काठमाडौं । कालंगा हाइड्रो लिमिटेडले वार्षिक साधारण सभा बोलाएको छ । कम्पनीको चैत २ गते बसेको सञ्चालक समिति बैठकले चैत २८ गते बुधबारका लागि सभा बोलाएको हो ।
कम्पनीको सभा केन्द्रीय कार्यालय धोवीघाट, ललितपुरमा दिउँसो १ बजे हुने भएको छ । सभाले आर्थिक वर्ष २०७९/०८० को वार्षिक प्रतिवेदनमाथि छलफल गरी पारित गर्ने, २०८०/०८१ का लागि लेखापरीक्षकको नियुक्ति र निजको पारिश्रमिक निर्धारण गर्ने जनाइएको छ ।
