काठमाडौं । साताको अन्तिम कारोबारको दिन नेपाल स्टक एक्सचेन्ज (नेप्से)मा सामान्य अंकको गिरावट आएको छ । बिहीबार नेप्से परिसूचक ७.३३ अंकले घटेर २५८८.६२ बिन्दुमा झरेको छ ।
आज ८८ कम्पनीको सेयर मूल्य बढ्दा १५२ कम्पनीको सेयर मूल्य घटेको छ । ३ कम्पनीको सेयर मूल्यमा भने कुनै परिवर्तन आएको छैन ।
बिहीबार २९६ कम्पनीको १ करोड १७ लाख कित्ता सेयर किनबेच हुँदा ५ अर्ब ९३ करोड रुपैयाँ बराबरको कारोबार भएको छ । जसमध्ये सबैभन्दा धेरै करोबार सिन्धु बिकास बैंकको भएको छ । सिन्धुको २८ करोड रुपैयाँ बढीको कारोबार भएको छ ।
साथै, आज ४ वटा कम्पनीमा सकारात्मक सर्किट लागेको छ । बोटर्लस नेपाल, विन नेपाल लघुवित्त र मन्दाकीनी हाइड्रोपावरको सेयर मूल्य १० प्रतिशतले बढेर सकारात्मक सर्किट लागेको छ ।
यस्तै बिहीबार पोखरा फाइनान्सको सेयर मूल्य १० प्रतिशतले घटेर नकारात्मक सर्किट लागेको नेप्सेले जनाएको छ ।
