काठमाडौं । एप्पलले स्क्रिनमा समस्या देखिएका ‘आईफोन डुओ’ स्मार्टफोन साटिदिने घोषणा गरेको छ ।
बिक्री सुरु भएको केही दिनमै स्क्रिनमा समस्या देखिएपछि कम्पनीले प्रभावित ग्राहकलाई नयाँ फोन उपलब्ध गराउने भएको हो ।
लामो समयदेखि प्रतीक्षा गरिएको आईफोन डुओ फोल्डेबल अर्थात् पट्याउन मिल्ने स्मार्टफोन हो ।
यसको मूल्य करिब ४ लाख ८० हजार रहेको छ । करिब २० वर्षपछि आईफोनको डिजाइनमा गरिएको यो सबैभन्दा ठूलो परिवर्तन हो ।
सामाजिक सञ्जालमा सार्वजनिक भएका तस्बिरहरूमा एप्पलको पहिलो फोल्डेबल फोनको स्क्रिनमा धर्साहरू देखिएका छन् । बेलायतमा यो फोनको सुरुवाती मूल्य एक हजार ९९९ पाउन्ड तोकिएको छ ।
कम्पनीले स्क्रिनमा समस्या देखिएका ग्राहकलाई फोन साट्न आफूसँग सम्पर्क गर्न आग्रह गरेको छ ।
आईफोन डुओ गत साता विश्वभरका एप्पल स्टोरहरूमा भव्य रूपमा सार्वजनिक गरिएको थियो । फोन खरिद गर्न ग्राहकहरूको ठूलो भीड लागेको थियो ।
यो फोन सार्वजनिक गरेर एप्पलले आफ्ना उत्पादनप्रति ग्राहकको आकर्षण बढाउने र प्रतिस्पर्धी कम्पनीका फोल्डेबल फोनलाई चुनौती दिने प्रयास गरेको छ ।
तर, बिक्री सुरु भएको केही दिनमै फोनको गुणस्तरबारे प्रश्न उठ्न थालेको छ । केही प्रयोगकर्ताले सामाजिक सञ्जालमा सार्वजनिक गरेका तस्बिरहरूमा फोन पट्याइने भाग अर्थात् स्क्रिनको बीचमा चिरा परेको देखिन्छ ।
त्यस्तै, अन्य केही ग्राहकले फोन खोल्दा बिग्रिएको जस्तो आवाज आउने गरेको गुनासो गरेका छन् ।
