देशकाे प्रमुख सहरहरुमा प्रोजेक्ट वान ब्यान्डकोसाथमा ‘अर्ना फेरि उठ्ने छ’ इभेन्ट हुदै
काठमाडौं । अर्नालाईटले विगतमा जस्तै यस पटक पनि फेरि उठ्ने बताएको छ । कम्पनीले यस वर्ष व्यान्ड वागनको साथ ‘अर्ना फेरि उठ्ने छ’ नेपाल नयाँ अबधारणाका साथ सांगितिक टुर लिएर प्रमुख सहरहरुमा जाने भएको छ । यस पटक उक्त इभेन्टमा प्रोजेक्ट वान व्यान्डद्वारा एकताको सन्देश दिने कम्पनीको भनाइ छ । प्रोजेक्ट वान नयाँ ब्यान्ड हो । उक्त ब्यान्ड विभिन्न उत्कृष्ट रक ब्यान्डका सदस्यहरुद्वारा संगठित गरिएको हो । यसको स्थापना व्यान्ड वागनका प्रबन्ध निर्देशक विकेश कायस्थद्वारा गरिएको बताइएको छ । प्रोजेक्ट वान व्यान्डमा मुक्ति शाक्य, रविन तामाङ, स्वप्नील शर्मा, निरन शाही, हरि महर्जन, शरद श्रेष्ठ, रोशन कंशकार, निखिल तुलाधर लगायत उत्कृष्ट रक ब्यान्डका सदस्यहरु रहेको कम्पनीको भनाइ छ । ब्यान्डले हालै ‘फेरि उठ्ने छ नेपाल’ नामक नयाँ म्युजिक भिडियो समेत बजारमा ल्याइसकेको बताइएको छ । ब्यान्डको पहिलो समेत रहेको उक्त टुर ७ अप्रिलदेखि २ जुनसम्म रहने जनाएको छ । टुर नारायणगढ, धरान, बनेपा, धनगढी, पोखरा, बिराटनगर, इटहरी, भैरहवा र काठमाडौंमा आएर टुंगिने जनाएको छ । अर्ना बिरय यस इभेन्टको प्रमुख प्रायोजकको रुपमा रहेको छ । अर्ना बियरले यसलाई एकताको उदाहरण कामय गरि सकारात्मक सन्देश देशभर फैलाउने अबसरको रुपमा लिएको बताएको छ ।
नेपाल इन्स्योरेन्सको बोनस र हकप्रद सेयरले लगानीकर्तालाई लोभ्यायो, बिहीबार सबैभन्दा बढी कारोबार
काठमाडौं । नेपाल इन्स्योरेन्स कम्पनी लिमिटेडको सबैभन्दा बढी सेयर कारोबार भएको छ । नेपाल इन्स्योरेन्सको बोनस सेयर र हकप्रद सेयरमा लगानीकर्ता लोभिदा बढी कारोबार भएको हो । बिहीबार नेपाल इन्स्योरेन्स सूचना प्रकाशित गरी बोनस सेयर र थप हकप्रद सेयर निष्कासन गर्ने जानकारी गराएको थियो । साधारणसभाका लागि बैशाख ७ गते सेयर रजिष्टार बन्द हुने जानकारी कम्पनीले गराएको थियो । बिहीबार नेपाल इन्स्योरेन्सको प्रतिकित्ता ९०५ रुपैयाँ ३ करोड ९१ लाख रुपैयाँ बराबरको सेयर किनबेच भएको छ । एकै दिन नेपाल इन्स्योरेन्सको सेयर मूल्य ५५ रुपैयाँ बढेको छ । बुधबार इन्स्योरेन्सको सेयर ८५० रुपैयाँमा कारोबार भएको थियो । कम्पनीले गत आर्थिक वर्षमा गरेको नाफाबाट सेयरधनीलाई साढे ४ प्रतिशत अर्थात १ करोड ३६ लाख रुपैयाँ बराबरको बोनस सेयर वितरण गर्ने, चुक्तापुँजी बढाउन शत्प्रतिशतका अतिरित्त थप ६५ प्रतिशत हकप्रद सेयर निष्कासन गर्न भएपछि लगानीकर्ता नेपाल इन्स्योरेन्समा आकर्षण बढेको हो । नेपाल इन्स्योरेन्सले ३० करोड १९ लाख ८८ हजार रुपैयाँको हकप्रद सेयर निष्कासन गर्दैछ । हकप्रद निष्कासन पछि चुक्तापुँजी बढाउन पुनः ६५ प्रतिशत हकप्रद सेयर निष्कासन गर्ने कम्पनीले जनाएको छ । हकप्रद निष्कासनपछि चुक्तापँुजी १ अर्ब १ करोड रुपैयाँ पुग्ने छ । यस्तै बैशाख ७ गते कम्पनीको सेयर दाखिला बन्द हुने छ । ६९ औं साधारणसभा बैशाख २१ गते बस्ने भएको छ । यस्तै एक सातादेखि नविल बैंकको सेयर धेरै कारोबार भइरहेको छ । नविलको सेयर मूल्य बढेर ९७० रुपैयाँ पुगेको छ । वाणिज्य बैंक मध्ये नविलको सेयर सबैभन्दा बढी हो । बुधबार ९६५ रुपैयाँमा नविलको सेयर कारोबार भएको थियो । नविलको सेयर सस्तो हुनुका साथै वित्तीय अवस्था मजवुत रहेकाले राम्रो प्रतिफल दिने आशामा लगानीकर्ता नविलको सेयर किन्न झुम्मिएका हुन् । बिहीबार नविलको २ करोड ६९ लाख रुपैयाँ बराबरको सेयर कारोबार भएको छ ।
रेनोले नक्शालमा सञ्चालन गर्याे अत्याधुनिक शोरुम (फोटोफिचर सहित)
काठमाडौं । रेनोको नेपालको लागि आधिकारीक वितरक एड्भान्स अटोमोवाइल्स् प्रालि (विशाल ग्रुप अन्र्तगतको कम्पनी) ले अर्को नयाँ शोरुम (स्टेट आफ आर्ट शोरुम) काठमाडौंको नक्शालमा सञ्चालनकमा ल्याएको छ । आफ्ना ग्राहकलाई थप सेवा प्रदान गर्ने उद्देश्यले उक्त शोरुम सञ्चालनमा ल्याएको कम्पनीको भनाइ छ । शोरुम सञ्चालनपछि ग्राहकलाई नजिकै आफ्नो रोजाईको नयाँ रेनो कार, स्पेयर पार्टस र सर्भिस लिन सहज हुनेमा कम्पनले विश्वास गरेकाे छ । शोरुमको उद्घाटन एड्भान्स अटोमोवाइल कम्पनीका प्रबन्ध निर्देशक निकुञ्ज अग्रवाल र रेनोको एक्स्पर्ट एण्ड बिजनेश डेभलपमेन्ट प्रमुख नविन मिश्रले संयुक्त रुपमा गरेका थिए । रेनोको एक्स्पर्ट एण्ड बिजनेश डेभलपमेन्ट प्रमुख मिश्रले शोरुम उद्घाटन गर्दै नक्सालमा नयाँ शोरुम संचालनमा ल्याउन पाउँदा रेनाे परिवार खुसी भएको बताए । ‘ग्राहकहरुको माग बढ्दै गएकाले हामीले आफ्नो शोरुमहरु बिस्तार गर्दै लगेका हौं,’ उनले भने ‘जसबाट ग्राहकले कम्पनीको सेवाहरु सहज रुपमा छिटो छरितो प्राप्त गर्न सक्ने हाम्रो विश्वास छ ।’ नेपालमा सबैभन्दा चाँडो गाडीको बजारमा बिस्तार गर्ने कम्पनीको रुपमा एड्भान्स अटोमोवाइल्स् रहेको कम्पनीकाे दावी छ ।
सेयर बजार २४ अंकले बढ्यो, लगानीकर्तामा उत्साह
काठमाडौं । बैंकिङ प्रणालीमा तरलता बढेको र विदेशबाट बैंकले ऋण लिन पाउने व्यवस्था भएपछि ब्याज दर घट्ने अनुमानका आधारमा सेयर बजार बढ्न थालेको छ । बिहीबार पनि सेयर बजार २४ अंकले बढेर नेप्से परिसुचक १ हजार २५० मा पुगेको छ । मंगलबारदेखि बढ्न थालेको बजार बिहीबारसम्म निरन्तरता पाएको छ । बजार बढेपछि सेयर बजारमा पुरै हरियाली देखिएको छभने लगानीकर्तामा उत्साह थपिएको छ । बजार बढेपछि बिहीबार ६१ करोड ९३ लाख रुपैयाँको सेयर कारोबार भएको छ । सबैभन्दा बढी सेयर कारोबार नेपाल इन्स्योरेन्स कम्पनी लिमिटेडको भएको छ । कम्पनीको प्रतिकित्ता प्रतिकित्ता ९९१ रुपैयाँमा ३ करोड रुपैयाँको सेयर किनबेच भएको छ ।
सञ्चय कोषको प्रशासकका लागि तुलसी, दीपक र राजेन्द्रको नाम शिफारिश,कसले मार्ला बाजी ?
काठमाडौं । कर्मचारी संचय कोषको प्रशासकका लागि ३ जनाको नाम शिफारिश भएको छ । अर्थ मन्त्रालयले गठन गरेको छनौट शिफाशिर समितिले तुलसीप्रसाद गौतम, दीपक रौनियार र राजेन्द्र काफलेलाई छनौट गरेको छ । समितिले बुधबार कोष सञ्चालनको व्यवसायिक योजना र अन्तरवार्ता लिएको थियो । योजना र अन्तरवार्ताबाट ३ जनाको नाम शिफारिश गरिएको समितिले जनाएको छ । रौनियार हाल कोषको कामू प्रशासकको रुपमा कार्यरत छन भने काफले उपप्रशासको रुपमा कार्यरत छन् । अर्थ मन्त्रायले नियुत्तका लागि ३ जनाको नाम मन्त्रिपरिषदमा पेश गर्नेछ ।
एशियन लाईफ ईन्स्योरेन्स १० वर्षमा ६८ जिल्ला पुग्यो, बार्षिकोत्सवमा ५१६ जनाले गरे रक्तदान
काठमाडौं । २०६४ चैत्र २१ गतेबाट कारोबार प्रारम्भ गरेको यस एशियन लाईफ इन्स्योरेन्स कम्पनी लिमिटेडले आफ्नो कार्यकालका दशौं वर्ष पुरा गरी एघारौं वर्षमा प्रवेश गरेको छ । कम्पनीले १० वर्षकोे अवधिमा नेपालको पूर्व मेची देखि पश्चिम महाकालीसम्म ६८ वटा जिल्लामा कुल २८ वटा शाखा र ६८ वटा उपशाखा कार्यालयहरुको स्थापना गरी देशको अधिकांश जिल्लाहरुमा बीमा सेवा विस्तार गर्न सफल भएको जनाएको छ । एघारौं वर्षको उपलक्ष्यमा कम्पनीले चैत्र १७, २० र २१ गते सामाजिक उत्तरदायित्व अन्तर्गत विविध कार्यक्रहरु सम्पन्न गरेको बताएको छ । जसमा मस्तिष्क पक्षघात समाज, गौरीघाट गुहेश्वरी काठमाण्डौंलाई अपाङ्ग मैत्री कुर्सी तथा टेवल (२/२ थान) हस्तान्तरण गरि उक्त संस्थाका वालवालिकाहरुलाई फलफूल तथा मिठाई वितरण गरेको जानकारी दिएको छ । त्यस्तै संस्थागत सामाजिक उत्तरदायित्व अन्तर्गत बुधबार लायन्स क्लब चाबहिल काठमाण्डौंको सहकार्यमा कम्पनीको प्रधान कार्यालयको प्राङ्गणमा खुल्ला रक्तदान कार्यक्र गरेको कम्पनीको भनाइ छ । जहाँ ९० जनाको सहभागीतामा रक्तदान गरियो छ । कम्पनीले एघारौं वार्षिक उत्सवको अवसर पारी गरिएको रक्तदान कार्यक्रममा नेपालको पूर्व देखि पश्चिम सम्मका विभिन्न शाखाहरु तथा प्रधान कार्यालय गरी कुल ५१६ जनाले रक्तदान गरेको कम्पनीले जनाकारी दिएको छ । काम्पनीको अनुसार १० वर्षको अवधिमा ७५ वटै जिल्लामा अभिकर्ताहरुलाई तालिम प्रदान गरि २०७४ फागुन मसान्तसम्ममा रु.४ लाख ४,४०० बीमालेख बिक्रि गरी रु. १३ अर्व ९ करोड प्रिमियम संकलन गरेको छ । पौष मसान्तसम्म रु. ११ अर्व ३२ करोड जीवन बीमा कोष रहेको छ । सोही अवधिसम्म कम्पनीको कुल लगानी रु.११ अर्व २५ करोड रहेको छ ।
निजगढ अन्तर्राष्ट्रिय विमानस्थलकाे निर्माण अघि बढ्यो
काठमाडौं । राष्ट्रिय गौरवको आयोजनाको रुपमा रहेको बहुप्रतिक्षित निजगढ दोस्रो अन्तर्राष्ट्रिय विमानस्थलको निर्माण प्रक्रिया अघि बढेको छ । बारा जिल्लामा प्रस्तावित सो विमानस्थलको निर्माण कार्य संस्कृति, पर्यटन तथा नागरिक उड्डयन मन्त्रालयले अघि बढाउने निर्णय गरेको हो । लामो समयदेखि प्रतिक्षारत उक्त परियोजनालाई शीघ्र अगाडि बढाई निर्माणलाई तीव्रता दिन प्रक्रिया अघि बढाइएको मन्त्रालयले जनाएको छ । उक्त विमानस्थलको विस्तृत सम्भाव्यता अध्ययन (डिएफएस)का लागि उक्त मन्त्रालय र कोरियन कम्पनी ल्याण्डमार्क बल्र्डवाइड (एलएमडब्लु) बीच सन् २०१० मार्चमा सम्झौता भएको थियो । सम्झौताबमोजिम कोरियन कम्पनलीले डिएफएस तयारी गरी सन् २०११ अगष्टमै मन्त्रालयसमक्ष प्रतिवेदन पेश गरेकामा मन्त्रालयले लामो समयसम्म प्रतिवेदनअनुरुपका कार्य अघि बढाउन सकेको थिएन । सरकारले घोषणा गरेको राष्ट्रिय गौरबको परियोजनाको रुपमा घोषित दोस्रो अन्तर्राष्ट्रिय विमानस्थललाई उच्च प्राथमिकतामा राखेको उक्त मन्त्रालयको विज्ञप्तिमा उल्लेख छ । ‘विविध किसिमका समस्या समाधान गर्दै यस परियोजनालाई शीघ्र अगाडि बनाई मुलुकको आर्थिक समृद्धि र विकासमा महत्वपूर्ण योगदान पु¥याउने उद्देश्यले कोरियन कम्पनीले पेश गरेको विस्तृत सम्भाव्यता अध्ययन प्रतिवेदनलाई सरकारले ग्रहण गरी यसको अध्ययन अगाडि बढाइएको’ विज्ञप्तिमा जनाइएको छ । रासस
रानीपोखरी पुनः निर्माणमा पराम्परागत सामानको प्रयोग गर्ने, जेठ १५ देखि काष्ठमण्डपको काम थाल्ने
काठमाडौं । राजधानीको रानीपोखरीस्थित बालगोपालेश्वरको मन्दिर पराम्परागत निर्माण सामाग्रीको प्रयोग हुने भएको छ । काठमाडौं महानगरपालिकाको बिहिबार बसेको वोर्ड बैठकले हाल प्रयोग भइरहेको आधुनिक निर्माण सामाग्री हटाइ पराम्परागत सामानको प्रयोग गराउने निर्णय गरेको छ । परम्परागत सौन्दर्यता कायम राखी रानीपोखरीको पुनःनिर्माण गर्ने निर्णय भएको छ । रानीपोखरीलाई सुन्दर बनाउन महानगरपालिका र पुरात्व विभागबीच समन्वय गरिने भएको छ । यस्तै भूकम्पबाट क्षतिग्रस्त काष्ठमण्ड मन्दिरको पुनःनिर्माण जेठ १५ गतेदेखि गर्ने महानगरले निर्णय गरेको छ ।
