काठमाडौं । फिल्मको पोस्टर टाँसेर ‘दृश्य प्रदुषण’ गरेको भन्दै काठमाडौं महानगरपालिकाले एउटै संस्थालाई ५० हजाररूपैयाँ जरिवाना गरेको छ ।
काठमाडौं–२९ मा रहेको नेपाली बेभसाइट मिडिया हाउस प्रालिले काठमाडौंको भित्ताहरुका फिल्मको पोस्टर टाँसेर फोहोर गरेको भन्दै महानगरले जरिवाना तिराएको हो ।
उक्त कम्पनीले मंगलबार महानगरको कार्यालयमा गएर ५० हजाररुपैयाँ जरिवाना बुझाएको महानगरले बताएको छ ।
महानगरले १७०००१ नम्बरको रसिद जारी गरेर उक्त जरिवाना असुलेको हो ।
उक्त कम्पनीले फिल्मको पोस्टर टाँसी दृश्य प्रदुषण र फोहोर मैला गरे वापत प्रशासनिक दण्ड, जरिवाना र जफत गरेको बताएको छ ।
