काठमाडौं । बुढीगण्डकी बाढीका कारण ४५ घरमा पूर्ण क्षति पुगेको राष्ट्रिय विपद् जोखिम न्यूनीकरण तथा व्यवस्थापन प्राधिकरणले जनाएको छ ।
आइतबार (आज) बिहान लेदोसहित आएको बाढीले ४५ घरमा पूर्ण क्षति पुग्दा २७ घरमा आंशिक क्षति पुगेको हो ।
बाढीले ३४ गोठमा क्षति पुर्याएको छ । यस्तै, तीन सवारीसाधनमा क्षति पुगेको
बाढीमा पाँचजना सम्पर्कविहीन रहेको प्राधिकरणले जनाएको छ ।
बाढीले दुई पक्की पुल, तीन झोलुंगे पुल, तीन जलविद्युत र चार हवन कुण्डमा क्षति पुर्याएको छ । प्रभावित क्षेत्रमा ५० टेन्ट, ५० त्रिपाल, २०० म्याट्रेस पुर्याइएको छ । यस्तै, २०० ब्लांकेट, २०० स्लिपिङ ब्याग सरकारले पठाएको छ ।
प्रभावित क्षेत्रमा १०० थान सोलार लाइट, १० जेनरेटर र १३२० थान ज्याकेट र २० थान हाइजिन किट पुर्याएको प्राधिकरणको भनाइ छ ।
यस्तै, ९० थान फुड बास्केट, १० थान बेबी बास्केट र २० थान रोयल ब्याग पुर्याएको प्राधिकरणको भनाइ छ ।
