सेन्ट्रल फाइनान्सको ७ प्रतिशत नगद लाभांश पारित, केन्द्रिय कार्यालय सारिँदै
काठमाडौं । सेन्ट्रल फाइनान्स लिमिटेडको प्रस्तावित ७ प्रतिशत नगद लाभांश पारित भएको छ । मंगलबार सम्पन्न संस्थाको २२औं वार्षिक साधारणसभाले सञ्चालक समितिको उक्त प्रस्तावलाई पारित गरेको हो । सभाले पारित गरेबमोजिम संस्थाले आर्थिक वर्ष २०७४/७५ को नाफाबाट सेयरधनीलाई सो मात्राको नगद लाभांश वितरण गर्ने भएको छ । हाल ८ स्थानमा शाखा संचालन गरिरहेको यस फाइनान्सले आगामी साताबाट सिन्धुलीको भिमानमा थप एक शाखा संचालनमा ल्याउने तयारी गरेको छ । साथै, आगामी दिनमा थप शाखा स्थापना गरी शाखा सञ्जाल र कार्यक्षेत्र थप विस्तार गर्ने संस्थाका प्रमुख कार्यकारी अधिकृत(सीईओ) रजोजमान श्रेष्ठले बताएका छन् । ललितपुरको कुपण्डोलमा केन्द्रिय कार्यालय रहेको यस संस्थाको चुक्ता पुँजी ८२ करोड ३५ लाख रुपैयाँ रहेको छ । त्यस्तै, निक्षेप ३ अर्ब १३ करोड र कर्जा लगानी २ अर्ब ९८ करोड रुपैयाँ रहेको सीईओ श्रेष्ठले बताए । त्यस्तै, प्रविधिको उच्चतम प्रयोग गरी थप आधुनिक सेवा प्रदान गर्ने उद्देश्यले आगामी २०७६ साल असार मसान्तदेखि ललितपुरको कुपण्डोलस्थित संस्थाको जग्गामा केन्द्रिय कार्यालय सारिने सीईओ श्रेष्ठले बताएका छन् । हाल उक्त जग्गामा कर्पोरेट भवन निर्माण कार्य भइरहेको उनले जानकारी दिए ।
मर्यादित रुपमा होली मनाउन गृहमन्त्रालको अनुरोध, कानून विपरीतका कार्य गरे कारवाही गरिने
काठमाडौँ । गृह मन्त्रालयले खुशियाली साटासाट गरी मनाइने होली (फागु) पर्व मर्यादित रुपमा मनाउन अनुरोध गरेको छ । यही चैत ६ र ७ गते मनाइने होली पर्वका अवसरमा देश÷विदेशमा रहनुहुने सबै नेपालीलाई शुभकामना दिँदै मन्त्रालयले मंगलबार एक सन्देश जारी गरी धार्मिक र सांस्कृतिक दृष्टिले मर्यादित र सभ्य भएर होली पर्व मनाउन आग्रह गरेको हो । मन्त्रालयले जारी गरेको विज्ञप्तिमा पर्व मनाउने नाममा इच्छा विपरीत जबर्जस्ती, अमर्यादित, गैरकानूनी र उच्छृङ्खल किसिमका गतिविधि प्रचलित कानून विपरीत हुने भएकाले यसतर्फ सचेत हुन आग्रह गरेको छ । “कानून विपरीतका कार्य र असभ्य व्यवहार कोही कसैप्रति नगर्न र नगराउन गृह मन्त्रालय सबैमा हार्दिक अनुरोध गर्दछ”, विज्ञप्तिमा भनिएको छ । विज्ञप्तिमा कोही कसैको इच्छा एवं स्वीकृति बेगर कानून विपरीतका कार्य गरेमा कारवाही गरिने उल्लेख छ ।
सात महिनामा १४ वटा हिमाल चढ्ने उद्देश्य बोकेका निर्मल पूर्जालाई प्रिमियर ईन्स्योरेन्सले सहयोग गर्ने
काठमाडौ । प्रिमियर ईन्स्योरेन्स कम्पनीले ७ महिनामा विश्वका ८ हजार मिटर उचाई भएका १४ वटा हिमाल चढ्ने उद्देश्य राखेका निर्मल पूर्जा‘निम्स’ लाई सहयोग गर्ने भएको छ । चितवनमा जन्मिएका पूर्जालाई ईन्स्योरेन्स कम्पनीले दुर्घटना बीमा, व्यक्तीगत दुर्घटना बीमा, हाई अल्टिच्यूट बीमा तथा आवश्यकताको अवस्थामा रेक्यूसम्ममा साथ दिने भएको छ । पर्यटकीय क्षेत्रमा रहेको जोखिम बहन गर्न ईन्स्योरेन्स कम्पनीले आफ्नो तर्फबाट सहयोग गर्न लागेको जनाएको छ । पूर्जालाई हामा आईरन स्टिलको समेत साथ रहने जनाईएको छ । पर्वतारोहण कै सन्दर्भलाई लिएर मंगलबार राजधानीमा आयोजित कार्यक्रममा प्रिमियर ईन्स्योरेन्सका प्रमुख कार्यकारी अधिकृत(सिईओ) सुधुम्नप्रसाद उपाध्याय तथा हामा आईन एण्ड स्टीलका प्रबन्ध निर्देशक राजनकृष्ण श्रेष्ठ लगायतको उपस्थिति रहेको थियो । कार्यक्रममा बोल्दै प्रिमियर ईन्स्योरेन्सका सिईओ उपाध्यायले भने– ‘नेपालमा पर्यटकीय क्षेत्रमा धेरै अवसरहरु छन्, जोखिमहरुपनि प्रशस्तै रहेका छन्, यदी हामीले बीमाको बारेमा जानकारी लिएमा यस्ता जोखिम बहन गर्न सघाउ पुग्दछ ।’ को हुन त निर्मलपूर्जा ? निर्मल पूर्जा सन् २००३ मा ब्रिटिश गोर्खा बिग्रेडमा नियुक्त भई हाल ‘ब्रिटिश स्पेशल बोट सर्भिस’ को विषेश अंगको रुपमा कार्यरत छन् । उनले सन २०१२ देखी पर्वतारोहणमा सहभागी भई एभरेष्ट बेस क्याम्पसम्मको अनुभव प्राप्त गरेका छन् । पर्वतारोहणको ज्ञान नभएपनि पूर्जाले लबोचे इस्ट हिमाल ६ हजार १ सय मिटर चढ्ने निर्णय गरे । उनले १३ गोर्खालाई चुचुरोमा पुर्याउन सफल भएका थिए । १० घण्टा १५ मिनेटमा एभरेष्टदेखी लोत्से आरोहण गरी २० घण्टाको लोत्से, मकालु कम समयमा चढेर किर्तिमान समेत कायम गरेका छन् । विश्वका १४ वटा ८ हजार मिटरभन्दा माथिका हिमालहरु ७ वर्ष ११ महिना १४ दिनमा चढेर पहिले नै एक पर्वतारोहीले आरोहण गरी पूरा गरी विश्व रेकर्ड कायम राखेको पाईन्छ । पूर्जाले सो विश्व रेकर्ड ७ महिनामा पूरा गर्ने लक्ष्य राखेका छन् ।
सिद्धार्थ बैंकले थप्यो २ नयाँ शाखा
काठमाडौँ । सिद्धार्थ बैंकले मंगलबार इचंगुनारायण र धनेश्वर स्थित दुई शाखाहरुको औपचारिक उद्घाटन गरेको छ । बैंकको इचंगुनारायण शाखाको उद्घाटन नागार्जुननगरपालिकाका उपमेयर सुशीला अधिकारीबाट र धनेश्वर शाखाको उद्घाटन टोखा नगरपालिकाका उपमेयर ज्ञानमाया डङ्गोलबाट भएको थियो । सबैक्षेत्र र वर्गसम्म बैंकिङ्ग सेवाको पहुँच पुर्याउने उद्देश्यले हालै सञ्चालनमा आएको शाखाहरु सहित बैंकले देशभर १४६ वटा शाखा (३ एक्स्टेन्सन् काउन्टर सहित), ९९ शाखारहित बैंकिङ्ग सेवा, १५६ एटीएम र १,२०० भन्दा बढी पीएसओ मेसिन मार्फत उच्चस्तरिय बैैकिङ्ग सेवा प्रदान गर्दै आएको छ ।
आशा लघुवित्तले पर्साको परवानीपुरमा ५६ जना महिलालाई दियो सीपमूलक तालिम
काठमाडौँ । आशा लघुवित्त वित्तीय संस्थाले चैत्र ३ र ४ गते २ दिने सीपमूलक तालिम संचालन गरेको छ । वित्तीय संस्थाले शाखा कार्यालय परवानीपुर, पर्सामा आबद्ध सदस्यहरु मध्ये ५६ जना महिला सदस्यहरुलाई निःशुल्क रुपमा लुगा धुने सरफ बनाउने तालिम प्रदान गरेको हो । तालिम कार्यक्रमलाई उद्घाटन गर्दै शाखा प्रमुख चौधरी चरण यादवले यस्ता सीपमूलक तालिमहरुबाट यस क्षेत्रका विपन्न महिलाहरुको आर्थिक क्रियाकलापमा वृद्धि हुनुका साथै आत्मनिर्भरतातर्फ उन्मुख हुन सहयोग पुग्ने विश्वास व्यक्त गरे । वित्तीय संस्थामा कार्यरत कल्याणी खरेलले प्रशिक्षण दिनुभएको उक्त तालिमबाट सहभागीहरुले कम लागतमा चुरा तथा श्रृङ्गार सामग्री बनाउने तरिका, बजारीकरण लगायतका सम्बन्धमा जानकारी हासिल गरेका थिए । हालै यस वित्तीय संस्थाले विभिन्न शाखा कार्यालयहरु मार्फत झण्डै २६२ विपन्न महिलाहरुलाई यस प्रकारका सीपमूलक तालिमहरु प्रदान गरिसकेको छ । वित्तीय संस्थाका प्रमुख कार्यकारी अधिकृत बद्रीप्रसाद दुलालले यस्ता सीपमूलक तालिमहरु सम्पूर्ण शाखा कार्यालयहरुबाट संचालन गरी सदस्यहरुको सीप अभिवृद्धि गरी आत्मनिर्भरता तर्फ उन्मुख गराउन वित्तीय संस्था क्रियाशील रहने विचार व्यक्त गरे ।
सनराइज बैंक लिमिटेड र शिखर इन्स्योरेन्सबीच बैंकास्योरेन्स संझौता
काठमाडौं । सनराइज बैंक लिमिटेड र शिखर इन्स्योरेन्स कम्पनी लिमिटेड बीच बैंकास्योरेन्स सम्बन्धि सम्झौता भएको छ । सनराइज बैंक लिमिटेडको प्रधान कार्यालयमा सनराइज बैंकका प्रमुखकार्यकारी अधिकृत रत्नराज बज्राचार्य र शिखर इन्स्योरेन्स कम्पनी लिमिटेडका प्रमुख कार्यकारी अधिकृत दीपप्रकाश पाण्डेले बैंकास्योरेन्स सम्बन्धी सम्झौतापत्रमा हस्ताक्षर गरे । ग्र्राहकहरुले सनराइज बैंकका देशभरिका शाखाबाट शिखर इन्स्योरेन्स कम्पनी लिमिटेडमा निर्जीवन बीमा गर्नुका साथै प्रिमियम भुक्तानी, दाबी भुक्तानी लगायत सबै सेवा प्राप्त गर्न सक्ने छन् । यो सम्झौताले निर्जीवन बीमा गर्न चाहने र गरिरहेका ग्राहकहरुलाई थप सुविधा प्राप्त हुनेमा बैंकले विश्वास लिएको छ ।
क्रिकेटर पारस खड्का युथ आइकन घोषित, १ लाख सहितसम्मान
काठमाडौँ । नेपाली राष्ट्रिय क्रिकेट टोलीका कप्तान पारस खड्कालाई मंगलबार काठमाडौँ युथ कन्क्लेभ २०१९ मा एक लाख रूपैयाँ सहित सम्मान गरिएको छ । उनलाई युथ आइकन २०१९ पनि घोषणा गरिएको छ । क्रिकेट लगायत अन्य क्षेत्रबाट नेपाली युवाहरूलाई नेपालमै केही गर्न र सफल हुन सकिन्छ भनी प्रेरित गरी युवा क्षेत्रमा योगदानका बापत् उनलाई सम्मान प्रदान गरिएको हो । विभिन्न शैक्षिक पृष्ठभूमि, समुदाय र क्षेत्रका युवा विद्यार्थीहरूलाई एउटै सम्मेलनमा आह्वान गर्दै काठमाडौँका युनिभर्सल कलेज, न्यू समिट कलेज, अपोलो इन्टरनेशनल कलेज, काठमाडौँ मोडेल कलेज र हिमालय कलेज अफ इन्जिनियरिङ्गको संयुक्त आयोजनामा आजकाठमाडौँ युथ कन्क्लेभ २०१९सम्पन्न भएको हो । कार्यक्रम चैतन्य इन्टिच्युट अफ म्यानेजमेन्टको सहयोग र राष्ट्रिय युवा परिषद्को प्रवद्र्धनमा सम्पन्न गरिएको थियो । कार्यक्रममा प्रमुख अतिथि सांसद योगेश भट्टराईले युवाहरूको प्रतिभा र कार्यक्षमतामा नेपालको भविष्यको आशा रहेको बताएका छन् । उनले भने, “देश बनाउने दायित्व अब नयाँ युवा पुस्ताको पनि हो भन्ने बुझाउनका लागि यो कार्यक्रम अत्यन्त जरुरी छ ।” लामो समयदेखि शान्ति, सद्भाव र सहिष्णुतालाई अँगाल्दै आएका नेपाललाई अब आधुनिक विश्वमा चिनाउन युवा पुस्ताले देशमै केही गर्नुपर्ने उनले सुझाव दिए । कार्यक्रममा युवा विद्यार्थीहरूलाई सफलताका लागि सही दिशानिर्देश गर्ने उद्देश्यले विभिन्न क्षेत्रका सफल व्यक्तित्वहरूले प्रेरणात्मक सम्बोधन गरेका थिए । नेपाली राष्ट्रिय क्रिकेट टोलीका कप्तान पारस खड्काले खेलकुदमार्पmत् राष्ट्रियताको भावना र एकता ल्याउन सकिने बताए । कार्यक्रममामिस नेपाल २०१८ शृङ्खला खतिवडाले पर्यटन प्रवद्र्धन मार्फत समृद्धिबारे, प्रधानमन्त्रीका सूचना प्रविधि सल्लाहकार असगर अलिले ई–कमर्स र सूचना प्रविधिबारे, युट्युबर सिसन बानियाँले आफ्नो रुचिलाई व्यवसायमा कसरी परिणत गर्ने भन्ने बारे, ज्योति ग्रुपका निर्देशक तथा स्याकार ट्रेडिङ कम्पनीका अध्यक्ष सौरभ ज्योतिले नेपालको व्यापारिक वातावरणबारे तथा सन्दीप क्षेत्रीले कसरी समूहमा चिनिने भन्नेबारे सम्बोधन गरेका थिए । युवाहरूलाई नेतृत्व, व्यवस्थापन र औद्योगिक सीपहरूमा मद्दत गर्ने लक्ष्यका साथ आयोजित काठमाडौँ युथ कन्क्लेभ २०१९ मा काठमाडौँका विभिन्न कलेजहरूबाट करिब तीन हजार विद्यार्थीको उपस्थिति रहेको थियो । उक्त कार्यक्रममा विभिन्न कलेजका तर्पmबाट सांस्कृतिक प्रस्तुतिहरू, प्रदर्शनी, खाना स्टल, गेम जोन लगायत पनि राखिएको थियो ।
उर्जा क्षेत्रमा ९० अर्ब लगानीको प्रतिबद्धता, १९ परियोजनाबाट ५ सय मेगावाट उत्पादन हुने
काठमाडौं । जलविद्युत आयोजनामा ९० अर्ब रुपैयाँ बराबरको स्वदेशी लगानी प्रतिवद्धता आएको छ । चालु आर्थिक बर्षको पछिल्लो ८ महिनामा सो प्रतिवद्धता आएको हो । उद्योग विभागको पछिल्लो तथ्यांक अनुसार सौर्य उर्जा, बायु उर्जा तथा जलविद्युत लगायतका १९ ठूला उर्जा क्षेत्रमा लगानी प्रतिबद्धता आएको हो । स्वदेशी लगानीमै बन्न लागेका उर्जा क्षेत्रका विभिन्न १९ परियोजनामा ८९ अर्ब ६४ करोड ८५ लाख रुपैयाँ लगानीको प्रतिवद्धता आएको विभागले जानकारी दिएको छ । चालु आर्थिक बर्षको साउन देखि फागुन १५ गतेसम्म ४ सय ९८ मेगावाट क्षमताका आयोजनामा लगानी प्रतिवद्धता आएको हो । सो अवधिमा दर्ता भएका सौर्य उर्जा, बायु उर्जा र जलविद्युत मध्य सबै भन्दा ठूलो सिचुवान वाईपिङ जलविद्युत आयोजना रहेको छ । सो परियोजना ४५ अर्ब रुपैयाँ बराबरको लागतमा निर्माण हुने र २ सय ३५ मेगावाट जलविद्युत उत्पादन गर्ने आयोजना हो । अञ्जु पौडेलको नाममा कम्पनी दर्ता गर्दै लगानी प्रतिवद्धता गरेको हो । सोही अवधिमा सौर्य उर्जामार्फतका २९ मेवा क्षमताका आयोजनामा लगानी प्रतिवद्धता आएको छ । विभागको तथ्यांक अनुसार चालु आर्थिक वर्षको माघ महिनामा धनुषाको मिथिला नगरपालिकामा १० मेगावाट क्षमताको सौर्य उर्जा प्लान्ट स्थापनाका लागि लगानी प्रतिवद्धता आएको छ । उक्त प्लान्ट भने नेपाल र भारतका लगानीकर्ताको संयुक्त लगानीमा निर्माण हुने विभागले जानकारी दिएको छ ।
