७३ प्रतिशत बढेर ४ अर्ब ३५ करोड ९४ लाख रुपैयाँ, सञ्चालन नाफा १२.५२ प्रतिशत घटेर १ अर्ब ६३ करोड ४१ लख रुपैयाँ र वितरणयोग्य नाफा ३६ करोड ४२ लाख रुपैयाँ रहेको छ । पुस मसान्तसम्ममा बैंकको चुक्ता पूँजी ८५.२५ प्रतिशत बढेर २३ अर्ब ५४ करोड २४ लाख रुपैयाँ, जगेडा कोष ४६.६९ प्रतिशत बढेर ९ अर्ब ४४ करोड रुपैयाँ, निक्षेप ५१.६५ प्रतिशत बढेर २ खर्ब ७० अर्ब ९२ करोड रुपैयाँ र कर्जा ६८.७९ प्रतिशत बढेर २ खर्ब ४५ अर्ब ३८ करोड रुपैयाँ पुगेको छ । बैंकको नाफा घटेसँगै प्रतिसेयर आम्दानी पनि घटेको छ । समीक्षा अवधिमा बैंकको प्रतिसेयर आम्दानी ९ रुपैयाँ ६७ पैसा घटेर १० रुपैयाँ १९ पैसामा झरेको छ । बैंकको मूल्य आम्दानी अनुपात २०.७ गुणा रहेको छ भने प्रतिसेयर नेटवर्थ १४० रुपैयाँ १२ पैसा रहेको छ । प्रभु बैंक र सेञ्चुरी बैंकबीच गत पुस २६ गते एकिकृत कारोबार सुरु भएको हो ।
एनआईसी एशिया बैंकको नाफा वृद्धिसँगै ईपीएस ५६.७७ रुपैयाँ पुग्यो, खराब कर्जा ०.६१ प्रतिशत
काठमाडौं । एनआईसी एशिया बैंकको चालु आर्थिक वर्षको दोस्रो त्रैमासमा कुल कर्जा २६६.६८ अर्ब पुगेको छ । साथै, निक्षेपतर्फ कुल निक्षेप संकलन ३०८.७० अर्ब पुगेको छ । पुस मसान्तसम्ममा बैंकको खुद नाफा ३६. प्रतिशत बढेर ३.२७ अर्ब आर्जन गर्न सफल भएकोे छ । समिक्षा अवधिमा बैंकको स्व–पूँजीमा प्रतिफल २४.७५ प्रतिशत रहेको छ । साथै, बैंकले वार्षिक प्रतिसेयर आम्दानी ५६.७७ रुपैयाँ आर्जन गर्न सफल भएको छ । स्व–पूँजीमा प्रतिफल र प्रतिसेयर आम्दानी २२ वटै बाणिज्य बैंकहरूमध्ये सबैभन्दा बढी रहेको बैंकले जनाएको छ । बैंकले कर्जा असुलीमा निकै उत्साहजनक नतिजा हासिल गर्न सफल भई निष्कृय कर्जा अनुपातलाई समिक्षा अवधिमा ०.६१ प्रतिशतमा सीमित राख्न बैंक सफल भएको छ । चालु आर्थिक वर्षको दोस्रो त्रैमासमा ३ लाखभन्दा बढी नयाँ ग्राहकहरू थप गर्दै ३५ लाखभन्दा बढी ग्राहकलाई सेवा प्रदान गर्दै आइरहेको छ । बैंकले कुल कर्जा लगानीको अंशमा करिब ८५ प्रतिशत साना तथा मझौला र रिटेल प्रकारका रणनीतिक क्षेत्रहरूमा कर्जा विस्तार गरेको छ । साना तथा मझौला कर्जा लगानीमा समग्र वाणिज्य बैंकहरूभन्दा एनआईस एशिया बैंक अग्रणी स्थानमा रहेको बैंकको दाबी छ ।
६ महिनामा नबिल बैंकको नाफा साढे ३ अर्ब रुपैयाँ, ईपीएस कति ?
काठमाडौं । नबिल बैंकको चालु आर्थिक वर्षको दोस्रो त्रैमासमा खुद नाफा ५६.६७ प्रतिशत बढेर ३ अर्ब ४१ करोड ७६ लाख रुपैयाँ अहार्जन गरेको छ । गत आर्थिक वर्षको सोही अवधिमा बैंकले २ अर्ब १८ करोड १४ लाख रुपैयाँ खुद नाफा आर्जन गरेको थियो । चालु आर्थिक वर्षको दोस्रो त्रैमाससम्ममा बैंकको खुद ब्याज आम्दानी ८५.६३ प्रतिशत बढेर ७ अर्ब ८३ करोड २९ लाख रुपैयाँ, कुल सञ्चालन आम्दानी ६८.६२ प्रतिशत बढेर ९ अर्ब ५१ करोड ६३ लाख रुपैयाँ, सञ्चालन मुनाफा ५६.०६ प्रतिशत बढेर ४ अर्ब ८६ करोड रुपैयाँ र वितरणयोग्य मुनाफा ९७ करोड १३ लाख रुपैयाँ रहेको छ । पुस मसान्तसम्ममा बैंकको चुक्ता पूँजी १८.५० प्रतिशत बढेर २७ अर्ब ५ करोड रुपैयाँ, जगेडा कोष ११.०४ प्रतिशत घटेर २६ अर्ब ८१ करोड ९२ लाख रुपैयाँ, निक्षेप ६.५१ प्रतिशत बढेर ३ खर्ब ४७ अर्ब ४६ करोड रुपैयाँ र कर्जा १७.१३ प्रतिशत बढेर ३ खर्ब ५१ अर्ब ६४ करोड १५ लाख रुपैयाँ पुगेको छ । समीक्षा अवधिमा बैंकको प्रतिसेयर आम्दानी १ रुपैयाँ ६७ पैसा बढेर २५ रुपैयाँ २६ पैसा पुगेको छ । बैंकको मूल्य आम्दानी अनुपात २८.१९ गुणा रहेको छ भने प्रतिसेयर नेटवर्थ १९९ रुपैयाँ १२ पैसा रहेको छ ।
