काठमाडौं । पूर्वमिस नेपाल आश्मा केसी र अभिनेत्री नीति शाहले रसुवाका बाढीपीडितका लागि करिब १५ लाख रुपैयाँ बराबरको राहत सहयोग गरेका छन् ।
उनीहरूले करिब १० लाख रुपैयाँ संकलन गरी बाढी प्रभावित परिवारका लागि ५१ वटा टेन्ट उपलब्ध गराएका हुन् । त्यससँगै २०० कार्टुन चाउचाउ तथा अन्य राहत सामग्रीसमेत वितरण गरिएको छ ।
एउटा टेन्टमा करिब १० देखि १५ जनासम्म बस्न सक्ने भएकाले ५१ वटा टेन्टबाट मात्रै करिब ५०० देखि ६०० जनासम्मलाई अस्थायी आश्रय उपलब्ध गराउन सकिनेछ ।
विपद्का कारण घरबाहिर बस्न बाध्य भएका र तत्काल आश्रयको आवश्यकता रहेका परिवारलाई लक्षित गरी राहत सहयोग गरिएको हो ।
