आरके समुहले एनआरएनएको कार्यालयमा लगाए ताला, भवनको जिम्मा तत्कालीन नेतृत्वले लिनुपर्ने
काठमाडौं । गैर आवासीय नेपाली संघ (एनआरएनए)ले बिहीबार संघको बालुवाटारस्थित कार्यालयमा पत्रकार सम्मेलन गर्दै तालाबन्दी गरेको छ । एनआरएनए अध्यक्ष आरके शर्माको नेतृत्वमा संस्थामा बद्री केसीले लगाएको तालामाथि नै थप अर्को ताला लगाईएको हो । साथै पत्रकार सम्मेलनमा उपस्थित अभियन्ताहरुले एनआरएनएको उक्त भवन र जग्गाको जिम्मा तत्कालीन कोषाध्यक्ष र महासचिव बद्री केसी र तत्कालीन नेतृत्वले लिनुपर्ने बताएका छन् । उनीहरुले केसीले विश्वका लाखौं गैर आवासीय नेपालीबाट उठाईएको रकमबाट खरिद गरिएको कार्यालय निजीजस्तो बनाई २ दिनदेखि नै सबै कर्मचारीलाई बिदा दिएर अफिस बन्द गरेर रसियन शैली देखाएको भन्दै खेद प्रकट गरेका छन् । ४१ करोड बढीको लगानीमा बनेको भवन लिजमा लिएर कम्तीमा ५० वर्षका लागि उपभोग गर्न पाउनुपर्ने सरकारसँग शर्मा नेतृत्वको एनआरएनएले माग गरेको छ । ललिता निवास जग्गा प्रकरणमा संघको भवन पनि परेको भन्दै विशेष अदालतले गरेको आदेश र बुधबार काठमाडौं महानगरपालिकाले समेत सात दिनभित्र घर खाली गर्न सूचना जारी गरेपछि बिहीबार पत्रकार सम्मेलनको आयोजना गर्दै संघले लिजमा लिएर भवन उपभोग गर्न पाउने कानुनी प्रावधान अनुसार उपभोग गर्न पाउनुपर्ने माग गर्दै परराष्ट्र मन्त्रालय, गृहमन्त्रालय र नेपाल सरकारलाई अनुरोध गर्ने जनाएको हो । एनआरएनएको केन्द्रीय कार्यालय वालुवाटारमा आरके शर्मा समूहले गरेको पत्रकार सम्मेलनमा अध्यक्ष शर्माले विशेष अदालतले दिएको आदेश र काठमाडौं महानगरपालिकाले जारी गरेको सूचनाप्रति संघको गम्भीर ध्यानाकर्षण भएको बताउँदै बद्री केसी समुहले संस्था र भवन नै कब्जा गर्ने उद्देश्यसहित गर्दै आएको पछिल्ला गतिविधिप्रति आफ्नो आपत्ति रहेको बताए । शर्माले आफ्नो समुह जतिनै लचक हुँदा पनि केशीले रसियन शासन लगाउन खोजेकाले त्यो कदापि हुन नदिन आफू तल्लीन रहेको बताए । मलेसिया लगायतका विश्वका श्रमिकहरुबाट उठाईएको रकमबाट खरिद भवनमा केसीले गुण्डागर्दी शैली देखाएर चाबी लगाएर निजीजस्तो बोकेर हिड्नु गलत रहेको जनाउँदै उपाध्यक्ष खगेन्द्र न्यौपानेले घोर आपत्ति प्रकट गरे । उनले तत्काल यस्ता कार्य बन्द गरेर आफ्नो कमि कमजोरी सुधार्दै एनआरएनएको सम्पत्ति फिर्ता गर्न तर्फ लाग्नुपर्ने बताए । भवन निर्माण विदेशमा रहेका प्रत्येक नेपाली नागरिकको रगत र पसिनाबाट बनेको गैर आवासीय नेपाली संघका केन्द्रीय उपाध्यक्ष गंगाधर गौतमको भनाइ छ । गैर आवासीय नेपाली संघका निवर्तमान अध्यक्ष र अहिले आफुलाई अध्यक्ष बताउँदै आएका बद्री केसीले कार्यालयमा तालाबन्दी गरेकोप्रति घोर आपत्ति रहेको पत्रकार सम्मेलनमा सल्लाहकार एवम् निवर्तमान उपाध्यक्ष नरेन्द्र भाटले बताए । लाखौं सदस्य रहेको गैर आवासीय नेपाली संघ नेपाल सरकारसँग साझेदारी गर्ने संस्था भएपनि राजनीतिक रङ छर्दै व्यक्तिवादी प्रवृति हावी हुँदै गएको संघका निवर्तमान उपाध्यक्ष एवम् अभियन्ता डीबी क्षेत्रीले बताए । उनले जो जो जता गए पनि सहमतिको विकल्प नभएको र आफ्नो बस्ने अफिस नै गइसकेको अवस्थामा संस्थापक अध्यक्षदेखि वर्तमान अध्यक्ष सबै सहमतिका लागि लाग्नुपर्ने बताए । केसी समूहले दादागिरी शैलीमा कार्यालयमा तालाबन्दी गरेको कार्य स्वीकार्य नभएको र विदेशमा रहेका नेपाली नागरिकको लगानीमाथि गरिएको मनोपोलीप्रति एनआरएनए युरोप संयोजक चिन्तामनि सापकोटाले गम्भीर आपत्ति प्रकट गरे । उनले एनआरएनएको अहिलेसम्मको सबै हिसाबकिताब सार्वजनिक गरेर दुरुप्रयोग गर्नेबाट भराउनुपर्ने बताए । जनसम्पर्क समिति बेल्जीयमका पुर्व सभापति पुर्ण तिमल्सिनाले एनआरएनएको गत निर्वाचनमा भेरो धाँधलीमात्रै नभएर रसियन माफियाकरण भएको दावी गरे । उनले तत्काल नेपाल राष्ट्र बैंकले खाता बन्द गर्नुपर्ने समेत बताए । विदेशमा श्रम गर्ने नेपाली नागरिकको रगत र पसिनाबाट बनेको भवनलाई केसी समुहले दादागिरी शैलीमा आफ्नो नियन्त्रणमा लिएर तालाबन्दी गरेको उनीहरुको भनाई थियो । तलब खाने तर कर्मचारी कार्यालयमा उपस्थित नहुने, कार्यालयमा तालाबन्दी गरी सेवा प्रवाह बन्द गरेर आफ्नै मनोमानी ढङ्गले केसी समूह अगाडि बढेकोमा केसी समूहको प्रतिवाद गर्ने पत्रकार सम्मेलनमा उपाध्यक्ष गौतमले बताए । केसी समूहले कार्यालयमा लगाएको तालामाथि आफुहरुले अर्को ताला लगाएको उपाध्यक्ष गौतमले पत्रकार सम्मेलनमा बताए । पछिल्लो समयमा भएका घटनाक्रमले गैर आवासीय नेपाली संघ राजनीति खिचातानीका बीच चलिरहेको महसुस भइरहेको विभिन्न देशका जनसम्पर्क समितिका पदाधिकारी एबं एनआरएनए अभियन्ताले गुनासो गरेका छन । उनीहरुले एनआरएनएजस्तो सँस्थाको सम्पत्ति बद्री केसीले दुरुप्रयोग गरेकोमा रोष प्रकट गर्दै केसीको मनोपोलीविरुद्ध आफूहरु रहेको बताए । पत्रकार सम्मेलनमा यसअघिका बैठकले गरेका निर्णयहरु समेत सार्वजनिक गरिएको थियो । गैर आवासीय नेपाली संघले आयोजना गरेको पत्रकार सम्मेलनमा भवन कसरी जोगाउने भन्ने मात्रै समस्या नभई अन्य धेरै समस्याहरु रहेको बताइएको छ । उक्त फेस टु फेस मिटिंग तथा पत्रकार सम्मेलनमा उल्लेख्य एनआरएनए नेतृत्व र अभियन्ताहरुको उपास्थिति थियो । कार्यक्रममा एनआरएनएका सल्लाहकार नरेन्द्र भाट, शनिकुमार ओली, अभियन्ता एवम् निवर्तमान उपाध्यक्ष डीबी क्षेत्री, एनआरएनए अध्यक्ष आरके शर्मा, उपाध्यक्ष खगेन्द्र न्यौपाने, गंगाधर गौतम, महासचिव बुद्धी सुवेदी, उपमहासचिव कृष्ण गिरी, युरोप संयोजक चिन्तामनि सापकोटा, युरोप उपसंयोजक भीमसेन थापा, जनसंपर्क समिति बेल्जीयमका पुर्व सभापति पुर्ण तिमल्सिना, जनसंपर्क समिति युएईका सभापती भुवानी तिमल्सिना, जनसंपर्क समिति यूकेका सभापती युवराज गुरुङ, जनसंपर्क समिति नेदरल्यान्डका सभापति शालिक गौतमलगायतको उपस्थिति थियो ।
फागुन १३ गतेदेखि शुरु हुँदै दादुरा-रुबेला खोप अभियान, २७ जिल्लामा हुने
काठमाडौं । सरकारले दादुरा-रुबेला खोप अभियान सञ्चालन गर्ने भएको छ । सरकारले काठमाडौं उपत्यका, चितवन लगायत देशभरका २७ वटा जिल्लामा उक्त अभियान सञ्चालन गर्ने भएको हो । कुनैपनि बालबालिका दादुरा-रुबेलाका कारण जोखिममा नपरुन् भन्ने उद्देश्यले अभियान सञ्चालन गर्न लागिएको जनाएको छ । सरकारले यही फागुन १३ गतेदेखि १६ गतेसम्म ९ महिनादेखि १५वर्ष उमेर समूहका बालबालिकालाई दादुरा-रुबेला र ९ महिनादेखि ५ वर्ष मुनिका दादुरा-रुबेलासहित अन्य छुटेका सबै खोपहरू लगाउने जनाइएको छ । दादुरालाई कोभिडभन्दा पनि संक्रमण मान्न सकिने डाक्टर भुवन पौडेलको भनाइ छ । उनका अनुसार दादुरा लागेको एकजना संक्रमित व्यक्तिबाट १८ देखि २० जनासम्मलाई सार्ने जोखिम हुन्छ । यसले विगतमा महामारी ल्याएपनि अहिले भने महामारी ल्याएको छैन । निवारणका लागि नेपालले प्रयास गरिरहेको छ । दादुरा-रुबेला खोप विशेषगरी ९ महिनादेखि ५ वर्ष मुनिकालाई लगाइन्छ तर, विशेष अभियानमा १५ वर्ष सम्मकालाई पनि खोप लगाइने जनाइएको छ । नेपालमा दादुरा खोपको सुरुवात सन् १९८८ देखि भएको हो । त्यसबेलादेखि नियमित खोप सेवाको माध्यमबाट बालबालिकाहरूलाई ९ महिना उमेरको बालबालिकालाई खोप दिइँदै आएको थियो । सन २०१५ देखि नियमित खोपसेवामा दादुरा रुबेला खोपमो दोस्रोमात्र दिन सुरुवात गरियो । जुन १५ महिनाको उमेरमा दिन थालियो । नेपालले विश्वसामु सन २०२६ सम्म नेपाललाई दादुरा-रुवेला मुक्त गर्ने प्रतिबद्धता जनाएको छ । तर त्यो समयभित्र दादुरा-रुवेला मुक्त गर्न भने नेपाल सामु चुनौती रहेको विज्ञहरू बताउँछन् । नेपालले २०१९ मा दादुरा-रुवेला मुक्त गर्ने लक्ष्य राखेको थियो, त्यो समूह सारेर २०२३ मा राखियो तर, पनि नसकेकाले २०२६ भित्र निवारण गर्नुपर्ने बाध्यात्मक अवस्था भएको छ । खोप नलगाउने बालबालिको संख्या बढ्दै जन्मेपछि १५ महिनाभित्र सात पटक स्वास्थ्य संस्था जानुपर्छ । त्यहाँ गएर १३ प्रकारका विरुद्धको नि:शुल्क खोप बालबालिकालाई लगाउनुपर्ने हुन्छ । अहिले कुनैपनि खोप नपाएका बालबालिकाको संख्या बढेको देखिएको छ । नेपाल डेमोग्राफी हेल्थ सर्वेस २०२२ ले ४ प्रतिशत बालबालिकाले कुनैपनि खोप नपाएको देखाएको छ । २०१६ मा कुनैपनि खोप नपाउने १ प्रतिशत थियो तर, अहिले बढेर चार प्रतिशत पुगेको छ । सात पटक स्वास्थ्य संस्था गइ लगाउनुपर्ने निशुल्क खोप पनि २० प्रतिशतले नलगाएको तथ्यांकले देखाएको छ । यस्ता व्यक्ति कहाँ छुटेका छन् भनेर राज्यले सुक्षम योजना बनाउन सकेको छैन । बालबालिकाले खोप नलागउँदा खेर जाने अवस्था पनि उत्तिकै रहेको छ । दादुरा के हो ? दादुरा एक प्रकारको संक्रामक रोग हो । यो आरएनए भाइरसबाट लाग्ने गर्दछ । यो भाइरस मानिसमामात्र सर्ने र छिटो सर्ने अतिसंक्रामक भाइरस हो । यो रोगले छिट्टै महामारीको रुप लिन्छ । यो रोग कुनैपनि उमेरसमूहका व्यक्तिलाई लाग्न सक्छ । तर, ५ वर्ष मुनिका बालबालिकामा यो रोग धेरै हुने गरेको छ । सर्ने तिरका दादुरा संक्रामक भएको व्यक्तिको नाक तथा घाँटीमा यसको भाइरस हुन्छ । नाक तथा घाँटीमा विृद्धभइ यसले श्वासप्रस्वास नली एवम् शरिरका अन्य भित्री अंगहरूमा संक्रमण गर्छ ।रोगीको खकार, सिगाँनको सम्पर्कमा आउँदा वा रोगीले हाच्छिउँ गर्दा निस्कने छर्काहरू हावाको माध्यमबाट एक व्यक्तिबाट अर्को व्यक्तिमा सर्दछ । लक्षणहरू दादुरा रोगको पहिलो चिन्ह ज्वरो आउनु हो । १० देखि १२ दिनसम्म ज्वरो आउँछ । ज्वरोसँगै रोगीको नाकबाट पानी बग्ने, खोकी लाग्ने वा आँखा राता हुने लक्षणहरू देखापर्छन्। शरीरमा राता बिमिराहरू देखापर्छन् । सबैभन्दा पहिले बिमिरा अनुहार, कानको पछाडि र गर्दनको माथिल्लो भागमा देखापर्छन् । बिस्तारै हात खुट्टामा पनि देखापर्छन् । जटिलताहरू झाडापखाला लाग्ने । कान पाक्ने । मष्तिष्कमा कडा खालको सुजन हुने । कम्पन आउने ।आँखामा समस्या भइ अन्धोपन हुने । जटिलताको कारणबाट बिरामीको मृत्युपनि हुन सक्छ । बच्ने उपाय ः यसबाट बच्न दादुरा बिरुद्धको खोप लगाउनु नै सबैभन्दा भरपर्दो विषय हो । के हो रुबेला रोग ? रुबेला आरएन ए (टोगाभाइरस) बाट लाग्ने संक्रामक रोग हो । यो भाइरसबाट संक्रमण हुँदा दादुरामा जस्तै बिमिराहरू देखा पर्ने र हल्का ज्वरो आउन सक्छ । यो रोग बालबालिका र वयस्कहरूमा देखा पर्न सक्छ । सर्ने तरिका यो रोगको भाइरस शरीरमा प्रवेश गरेको १४ दिनपछि रुबेला रोगका लक्षण र चिन्हहरू देखा पर्छन् । यो रोगको पहिलो लक्षण शरीरमा राता बिमिरा आउनु हो । ज्वरो आउने, घाँटीका ग्रन्थीहरू बढ्ने गर्छ । बिमिरा आउँदा सुरुमा अनुहारमा, त्यसपछि शरीरका विभिन्न भागमा आउने र तीन दिनपछि आफै हराउँदै जाने गर्छन् । जटिलताहरू हाड जोर्नीहरू सुन्निने, दुख्ने । रक्तश्राव हुने । मष्तिष्कमा कडा खालको सुजन हुने । गर्भावस्थामा संक्रमण भएमा गर्भपतन हुने वा मृत सिसु जन्मिने । उपचार ः दादुरा जस्तै यो रोगबाट बच्न पनि खोप सबैभन्दा प्रभावकारी हो ।
सिटिजन लाइफका २० जना लिडर सम्मानित
काठमाडौं । सिटिजन लाइफ इन्स्योरेन्स कम्पनीले पोखराको ल्यान्डमार्क होटलमा दुइ दिने ‘एम.डी.आर.टी., २०२४ (मिलियन डलर राउण्ड टेबल)’ कार्यक्रम सम्पन्न गरेको छ । उक्त कार्यक्रममा ७० भन्दा बढी सक्रिय सिटिजन लिडरहरुको उपस्थिति थियो । उक्त कार्यक्रमको उद्देश्य उत्कृष्ट सेवा प्रदान गर्दै आएका सिटिजनका लिडरहरुको क्षमता विकास गर्ने थियो । कार्यक्रमका मुख्य वक्ता डा. योगी विकासानन्दा थिए । उनी मनोक्रान्ती संस्थाका संस्थापक र गुरु समेत हुन् । उनले संसार परिवर्तन गर्नुछ भने पहिले आफूलाई परिवर्तन गर्नुपर्छ’ भन्ने प्रसँग जोड्दै आफ्नो कार्यमा सफल हुनका लागि सकारात्मक सोच लिएर अगाडी बढ्नुपर्ने बताए । इन्स्योरेन्सका ब्रान्ड एम्बेसेडर महजोडीले यस संस्थामा आवद्ध भएका कर्मचारीहरुले एक अर्कलाई समाजको उन्नति र आफ्नो कार्यप्रति सकारात्मक सोच राख्नका लागि प्रोत्साहान गर्दै आएको बताए । कार्यक्रममा ‘एम.डी.आर.टी’ मा सहभागी हुन आवश्यक मापदण्ड पुगेका सफल सिटिजन लिडरहरु (१९ जना एम.डी.आर.टी. क्वालिफायर र १ जना सि.ओ.टी. (कोर्ट अफ द टेबल) क्वालिफायरलाई पुरस्कारसहित कम्पनीले सम्मान गरेको छ । इन्स्योरेन्सका प्रमुख कार्यकारी अधिकृत (सीईओ) पोषकराज पौडेलले नवीनताको अधारमा सिटिजन लाइफ अघि रहेको र कम्पनीले सफलता हासिल गर्नमा यस कम्पनीका सिटिजन लिडरहरुको मुख्य भूमिका रहेको बताए । साथै, उनले कम्पनीको सबैभन्दा ठुलो शक्ति, कर्मचारीहरुको नैतिकता रहेकोले भविष्यमा पनि आफ्नो नैतिकतालाई प्रथम प्राथमिकता दिने कुरामा जोड दिए ।
ग्लोबल आइएमई बैंकको सम्पूर्ण शाखारहित बैंकिङ सेवा बन्द हुने
काठमाडौं । शुक्रबार ग्लोबल आइएमई बैंकको शाखारहित बैंकिङ सेवा बन्द हुने भएको छ । बिहीबार एक सूचना जारी गर्दै बैंकले उक्त सेवा फागुन ११ गते एकदिन बन्द हुने जानकारी गराएको हो । उक्त सेवाको सिस्टम अपग्रेड तथा डाटा माईग्रेशनको लागि बैंकले सम्पूर्ण शाखारहित बैंकिङ प्रणाली बन्द हुने बताएको छ ।
ज्योति विकास बैंकले नुवाकोटको विद्यालयलाई दियो दुई थान स्मार्ट बोर्ड
काठमाडौं । ज्योति विकास बैंकले नुवाकोटस्थित शहिद जगत प्रकाशजंग शाह संस्कृत माध्यमिक विद्यालयलाई दुई थान इन्टरेक्टिभ (स्मार्ट) बोर्ड प्रदान गरेको छ । विकास बैंकले आफ्नो संस्थागत सामाजिक उत्तरदायित्वको निम्ति स्थापित “हाम्रो विकास प्रवर्द्धन कोष” मार्फत उक्त सहयोग गरेको हो । बैंकले अन्तरक्रियात्मक सिकाइ विधिहरूमार्फत विद्यालयमा अध्ययनरत विद्यार्थीहरुमा सूचना प्रविधि सम्बन्धी सीप तथा धारणाको विकास गर्नुका साथै गुणस्तरीय शिक्षाको लागि अनुकूल वातावरण बनाउन र विद्यार्थीहरूको अध्ययनप्रतिको रुचिमा विकास गराउने हेतुले उक्त स्मार्टबोर्डहरु प्रदान गरेको हो । विद्यालयमा आयोजित एक कार्यक्रममा हाम्रो विकास प्रवर्द्धन कोषका संयोजक सुरेन्द्र बहादुर नेपालीले शहिद जगत प्रकाशजंग शाह संस्कृत माध्यमिक विद्यालयकी प्रधानाध्यापक मञ्जु चित्रकारलाई सो स्मार्ट बोर्डहरु हस्तान्तरण गरेका हुन् । आधुनिक विज्ञान र प्रविधि, नेपाली मौलिक संस्कार र संस्कृतिको संरक्षण तथा संवर्द्धनका लागि सक्रिय रूपमा योगदान गरिरहेको उक्त विद्यालयले डिजिटल प्रविधिद्वारा अनलाइनको माध्यमबाट विभिन्न विषयहरुको कक्षा संचालन समेत गर्ने भएकाले सो स्मार्ट बोर्डहरुद्वारा विद्यालयलाई थप सहजता प्रदान हुनेछ । ज्योति विकास बैंकले हाल १२१ शाखा कार्यालय, ३ विस्तारित काउन्टर तथा ७५ वटा ए.टि.एम मार्फत बैंकिङ्ग सेवा उपलब्ध गराउँदै आइरहेको छ ।
आर्थिक गतिविधि सबैभन्दा धेरै गर्ने प्रदेशमा बागमती पहिलो
काठमाडौं । सात प्रदेशमध्ये पछिल्लो दुई वर्षमा सबैभन्दा बढी आर्थिक गतिविधि गर्नेमा बागमती प्रदेश पहिलो देखिएको छ । बिहीबार नेपाल नीति अनुसन्धान संस्थानले सार्वजनिक गरेको सातै प्रदेशको नेपाल प्रतिष्पर्धा सूचकांक २०२४ ले यस्तो तथ्याङ्क सार्वजनिक गरेको हो । नेपाल प्रतिष्पर्धा सूचकांक २०२४ अनुसार प्रदेश भित्र भौतिक पूर्वाधार, सूचना प्रविधि, उद्योग व्यापार व्यवसाय लगायतका क्षेत्रमा सबैभन्दा धेरै आर्थिक गतिविधि गर्नेमा बागमती प्रदेश पहिलो, दोस्रोमा कोशी, तेस्रोमा गण्डकी, चौथोमा लुम्बिनी, पाँचौंमा मधेश त्यसपछि सुदूरपश्चिम र कर्णाली प्रदेश रहेको तथ्याङ्क सार्वजनिक गरेको छ । नेपाल नीति अनुसन्धान संस्थान अनुसन्धान निर्देशक जयजङ महतले नेपालमा राजनीतिक कुरा धेरै भएकाले अब प्रदेशगत रुपमा आर्थिक गतिविधिका विषय प्राथमिकतामा राखेर नीतिहरु बनाउन सहज गराउने उदेश्यले अनुसन्धान गरिएको बताए । उनले बागमती प्रदेशमा काठमाडौं उपत्यका पर्ने भएकाले आर्थिक गतिविधिका हरेक सूचकहरुमा अनुसन्धान गर्दा पहिलो नम्बरमा रहेको बताए । उनले सात प्रदेशमध्ये आर्थिक क्रियाकलापमा वागमती प्रदेश र अन्य ६ प्रदेशमा ठूलो अन्तर रहेको देखिएको बताए । नेपालमा प्रदेश संरचना बनेको सात वर्षमा पनि विगतको अन्तर र अहिलेसम्म कम नभएको देखिएको जानकारी दिए । ग्रामिण आर्थिक गतिविधि चलायमान बनाएर मुलुकको अर्थतन्त्रलाई थप मजबुत बनाउनको लागि वागमती प्रदेशसहित सातै प्रदेशमा वृद्धि गर्न आवश्यक देखिएको बताए । मधेश धेरै सम्भावना भएको क्षेत्र भएपनि कम आर्थिक गतिविधि,डिजिटल प्रविधिको प्रयोग लगायतका विषयमा धेरै पछाडि रहेको जानकारी दिए । संघीयतामा मुलुक गएसँगै स्थानीय तहहरुले आर्थिक गतिविधिहरु बढाउन नसक्दा प्रदेशहरुको आर्थिक क्रियाकलाप वृद्धि हुन नसकेको देखिएको बताए । सबै भन्दा बढी ७७ वटा स्थानीय तह भएको मधेस प्रदेशमा समेत त्यो खालको आर्थिक क्रियाकलाप र व्यवसायीक वातावरण नबनेको अनुसन्धानले देखाएको छ । पछिल्लो समय स्थानीय तहहरुले पनि राजश्व संकलनमा वृद्धि गर्दै गएकाले आगामी दिनमा उत्पादनशिल क्षेत्रमा लगानी गरी स्थानीय तहसहित प्रदेशगत रुपमा आर्थिक गतिविधीमा प्रतिस्पर्धी क्षमता राख्ने अवस्था आउने अपेक्षा रहेको छ ।
राष्ट्र बैंकले रोक्यो लक्ष्मी सनराइज बैंकका अध्यक्षको सपथ
काठमाडौं । नेपाल राष्ट्र बैंकले लक्ष्मी सनराइज बैंकका अध्यक्ष रमण नेपाललाई बैंकको अध्यक्ष हुन रोकेको छ । नियामक राष्ट्र बैंकले साधारणसभाबाट निर्वाचित अध्यक्ष नेपाललाई अध्यक्षका लागि तत्काल आयेग्य भन्दै अहिले काम नगर्न निर्देशन दिएको हो । गत पुसमा सम्पन्न बैंकको २३औँ वार्षिक साधारणसभाबाट उनी सञ्चालकमा निर्वाचित भएका थिए । निर्वाचनपश्चात् बसेको सञ्चालकहरूको बैठकले नेपाललाई अध्यक्षमा नियुक्त गर्ने निर्णय गरेको थियो । बैंकले बैंक तथा वित्तीय संस्था ऐन बमोजिम नयाँ सञ्चालक तथा अध्यक्षहरूको जानकारी राष्ट्र बैंकलाई गराएको थियो । तर, राष्ट्र बैंकले नेपाललाई तत्काल अध्यक्ष बन्न नपाउने भन्दै सपथ नै नखुवाएको हो । बैंक तथा वित्तीय संस्था ऐनको दफा २५ अनुसार सञ्चालकले आफू नियुक्ति भएको जानकारी १५ दिनभित्र राष्ट्र बैंकलाई गराउनु पर्ने हुन्छ । सोही व्यवस्था अनुसार उनले जानकारी गराए पनि नागरिक लगानी कोषबाट बाहिरिए लगत्तै अध्यक्ष बन्न नपाउने भन्दै सपथ नै रोकेको हो । राष्ट्र बैंकले उनीमाथि कुलिङ पिरियड लाग्ने भन्दै सपथ रोकेको बताएको छ । राष्ट्र बैंकका बैंक तथा वित्तीय संस्था विभाग प्रमुख गुरु पौडेलले बैंक तथा वित्तीय संस्थाका अध्यक्षले राष्ट्र बैंक समक्ष सपथ लिनु पर्ने व्यवस्था भए पनि उनले नलिएको धारणा राखे । राष्ट्र बैंकको नीतिअनुसार नै कामकारवाही अगाडि बढाएको तर्क पौडेलको छ । साविक लक्ष्मी बैंक र सनराइज बैंक मर्जरपश्चात् पनि नेपाल अध्यक्ष थिए । तर, नागरिक लगानी कोषको कार्यकारी निर्देशकबाट अवकाश पाएपछि बैंकको अध्यक्षबाट स्वतः बाहिरिएका थिए । त्यसपछि भएको बैंकको साधारणसभाले पनि उनलाई सञ्चालकमा नियुक्त गरेको थियो । तर, राष्ट्र बैंकले ६ महिनाको कुलिङ पिरियड लाग्ने भन्दै सपथ रोकेको हो । उनले अब सो अवधिसम्मका लागि बैंकको बैठकमा उपस्थित हुन पाउने छैनन् । कुलिङ पिरियड सकिएपछि भने उनी राष्ट्र बैंकबाट सपथ लिएर अध्यक्षकोरूपमा काम गर्न पाउनेछन् ।
सन्दीप लामिछानेले जेल बाहिरै बसेर मुद्दा लड्न पाउने
काठमाडौं । उच्च अदालत पाटनले सन्दीप लामिछानेलाई जेल बाहिर बसेर पुनरावेदनको मुद्दा लड्न अनुमति दिएको छ । अदालतले बिहीबार बलात्कार मुद्दामा दोषी ठहर भएका क्रिकेटर लामिछानेलाई जेलबाहिरै बसेर मुद्दा लड्न अनुमति दिएको हो । बलात्कार आरोपमा काठमाडौं जिल्ला अदालतले सन्दीपलाई ८ वर्ष कैद सजाय तोकेको थियो । त्यसविरुद्ध बिहीबार सन्दीपले उच्च अदालत पाटनमा पुनरावेदन निवेदन दर्ता गराएका छन् ।
