गुगलले च्याटजिपिटीको प्रतिस्पर्धीको रुपमा ‘बार्ड’ ल्याउँदै
एजेन्सी । गुगलले ओपन एआईको अन्तरक्रियात्मक च्याटबोट च्याटजिपिटिको प्रतिस्पर्धीको रुपमा बार्डको विकास गरेको छ । गुगलले परीक्षणको समयमा सिमित प्रयोगकर्ताहरुको माझमा प्रयोगमा ल्याएको सो बार्ड बिस्तारै विश्वव्यापी प्रयोगकर्ताहरुबीचमा ल्याउने जनाएको छ । अहिले अमेरिका र बेलायतका निश्चित प्रयोगकर्ताहरूले मात्रै बार्डको प्रयोग गर्न सक्नेछन् । गुगलले धेरै भाषाहरुमा विश्वका अन्य देशमा पुग्न समय लाग्न सक्ने बताएको छ । गुगलका सीईओ सुन्दर पिचाईले मंगलबार आफ्ना कर्मचारीहरूलाई भने, ‘गुगलका ८० हजार कर्मचारीसँग बार्डको परीक्षण गरिसकेपछि पहिलो चरणका रूपमा अमेरिका र बेलायतमा जनतासँग परीक्षण गरिने छ, चीजहरू गलत हुन सक्छन्, तर उत्पादन र प्रविधि सुधार गर्न प्रयोगकर्ताको प्रतिक्रिया आवश्यक छ।’ एआईको संसारमा माइक्रोसफ्टको ठूलो लगानी भएको कम्पनी ओपेन एआईको च्याटजिपिटी अहिले सबैभन्दा अगाडि छ। च्याटजिपिटी गत वर्ष नोभेम्बर ३० मा लन्च गरिएको थियो र एक महिनामा यसले एक सय मिलियन प्रयोगकर्ताहरू पार गरेको थियो। च्याटजिपिटीले सूचना सङ्कलन गरेर नयाँ डाटा उत्पन्न गर्न जेनेरेटिभ एआई प्रविधि प्रयोग गर्दछ भने गुगलको च्याटबोट बार्ड लाम्डा (एलएएमडिए) को ठूलो भाषा मोडेलमा आधारित छ। बार्डले पनि च्याटजिपिटीले जस्तै मानिसका धेरै जिज्ञासाहरुको जवाफ दिनुका साथै निवन्ध लेख्न, खानाका वस्तुहरुहरु देखाएर त्यसको परिकार बनाउन लगायत थुप्रै कामहरुमा मानिसलाई सहयोग गर्नसक्ने जनाइएको छ । तपाईं च्याटजिपिटीमा कुनै पनि प्रश्न सोध्न सक्नुहुन्छ। इमेल लेख्ने देखि बायोग्राफी बनाउन यसलाई प्रयोग गर्न सकिन्छ । च्याटजिपिटीले तपाईंको भिडियो कसरी भाइरल बनाउने भनेर समेत जवाफ दिन्छ। च्याटजिपिटी तपाइँलाई तपाइँको श्रीमतीलाई के उपहार दिने भन्ने बारेमा पनि सल्लाह दिन्छ । उदाहरण को लागी यदि एक विद्यार्थीले लोकतन्त्र मा एक निबन्ध लेख्नु छ भने च्याटजिपिटीले तुरुन्तै सो विषयको निवन्ध तयार पारिदिन्छ । च्याटजिपिटीले लामो उत्तरहरूको सट्टा छोटो र सटीक शब्दहरूमा पूर्ण जानकारी दिन्छ। यद्यपि यसले अनुपयुक्त अनुरोधहरू अस्वीकार गर्न सक्छ। ताकि यसलाई गैरकानूनी चीजहरूमा प्रयोग गर्न नपरोस्। जस्तै कुकर बम कसरी बनाउने ? यस्तो प्रश्न सोध्दा च्याटजिपिटीले सो विषय अवैध भएको र यसको जानकारी गराउन नसकिने जानकारी गराउँछ । गुगलले केही समयअगाडि टेलिस्कोपको विषयमा गलत जानकारी दिएपछि गुगलको मार्केट भ्यालुमा एक सय बिलियन घट्न पुगेको थियो । त्यसैले गुगलले बार्डलाई आगामी दिनमा धेरै परीक्षण र परिस्कृत पक्रियाद्वारा अगाडि बढाउने प्रयत्न गरेको छ ।
नेपाली स्कूटरको मूल्य एक लाख बढाउन विदेशी स्कूटरको दवाव
काठमाडौं । नेपालमै उत्पादन हुने तयारीमा रहेको विद्युतीय स्कूटर ग्रन्थको मूल्य बढाउन विदेशी उत्पादक तथा तिनका वितरकले दवाव दिएका छन् । नेपाली बजारमा रहेका विदेशमा उत्पादिन स्कूटर कम्पनीहरूले ग्रन्थ ईभीको मूल्य कम भएको र त्यसलाई बढाउन दबाब दिएका उक्त कम्पनीका प्रमुख कार्यकारी अधिकृत सुजन ढुंगेलले बताएका छन् । अन्य भन्दा सस्तो मूल्यमा गुणस्तरीय विद्युतीय स्कूटर उत्पादन गर्ने तयारीमा रहेको ग्रन्थ इलेक्ट्रिक भेहिकल प्रालि वैशाखदेखि ग्रन्थ ईभी नेपालमै उत्पादन गर्ने गरी काम अगाडि बढाएको छ । तर काम अन्तिम चरणमा पुग्दा स्कूटरको मूल्य बढाउन ठूला कम्पनीले नै दबाब दिन थालेको ढुंगेलले जानकारी दिए । ग्रन्थ ईभीले साढे २ लाखदेखि ३ लाख रूपैयाँमा उच्चस्तरीय सुविधासहितको विद्युतीय स्टकुर प्रदान गर्ने जनाएको छ । ‘साढे २ लाखदेखि ३ लाख रूपैयाँमा विद्युतीय स्टकुटर दिने तयारी गरेका छौं,’ कम्पनीले विज्ञप्तीमा भनेको छ, ‘तर बजारमा उपलब्ध अन्य स्कूटर बिक्री गर्ने कम्पनीले आफ्नो जत्तिकै मूल्य राख्न दबाब दिएका छन् ।’ यसरी दवाव दिन कम्पनीहरूकाे नाम भने ग्रन्थ इभीले उल्लेख गरेकाे छैन । यदी आफ्नो स्कूटरहरूको मूल्य अनुसार ग्रन्थ ईभीको मूल्य नराखे उद्योगमा गार्हो हुने भन्दै घुमाउरो पारामा घम्की दिइरहेको ढुंगेलले बताए । विशेष गरी बैंकमा सञ्चालक रहेका व्यक्तिको स्कूटर कम्पनीबाटै दबाब आएको छ । बजारमा उपलब्ध अन्य स्कूटर भन्दा ग्रन्थ ईभी १ लाख सस्तो रहेको कम्पनीको भनाइ छ । यस्तो छ ग्रन्थ ईभीको स्कूटरको विशेषता ग्रन्थले बनाउने विद्युतीय स्कूटरमा साइड ड्राइभ मोटर प्रयोग गरिएको छ । यो मोटरका कारण उकालो ओरालोमा स्कूटर सजिलै गुडाउन सकिन्छ । राम्रो र पावरफुल परपर्मेन्स पनि हुन्छ । पर्मानेन्ट म्यागनेट सिङ्क्रोनाइजेसन मोटर प्रविधिमा आधारित साइड ड्राइभ मोटर प्रविधि टेस्लाले समेत प्रयोग गर्ने गरेको ढुंगलले बताउँछन् । अरू स्कूटरमा सामान्यतया हब मोटर प्रयोग गरिएको हुन्छ । यो प्लेन एरिया गुड्न सजिलो सक्छ तर उकालो, ओरालोमा राम्रोसँग गुड्न सक्दैन् । कम्पनीको स्कूटरमा लिथिमय आइरन फस्पेट ब्याट्रि प्रयोग गरिएको छ । यो ब्याट्रीले रेञ्ज बढी दिन्छ । ब्याट्री र मोटरमा ३ वर्ष वारेन्टी पाइने छ । ४ देखि साढे ४ घण्टामा उक्त स्कूटर फुल चार्ज हुनेछ भने अधिकतम रेञ्ज ११० किलोमिटर दिनेछ । यसमा ब्याट्री ब्रेक रिजेनेरेटेड सिस्टम प्रयोग गरिएको छ । यसले गर्दा ब्रेक हान्दा खर्च भएको शक्तिले फेरि ब्याट्रीमा आएर रिचार्ज हुन्छ, जसले गर्दा रेञ्ज बढी दिनेछ । स्कूटरमा फास्ट चार्जर प्रविधि पनि राखिएको छ ।
प्रभु क्यापिटलले विद्यार्थीलाई दियो सेयर बजार बारे तालिम
काठमाडौं । प्रभु क्यापिटलले मैतिदेवीस्थित यूनिभर्सल कलेजका बिबिएमा अध्ययनरत विद्यार्थीलाई सेयर बजार सम्बन्धी तालिम दिएको छ । क्यापिटलले विश्व लगानीकर्ता सप्ताह–२०२३ का अवसरमा पूँजी बजार सम्बन्धमा युवा केन्द्रित वित्तीय चेतनामूलक कार्यक्रम गर्ने उद्धेश्यले सेयर बजार सम्बन्धी तालिम दिएको हो । कलेजका ५० जना भन्दा बढी विद्यार्थीहरुको सहभागिता भएको उक्त तालिम कार्यक्रममा प्रभु क्यापिटलका योजना व्यवस्थापक सौगात पन्तले विद्यार्थीहरुलाई सेयर बजार, प्राथमिक तथा दोस्रो बजारसम्बन्धी आधारभूत कुराहरु, सेयर बजारमा दीर्घकालीन तथा अल्पकालीन लगानी गर्दा पाइने प्रतिफल सम्बन्धी विषयहरुमा तालिम दिएका थिए । प्रभु क्यापिटलले सेयर लगानीमा सचेतना अभिवृद्धिका लागि समय–समयमा सेयर तथा पुँजी बजारसंग सम्बन्धित तालिम कार्यक्रम, विविध वर्कसप तथा सचेतना कार्यक्रमहरु सञ्चालन गर्दै आइरहेको छ ।
पोखरा र भैरहवामा अन्तर्राष्ट्रिय विमानस्थलको आवश्यकता थिएन : अध्यक्ष नेपाल
काठमाडौं । नेकपा (एकीकृत समाजवादी) का अध्यक्ष माधवकुमार नेपालले पोखरा अन्तर्राष्ट्रिय विमानस्थल र भैरहवा अन्तर्राष्ट्रिय विमानस्थलको आवश्यकता नभएको बताएका छन् । शुक्रबार पार्टीको अर्थ–योजना विभागले आयोजना गरेको देशको वर्तमान आर्थिक अवस्था र समाधानका उपायहरु विषयक विचार गोष्ठीमा बोल्दै अध्यक्ष नेपालले पोखरा र भैरहवा अन्तर्राष्ट्रिय विमानस्थलको आवश्यकता नभएको बताएका हुन् । ‘यी दुई विमानस्थलमा अर्बौं रुपैयाँ लगानी भएपनि प्रतिफल आएको छैन, सो पैसा अर्को क्षेत्रमा लगानी गरेको भए त्यसको प्रतिफल आउँथ्यो,’ उनले भने । ‘उदाहरणका लागि निजगढमा विमानस्थल बनाएको भए निजगढको विमानस्थलले हाम्रो आवश्यकता पूर्ति गर्ने थियो, अहिले त्यहाँ हवाइजहाज छैन ल्याण्ड गर्नका लागि, उड्नका लागि यात्रु छैन झर्नका लागि,’ उनले थपे ।
कृषि विकास बैंकले रोल्पामा सम्पन्न गर्यो वित्तिय साक्षरता कार्यक्रम
काठमाडौं । कृषि विकास बैंकले रोल्पाको गंगादेव गाँउपालिकाको मनिमारेमा वित्तिय साक्षरता कार्यक्रम सम्पन्न गरेको छ । बैंकले वित्तिय पहुँच बढाउने उदेश्यका साथ बैंकको प्रदेश कार्यालय दाङ शाखा कार्यालय रोल्पाको आयोजनामा गंगादेव गाउँपालिका वडा नं ३ मनिमारेमा कार्यक्रम सम्पन्न गरेको हो । सो कार्यक्रमको अध्यक्षता कृषि विकास बैंक, प्रदेश कार्यालयका निर्देशक राजेश कुमार श्रीवास्तवले गरेका थिए भने सञ्चालन शाखा कार्यालय रोल्पाका प्रबन्धक राज कुमार विश्वकर्माले गरेका थिए । कार्यक्रममा बैंकका प्रमुख कार्यकारी अधिकृत तथा उक्त कार्यक्रमका प्रमुख प्रशिक्षक गोविन्द गुरुङले बैंकले कसरी बचत गर्ने, बचत गर्दा हुने फाईदा, बैंक खाताका प्रकारहरु, कसरी उद्यम शिलता विकास गर्ने, कृषि विकास बैंकले दिने विभिन्न सेवाहरु बारे जानकारी दिएका थिए । कार्यक्रममा वित्तिय साक्षरताको आवश्यकता एवं नेपालको आर्थिक तथा वित्तिय प्रणालीको बारेमा समेत प्रमुख कार्यकारी अधिकृत गुरुङले जानकारी दिएका थिए ।
एनआईसी एशिया बैंकको सेवा दुई दिनसम्म बन्द हुने
काठमाडौं । एनआईसी एशिया बैैंकको कार्डसम्बन्धी सम्पुर्ण कारोबार दुई दिन अवरुद्ध हुने भएको छ । बैंकले शुक्रबार एक सूचना जारी गर्दै शुक्रबार राती देखि आइतबार राती १२ बजेसम्म बैंकको कार्डसम्बन्धी सम्पूर्ण कारोबार बन्द हुने जनाएको हो । ‘यस बैंकको कार्ड सेवा (डेबिट/क्रेडिट/प्रिपेड) को स्विच अपग्रेशन/माइग्रेशन गनुएपर्ने भएकोले शुक्रबार राती १२ बजेदेखि आइतबार राती १२ बजेसम्म कार्डबाट हुने सम्पूर्ण कारोबार तथा एटीएम/पीओएस मेसिनबाट हुने कारोबार अवरुद्ध हुने छ,’ बैंकद्वारा जारी गरिएकाे सूचनामा भनिएको छ । कार्ड सम्बन्धी सेवा अवरुद्ध हुने समयमा मोबाइल बैंकिङ तथा अन्य माध्यमबाट प्रवाह हुने सेवाहरु भने यथावत रुपमा सञ्चालन हुने बैंकले जनाएको छ ।
नेपाली बजारमा टिभीएसका इभी स्कुटर आउँदै, कति पर्ला मूल्य ?
काठमाडौं । टीभीएसको आधिकारिक वितरक जगदम्बा मोटर्सले नेपाली बजारमा इभीका स्कुटर ल्याउने भएको छ । नेपाली सडकमा सुहाउँदो इभी स्कुटर ल्याउने तयारी कम्पनीले गरेको हो । टिभिएस मोटर कम्पनीद्वारा निर्मित टिभीएस आईक्यूब, टिभीएस आईक्यूब एस र टिभीएस आईक्यूब एसटी गरी तीन वटा मोडलका स्कुटरहरु ल्याउन लागेको हो । पहिलो चरणमा भने जगदम्बा मोटर्सले एउटा मोडलको स्कुटर ल्याउने योजना बनाएको छ । भारतीय बजारमा सो मोडलका इभी स्कुटर टिभिएस मोटर कम्पनीले लञ्च गरिसकेको छ । भारतीय बजारमा उक्त स्कुटर लञ्च भएपछि सो स्कुटरको प्रयोगकर्ताको संख्या पनि बढ्दै गएको छ । टीभीएसका स्वरुम इचार्ज किम्सन महर्जनका अनुसार टिभीएस आईक्यूब एस र टिभीएस आईक्यूब एसटी मध्ये एक सार्वजनिक गर्ने कम्पनीको योजना छ । जगदम्बा मोटर्सले टिभीएसका आईक्यूब स्कुटर ल्याइ टेस्ट राइड पनि गरेको थियो । कम्पनीले नेपालमा वैशाखको पहिलो सातामा लञ्च गर्न सक्ने पनि महर्जनले बताए । उनका अनुसार यकिन मिति भने तय भइसकेको छैन । । नेपालमा टिभीएसको इभी स्कुटर भित्रिएर लन्च भए अनुमानित ४ लाख रुपैयाँसम्म मूल्य पर्ने बताइएको छ । यस्तो छ विशेषता टिभीएस आईक्यूब टिभिएस मोटर कम्पनीका अनुसार टिभीएस आईक्यूब रातो, खैरो र सेतो गरी तीन वटा रङमा उपलब्ध छ । ३.०४ किलोवाटको विद्युतीय मोटर जडान भएको यस स्कुटरमा लिथियम आयन ब्याट्री छ । यो स्कुटरलाई एकपटक फूल चार्ज गरेपछि १०० किलोमिटरसम्मको यात्रा तय गर्न सकिन्छ । ७८ किलोमिटर प्रति घण्टा टप स्पिडमा कुदाउन सकिने यो स्कुटरको ११७.२ केजी वजन छ । टिभीएस आईक्यूब इभी स्कुटरको ग्राउन्ड क्लियरेन्स १५७, सिट उचाइ ७७० र व्हीलबेस १३०१ मिलिमिटर रहेको छ । यस्तै, पिक पावर ४.४ किलोवाट, रेटेड पावर ३ किलोवाट, पिक टर्क १४० एनएम र रेटेड टर्क ३३ एनएम छ । टिभीएस आईक्यूब एस टिभीएस आईक्यूब एस १०० किलोमिटर रेन्ज भएको इभी स्कुटर हो । यस स्कुटरको अधिकतम गति ७८ किलोमिटर प्रतिघण्टा रहेको छ भने ४ घण्टा ३० मिनेटमा यसको ब्याट्रीको फूल चार्ज हुन्छ । १५७ मिलिमिटर ग्राउन्ड क्लियरेन्स रहेको यस इभी स्कुटरमा सिट उचाइ ७७० र व्हीलबेस १३०१ मिलिमिटर रहेको छ । कम्पनीका अनुसार टिभीएस आईक्यूब एस भेरियन्टको इभी स्कुटर ४ वटा कलरमा भारतीय बजारमा उपलब्ध छ । पिक पावर ४.४ र रेटेड पावर ३ किलोवाट छ । पिक टर्क १४० र रेटेड टर्क ३३ एनएम यस स्कुटरमा छ । लिथियम आयन ब्याट्री जडान भएको यस स्कुटर विशेषता टिभीएस आईक्यूब र टिभीएस आईक्यूब एस उस्तै छ । टिभीएस आईक्यूब एसटी टिभीएस आईक्यूब एसटी १४५ किलोमिटर रेन्ज दिने इभी स्कुटर हो । ८२ किलोमिटर प्रतिघण्टा रहेको यस इभी स्कुटर ४ वटा कलरमा उपलब्ध छन् । कम्पनीका अनुसार यस इभी स्कुटरमा पनि लिथियम आयन ब्याट्री जडान भएको छ । यस्तै, १५७ मिलिमिटर ग्राउन्ड क्लियरेन्स, सिट उचाइ ७७० र व्हीलबेस १३० मिलिमिटर छ । टिभीएस आईक्यूब एसटी इभी स्कुटरको वजन १२८ केजी छ भने ग्राउन्ड क्लियरेन्स १५७ मिलिमिटर छ ।
बैंकको ब्याजदर मूल्य वृद्धिदर भन्दा माथि हुनुपर्छ : पूर्वमुख्यसचिव पौडेल
काठमाडौं । पूर्वमुख्यसचिव लिलामणि पौडेलले बैंकको ब्याजदर मूल्य वृद्धिदर भन्दा माथि हुनुपर्ने बताएका छन् । शुक्रबार नेकपा (एकीकृत समाजवादी) पार्टीको अर्थ विभागले आयोजना गरेको कार्यक्रममा बोल्दै पौडेलले यस्तो बताएका हुन् । उनले निक्षेपको मूल्य वृद्धि ८ प्रतिशत रहेको भन्दै बैंकको ब्याजदर ८ प्रतिशतभन्दा माथि नभए निक्षेपकर्ताको पैसाको भ्यालु कम हुने बताए । बैंक खाता खोल्ने २ करोड बढी भएपनि कर्जा लिने १८ लाख मात्रै भएको भन्दै २ करोडलाई दोहन गरेर सिमित मानिसहरुलाई पोस्ने हो भने मुलुकको अर्थतन्त्र नचल्ने उनको भनाइ छ । ‘बैंकहरुको खर्च धेरै भएको छ, बैंकले आफ्नो भड्किलो खर्च कर्जाको ब्याजबाट उठाउने गरेका छन्,’ उनले भने । यस्तै, उनले बैंकहरुको ब्याजदरमा गरिने प्रतिष्पर्धा ऐनले निषेध गरेको बताए । ‘बैंकहरु मिलेर कर्जाको ब्याजदर फिक्स गर्नु कानूनी रुपमा अवैधानिक हो,’ उनले भने ।
