जेनजी प्रदर्शन : सिभिल अस्पतालभित्रै फायर
काठमाडौं । जेनजी प्रदर्शनमा प्रहरीले सिभिल अस्पतालभित्रै अश्रुग्यास प्रहार गरेको छ । प्रहरीले सिभिल अस्पताल परिसरमै अश्रुग्यास फायर भएको हो ।
अपडेट : जेनजी प्रदर्शनमा तीन जनाको मृत्यु
काठमाडौं । जेनजी प्रदर्शनमा तीन जनाको मृत्यु भएको छ । प्रदर्शनमा उपस्थित हाम्रा सम्वाददाताका अनुसार प्रदर्शनमा तीनको गोली लागेर मृत्यु भएको हो । यसअघि दुई जनाको मृत्यु भएको थियो । प्रदर्शनमा दर्जनौंलाई गोली लागेको छ भने सयौं घाइते भएका छन् । मृतकको पहिचान हुन सकेको छैन ।
ब्रेकिङ : अर्का एक जना विद्यार्थीको गोली लागेर मृत्यु
काठमाडौं । जेनजी प्रदर्शनमा अर्का एक जनाको मृत्यु भएको छ । प्रदर्शनमा उपस्थित हाम्रा सम्वाददाताका अनुसार प्रदर्शनमा सहभागी भएका एक जना विद्यार्थीको पनि टाउकोमा गोली लागेर मृत्यु भएको हो । स्कूल ड्रेसमा रहेका ती विद्यार्थीको टाउकोमा गोली लागेर मृत्यु भएको हो । यसअघि एक जनाको पनि मृत्यु भएको थियो । ८ जनालाई गोली लागेको छ । @bikashnews जेनजी प्रदर्शनः प्रहरीको गोली लागेर एकजनाको मृत्यु, १०० भन्दा बढी घाइते #bikashnewshd #bikashnews #short #genzvoice #genz ♬ original sound - BikashNews
रास्वपाले बोलायो आकस्मिक बैठक
काठमाडौं । राष्ट्रिय स्वतन्त्र पार्टी (रास्वपा) ले आकस्मिक बैठक बोलाएको छ । आज अपरान्ह ४ बजे सचिवालय बैठक बोलाइएको एक नेताले जानकारी दिए । ती नेताका अनुसार जेनजी प्रदर्शनको बारेमा छलफल गर्न बैठक बोलाइएको हो । जेनजी प्रदर्शनमा एक जना प्रदर्शनकारीको मृत्यु भएको छ भने ६ जनालाई गोली लागेको छ । त्यसैगरी दर्जनौं घाइते भएका छन् । जिल्ला प्रशासन कार्यालय, काठमाडौंले राष्ट्रपति र प्रधानमन्त्री निवासलगायतका संवेदनशील क्षेत्रमा पनि कर्फ्यू लगाएको छ । प्रधानमन्त्री निवास बालुवाटार, शीतलनिवास आसपास महाराजगञ्ज क्षेत्र, उपराष्ट्रपति निवास लैनचौर क्षेत्र, सिंहदरबारको चारैतिर पनि कर्फ्यू थप गरेको हो । यसअघि प्रशासनले नयाँ बानेश्वर क्षेत्रमा कर्फ्यू आदेश जारी गरिसकेको छ । जेनजीले प्रदर्शन उग्र बनाएपछि कर्फ्यू आदेश जारी भएको हो । भ्रष्टाचार र सामाजिक सञ्जाल प्रतिबन्धको विरोधमा प्रदर्शनमा उत्रिएका जेनजीले कागज, सडकमा भेटिएका रुखका हाँगाका टुक्रा, पानीका बोतलले प्रहार गरेका छन् । प्रदर्शनकारीहरूले सरकारविरुद्ध विभिन्न नाराबाजी गरिरहेका छन् । जेनजीको प्रदर्शनले सरकार दबाबमा परेको छ ।
जेनजी प्रदर्शनमा पत्रकारलाई लाग्यो गोली
काठमाडौं । जेनजी प्रदर्शनमा पत्रकारलाई पनि गोली लागेको छ । प्रदर्शन स्थलमा रहेका हाम्रा सम्वाददाताका अनुसार कान्तिपुर टिभीका पत्रकार श्याम श्रेष्ठको पाखुरामा गोली लागेको हो । प्रदर्शनको दृष्य खिचिरहेका बेला श्रेष्ठलाई प्रहरीको गोली लागेको र सिभिल अस्पतालमा उपचार भइरहेको कान्तिपुर टेलिभिजनका नायव समाचार प्रमुख रुपेश श्रेष्ठले टेलिभिजनको लाइभमा भनेका छन् ।
जेन जी प्रदर्शन : संसद भवनमा आगजनी
काठमाडौं । जेनजी प्रदर्शनकारीले बानेश्वरस्थित संसद भवनमा आगजनी गरेका छन् । प्रदर्शनकारी भवनभित्र छिरेर आगजनी गरेका हुन् । प्रदर्शन स्थलमा सहभागी हाम्रा संवादाताका अनुसार भवनभित्रै आगजनी गरिएको हो।
जेनजी प्रदर्शन : १ जनाको मृत्यु, ६ जनालाई गोली लाग्यो, दर्जनौं घाइते
काठमाडौं । काठमाडौंको नयाँ बानेश्वरस्थित सोमबार भएको जेनजी प्रदर्शनमा एक जना प्रदर्शनकारीको मृत्यु भएको छ भने ६ जनालाई गोली लागेको छ । त्यसैगरी दर्जनौं घाइते भएका छन् । प्रदर्शनकारीले संसद भवनमा आगो लगाएका छन् । जिल्ला प्रशासन कार्यालय, काठमाडौंले राष्ट्रपति र प्रधानमन्त्री निवासलगायतका संवेदनशील क्षेत्रमा पनि कर्फ्यू लगाएको छ । प्रधानमन्त्री निवास बालुवाटार, शीतलनिवास आसपास महाराजगञ्ज क्षेत्र, उपराष्ट्रपति निवास लैनचौर क्षेत्र, सिंहदरबारको चारैतिर पनि कर्फ्यू थप गरेको हो । यसअघि प्रशासनले नयाँ बानेश्वर क्षेत्रमा कर्फ्यू आदेश जारी गरिसकेको छ । जेनजीले प्रदर्शन उग्र बनाएपछि कर्फ्यू आदेश जारी भएको हो । भ्रष्टाचार र सामाजिक सञ्जाल प्रतिबन्धको विरोधमा प्रदर्शनमा उत्रिएका जेनजीले कागज, सडकमा भेटिएका रुखका हाँगाका टुक्रा, पानीका बोतलले प्रहार गरेका छन् । प्रदर्शनकारीहरूले सरकारविरुद्ध विभिन्न नाराबाजी गरिरहेका छन् । जेनजीको प्रदर्शनले सरकार दबाबमा परेको छ ।
एकै वर्षमा ८ अर्ब ५० करोड रूपैयाँ वैदेशिक लगानी भित्रियो
काठमाडौं । नेपालमा प्रत्यक्ष वैदेशिक लगानी क्रमशः बढ्दै गएको छ । आर्थिक वर्ष २०८०/८१ मा आठ अर्ब ५० करोड रूपैयाँ मात्रै वैदेशिक लगानी भित्रिएको छ । राष्ट्र बैंकले सोमबार सार्वजनिक गरेको वैदेशिक लगानी सम्बन्धी प्रतिवेदन अनुसार आर्थिक वर्ष २०७९/८० को तुलनामा उक्त वर्ष ३६.१ प्रतिशतले वैदेशिक लगानी वृद्धि भएको हो । सो वर्ष वार्षिक ६ अर्ब रूपैयाँ मात्रै विदेशी लगानी भित्रिएको थियो । आर्थिक वर्ष २०७९/८० मा वार्षिक ६ अर्ब रूपैयाँ मात्रै विदेशी लगानी भित्रिएको थियो । त्यसअघिको वर्ष हेर्ने हो भने आर्थिक वर्ष २०७८/७९ मा १८ अर्ब ६० करोड रूपैयाँसम्म वैदेशिक लगानी भित्रिएको थियो । नेपालले हालसम्म ६० भन्दा बढी मुलुकबाट वैदेशिक लगानी आकर्षित गर्दै आएको छ । सर्वेक्षण अनुसार तीन देशले मात्रै कुल विदेशी लगानीको कुल ५० प्रतिशतभन्दा धेरै हिस्सा ओगटेको देखिन्छ । कुन देशबाट बढी लगानी ? विदेशी लगानीमध्ये सबैभन्दा धेरै आउने देश भारत रहेको छ । हाल भारतको मात्रै १ खर्ब ७ अर्ब ६३ करोड रुपैयाँ बराबरको लगानी रहेको छ, जुन ३२.२ प्रतिशत बराबर हो । त्यस्तै चीनबाट ३३ अर्ब ८२ करोड रुपैयाँ अर्थात १०.२ प्रतिशत, सिंगापुरबाट २७ अर्ब ६६ करोड अर्थात् ८.३ प्रतिशत, आयरल्याण्डबाट २३ अर्ब १४ करोड अर्थात् ७ प्रतिशत, दक्षिण कोरियाबाट २० अर्ब १८ करोड अर्थात ६.१ प्रतिशत तथा अस्ट्रेलियाबाट १९ अर्ब ७१ करोड अर्थात ५.९ प्रतिशत लगानी प्राप्त भएको छ । क्षेत्रगत रुपमा वैदेशिक लगानी सबैभन्दा बढी उद्योग क्षेत्रमा भएको छ । यो क्षेत्रको हिस्सा सबैभन्दा धेरै ५९.४ प्रतिशत छ भने सेवा क्षेत्रमा ४०.५ प्रतिशत लगानी पुगेको छ । सर्वेक्षण अवधिसम्म देशमा कुल ३ खर्ब ३२ अर्ब ९७ करोड रुपैयाँ बराबरको कुल विदेशी लगानी कायम छ । राष्ट्र बैंकले २०१२÷१३ देखि नियमित रूपमा वैदेशिक लगानीको सर्वेक्षण गर्दै आएको छ । दक्षिण एशियाको अवस्था के छ ? दक्षिण एशियामा गएको वर्षको तुलनामा वैदेशिक प्रत्यक्ष लगानी ठूलो मात्रामा घटेको छ । सन् २०२४ मा दक्षिण एशियामा कुल वैदेशिक लगानी ३४.६ अर्ब अमेरिकी डलर मात्र भित्रिएको छ, जुन अघिल्लो वर्षको तुलनामा ३८.८ प्रतिशत कम हो । सबैभन्दा ठूलो गिरावट भारतमा देखिएको छ । भारतमा वैदेशिक लगानी २०२३ मा २८.१ अर्ब डलरबाट घटेर २७.६ अर्ब डलरमा झरेको छ, जुन ४३.१ प्रतिशत कमी हो । तर नेपालले भने लगानी आकर्षणमा सुधार देखाएको छ । नेपालमा सन् २०२४ मा ६० करोड डलर वैदेशिक लगानी भित्रिएको छ, जुन अघिल्लो वर्षको तुलनामा १३.८ प्रतिशत वृद्धि हो । यसैगरी पाकिस्तानमा त्यस्तो लगानी ४०.१ प्रतिशतले बढेर २.६ अर्ब डलर पुगेको छ भने माल्दिभ्समा पनि ४.८ प्रतिशत वृद्धि भएको छ । यस्तै, बंगलादेश, भूटान र श्रीलंकामा लगानी घटेको छ ।
