माया खोला हाइड्रोपावरको आईपीओ बिक्री खुला, कति कित्ता खरिद गर्ने ?
काठमाडौं । माया खोला हाइड्रोपावर कम्पनीले आज माघ १३ गतेदेखि आईपीओ निष्काशन तथा बिक्री खुला गरेको छ । कम्पनीले जारी पूँजीको १ अर्ब रुपैयाँको ३४ प्रतिशत अर्थात् ३४ करोड रुपैयाँ बरारबको सेयर सर्वसाधारण लगानीकर्ताकाहरुका लागि बिक्री खुला गरेको हो । कम्पनीले प्रतिकित्ता १ सय रुपैयाँ अंकित मूल्य दरका ३४ लाख कित्ता सेयर आईपीओ बिक्री खुला गरेको हो । जसमध्ये १० लाख कित्ता सेयर आयोजन प्रभावित क्षेत्रका बासिन्दाहरुका लागि र वैदेशिक रोजगारीमा रहेका नेपालीहरुका लागि २ लाख ४० हजार कित्ता बाँडफाँट गरिसकेको छ । त्यसैगरी, कम्पनीले १ लाख २० हजार कित्ता सामूहिक लगानी कोषहरुका लागि, ४८ हजार कित्ता सेयर कर्मचारीहरुका लागि र बाँकी १९ लाख ९२ हजार कित्ता सेयर सर्वसाधारणका लागि छुट्याइएको छ । कम्पनीको आईपीओमा लगानीकर्ताले न्यूनतम १० कित्ता र अधिकतम १ लाख कित्तासम्म आवेदन दिन सक्नेछन् । कम्पनीको आईपीओमा छिटोमा माघ १७ गतेसम्म र ढिलोमा २७ गतेसम्म आवेदन दिन सकिनेछ । कम्पनीको आईपीओ निष्काशन तथा बिक्री प्रबन्धकमा प्रभु क्यापिटल रहेको छ । कम्पनीको आईपीओमा लगानीकर्ताले नेपाल धितोपत्र बोर्डबाट स्वीकृती प्राप्त गरेका सम्पूर्ण आस्बा सदस्य बैंक तथा वित्तीय संस्थाहरु र तिनका तोकिएका शाखा कार्यालयहरुबाट सि–आस्बा प्रणालीमार्फत आवेदन दिन सक्नेछन् । कम्पनीको आईपीओलाई इक्रा नेपालले इक्रा एनपी इस्यूअर रेटिङ्ग डबल बी माइनस रेटिङ्ग प्रदान गरेको छ । यसले कम्पनीको वित्तीय दायित्व बहन गर्ने क्षमतामा औषत जोखिम रहेको संकेत गर्दछ ।
एसएमई प्लेटफर्म तत्काल सञ्चालनमा आउँछ : अध्यक्ष हमाल
काठमाडौं । नेपाल धितोपत्र बोर्ड (सेबोन) का अध्यक्ष रमेश हमालले एसएमई प्लेटफर्म तत्कालै सञ्चालनमा ल्याउने बताएका छन् । आर्थिक मिडिया सञ्चालकहरुको संस्था इकोनोमिक मिडिया सोसाइटी नेपाल (इम्सन)को नव निर्वाचित कार्य समितिलाई स्वागत गर्दै अध्यक्ष हमालले नेप्सेमा साना कम्पनीहरुको कारोबारका लागि एसएमई प्लेटफर्म कार्यान्वयनमा ल्याउने बताएका हुन् । ‘हामीले एसएमई प्लेटफर्म सञ्चालन सम्बन्धी नियमावलीको मस्यौदा तयार पारिसकेका छौं, केहि समयभित्रै मन्त्रिपरिषदमा पठाउँछौं, मन्त्रिपरिषदले पास गरेपछि नेप्सेमा एसएमई प्लेटफर्म तयार गरि कार्यान्वयनमा ल्याउँछौं, कार्यान्वयनमा आएपछि पूँजी बजारमा सकारात्मक प्रभाव पर्ने र साना कम्पनीहरु थप आकर्षित हुन्छन्,’ उनले भने । उनले रियल सेक्टरलाई पुँजी बजारमा भित्र्याउन पनि आफुले निकै मेहनत गरिरहेको बताए । बुक बिल्डिङमा देखिएका अप्ठेरा पनि समाधान उन्मुख रहेको उनको दाबी थियो । अध्यक्ष हमालले संस्थागत सुशासन, साना लगानीकर्ताहरुको संरक्षणका लागि पनि आफुले काम गरिरहेको बताए । उनले पुँजी बजार सम्बन्धी तालिम दिनका लागि संस्थागत संरचना नै खडा गर्ने तयारी भैरहेको जानकारी पनि दिए । कार्यक्रममा इम्सन अध्यक्ष रामराजा श्रेष्ठले पूँजी बजारको विकासका लागि सेबोनसँग सहकार्य गर्न तयार रहेको बताएका थिए । उनले आर्थिक मिडिया र सेबोनको सम्बन्ध जति राम्रो भयो त्यति नै बजारको विकासमा सहयोगी सिद्ध हुने दावी गरेका थिए । ‘अहिले बोर्ड र सम्बद्ध सरोकारवालाहरुबीच समन्वय नहुँदा बोर्डले लिएका कतिपय नीतिहरु कार्यान्वयमा कठाई वा सो सम्बन्धमा विरोध भैरहेका छन्,’ उनले भने, ‘यदि यसलाई सुरुवाती चरणमै मिडियामार्फत सरोकारवालाहरुलाई बुझाउन सकियो भने विरोध नआउन सक्छ ।’ साथै सेयर बजार गैरकानूनी रुपमा चलखेल गर्नेमाथि बोर्डले तत्काल कारबाहीको दायरामा ल्याउनु पर्ने समेत श्रेष्ठले बताए । स्वागत कार्यक्रममा बोर्डका तर्फबाट कार्यकारी निर्देशकहरु डा.मुक्ति श्रेष्ठ, बिनयदेव आचार्य र कृष्ण पोखरेल सहभागी थिए । इम्सनका तर्फबाट अध्यक्ष श्रेष्ठ, उपाध्यक्ष लोचन खतिवडा, महासचिव नारायण पौडेल, सचिव हिम बिष्ट, सह–सचिव बिष्णु तारुके, कोषाध्यक्ष केशब भण्डारी र कार्य समिति सदस्यहरु मिलन खड्का र सुरेन्द्र पौडेल सहभागी थिए । नेपाल धितोपत्र बोर्ड र इम्सन सहकार्यका लागि तयार भएका छन् । इम्सनसँग सहकार्य गरेर नेपालको पुँजी बजारको दिगो विकासमा टेवा पुग्ने अपेक्षा गरिएको छ ।
आत्मदाह गरेका प्रेम आचार्यको ५० लाखको बीमा, भुक्तानी पाउँछन् की पाउँदैनन् ?
काठमाडौं । आत्मदाह गरी मृत्यु भएका प्रेम प्रसाद आचार्यको ५० लाखको जीवन बीमा भएको खुलेको छ । उनको सन नेपाल लाइफ इन्स्योरेन्समा ५० लाख रुपैयाँ बराबरको जीवन बीमा गरेको खुलेको हो । मृतक आचार्यले आत्मदाह गर्नुअघि सामाजिक सञ्जाल मार्फत आफ्नो जीवन बीमा सन नेपाल लाइफमा गरेको खुलाएका थिए । कम्पनीले पनि उनले दुई वर्षअघि नै बीमा गरेको बताएको छ । तर अब उनको परिवारले दावी भुक्तानी पाउँछ की पाउँदैनन् होला ? चासोको विषय बनेको छ । जीवन बीमा पोलिसीअनुसार सुसाइड अर्थात आत्महत्या मार्फत मृत्युको बाटो रोजेका सबै बीमितको केशमा दावी भुक्तानी हुँदैन । तर आचार्यको केशमा भने उनको परिवारले बीमाको दावी भुक्तानी पाउने भएका छन् । आचार्यले बीमा गरेको दुई वर्ष बढी भइसकेकोले उनको परिवारलाई दावी भुक्तानी दिइने कम्पनीले बताएको छ । इन्स्योरेन्सका प्रमुख कार्यकारी अधिकृत (सीईओ) राज कुमार अर्याल पनि मृतक आचार्यको सुसाइड केस लागू नहुने बताउँदै उनको परिवारलाई नियमअनुसार नै सबै रकम भुक्तानी गर्ने बताउँछन् । ‘आचार्यले विगत २ वर्ष अघिदेखि नै बीमा गर्नुभएको थियो, त्यसैले उहाँले बीमा गरेवापतको रकम पाउनुहुनेछ, यसमा सुसाइडकेस लागू हुँदैन,’ सीईओ अर्यालले बताए । पोलिसीअनुसार कुनै पनि बीमितले बीमा गरेको दुई वर्ष भएको छैन, तर उसले सुसाइडमार्फत देह त्याग गरेको खण्डमा भने कम्पनीले उसको परिवारलाई कत्ति पनि बीमाको दावी दिँदैन । तर बीमा गरेको दुई वर्ष नाघेको केशमा भने उक्त बीमितका परिवारलाई भने दावी भुक्तानी दिइने व्यवस्था छ । कम्पनीका अनुसार आचार्य र उनकी श्रीमती नानुका अधिकारीको गरी कूल १ एक करोड रुपैयाँ बराबरको बीमा गरेका छन् । तर उनको परिवारले कहिले र कति रकम पाउँछन् भन्नेमा भने हाल एकीन भइ सकेको छैन । झापा बिर्तामोडको शाखाबाट बीमा गराएका मृतक आचार्यको फाइल बिर्तामोडमा भएकाले कति रकमको दावी भुक्तानी दिने विषयमा हाल एकीन नभएको उनको भनाई छ । ‘ओरजिनल फाइल बिर्तामोडबाट मगाएको छु, त्यो आईसकेपछि पाउनु पर्ने रकम भुक्तानी गरिन्छ,’ सीईओ अर्यालले विकासन्युजसँग भने । यससँगै कम्पनीले मृतक आचार्यको परिवारलाई उनले तिरेको पछिल्लो किस्ताको अपडेट र नियमअनुसार पाउनु पर्ने रकम हस्तान्तरण गर्ने छ । काठमाडौंको बुढानिलकण्डमा बस्दै आएका इलामका व्यवसायी आचार्यले व्यवसाय संकटमा परि बैंकको ऋण तिर्न नसकेपछि आत्मदाहको बाटो रोजेको उनले लेखेको स्ट्याटसमा उल्लेख छ । उनले गत माघ १० गते काठमाडौंको नयाँबानेश्वरस्थित संसद भवन अगाडि नै आफ्नै शरीरमा पेट्रोल खन्याएर आफैंमाथि आगो लगाएका थिए । र, उनको उपचारको क्रममा बुधबार बिहान कीर्तिपुर अस्पतालमा मृत्यु भएको थियो । सामाजिक सञ्जालमा लेखेको स्ट्टाटसमार्फत आचार्यले सरकारसँग विभिन्न २५ बुँदे मागसमेत गरेका छन् । उनले उठाएका विषयहरुको छानबिन गर्न प्रधानमन्त्री तथा मन्त्रीपरिषद्को कार्यालयमा बसेको मन्त्रीपरिषद्को बैठकले निर्णय गरिसकेको छ । छानबिनका क्रममा आएका नतिजाको आधारमा सरकारले आवश्यक कदम चाल्ने निर्णय समेत उक्त बैठकले गरेको छ ।
‘पाँच वर्षमा पर्वतका सबै पालिकामा सुविधासम्पन्न अस्पताल बन्छ’
पर्वत । स्वास्थ्य तथा जनसङ्ख्यामन्त्री बनेपछि पहिलोपटक गृहजिल्ला पर्वत गएका पदम गिरीले अबको पाँच वर्षभित्र सातवटै पालिकामा सुविधासम्पन्न अस्पताल बनाइने बताएका छन् । जन्मगाउँ पर्वतको कुश्मा नगरपालिका-३ दुर्लुङमा आयोजित बधाई तथा सम्मान कार्यक्रममा स्वास्थ्य तथा जनसङ्ख्यामन्त्री गिरीले सो बताएका हुन् । ‘अबको पाँच वर्षभित्र सातवटै पालिकामा सुविधासम्पन्न अस्पताल बनाइने छ सबै पालिकामा आवश्यकताअनुसार डाक्टर, नर्स, स्वास्थ्यकर्मीसहितको न्यूनतम सेवा अनिवार्य उपलब्ध हुनेछ ।’ उनले केपी शर्मा ओली सरकारका पालामा ल्याएको स्वास्थ्य बीमा कार्यक्रमलाई थप प्रभावकारी र व्यवस्थित बनाउँदै लग्ने स्पष्ट गरे । उनले भने, ‘अब कोही पनि मानिस औषधि नपाएर, उपचार नपाएर मर्ने स्थिति हुनु हुँदैन, स्वास्थ्य बीमा थप प्रभावकारी बनाउँदै सबै घरमा पुर्याउनुपर्छ ।’ त्यो स्थितिको अन्त्य गर्न स्वास्थ्यजस्तो संवेदनशील मन्त्रालयको जिम्मा लिएको उनको भनाइ छ । मन्त्री गिरीले पर्वत अस्पतालको अनुरोधमा पहिलोपटक जिल्ला आउँदा एक करोड ४० लाख पर्ने स्वास्थ्य उपकरण लिएर आएको सुनाउँदै भने, ‘म धेरै बोल्दिनँ, हामीले सुरुआत मात्र गरेका छौं, स्वास्थ्य क्षेत्रका समस्या बुझ्दैछौं, स्वास्थ्य क्षेत्रभित्रका समस्या पहिचान गरी गरिब र विपन्नको पहुँचमा स्वास्थ्य सेवा ल्याउने कुरा रिजल्टद्वारा देखाउने काम गर्नेछौँ ।’ उनले चुनावअघि र चुनावपछि बोल्ने कुरा फरक हुन सक्छन् भन्दै आफू चुनाव जितेर मन्त्री बनेपछि जिम्मेवार भएर बोलेको तर्फ सङ्केत गर्दै भने, ‘हामी अहिले अरुको आलोचना गरेर समय खेर फाल्ने पक्षमा छैनौँ, जति सकिन्छ काम गरेर रिजल्ट दिने ध्याउन्नमा छौं ।’ उनले जिल्लाको खानेपानी, सडक, बाटोघाटो, सिँचाइ, भूकम्पले क्षति भएका घरहरूका समस्या समाधानका लागि आफू प्रतिबद्ध रहेको दोहोर्याए । रासस
अर्थतन्त्रका सूचकहरु अझै चिन्ताजनक छन्, यो मेरा लागि चुनौती हो : प्रचण्ड
काठमाडौं । प्रधानमन्त्री पुष्पकमल दाहालले देशको अर्थतन्त्र अझै चिन्ताजनक रहेको बताएका छन् । बिहीबार काठमाडौंमा आयोजित मारवाडी सेवा समाजको ७० औं साधारण सभालाई सम्बोधन गर्दै उनले यस्तो बताएका हुन् । उनले परिसूचकहरु नराम्रो नभएको अवस्थामा सरकारको नेतृत्व गर्ने अवसर पाउनु चुनौतिको विषय भएको बताए । ‘अहिले पनि अर्थतन्त्रका परिसूचकहरु राम्रो छैन, यस्तो बेलामा मैले सरकारको नेतृत्व गर्ने अवसर पाएको छु, जुन मेरो लागि चुनौतिको विषय बनेको छ, म अर्थतन्त्र चलायमान र गतिशिल बनाउने चुनौति रहेको छ, सरकारको पहिलो बैठकमा नै मैले निजी क्षेत्र र सार्वजनिक क्षेत्रको सहकार्यमार्फत आर्थिक क्षेत्रमा देखापरेका समस्या समाधान गर्ने निर्देशन दिएको छु,’ उनले भने । यस्तै, उनले मारवाडी सेवा समाजले निःशुल्क गुणस्तरीय स्वास्थ्य सेवा दिने उद्देश्यले ३ सय शैय्याको अस्पताल बनाउने कुरा राखेको भन्दै सरकारको तर्फबाट आवश्यक जग्गा उपलब्ध गराउने पहल आफूले गर्ने प्रतिवद्धता जनाए ।
भृकुटीमण्डपमा मेला आयोजना गर्न कति लाग्छ भाडा ?
काठमाडौंको सबैभन्दा बढी मेला तथा प्रशर्दनी हुने ठाउँ हो भृकुटीमण्डप । भृकुटीमण्डपमा प्रत्येक महिना मेला तथा महोत्सवको आयोजना भइरहन्छ । विभिन्न कम्पनी तथा संस्थाहरुले विभिन्न किसिमका मेला तथा प्रदर्शनीका लागि भाडा पनि तिर्ने गरेका छन् । समाज कल्याण परिषदलाई निश्चित शुल्क तिरेर विभिन्न संस्था तथा कम्पनीहरुले मेला आयोजना गर्ने गरेका छन् । उक्त ठाउँमा मेला महोत्सव मात्र नभई गीतका छयाङ्कनदेखि सुटिङ्गसम्म हुन्छ । समाज कल्याण परिषदले समायवधि तोकेर भाडा लिने गरेको छ । समाज कल्याण परिषद, भृकुटी मण्डप सञ्चालन कार्यालयका अनुसार भृकुटी मण्डपको हल र चौरमा समेत कार्यक्रम गर्दा प्रतिदिन साढे २ लाख रुपैयाँ शुल्क लाग्छ । यस्तै, ठूलो चउरमा मेला तथा महोत्सवको आयोजना गर्दा प्रतिदिन ७५ हजार रुपैयाँ तिर्नुपर्ने हुन्छ । भृकुटीमण्डपमा भित्र बगैंचा पनि छ । उक्त बगैंचा प्रयोग गर्दा प्रतिदिन ७५ हजार भाडा तिर्नुपर्ने हुन्छ । मूल गेट छेउको चउरमा प्रतिदिन ७५ हजार रुपैयाँ भाडा लाग्छ । यस्तै, प्रदर्शनी पछाडिको चउर प्रयोग गर्दा प्रतिदिन १२ हजार ५ सय रुपैयाँ भाडा लाग्ने पनि भृकुटीमण्डप सञ्चालन कार्यालयले बताएको छ । रिपोर्टर्स क्लबसँगको चउर प्रयोग गर्दा प्रतिदिन १२ हजार ५ सय शुल्क तिर्नु पर्ने हुन्छ । यस्तै, ठूलो पर्दाको फिल्म (फिचर फिल्म सुटिङ्), सानो पर्दा फिल्म (टेलिफिल्म) सुटिङ र लोक दोहोरी, सांगितिक गीत, तीज गीत छायाङ्कन गर्दा प्रतिदिन १५ हजार रुपैयाँ शुल्क बुझाउनु पर्ने हुनछ । भृकुटीमण्डप सञ्चालन कार्यालयले पेप्सी, कोकाकोला, फ्यान्टा आदिको गाडी प्रवेश गर्न प्रतिमहिना ३ हजार भाडा तिर्नुपर्ने व्यवस्था गरेको छ । भृकुटीमण्डप भित्र सञ्चालन भएका नाङ्लो पसल र होलसेल व्यापारले प्रतिमहिना ३÷३ हजार रुपैयाँ भाडा बुझाउनु पर्ने हुन्छ ।
महानगरले दरबारमार्गको पार्किङ हटाउँदा व्यापारमा ७० प्रतिशत गिरावट, विकल्प नखोजे आन्दोलन गर्ने
काठमाडौं । काठमाडौं महानगरपालिकाले दरबारमार्गको सडकमा हुने अव्यवस्थित सवारी पार्किङ हटाउँदा व्यापारमा गिरावट आएको छ । महानगरपालिकाले गत पुस १९ गतेदेखि दरबारमार्गमा पार्किङ गर्न नपाउने व्यवस्था गरेसँगै दरबारमार्गमा दैनिक हुने व्यापारमा ७० प्रतिशतसम्म गिरावट आएको बताइएको हो । महानगरपालिकाले सडकमा अव्यवस्थित पार्किङ भएको भन्दै दरबारमार्ग सडककमो किनारनामा गरिँदै आएको पार्किङ हटाएको थियो । सडकबाट पार्किङ हटाइएको भन्दै स्थानीय व्यवसायीले महानगरको विरोध समेत गरेका थिए । अहिले पनि महानगरपालिकाले वैकल्पिक ठाउँको व्यवस्थापन नगरी पार्किङ हटाएको भन्दै दरबारमार्गमा व्यवसायीले आक्रोश समेत व्यक्त गरिरहेका छन् । उनीहरुले विकल्पको रुपमा पार्किङको व्यवस्थापन नै नगरी सडकको पार्किङ हटाउँदा उल्लेख्य रुपमा व्यापार घटेको गुनासो गरेका हुन् । आइक्लबकामा कार्यरत आश कुमार गुरुङले पछिल्लो समय दरबारमार्गमा हुने व्यापारमा उल्लेख्य रुपमा कमि आएको बताए । उनका अनुसार सडकको पार्किङ हटाउँदा मानिसको आवतजावत कम भएर व्यापार पनि खस्किएको छ । आइक्लको ब्यापार पनि पार्किङ हटेपछि ५० प्रतिशतले कमि आएको उनको भनाइ छ । ‘अहिले दरबारमार्ग क्षेत्रमा पार्किङको व्यवस्था छैन, ग्राहकको लागि पार्किङ स्थल छैन, जसको असर अहिले व्यापारमा देखिएको छ, दरबारमार्गमा आउने अधिकांश ग्राहकहरु आफ्नो सवारी लिएर आउनुहुन्छ, पछिल्लो समय सवारी पार्किङको सुविधा नभएपछि व्यापारमा नै कमि देखिएको छ, यसरी व्यापारमा कम हुँदै जाने हो भने घर÷सटर भाडा तिर्न नसक्ने अवस्था आउन सक्छ,’ उनले भने । उनका अनुसार स्थानीय व्यापारीले पनि सवारी पार्किङका लागि नजिकैका होटलमा पार्किङ गर्दै आएका छन् । लामो समयदेखि दरबारमार्गमा सःशुल्क सडकको छेउमा पार्किङको व्यवस्था थियो । महानगरले उक्त ठाउँमा पार्किङ निषेध गरेसँगै त्यसको असर अहिले दरबारमार्ग क्षेत्रको व्यापार/व्यवसायमा देखिन थालेको हो । दरबारमार्ग आन्तरिक तथा बाह्य पर्यटनको आवागमन हुने ठाउँ हो । पार्किङ हटाउँदा कोरोना महामारी र लकडाउनका कारण थलिएर बिस्तारै तंग्रिन लागेको दरबारमार्गको व्यापार व्यवसायमा नकारात्मक असर परेको व्यवसायीहरुको गुनासो छ । पार्किङ्गको व्यवस्था हट्नुअघिको दरबारमार्गको बेलुकीको दृष्य यस्तै, दरबारमार्ग विकास बोर्डका कार्यालय सचिव यज्ञराज पाण्डेले अहिले दरबारमार्गको व्यापारमा ७० प्रतिशतसम्म कमी आएको बताए । उनका अनुसार अहिले दरबारमार्गमा दिनहुँ मानिसको आवतजावतमा पनि निकै कमि आएको छ । ‘अहिले पार्किङ छैन, केही ठाउँमा निजी पार्किङ छ, बिचमा ७० फिटको सडक छ, ४ लेन सडकमा गाडी चलाउँदा पनि १२/१३ फिट सडक खालि छ, तर पार्किङ गर्न पाइँदैन,’ उनले गुनासो गरे । विकास बोर्डले शुक्रबार पार्किङको विषयलाई नै लिएर पत्रकार सम्मेलन पनि गर्दैछ । पहिलाको ठाउँमा नै पार्किङ गर्न नदिए वा पार्किङ गर्ने स्थानको टुङ्गो नलगाए आन्दोलन गर्ने बोर्डको तयारी छ । दरबारमार्ग क्षेत्रको पार्किङ जानकारी नदिई हटाइएको पनि बोर्डको आरोप छ । ‘यहाँको पार्किङको विषयलाई लिएर महानगरपालिमा पनि गयौं, उपप्रमुखसँग पनि कुरा गर्यौं, उहाँहरूले यस विषयमा सकारात्मक तरिकाबाट हेर्नु भयो, मेयरसँग पटक पटक भेट्न कोसिस गर्दा पनि सकेनौं, फोन पनि उठाउनु हुन्न, उहाँलाई पत्र पनि पठाएका छौं,’ उनले भने । सडकमै पार्किङ गर्न दिन्नौं : अध्यक्ष श्रेष्ठ काठमाडौं महानगरपालिकाका वडा नम्बर १ का अध्यक्ष भरतलाल श्रेष्ठले दरबारमार्गको सडकमै सवारी पार्किङ गर्न दिने अवस्था नरहेको बताए । ‘उहाँहरू (व्यवसायी) पार्किङ गर्न पाउँ भनेर अडानमा हुनुहुन्छ, महानगर ट्राफ्रिक प्रहरी त्यो ठाउँमा पार्किङ गर्न नदिने पक्षमा छ, व्यापारिक दृष्टिकोले पार्किङ राख्न दिनुहुन्न भन्न पनि सकिन्न, दिन पनि भन्न सकिन्न, सबै मिलेर समस्याको समाधान गर्नु पर्छ,’ उनले भने । महानगरपालिकाले सडकको छेउमा सवारी पार्किङ राख्न नुहिने नियम भएका कारण नै त्यहाँ निषेध गरिएको उनको भनाइ छ । अहिले पार्किङ गर्ने ठाउँ छैन, तर निजी ठाउँमा पनि गर्न सकिन्छ, त्यसमा पार्किङ गर्ने सक्ने व्यवस्था मिलाउन महानगरले पनि पहल गर्नु पर्छ,’ उनले भने ।
छैठौं वर्षमा खल्ती, दुई सब्सक्रिप्शन प्लान ल्याउँदै
काठमाडौं । डिजिटल वालेट खल्ती छैठौं वर्षमा प्रवेश गरेको छ । माघ १२ गते बुधबार कम्पनी स्थापनाको छैठौं वर्षमा प्रवेश गरेको हो । यस अवसरमा कम्पनीले ‘खल्ती क्लब’ र ‘खल्ती प्रो’ नामक दुई सब्स्क्रिप्शन प्लान ल्याउने भएको छ । यस प्लान अन्तर्गत खल्तीले विशेष अफर र सुविधा प्रधान गर्ने जनाएको छ। साथै, खल्तीले विभिन्न साझेदारहरुसँग वार्षिकोत्सव मनाउँदै अफर र गिभअवे पनि ल्याएको छ । दैनिक ३ लाखसम्म भुक्तानी हुने गरको खल्तीमा ३१ लाख प्रयोगकर्ताको रहेको कम्पनीले जानकराी दिएको छ । खल्तीकले देशभरि ७० हजार एजेन्ट, ६० हजार व्यापारी, ५० बढी बैंक तथा वितिय संस्था, ११ सय सहकारीहरू र २५० बढी कर्मचारीको साथमा काम गरिरहेको छ। खल्तीले गत वर्ष ‘डिजिटल अपर्टुनिटि/इन्क्लुजन अवार्ड’ को श्रेणी मा ‘विट्सा ग्लोबल इनोभेसन एण्ड टेक एक्सिलेन्स अवार्ड २०२२’ र सुचना सुरक्षा व्यवस्थापन प्रणालीको लागि ‘आइएसओ २७००१ः२०१३ प्रमाणपत्र’ प्राप्त गरेको थियो ।
