महासंघ निर्वाचन : मतगणनामा विवाद
काठमाडौं । नेपाल उद्योग वाणिज्य महासंघको कमलादीको पञा प्रतिष्ठानमा भइरहेको मतगणना विवाद भएको छ । जिल्ला नगरतर्फ भइरहेको गणनामा विवाद हुँदा एकछिन मतगण्ना रोकिएको थियो । तर, पुनः मतगणना सुरु गर्ने तयारी भइरहेको छ । वस्तुगत तर्फको मत गणना भने सम्पन्न भइसकेको छ ।
महासंघ निर्वाचन : वस्तुगतको मतगणना सकियो, यी हुन् विजयी हुने उम्मेदवार
काठमाडौं । नेपाल उद्योग वाणिज्य महासंघको वस्तुगत संघ तर्फको मतगणना सकिएको छ । १२३ मतदाता रहेकोमा शतप्रतिशत मतदान भएको थियो । जसमा एक मत बदर भएको निर्वाचन समितिले जनाएको छ । वस्तुगततर्फ १४ जना सदस्यहरु निर्वाचित हुने व्यवस्था अनुसार बढी मत ल्याउने १४ जना जियी भएका छन् । निर्वाचित भएका सदस्यहरमा ८ वटा उमेशलालको समूहबाट र ६ वटा अञ्जनको टीमबाट रहेका छन् । यी हुन् विजयी भएका १९ उम्मेदवार
जिल्ला नगरमा ५० मत गणना गर्दा प्रयासको ३९ मत, यस्तो छ ३२ उम्मेदवारको मत
काठमाडौं । नेपाल उद्योग वाणिज्य महासंघको नेतृत्वका लागि भएको निर्वाचनमा मत गणना भइरहेको छ । जिल्ला नगरमा ५० मत गणना गर्दा २ मत बदर भएको छ । अहिलेसम्म सबैभन्दा अगाडि प्रयास कार्की देखिएका छन् । उनले ३९ मत पाएका छन् । कुनको मत कति ? अनिल कृष्ण श्रेष्ठ – २९ अब्दुल वाहिद मन्सुरी- २७ अमरेश चन्द्र बैदार- २० अशोक लाल अमात्य – २९ उज्ज्वल प्रसाद कसजु – ३२ कलपना गैरे- ३६ उमेश डालमिया – ३४ किशोर कुमार आचार्य – २० केशव प्रसाद भण्डारी – ३१ कृष्ण कुटवाल – २७ गणेशप्रसाद लाठ – २४ गोकुल श्रेष्ठ – ३० चन्द्र बहादुर मभराई (भरत) – १६ छवघर आत्रेय – २१ तारा बहादुर कार्की – ३६ दिपक नेपाल – २८ धर्मराज असेल – १२ नविन रिजाल – ३५ निरक के.सी. – २५ पिताम्बर जोशी – १६ पुष्पराज कुंवर – २८ प्रयास कार्की -३९ बिक्रान्त कुमार श्रेष्ठ – १६ बेद बहादुर श्रेष्ठ – ३३ बोदनाथ दुवाडी – १६ मदन लाल जोशी – २० मन्जु कुमार श्रेष्ठ (कोजु) – २५ मनोज बहादुर न्याछ्यों – १० मोहन प्रसाद श्रेष्ठ – ३८ रामेश्वर मानन्धर – २१ राजेन्द्र साह – २२ लक्ष्मण राज पौडेल – २७
वस्तुगतमा ७५ मत गणना गर्दा नरेशलालको अग्रता, कसको कति मत ?
काठमाडौं । नेपाल उद्योग वाणिज्य महासंघको नेतृत्वका लागि भएको निर्वाचनमा मत गणना भइरहेको छ । अहिले वस्तुगत तर्फको ७५ मत गणना हुँदा सबैभन्दा बढी मत नरेश लाल श्रेष्ठले ५४ मत ल्याएका छन् भने शिवप्रसाद घिमिरेले ५३ मत ल्याएका छन् । अधिकांश उम्मेदवारको प्रतिस्पर्धा देखिएको छ । वस्तुगततर्फ १९ जना विजयी हुनेछन् ।
महासंघ निर्वाचन : बागमती प्रदेशबाट सविन श्रेष्ठ विजयी
काठमाडौं । नेपाल उद्योग वाणिज्य महासंघको कार्यकारी सदस्यमा बागमती प्रदेशबाट सविन श्रेष्ठ विजयी भएका छन् । उनी ११ मत ल्याएर विजयी भएका हुन् । प्रतिस्पर्धी कृष्ण प्रसाद अवाललाई पराजित गर्दै उनी विजयी भएका हुन् ।
महासंघको निर्वाचनमा मधेश प्रदेशबाट अरुण प्रधान विजयी, प्रतिस्पर्धीलाई एक मतले हराए
काठमाडौं । नेपाल उद्योग वाणिज्य महासंघको निर्वाचनमा कार्यकारिणी सदस्यमा मधेश प्रदेशबाट अरुणकुमार प्रधान विजयी भएका छन् । उनले ८ मत ल्याएर आफ्ना प्रतिस्पर्धी विजय कुमार साहलाई पराजित गरेका हुन् । शाहले ७ मत ल्याएका हुन् । प्रधान सप्तरी उद्योग वाणिजय संघको निर्वतमान अध्यक्ष हुन् ।
महासंघ निर्वाचन : कर्णाली प्रदेशबाट बुढाले एक मतले जिते
काठमाडौं । नेपाल उद्योग वाणिज्य महासंघको निर्वाचनमा कर्णाली प्रदेशबाट लालिमान बुढा विजयी भएका छन् । उनले आफ्ना प्रतिस्पर्धी धनबहादुर रावत र कुल बहादुर बिकलाई पराजित गर्दै विजयी भएका हुन् । रावत र बिकले समान ३/३ मत ल्याए ।
महासंघ निर्वाचन : कोसी प्रदेशबाट नरेन्द्र खड्का विजयी
काठमाडौं ।नेपाल उद्योग वाणिज्य महासंघको निर्वाचनमा कोसी प्रदेशबाट नरेन्द्र खड्का विजवी भएका छन् । उनी ११ मत ल्याएर विजयी भएका हुन् । उनले आफ्ना प्रतिस्पर्धी टंक दुलाल र तारानाथ घिमिरेलाई पराजित गर्दै विजयी भएका हुन् । घिमिरे र दुलालले समान ८/८ मत ल्याएका छन् ।
