सम्पति शुद्धिकरणः ३३.५ करोडका तीन मुद्धा, २ करोड ९५ लाख विभागकाे जित
काठमाडौं । सम्पत्ति शुद्धिकरण विभागले गत बर्षमा ३३ करोड ५० लाख रुपैंयाँ बिगो दावी सहित ३ वटा मुद्धा दर्ता गरेको छ । बिभागका सूचना अधिकृत बिनोद लामिछानेका अनुसार विभागले गत आर्थिक बर्षमा ३ वटा मुद्धा दायर गरेकोमा २ वटा मुद्धा जितेको छ । विभागले पुर्व सांसद सञ्जय शाह विरुद्ध ३२ करोड ५० लाख विगो दावीसहित बिशेष अदालतमा मुद्धा दायर गरेको छ । त्यस्तै, दिनेश खड्का विरुद्ध ४२ लाख ५० हजार र गुट्टुकुमार विरुद्ध ४० लाख रुपैयाँ बिगो दावीसहित मुद्धा हालेको हो । विभागले गत आर्थिक बर्षमा पुराना २ वटा मुद्धा जितेर २ करोड ९५ लाख ५० हजार रुपैंयाँ बिगो असुल गराउने फैसला गराउन सफल भएको हो । विभागले बालु जगन्नाथ घोङको विरुद्धको मुद्धा जितेको थियो । सो मुद्धा वापत २ करोड १९ लाख रुपैंयाँ असुल गर्ने फैसाला बिशेष अदालतले गरेको थियो । त्यस्तै, बलराम प्रसाद गुप्तासँग ७३ लाख ५० हजार रुपैंयाँ असुल्ने पर्ने फैसला पनि बिशेष अदालतले गरेको थियो । सम्पति सुद्धिकरण सम्बन्धी अन्तराष्ट्रिय मान्यताहरुमा प्रतिवद्धता जनाईसकेको नेपालको सन २०२०/२१ सालमा म्युचुअल इभ्यालुएसन हुँदैछ । सो इभ्यालुएसनपछि नेपालले पनि सम्पत्ति सुद्धिकरणमा अत्याधिक चनाखो हुनुपर्ने लामिछानेले बताए । उनले श्रोत नखुलेको सम्पति र कालोधनमा फरक हुने बताउँदै श्रोत नखुलेको सम्पति विभागको कार्यक्षेत्रमा नपर्ने स्पष्ट पारे । विभागले आपराधिक गतिबिधी, लागु औषध कारोबार, आतंककारी गतिबिधीबाट आर्जन भएको कालोधनको अनुसन्धान गर्ने उनले स्पष्ट पारे । यस्तै विभागले ४ जना चिनियाँ नागरिकलाई सम्पत्ति शुद्धिकरण विषयमा एक साताभित्र हाजिर हुन बोलाएको छ । चीनका लु बाउइ, लिउ चुनकुन, मा जियाओङ र उ पोलाई बोलाएको विभागले जानकारी दिएको छ । विभागले उजुरी परेको भन्दै यसको छानविनका लागि उजुरी परेकाले आउन भनेको हो । तोकिएको समयभित्र हाजिर नभए कानून बमोजिम कारवाही हुने विभागले चेतावनी दिएको छ ।
सिद्धार्थ बैंकको नाफा ३४ प्रतिशतले बढेर १८५ करोड, २१.८६ प्रतिशत लाभांश ?
काठमाडौं । सिद्धार्थ बैंकले आफ्नो नाफा ३४.०५ प्रतिशतले बढाएको छ । बैंकले गत आर्थिक बर्ष २०७४।७५ मा आफ्नो नाफा ४७ करोडले बढाएर एक अर्ब ८५ करोड नाफा आर्जन गर्न सफल भएको हो । जुन अघिल्लो आर्थिक बर्ष २०७३।७४ मा एक अर्ब ३८ करोड नाफा कमाउन सफल भएको थियो । नयाँ लेखा प्रणाली एनएफआरएस अनुसार सार्वजनिक गरिएको अपरिष्कृत वित्तीय विवरण अनुसार बैंकले १ खर्ब १ अर्ब निक्षेप संकलन गरेको छ जुन अघिल्लो बर्षको भन्दा २४ अर्बले बढी हो । बैंकले आव २०७३।७४ मा ७७ अर्ब निक्षेप संकलन गर्न सफल भएको थियो । सिद्धार्थले ३ अर्ब ५४ करोड खुद ब्याज आम्दानी गर्दा खुद नाफा २ अर्ब ४५ करोड आर्जन गरेको हो । बैंकको वितरण योग्य नाफा भने १ अर्ब ८५ करोड मात्रै हुन आउँछ । बैंकको खराब कर्जा १.०५ प्रतिशत छ । सिद्धार्थको प्रति सेयर आम्दानी ३४.१६ रुपैंयाँ रहेको छ । बैंकले २१.८६ प्रतिशत लाभांश दिन सक्नेछ देखिन्छ ।
बुहारी भगाएर गुरु न्यौपानेको सम्पत्ति हत्याउने प्रयास, डिभोर्ससँगै आधा सम्पत्ति मागिन् पुजाले
काठमाडौं । जलविद्युत, बैंक, रियलस्टेट लगायतका क्षेत्रमा व्यवसाय गर्दै आएका गुरुप्रसाद न्यौपानेको सम्पत्तिमा तेस्रो पक्षले पनि आँखा गाडेको छ । काठमाडौंको व्यापारमा फ्लप खाएपछि अष्ट्रेलियामा बसोबास गर्दै आएका किरणमान जोशीमाथि न्यौपानेको सम्पत्ति हत्याउने प्रयास गरेकाे आरोप लागेको छ । न्यौपानेको आधा सम्पत्ति हत्याउने योजनासहित जोशीले गुरु न्यौपानेकी जेठी बुहारी पुजा दाहालसँग साँठगाँठ मिलाएको बताइएको छ । जोशीसँग प्रेम सम्बन्ध प्रगाढ भएपछि दाहालले सतिश न्यौपानेसँग सम्बन्ध विच्छेद मागेकी छिन् । उनले दुई छाेरा र अाफ्नाे लागि कानुन अनुसार सम्पत्तिको माग गर्दै जिल्ला अदालत काठमाडौंमा मुद्दा दायर गरेकी छिन् । गुरु न्यौपानेको दुई छोरा मध्ये सतिश जेठा छोरा हुन् । सतिश र पुजाबीच १८ वर्षअघि परम्परागत शैलीमा विवाह भएको थियो । उनीहरुबाट जन्मिएको जुम्लिया २ छोराहरु छन् । दुबै छाेरा पुजाले अष्ट्रेलिया लगेकी छिन् । ठूलो जिम्मेवारी: ठूलै घात जानकारहरुका अनुसार कडा स्वभावकी पुजा र नरम स्वभावका सतिशबीच बेलाबखत विवाद हुँदै आएको थियो । राम्रो पढाई, खरो स्वभाव र मिल्दो कार्यशैली भएकाले छोरा-बुहारीको विवादमा गुरुले बुहारीलाई साथ दिने गरेका थिए । पुजाले पनि घरका अन्य सदस्यलाई होच्याएर व्यवहार गर्दै आएकी थिइन भने ससुरालाइ धेरै माया गर्थिन् । कम्पनीमा पनि त्यस्तै थियो । लामो समय न्यौपानेको लगानी रहेका कम्पनीमा काम गरेका एक जना पूर्वकर्मचारीले भने–‘पुजा कर्मचारीप्रति अति रुखो रुपमा प्रस्तुत हुन्थिन तर ससुरालाइ माया गर्थिन । पुजाले ससुरालाई गर्ने व्यवहार बनावटी र चाकडी शैलीको देखिन्थ्यो ।’ नेपाल इन्जियिरिङ क्याम्पसबाट सिभिल इन्जिनियरिङ, काठमाडौं विश्वविद्यालयबाट इएमबीए गरेकी पुजा दाहालप्रति गुरुले पनि धेरै विश्वास गर्दथे । उनले बुहारीलाई अरुण भ्याली हाइड्रोपावर लिमिटेड, सिद्धकालि पावर लिमिटेड, मकालु डेभलपर्स लिमिटेड, कंचङजंगा हाउजिङ लिमिटेड, लगायत कम्पनीमा सञ्चालक बनाएका थिए । ७२ मेगावाट क्षमताको जलविद्युत आयोजना बनाउदै गरेको सिद्धकालि पावर लिमिटेडमा बुहारी पुजालाई प्रमुख कार्यकारी अधिकृतको जिम्मेवारीमा समेत दिएका थिए । सबै कम्पनीबाट पद मुक्त पुजा दाहालको फेसबुक प्रोफाइलमा उनी पब्लिक कम्पनीहरुको सञ्चालक तथा प्रबन्ध निर्देशक छिन् । उनले तिनै कम्पनीको सेयर अर्थात श्रीमान सतिश न्यौपाने तथा ससुरा गुरुप्रसाद न्यौपानेको सम्पत्ति दावी गरेर मुद्दा हालेकी छिन् । यसले ती कम्पनीको व्यवस्थापन र सेयर स्वामित्वमा विवाद ल्याउने देखिन्छ । यस विषयमा कुरा गर्दै पुजाले विकासन्युजसँग भनिन्–‘मैले सबै कम्पनीबाट राजीनामा दिएको छु र कम्पनीहरुले मेरो राजीनामा स्वीकृत गरिसकेका छन् ।’ दाहालले श्रीमान सतिश न्यौपानेसँग सम्बन्ध विच्छेद गर्न र कानुन अनुसार मानापाथि भराईदिन माग गर्दै गत फागुन २० गते जिल्ला अदालतमा मुद्दा दायर गरेकी हुन् । सम्बन्ध विच्छेद गर्नु पर्ने कारण के थियो ? विकासन्युजको प्रश्नमा पुजाले टेलिफाेन सम्बादमा भनिन्–यो मेरो निजी मामिला हो ।’ पुजाको पक्षमा वकालत गर्दै आएका बरिष्ठ अधिवक्ता डा. सुरेन्द्र भण्डारीले पनि सम्बन्ध विच्छेदको कारणबारे बताउन मानेन् । ‘क्लाइन्टको सेक्रेसीको कुरा आउँछ । मेरो प्रोफेशनल इथिक्सले पनि भन्न मिल्दैन’ भण्डारीले भने । पुजाले आफूलाई धोका दिएको, डिभोर्स माग्नुपूर्व ठूलो सम्पत्ति नोक्सान गराएको र अदालतमा डिभोर्स माग्दै सम्पत्ति पनि माग गरेकोले आफू पीडित बन्न पुगेको सतिशले बताए । को हुन् किरणमान जोशी किरणमान जोशी काठमाडौंका रैथाने नेवार हुन् । उनको पहिलो विवाह डा. सुन्दरमणि दिक्षीतको छोरीसँग भएको थियो । त्यो विवाह अन्तरजातीय प्रेम विवाह थियो । स्रोतका अनुसार जोशी र दिक्षितबीचकाे दाम्पत्य जीवन लामो समय टिकेन । दुई छोरा जन्माएपछि जोशी र दिक्षित बीचको सम्बन्ध विच्छेद भएको छ । छोराहरु हाल रातो वंगला स्कूलमा पढ्छन् । जोशीले पाटनको धनाढ्य दिक्षित परिवारसँग नाता जोडेर ठूलो आर्थिक लाभ लिएका थिए । भनिन्छ अर्काको धनले कोही ठूलो हुँदैन । ससुराली जति धनी भएपनि उनी व्यापारमा सफल भएनन् । पछिल्लो समय शेर्पा महलमा खोलेको रेष्टुरेन्ट व्यापार पनि फ्लप खाएपछि जोशी विरक्तिएर विदेशीएका थिए । अष्ट्रेलियामा बसेर उनले जनता बैंकको विजनेश पार्टनर तथा पछिल्लो समय व्यवसायमा जम्दै गएको गुरु न्यौपानेको बुहारी भगाउन सफल भएका छन् । न्यौपाने र जोशी दुबै जनता बैंकका प्रवद्र्धक हुन् । स्रोतका अनुसार जोशी र दाहालबीचको प्रेम सम्बन्ध पहिले देखिनै टुसाएको थियो । पछिल्लो समय पुजा दाहाल पीएचडी गर्ने भनेर बारम्बार अष्ट्रेलिया पुग्थिन र लामो समय उतै बिताउँथिन् । सतिशसँगको सम्बन्ध विच्छेदपछि दुबै जना विवाह गर्न राजी भएको बताइएको छ । तर यो विवाद जिल्ला अदालत, उच्च अदालत र सर्वोच्च अदालत पुगेर अन्तिम टुङ्गोमा पुग्न ५/७ वर्ष लाग्ने एक बरिष्ठ अधिबक्ताले बताए ।
नाडेप लघुवित्तको साधारणसभा भदौ १ मा, १०० प्रतिशत हकप्रद सेयर निष्कासन गर्ने प्रस्ताव
काठमाडौं । नाडेप लघुवित्त वित्तीय संस्था लिमिटेडको तेस्रो वार्षिक साधारणसभा भदौ १ गते हुने भएको छ । संस्थाले चुक्तापुँजी बढाउन १०० प्रतिशत हकप्रद सेयर निष्कासनका प्रस्ताव सभाबाट पारित गर्ने छ । संस्थाको १६ करोड रुपैयाँ रहेको पुँजीलाई दोब्बर बनाई ३२ करोड रुपैयाँ पुर्याउने भएको छ । सभाले गत आर्थिक वर्षको वित्तीय विवरण पारित गर्ने छ । समूह ख बाट प्रतिनिधित्व हुने दुई जना सञ्चालकको पनि निर्वाचन गर्ने संस्थाले जानकारी दिएको छ ।
नेपाल बैंकको ९३ लाख ७५ हजार कित्ता एफपीओ बाँडफाँड, बाँकी अण्डर राइटरले किन्ने
काठमाडौं । नेपाल बैंकको थप निष्कासन (एफपीओ) बाँडफाँड भएको छ । आवेदन परेको ९३ लाख ७५ हजार ७५० कित्ता एफपीओ बाँडफाँड भएको बिक्री प्रवन्धक सिद्धार्थ क्यापिटल लिमिटेडले जनाएको छ । कुल निष्कासन गरिएको ४ अर्ब ९५ करोड रुपैयाँमा २ अर्ब ६२ करोड रुपैयाँ मात्र बिक्री भएको छ । यसमा पनि कर्मचारी संचय कोषले १ अर्ब रुपैयाँ लगानी गरेको छ । बाँकी एफपीओ ८ वटा अण्डराइटरले सकार्ने छन् । बैंकले प्रतिकित्ता २८० रुपैयाँमा १ करोड ७६ लाख ८४ हजार ७५० कित्ता एफपीओ निष्कासन गरेको थियो ।
६८८ मेगावाट वेतन कर्णाली बनाउन जुट्यो संचय कोष, संचयकर्ताकाे नाफा आयोजना सेयरमा लगानी गर्दै
काठमाडौं । कर्मचारी संचय कोषले संचयकर्ताले पाउने नाफा रकम प्रस्तावित ६८८ मेगावाटको वेतन कर्णाली जलविद्युत आयोजना बनाउन सेयरमा रुपान्तरण गर्न थालेको छ ।६ लाख भन्दा बढी संचकर्ताले पाउने नाफा रकमको ०.७५ प्रतिशत रकम वेतन कर्णालीमा सेयरको रुपमा लगानी गर्न लागेको हो । कोषले आयोजनामा लगानी नगर्ने संचयकर्तालाई निवेदन दिन भनेको छ । सेयर लगानी नगर्ने संचयकर्ताको नाफा रकम खातामा जम्मा गरिदिने कोषले जनाएको छ । तोकिएका समयमा पनि निवेदन नदिने संचयकर्ताका रकम अनुमति दिएको मानेर सेयरमा रुपान्तरण हुने कोषले स्पष्ट पारेको छ । सेयर कोषमा जम्मा भएको रकम फिर्ता नहुने कोषले जानकारी दिएको छ । कोषले गत वर्ष नै सो आयोजना बनाउनका लागि संचयकर्ताबाट २ अर्ब ८२ करोड रुपैयाँ जुटाइ सकेको छ । संचय कोषले गत आर्थिक वर्षमा गरेको नाफाको ८१ प्रतिशत रकम वेतन कर्णाली सञ्चयकर्ता हाइड्रोपावर कम्पनी लिमिटेडमा सेयरको रुपमा लगानी भएको छ । गत आवमा कोषले १ अर्ब ८९ करोड रुपैयाँ खुदनाफा गरेको थियो । अघिल्लो आवमा १ अर्ब ५८ करोड रुपैयाँ नाफा गरेको थियो । कोषले आयोजनामा लगानी जुटाउन सञ्चयकर्ताको नाफालाई जलविद्युतको सेयरमा लगानी गर्ने तयारी थालेको हो ।आयोजनाका लागि चाहिने २१ अर्ब रुपैयाँ स्वपुँजी (इक्विटी) जुट्ने देखिएको छ । प्रत्येक वर्ष कोषको नाफा बढ्दै गएकाले स्वपूँजीका लागि समस्या नभएको कोषले जानकारी दिएको छ । वेतन कर्णालीले आवश्यक ५० अर्ब रुपैयाँ ऋणको व्यवस्थापन गर्न कोषलाई अनुरोध गरेको छ । हाल नेपाल विद्युत प्राधिकरण अन्तर्गतको एनईए इन्जिनियरिङ कम्पनी लिमिटेडले आयोजनाको विस्तृत आयोजना प्रतिवेदन (डीपीआर) तयारी थालेको छ । कोषले वर्षेनी सञ्चयकर्तालाई प्रदान गर्ने नाफा रकम आयोजनामा लगानी गर्नेछ । कम्पनीका सञ्चयकर्ताको ४० प्रतिशत सेयर लगानी हुने गरी लगानी सम्बन्धित विनियमावली लागु गरेको छ । यस्तै कोष, नेपाल विद्युत प्राधिकरणको पनि लगानी हुनेछ । गत आर्थिक वर्ष ०७३/०७४ देखिको नाफालाई आयोजनामा लगानी हुने गरी विनियमावली परिवर्तन गरेको हो । अर्धजलासययुक्त ( पिकिङ रअ अफ दी रिभर) प्रकृतिको यो आयोजना बनाउन ७० अर्ब रुपैयाँ लाग्ने अनुमान गरिएको छ । आयोजनाबाट वार्षिक ४ अर्ब २६ करोड ५० लाख युनिट बिजुली उत्पादन हुने प्रारम्भीक अध्ययनले देखाएको छ । जसअनुसार हिउँदमा १ अर्ब ४९ करोड २० लाख र वर्षादमा २ अर्ब ७७ करोड ३० लाख युनिट बिजुली उत्पादन हुने प्रारम्भीक अध्ययनले देखाएको छ । कोषका सञ्चयकर्ताबाट ६ वर्षमा ९ अर्ब रुपैयाँ स्वपुँजी जुट्ने अनुमान गरिएको छ । ५० अर्ब रुपैयाँ बैंकबाट ऋण लिने योजना तय भएको छ । कोषका सञ्चयकर्ताले वर्षेनी औसत १ अर्ब ३० करोड रुपैयाँ नाफा पाउने गरेका छन् । वर्षेनी नाफा बढ्दै गएकाले रकम थपिने छ । ऊर्जा मन्त्रालयले वेतन कर्णालीलाई अध्ययन गर्न अनुमतिपत्र (लाइसेन्स) दिइसकेको छ । काम सुरु गरेको ६ वर्षमा आयोजना काम सम्पन्न हुने छ । आयोजना सुर्खेत र आछम जिल्लामा पर्छ । आयोजनाको सुरुङ ६.६ किलोमिटर लामो हुनेछ ।
अब क्यिूआर कोडबाटै रकम भुक्तानी गर्न सकिने, एनआईसी एशियाले ल्यायो यस्तो एप
काठमाडौं । एनआईसी एशिया बैंक लिमिटेडले आइतबार(आज)बाट क्यिूआर कोड मार्फत भुक्तानी संचालनमा ल्याएको छ । यो सेवा बैंकको मोबाइल बैंकिङ्ग(मोबैंक एप) प्रयोगकर्ताहरुले प्रयोग गरि उपभोग गर्न सक्नेछन् । क्यिूआर कोड मार्फत भुक्तानी गर्नको लागि निम्न तरिका प्रयोग गर्न सकिन्छ । १. मर्चेन्टले मोबैंक मर्चेन्ट एप बाट रिक्वेष्ट पेमेन्ट विकल्प प्रयोग गरि क्यिूआर कोड जेनरेट गर्ने र ग्राहकले आफ्नो मोबैंक प्रयोग गरि सोहि क्यिूआर कोड मा मोपे विकल्प प्रयोग गरि स्क्यान गरेर भुक्तानी गर्न सक्नेछन् । २. मर्चेन्टले भुक्तानी काउण्टरमा क्यिूआर कोड भएको स्टिकर पनि राख्न सक्नेछन् जसलाई ग्राहकले मोपे विकल्प प्रयोग गरि स्क्यान गरेर भुक्तानी गर्न सक्नेछन् । बैंकले नै यो सेवा नेपालमा पहिलो पटक शुरु गरेको हो जसबाट व्यवसायी तथा ग्राहकहरु लाभान्वित हुने बैंकको विश्वास छ । यो सेवा प्रयोग गर्नको लागि ग्राहकसँग स्मार्ट फोन उपलब्ध हुनुपर्ने र उक्त स्मार्ट फोन प्रयोग गरि ग्राहकले सजिलै भुक्तानी गर्न सकिने बैंकले जनाएको छ । बैंकको मोबाइल बैंकिङ्ग मोबैंक सेवा गुगल प्ले/एप स्टोर अथवा बैंकको वेबसाइटबाट डाउनलोड गरी प्रयोग गर्न सकिने छ ।
बीमा समितिको आम्दानीमा अर्थमन्त्रालयको आँखा लागेपछि ४ अर्बको पुँजी कोष
काठमाडौं । बीमा समितिको ४ अर्ब रूपैयाँमा अर्थमन्त्रालयले आँखा गाडेपछि पुँजी कोषको तयारी सुरु भएको छ । ४ अर्ब रुपैंयाँ अर्थ मन्त्रालयले तान्ने तयारी अघि बढाएपछि समितिले व्यवस्थापनका लागि पुँजी कोष स्थापनाको प्रयास अघि बढाएको हो । समितिले नयाँ बीमा ऐनको मस्यौदामा ४ अर्ब रुपैंयाँको पुँजी कोष राख्ने व्यवस्थाका लागि प्रयास अघि बढाएको छ । अर्थले गत आर्थिक बर्षमा समितिले गरेको खर्चमा ५० प्रतिशत रकम थपेर बाँकी रकम तान्ने तयारी गरेको छ । ‘गत आर्थिक बर्षमा समितिले गरेको खर्चमा ५० प्रतिशत रकम थपेर बाँकी पैसा तान्ने तयारीमा मन्त्रालय जुटेको बुझेका छौं’, समितिले श्रोतले भन्यो । संसदमा पुगेको बीमा ऐनको मस्यौदामा पुँजी कोषको व्यवस्था गरिएको छैन् । संसदले केहि दिन भित्रै बीमा बिधेयकलाई अर्थ समितिमा पठाउँदैछ । समितिमा सहभागी सांसदहरु मार्फत पुँजी कोष स्थापनाका लागि अभियान सञ्चालन गर्न लागिएको हो । हालसम्म बीमा कम्पनीहरुले संकलन गरेको कुल प्रिमियमको १ प्रतिशत रकम बीमा समितिले पाउने व्यवस्था थियो । सोही व्यवस्था अन्तर्गत समितिले ४ अर्ब रुपैंयाँ आर्जन गरेको थियो । सो रकम विभिन्न बैंक तथा वित्तिय संस्थाहरुमा निक्षेपका रुपमा राखेर समितिले बार्षिक ५० करोड जति आम्दानी गरिहरको थियो । सोही ४ अर्बबाट समितिले नयाँ भवन निर्माण लगायतका काम गर्दैछ । भवनको नक्सा अन्तिम चरणमा पुगिसकेको छ । प्रस्तावित बीमा ऐनको मस्यौदामा भने बीमा कम्पनीले आर्जन गरेको प्रिमियमको ०.७५ प्रतिशत रकम बीमा प्राधिकरणले पाउने व्यवस्था अघि सारिएको छ ।
