डिस मिडिया नेटवर्कको डिसहोम क्रेडिट सर्भिस अब ५ दिन सम्म पाइने
काठमाडौं । डिस मिडिया नेटवर्क लि.ले आफ्ना ग्राहकलाई सदस्यता शुल्क समाप्त भइसकेपछि पनि ३ दिन सम्म थप म्याद दिदै आएकोमा अब उक्त सेवाको म्याद थप गरी ५ दिन पुर्याएकाे छ । यो सेवाका साथ ग्राहकहरुले एकपटक किनेको नियमित सेवाको अवधि समाप्त भएपछि थप ५ दिनको क्रेडिट सेवा प्राप्त गर्न सक्नेछन् । यसरी नियमित सेवाको अवधि समाप्त भएपछि थप गरिएको क्रेडिट अवधि ग्राहकहरुले आफ्नो सेवा नवीकरण गर्दा सोही नवीकरण अवधिमा मिलान गरिनेछ । यो प्रक्रिया झन्झट रहित स्वचालित सेल्फ–सर्भिस मोडल प्रणालीमार्फत् संचालित हुनेछ र यो सेवा सुविधा प्राप्त गर्नका लागि ग्राहकले कुनै प्रकारका अतिरिक्त व्ययभार व्यहोर्नु पर्ने छैन । यो सर्भिस सुचारु गर्नुको उद्देश्य ग्राहकहरुलाई व्यवधान रहित सेवा उपलब्ध गराउनु हो । ग्राहकहरुले आफ्नो सेवा रिचार्ज गर्नलाई ग्रेस(सुविधा) अवधिको रुपमा उपलब्ध गराइनेछ । यस प्रकारको सेवाबाट विशेष गरेर ग्रामीण भेगका ग्राहकहरु, जहाँ तत्काल रिचार्ज गर्न समस्या हुन सक्छ, उनीहरु वास्तविक रुपमा लाभान्वित हुनेछन् । उक्त सेवाको कारण अचानक सेवा टुट्न गएको अवस्थामा तत्काल सेवा नवीकरण सुविधा उपलब्ध हुने हुँदा ग्राहकहरुको टेलिभिजन हेर्ने अनुभवलाई थप विस्तार गर्न सहयोग पुग्ने अपेक्षा गरिएको छ । डिसहोम क्रेडिट सर्भिस सेल्फ–सर्भिस मोडल सेवा हो जुन ग्राहकहरुको सुगमता अनुरुप डिसहोम ग्राहक सेवा केन्द्र मार्फत् वा डिसहोम मोबाइल एपमा दर्ता भएर, मोबाइल एसएमएस मार्फत् सुचारु गर्न सकिन्छ । डिसहोम नेपालको सबैभन्दा ठूलो डिटिएच सेवा प्रदायक संस्था हो । देशभर छरिएको बृहत्तर सर्भिस सञ्जालका साथ डिसहोमले विगत १० वर्षभन्दा अघिदेखि २० लाखभन्दा धेरै ग्राहकहरु माझ आफ्नो विश्वस्तरीय सेवा प्रदान गर्दै आइरहेको छ । हाल दैनिक रुपमा ५८ सय भन्दा बढी ग्राहकहरुले यो क्रेडिट सेवाको उपभोग गरिरहेका छन् ।
नेपाल मेडिकल एण्ड ल्याब एक्सपो- २०१९ हुँदै
काठमाडौं । नेपालको सबैभन्दा ठूलो एक मात्र विस्तृत मेडिकल र डायग्नोस्टिक प्रदर्शनी “नेपाल मेडिकल शो” यहि डिसेम्बर १३–१५(मंसिर २७–२९) गतेसम्म काठमाण्डौंको भृकुटिमण्डपमा हुँदै छ । यस प्रदर्शनी संगै “नेपाल ल्याब एक्सपो” र “हेल्थकेयर सप्लाई चेन शो” पनि आयोजित हुनेछन् । उक्त कार्यक्रमको उद्घाटन स्वास्थ्यमन्त्री भानुभक्त ढकाल तथा नेपाल सरकारका अन्य विशिष्ट व्यक्तिद्वारा गरिने छ । हेल्थकेयर सप्लाई चेन शो भने यसै वर्ष मात्र इ.इ.पी.सी.(इन्जिनियरिङ्ग एक्सपोर्ट प्रमोशन काउन्सिल, भारत)को सहकार्यमा हुँदै छ । यसको विषेश प्राथमिकता अस्पतालको पूर्वाधार रहने छ । नेपाल मेडिकल र ल्याब शो एस. डि. प्रोमो मिडिया द्वारा गरिने छ । नेपालको स्वास्थ र ल्याब क्षेत्रमा योगदान गर्ने उद्देश्यले आयोजना गरिएको यो प्रदर्शनी यस क्षत्रको सबैभन्दा ठूलो व्यापार र ज्ञान आदानप्रदान गर्ने प्ल्याटफर्म भएकोले यस क्षेत्रमा आबद्ध सबैका लागि यो प्रदर्शनी महत्वपूर्ण रहने छ । यस अन्तर्राष्ट्रिय प्ल्याटफर्ममा विशेषतः एनेसथेजिया, बायो–मेडिकल, इ.एन.टी.,अर्थोपेडिक्स, सर्जिकल, मेडिकल, आई.सी.यू., अस्पताल फर्निचर, मेडिकल टेक्सटाइल, कन्ज्युमेबल्स, रिह्याबिलिटेशन, मेडिकल ग्यास, एक्स–रे, ल्याब इक्युपमेन्ट्, एनालाइटिकल इक्युपमेन्ट्, एजुकेशन र अन्य सेवा प्रदायकहरुको स्टल रहने छ। प्रदर्शनीमा २५० भन्दा बढी कम्पनीहरु, ८०० भन्दा बढी ब्राण्डहरु र ६ हजार भन्दा बढी भिजिटरहरुको उपस्थिति हुनेछ र यसमा पन्ध्र मुलुकका अफिसरहरु, डाक्टरहरु, नीति–निर्माणकर्ता, उद्योगपति तथा वैज्ञानिकहरु भेला हुनेछन् । नेपालको स्वास्थ्य क्षेत्र तथा ल्याब प्रवधिलाई द्रुत गति दिन यस एक्सपोले सहयोग पुर्याउने छ। यसका साथसाथै नेपालका कम्पनीहरुलाई नयाँ प्रविधि भित्र्याउन र नेपालमै यस्ता उत्पादन गर्न सक्ने मौका यो एक्सपोले दिनेछ। आगन्तुकहरुले स्वास्थ्य क्षेत्रका नयाँ प्रविधि हेर्न पाउनेछन्, जो विभिन्न अस्पताल, प्याथोलोजी ल्याब, अनुसन्धान केन्द्र, फार्मास्यूटीकल्स, खाद्य उद्योग, विश्वविद्यालय, ल्याबहरु तथा आपुर्तिसंग सम्बन्धित रहनेछन्। एस. डि. प्रोमो मिडिया ल्याबोरेटरी, वैज्ञानिक, एनालाइटिक, अप्टिकल, शैक्षिक, अप्थ्याल्मोलोजी, फार्मा र मेडिकल क्षेत्रको आवश्यकता पु¥याँउदै आइरहेको संस्था हो। भारत, पूर्वीअफ्रिका, मध्यपूर्व, दक्षिण एसिया, र दक्षिण–पूर्वी एसिया लगायतका बजारहरुमा यसको लामो अनुभव तथा विशेषज्ञता छ । यस प्रदर्शनी तथा सम्मेलनका आयोजकहरुले हेल्थकेयर र ल्याबोरेटरी उद्योगलाई बढावा मात्र नदिई नयाँ बिचार, अनुसन्धानका अवसर, खोज र सिनर्जीलाई प्रोत्साहन गर्ने अपेक्षा गरेका छन्।
उद्योगको सर्वेक्षण गर्दै तथ्यांक विभाग, आगामी कार्तिकसम्म नतिजा आउने
काठमाडौं । केन्द्रीय तथ्यांक विभागले यसै आर्थिक वर्षमा नेपालमा संचालित सबै प्रकारका उद्योग प्रतिष्ठानको सर्वेक्षण गर्ने भएको छ । यस अघि गरिएका सर्वेक्षण औद्योगिक उत्पादनको मात्रै भएकोले यस पटक क्षेत्रगत रुपमा रहेका उद्योग प्रतिष्ठानको समेत सर्वेक्षण गर्ने तयारी विभागले गरेको हो । दुई करोड रुपैयाँको लागतमा गर्न लागिएको उक्त सर्वेक्षण सातै प्रदेशका १४ हजार उद्योग प्रतिष्ठानमा विभागका तथ्यांक अधिकृतहरू पुग्नेछन् । आन्तरिक तयारी गरिरहेको विभागले अबको दुई महिना फागुनदेखि कार्य क्षेत्रमै गएर तथ्यांक संकलन तयारी गरेको छ । सरकारले हरेक ५÷५ वर्षमा औद्योगिक गणना गर्दै आएपनि यसरी विस्तृत रुपमा अध्ययन गर्न लागेको भने यो पहिलो पटक हो । नमूना सर्वेक्षणको रुपमा गर्न लागिएको उक्त गणनाको नतिजा आगामी आवको कार्तिकसम्म आइसक्ने तयारी विभागले गरेको छ । सरकारी स्रोतबाट हुन लागेको सो सर्वेक्षणमा खानी तथा उत्खनन्देखि हाइड्रोपावर कम्पनी, पानी उत्पादन गर्ने कम्पनी, पाहोर मैला व्यवस्थापन गर्ने उद्योग तथा प्रतिष्ठानलगायतका अध्ययन तथा अनुसन्धान गर्ने विभागका निर्देशक विनोदशरण आचार्यले बताए । विभागले कुल गार्हस्थ्य उत्पादन(जीडीपी)मा समेटिएका २१ वटै उपक्षेत्रको अध्ययन गर्न लागेको हो । विभागकाअनुसार अहिलेसम्म जीडीपीमा समेटिएका सबै क्षेत्रको सुक्ष्म रुपमा अध्ययन गरिएको छैन । यी क्षेत्रको सुक्ष्म रुपले अध्ययन गरी यसले जीडीपीमा पार्न सक्ने र हाल पारिरहेको योगदानका वारेमा जानकारी प्राप्त गर्नेछ । ‘विभागबाट खटिएका तथ्यांक अधिकृतहरूले उद्योगले उपलब्ध गराएको रोजगारी, उद्योगमा भएको लगानी, उत्पादन, पुँजीको अवस्था, उद्योगबाट प्राप्त मुनाफा अनुपात, वातावरणीय प्रभावलगायतका विषयको जानकारी प्राप्त हुनेगरी विभागले प्रश्नवली तयार पारेको छ । यसअघि सरकारले पहिलोपटक गत आवमा ‘राष्ट्रिय आर्थिक गणना’ गरेको थियो । उक्त गणनाले देशभरमा ९ लाखभन्दा बढी प्रतिष्ठान आर्थिक क्रियाकलापमा संलग्न रहेको नतिजा दिएको थियो । आर्थिक गणनाको प्रतिवेदनले देशमा सञ्चालित प्रतिष्ठानले ३२ लाख २८ हजार ४ सय ५७ रोजगारी सिर्जना गरिरहेका छन् । कुल आर्थिक प्रतिष्ठानमध्ये २ लाख ७३ हजार ४ सय ६३ प्रतिष्ठान महिलाको नाममा दर्ता छन् । गणनाको नतिजा अनुसार आर्थिक क्रियाकलापमा ९ लाख २३ हजार ३ सय ५६ वटा प्रतिष्ठान संलग्न रहेका छन् । यीमध्ये औद्योगिक उत्पादन गर्ने आर्थिक प्रतिष्ठानको संख्या १ लाख ४ हजार ५८ रहेको छ । नेपालमा सञ्चालित निजी क्षेत्रका ठूला÷साना उद्योग व्यवसायले सवा ३२ लाख भन्दा बढी जनशक्तिलाई रोजगारी दिइरहेको पाइएको छ । कुल रोजगारमध्ये पुरुषको संख्या २० लाख १२ हजार २ सय ३७ र महिलाको संख्या १२ लाख १६ हजार २२० रहेको छ ।
जसले तपाईंको वाहनलाई दुर्घटना हुनबाट जोगाउँछ, जानौं ‘एबीएस’ को नालीवेली
चाहे कार होस् या बाइक, जो पनि आफ्नो वाहनलाई पुरै रफ्तारमा चलाउन मनपराउँछन् । तर वास्तवमा भन्ने हो भने संसारभर हुने धेरैजसो दुर्घटनाको प्रमुख कारणमा ‘तीव्र गती’लाई पहिलो नम्वरमा पाइएको छ । तीव्र गतिमा रहेको वाहनलाई अचानक रोक्नु परेको खण्डमा वाहन चालकको नियन्त्रण बाट बाहिर जान्छ र दुर्घटना हुने गर्दछ । विज्ञहरु भन्ने गर्छन् कि ब्रेकमा पूरा काबु पाउने हो भने ९९ प्रतिशत सम्भावित दुर्घटनालाई अवश्य रोक्न सकिन्छ । तपाईंको मनमा एउटा प्रश्न उठ्न सक्छ, के हामीसित कुनै त्यस्तो प्रविधि छ्रैन, जसले दुर्घटना हुन नदिओस् ? पक्कै छ र त्यसको जवाफ हो ‘एबीएस’ । ‘एबीएस’ अर्थात् ‘एन्टी लक ब्रेकिङ्ग सिस्टम’ एउटा त्यस्तो अटोमोवाइल सेफ्टी सिस्टम हो जसले वाहनको ब्रेकिङ्गलाई एकदमै सुरक्षित बनाउँछ । एबीएसमा अलग कम्पोनेन्टहरु हुन्छन् जसले एउटा सिङ्गो सिस्टमले जसरी नै काम गर्दछन् । ती विभिन्नमध्येको एउटा कम्पोनेन्ट ‘स्पिड सेन्सर’ ले चक्काको स्पिडको निरन्तर निगरानी गर्दछ र त्यो डाटालाई‘सेन्सर कन्ट्रोलर डिभाइस’ नामक अर्को कम्पोनेन्टमा पठाउँछ । उक्त डाटाबाट सेन्सर कन्ट्रोलर डिभाइसले स्पिडमा अचानक कमी आएको कुरा पत्ता लगाउँछ । डिस्कमा ब्रेकिङ्ग प्रेसर धेरै पर्न गयो भने चक्का लक हुने सम्भावना हुन्छ । तब आउँछ भल्भको काम । भल्भले ब्रेकिङ्ग प्रेसरलाई कन्ट्रोल गर्ने काम गर्दछ । डिस्कमा धेरै ब्रेकिङ्ग प्रेसर पर्न गएको वेला भल्भले त्यो प्रेसरलाई रिलिज गरिदिन्छ जसको कारण प्रेसर कम हुन जान्छ र पुनः ब्रेकिङ्ग प्रेसरलाई यथावत् राखिदिन्छ । यो प्रक्रियालाई भल्भले एक सेकेण्ड मा २० पटक सम्मदोहोर्याउँछ जसले गर्दा चक्का लक हुन नपाइ ब्रेक चाहेजसरी नै लाग्दछ र चालकले वाहनलाई सुरक्षित ढंगले नियन्त्रणमा लिन सक्दछ । वास्तवमै ‘एबीएस’ कुनैपनि वाहनका लागि अत्यावश्यक फिचर हो । त्यसैले नै हवाईजहाजबाट शुरु गरिएको यो प्रविधि कार मा हुँदै हिजोआज धेरैजसो मोटरसाइकलहरुमा पनि समावेस रहेको पाउन सकिन्छ ।
हेटौंडाको बसामाडीमा सिप्रदी ट्रेडिङको थ्रीएस वर्कशप संचालनमा
काठमाडौं । नेपालका लागि टाटा मोटर्सको एकमात्र आधिकारिक वितरक सिप्रदी ट्रेडिङ प्रा. लि. ले हेटौंडाको बसामाडीमा थ्रीएस वर्कशप संचालनमा ल्याएको छ । सिप्रदी ट्रेडिङका कार्यकारी अध्यक्ष सिद्धार्थ शमशेर ज.ब.रा. तथा टाटा मोटर्सको कमर्सियल भेइकलका प्रमुख गिरिश वागले संयुक्त रूपमा सो वर्कशपको उद्घाटन गरेका हुन् । उक्तसमारोहमा टाटा मोटर्सको कमर्सियल भेइकल अन्तर्राष्ट्रिय व्यापार प्रमुख रुद्ररुप मैत्रा, सिप्रदी कम्पनीका प्रमुख कार्यकारी अधिकृत राजनबाबु श्रेष्ठ, सिप्रदी कम्पनीजका प्रमुख कार्यसंचालन अधिकृत राजेशप्रसाद गिरी, सिप्रदी कम्पनीका उपाध्यक्षसौरभराज थपलियाका साथै सिप्रदीका कर्मचारीहरू र ग्राहकहरूको पनि उपस्थिति थियो । उक्त कार्यक्रममा टाटा मोटर्सको कमर्सियल भेइकलका प्रमुख गिरिश वागले टाटा मोटर्सले बिक्रीपछिको सेवा (आफ्टर सेल्स सर्भिस) लाई ठूलो प्राथमिकता दिने जनाउँदै सर्भिस सेन्टर संजाल थप बिस्तार गरिएको प्रति खुसी व्यक्त गरेका छन् । उनले अटोमोबाइल इन्डष्ट्रीजको भविष्य भनेको नै ग्राहकको खुसी भएकोप्रति जोड दिएका छन् । सोही समारोहमा बोल्दै सिप्रदी ट्रेडिङका कार्यकारी अध्यक्ष सिद्धार्थ शमशेर जबराले निरन्तर सहयोगका लागि ग्राहकहरू, कर्मचारीहरू तथा टाटा मोटर्सप्रति आभार व्यक्त गरेका छन् ।
सुदूरपश्चिमलाई औद्योगिक क्षेत्रका रूपमा विकास गर्नुपर्ने माग राख्दै रावललाई सात किलाेकाे माला
काठमाडाैं । सुदूरपश्चिमलाई औद्योगिक क्षेत्रका रूपमा विकास गर्नुपर्ने माग राख्दै नेकपा सुदूरपश्चिमका इन्चार्ज तथा पूर्व रक्षा मन्त्री भिम रावललाई सात किलाेकाे माला लगाइएकाे छ । कैलाली उद्योग वाणिज्य संघले विगत १३ वर्षदेखि आयोजना गर्दै आएको सुदूरपश्चिम महोत्सवको उद्घाटन कार्यक्रममा नेता रावललाई सात किलाेकाे माला लगाएकाे हाे । संघले सात किलोको माला लगाउँदै रावलसमक्ष सात बुँदे माग समेत पेश गरेको छ। सातबुँदे माग पत्रमा उद्योग वाणिज्य संघले महोत्सव प्रदर्शनी स्थल निर्माण गर्नुपर्ने, सेती प्रादेशिक अस्पताललाई क्षेत्रिय अस्पतालको रुपमा विकास गरिनुपर्ने र धनगढीको गेटा विमानस्थललाई क्षेत्रिय विमानस्थलको रुपमा विकास गर्दै वैकल्पीक अन्तर्राष्टिय विमानस्थलको रुपमा विकास गर्नुपर्ने उल्लेख गरेकाे छ । यस्तै सुदूरपश्चिममा उद्योग स्थापना प्रोत्साहन स्वरुप दश वर्ष सम्म कर रहित क्षेत्र घोषणा गर्नु पर्ने, गौरिफन्टा नाकालाई अन्तर्राष्टिय नाकाको रुपमा विकास गरि सुदूरपश्चिम प्रदेशलाई चिनसंग जोड्ने नाका खुलाउनु पर्ने र प्रदेश स्तरीय पर्यटन केन्द्रको स्थापनाका लागि धार्मिक पर्यटनको साथै खप्तड,शुक्लाफाँटा, घोडाघोडी जस्ता पर्यटकिय क्षेत्रमा पुर्वाधारको विकास गरिनु पर्ने सात बुँदे माग राखेको छ।
नेपाल मेडिसिटीद्धारा मिथिलाका १०० भन्दा बढी महिलाको पाठेघरको जाँच सम्पन्न
जनकपुर । जनकपुरमा आयोजना गरिएको वाउ फेस्टिभलको मेडिकल पार्टनरका रुपमा नेपाल मेडिसिटी अस्पतालको मेडिकल टोलीले मिथिलाका महिलाहरुको पाठेघरको जाँच गरेका छन् । मंसिर २० र २१ मा आयोजना गरिएको वाउ अर्थात विश्वका महिलाहरु नाम दिइएको फेस्टिभलमा स्वास्थ्य संगै विभिन्न विधामा अन्तरक्रिया, विचार गोष्ठि, सडक नाटक समेत प्रस्तुत गरिएको थियो । नेपाल मेडिसिटीको मोबाइल क्लिनिक सहितको चिकित्सकिय टोलीले महिलाहरुलाई स्तन क्यान्सर, पाठेघर तथाआंग खस्ने समस्या, र पाठेघरको मुखको क्यान्सर बारे मैथिली भाषामा जनचेतना मूलक समाग्री प्रस्तुत गरेका छन् । करिब १०० महिलाहरुको पाठेघरको मुखजाँच गरी क्यान्सरको लक्षण रहेको या नरहेको भन्ने बारे परिक्षण गरिएकोमा केहिमा क्यान्सरको सम्भावना देखिएको मेडिकल टिमको प्रतिक्रिया रहेको छ । नजिकको अस्पतालमा थप जाँचका लागि परामर्श गरिएको नेपाल मेडिसिटी अस्पतालको स्त्री तथा प्रसुति रोग विभागकि डा. यास्मिन पर्वीनले बताएका छन् । उनकाअनुसार आफ्नो स्वास्थ्यकाबारेमा महिलाहरु पहिलेभन्दा धेरै सजग रहेको र जाँचको लागी राम्रो संख्यामा उपस्थित भएका छन् । नेपाल मेडिसिटी अस्पतालले देशका विभिन्न स्थानमा स्वास्थ्य सम्बन्धि जनचेतना अभिवृद्धि गर्दै निःशुल्क परामर्श शिविरहरुको आयोजना गर्दै आएको छ । विभिन्न स्थानिय निकाय तथा अन्य संस्था एवं स्थानियहरुसँगको सहकार्यमा यस किसिमकाे शिविर आयोजना गर्दै जाने इच्छा राखेको अस्पतालका महाप्रबन्धक विजय रिमालले बताएका छन् ।
चितवनको पिठुवामा सनराइज बैंकको ४०औं शाखारहित बैंकिङ्ग सेवा
काठमाडौं । सनराइज बैंक लिमिटेडले चितवन जिल्लाको पिठुवामा ४०औं शाखारहित बैंकिङ्ग सेवा संचालमा ल्याएको छ । बैंकले बैंकिङ्ग सेवा नपुगेका विभिन्न स्थानहरुमा बैंकिङ्ग सेवा पुर्याउँदै जाने उद्धेश्यका साथ उक्त स्थानमा बैंकिङ्ग सेवाको सुरुवात गरेको हो । उक्त शाखाको उद्घाटन रत्ननगर नगरपालिकाको अध्यक्ष हरि कुमार श्रेष्ठ र बैंकको प्रादेशिक कार्यालय ३ का सदस्य अचुत जङ्ग श्रेष्ठले गरेका हुन् । सो समारोहमा अचुत जङ्ग श्रेष्ठले शाखारहित बैंकिङ्ग सेवाको एजेन्ट/प्रतिनिधि नारायण कुमारलाई पोइन्ट अफ सेल मेसिन हस्तान्तरण गरेका हुन् । उक्त पोइन्ट अफ सेल मेसिनको माध्यमबाट बचत तथा भुक्तानीका लागि शाखा कार्यालय नभएको ठाँउबाट समेत शाखारहित बैंकिङ्ग सेवा अन्तर्गत एटिएम कार्ड मार्फत कारोबार गर्न सकिने बैंकले जनाएको छ । हालसम्म बैंकले १२६ वटा शाखा, ४० वटा शाखारहित बैंकिङ्ग सेवा, ८ वटा एक्सटेन्सन काउण्टर र १४५ वटा एटिएम मार्फत आफ्ना करिब ६ लाख ग्राहकहरुलाई सेवा प्रदान गर्दै आइरहेको छ ।