सचिन डाँगी बने वाई वाई ग्लोकल टिन हिरो २०१७
काठमाडौं । “वाई वाई ग्लोकल टिन हिरो २०१७”को उपाधी सचिन डाँगीले जितेका छन् । समाज विकासमा सक्रियसचिन डाँगीले वाई वाई ग्लोकल टिन हिरोका अन्तिम ६ प्रतिस्पर्धी समाजसेवी अल्बिना पर्बिन , एप डेभलपर आयुष पाण्डेय, उद्यमी प्रिथ्यु सिंह ठकुरी, बाल अधिकारकर्मी राजाराम बस्नेत र आविष्कारक तन्मय चौधरीलाई पछि पार्दै सो उपाधी जितेका हुन् । शुक्रबार राजधानीमा आयोजित वाई वाई ग्लोकल टिन हिरो २०१७ को उपाधी कार्यक्रमको निर्णायकहरुले सो ट्रफी बिजेतालाई हस्तान्तरण गरेका छन् । वाई वाई ग्लोकल टिन हिरो बन्नका लागि ३२१ जना किशोर किशोरीले आवेदन गरेको थिए । आवेदकहरुले आफु समाज सेवा, पत्रकारिता, कम्प्युटर प्रोग्राम्मिंग, रोबोटिक्स, उद्यमी र समुदाय विकास जस्ता गरेको कामले समाजमा परेको सकारात्मक असर देखाएर आफ्नो कौशलता देखाएका थिए । निर्णयक मण्डलमा रहेका यूनडीपीका कन्ट्री डीरेक्टर रेनौड मेएर, बैद्य अर्गनाईजेशनका अध्यक्ष सुरज बैद्य, सोल्टी क्राउन प्लालाका महाप्रबंधक उपौल मजुमदार, नायिका रिचा शर्मा र विज्ञापनकर्मी रंजित आचार्यले पाठ्यक्रम बाहेकको उपलब्धि सुरुवात र आफ्नो कामको प्रभावको आधारमा उत्कृष्ट ६ को छनौट गरेका थिए । अन्तिम ६ प्रतिस्पर्धीसँग एसएमएस भोटिंग राउण्ड र प्रतिस्पर्धीको छुट्टाछुट्टै हुने अन्तर्वार्ताको आधारमा यो वर्षको टिन हिरो छानिएको छ ।
नागरिक लगानी कोषको २१ प्रतिशत बोनस पारित, संचालकमा दुई जना निर्वाचित
काठमाडौं । नागरिक लगानी कोषले आफ्ना सेयरधनीहरुलाई २१ दशमलव ८५ प्रतिशत बोनस दिने प्रस्ताव पारित भएको छ । शुक्रबार सम्पन्न कम्पनीको २१ औँ सभाले सो मात्राको बोनस दिने प्रस्तावलाई पारित गरेको हो । साथै, कम्पनीले कर प्रयोजनको लागि १ दशमलव १५ प्रतिशत नगद लाभांस दिने भएको छ । आ.ब २०७१/७२ मा कोषले ४८ करोड ६८ लाख रुपैयाँ आम्दानी गरेको छ । यो अघिल्लो बर्षको तुलनामा ३१ दशमलव २१ प्रतिसत बढि हो । आम्दानीमा कुल खर्च,कर अघिको नाफा र आयकर कटाएपछिको खुद नाफा १८ करोड ६१ लाख ४६ हजार रुपैया रहेको छ । सभाले कोषमा नयाँ संचालकहरु चयन गरेको छ । सर्वसाधरण सेयरधनीको तर्फबाट अशोक बुढाथोकी र अन्य बित्तिय संस्था समुहबाट नेपाल लाइफ इन्स्योरेन्सका प्रतिनिधि कमलेश कुमार अग्रवाल निर्विरोध निर्वाचित भएका कोषका सूचना अधिकृत उद्धव सिलवालले बताए । निर्वाचित संचालकको अवधि ५ बर्ष रहने छ ।
बर्जर पेन्ट्सको ‘बर्जर रङ्ग म्याजिकल अफर’ शुरु, विजेतालाई रेनल्ट क्वीड कार
काठमाडौं । बर्जर पेन्ट्सले एक नयाँ सिजनल उपहार योजना “बर्जर रङ्ग म्याजिकल अफर” शुरु गरेको छ । पेन्ट्सले प्रत्येक वर्ष झैं यस वर्ष पनि ग्राहकको घरलाई यो सिजनमा नगद पुरस्कारहरुले भरिपूर्ण बनाउन उक्त योजना शुरु गरेको हो । यस अभियानको लागि चर्चित नायक अनु्प विक्रमशाही र नायिका स्वस्तिमा खड्का सद्भावनादूत रहेका छन् । यस उपहार योजनामा बम्पर उपहारका एकजना भाग्यशाली विजेताले रेनल्ट क्वीड कार पुरस्कार प्राप्त गर्नेछन् । १०० भन्दा बढी विजेताहरुले नगद २५ लाख रुपैयाँसम्म जित्न सक्नेछन् । विज्ञहरुको एक निर्णायक मण्डल र सेलिब्रेटीको सम्हले चयन गरेका ५ भिन्न क्षेत्रकाउत्कृष्ट १० वटा रङ्गाइएका घरका घरधनीहरुले नगद १ लाख रुपैयाँसम्म र सानाशहरका २० वटा घरका घरधनीहरुले नगद २० हजार रुपैयाँसम्मनगद पुरस्कार जित्न सक्नेछन् । यसैगरी एक्सपि उत्पादनहरु र सेवा खरीद गर्दा ग्राहकले १०० वर्गफिट सिल्कइलुसन डिजाइनर फिनिसका साथै थप पक्का रिवार्ड प्राप्त गर्नेछन् । अन्य प्रमो ब्राण्डका ग्राहकहरुले पक्का रिवाड वापत् १०० वर्गफिट सिल्कइलुसन डिजाइनको अवसर पाउँनेछन् । यस उपहार योजनामा सहभागी बन्न ग्राहकले आफ्नो घरको रङ्ग रोगनकार्य शुरु गर्नु अघि टोल फ्रि नं. १६६०–०१–२३४३४(एनटिसी) वा ९८०१५७१००१ (एनसेल) माफोन गरेर अथवा?बर्जरश्र टाइप गरी ३३३७७माएसएमएस पठाएर आफूलाई दर्ता गराउनु पर्नेछ । एकपटक दर्ता कार्य पूरा भएपछि हरेक घरको लागि छुट्टाछुट्ट्ै एक विशेष दर्ता कोड फोन सम्पर्कको समयमावा स्वचालितएसएमएस प्रणाली मार्फत् उपलब्ध गराइनेछ । साथै जुरीज च्वाइस र पब्लिक च्वाइस (बर्जर फेसबुक पेजमाअपलोड भएका घरहरु मध्ये सबैभन्दा बढी लाइक्स पाउने घर) ले १० हजार रुपैयाँ नगद प्राप्त गर्नेछन् । यो योजना अन्तर्गत दर्ता गर्ने अवधि यही भदौ १५ गतेदेखि मंसिर १५ सम्म कायम गरिएको छ । साथै, घर रङ्गाउने कार्य यही पुष १५ गतेसम्ममा पूरा गरिसक्नु पर्ने कम्पनीले जनाएको छ ।
ललितपुर मोबाइल एक्स्पो सुरु, पहिलो दिनमै १० हजारद्धारा अवलोकन
ललितपुर । ललितपुर लगनखेलमा रहेको ललितपुर मल दोस्रो तल्लामा अवस्थित ललितपुर मोबाइल कम्प्लेक्सले आफ्नो दोस्रो वार्षिकोत्सवको अवसर पारेर आयोजना गरेको मोबाईल मेला आजदेखि शुरु भएको छ । यस मोबाइल मेला २०७४ एक कार्यक्रमका बीच सांसद मदन बहादुर अमात्यले उद्घाटन गरेका हुन् । आजदेखि शुरु भएको मोबाइल मेलाको पहिलो दिन करिब १० हजार व्यक्तिले अवलोकन गरेका छन् । उक्त एक्स्पो यहि भदौ २६ गतेसम्म आयोजना हुने भएको छ । ललितपुर मोबाइल कम्प्लेक्सका अध्यक्ष पुरुषोत्तम बस्नेतले नेपालमा नै पहिलो पटक नौलो अवधारणामा मल्टिब्राण्ड मोबाइल शोरुम संचालन गरिएको भन्दै कम्प्लेक्सको वार्षिकोत्सवको अवसर पारेर मोबाइल मेला गर्न लागिएको जानकारी दिए । अध्यक्ष बस्नेतले ग्राहकहरुलाई सूपथ मूल्यमा मोबाइल खरिद गर्ने वातावरण बनाउन मेला आयोजना गर्न लागिएको बताए । उनले कम्प्लेक्समा ग्राहकहरुलाई गुणस्तरीय मोबाइल फोनहरु तथा एसेसरिज मात्र बिक्री गरिने दाबी गरेका छन् । कार्यक्रममा ललितपुर मलका अध्यक्ष नेपाल डंगोलले आर्थिक गतिबिधि बढाउन यो मलले सहयोग गर्ने अपेक्षा गर्दै मल हरेक पुस्ताका ग्राहकहरुको लागि उपयुक्त रहेको बताए ।अन्तर्राष्ट्रियस्तरको नेपालको सबैभन्दा ठूलो मल्टिब्राण्ड मोबाइल शोरुम रहेको मोबाइल कम्प्लेक्सले ग्राहकहरुलाई मोबाइलसँग सम्बन्धित विभिन्न सेवा सुविधाहरु एकै स्थानबाट प्रदान गर्दै आएको छ । मोबाइल मेलामा न्यूनतम ९ सयदेखि १ लाख २५ हजार रुपैंयासम्मको ब्राण्डेड मोबाइल फोनहरु उपलब्ध हुनेछ । मेलाको अवधिभर कुनैपनि मोबाइल वा एसोसोरिज खरिदमा ५ देखि ७० प्रतिशतसम्मको नगद छुट ग्राहकले प्राप्त गर्नेछन् । मेलामा विभिन्न कम्पनीहरुले बजारमा आएका नयाँ स्मार्टफोनहरु पनि सार्वजनिक गरिने छ । यसअघिको एक्स्पोमा विभिन्न कम्पनीहरुले स्मार्टफोन लन्च गरेको र यो पटक पनि नेपालमा भित्रिएका विभिन्न नयाँ स्मार्टफोनहरु सार्वजनिक हुनेछन् । ललितपुर मलको दोस्रो तल्लामा कम्प्लेक्समा ४० भन्दा बढि मोबाइल शोरुम तथा आधिकारीक सर्भिस सेन्टर संचालनमा आईसकेएका छन् । त्यस्तै कम्प्लेक्समा सबैभन्दा ठूलो मल्टिब्राण्ड मोबाइल शोरुम संचालन गरिएको छ, जहाँ एकै पटक ४ हजारदेखि ५ हजार ग्राहकले सुविधा प्राप्त गर्न सक्नेछन् । मोबाइल मेलामा सामसुंग, हुवावे, जियोनी, आईफोन, एचटिसी, माइक्रोसफ्ट, डिटिसी, लाभा, कलर्स, ओप्पो, सोनी, वन प्लस ब्राण्डका फोनहरु उपलब्ध गराईनेछ ।
सेजनको अध्यक्षमा पुष्पराज आचार्य निर्वाचित, उपाध्यक्षमा प्रभात भट्टराई
काठमाडौं । नेपाल आर्थिक पत्रकार समाज (सेजन)को १८ औं साधारणसभाले पुष्पराज आचार्यको नेतृत्वमा नयाँ कार्य समिति चयन गरेको छ। सो सभाबाट सेजनको उपाध्यक्षमा प्रभात भट्टराई, महासचिवमा भीम गौतम, सचिवमा सुजन ओली र कोषाध्यक्षमा भागवत भट्टराई निर्वाचित भएका छन् । त्यस्तै कार्यसमितिको सदस्यमा एलिजा उप्रेती, हिमाल पौडेल, सागर घिमिरे, कृष्ण रिजाल र शिव बोहरा चयन भएका छन् । यसअघि अध्यक्षमा निर्वाचित आचार्य सेजनका उपाध्यक्ष थिए । महासचिव गौतम कोषाध्यक्ष थिए । सचिव ओली र कोषाध्यक्ष भट्टराई कार्यसमितिका सदस्य थिए । निर्वाचित भएपछि सम्बोधन गर्दै आचार्यले सेजन सबैको सामुहिक संस्था भएकाले सबै समेटेर लैजाने प्रतिबद्धता व्यक्त गरे ।
दसैंको अग्रीम टिकट बुकिङ भदौ २२ गतेदेखि खुल्ने, २० किलोभन्दा बढी झिटीगुन्टा राखेमा कारबाही
काठमाडौं । दसैंका लागि बसको अग्रीम टिकट बुकिङ भदौ २२ गते खुल्ने भएको छ । यातायात व्यवस्थापन विभाग, ट्राफिक प्रहरी तथा यातायात व्यवसायीको समन्वयमा चाडपर्वमा उपत्यका बाहिरिने यात्रुका लागि अग्रीम टिकट बुकिङ खुल्ने भएको हो । दसैंको दुई साता अगाडीदेखि बसको अग्रीम टिकट बुकिङ खोल्ने यातायात व्यवस्थापन विभागका महानिर्देशक रुपनारायण भट्टराईले जानकारी दिए । लामो दुरीका सवारीसाधनको अग्रीम टिकट बुकिङका लागि नयाँ बसपार्क र पुरानो बसपार्कबाट सुविधा दिने उनले बताए । उपत्यकाभित्र टिकट बुकिङमा हुने कालोबजारी नियन्त्रणका लागि अनुगमन गर्न विभाग, ट्राफिक प्रहरी, व्यवसायी उपभोक्तावादी संस्थाका प्रतिनिधी लगायतका पाँच जना टोली खटाइने भट्टराईले बताए । उपत्यका बाहिर अञ्चल कार्यालयबाट नै अनुगमन थाल्ने उनले बताए । उनले भने, ‘विभागको नेतृत्वमा विशेष टोली फिल्डमा जानेछन् । जसले अनुगमन टोलीको पनि अनुगमन गर्नेछन् ।’ नाडा अटो मोबाइल एसोसिएसनले बुकिङ काउण्टरमा सहायता कक्षको प्रबन्ध मिलाउन सहयोग गर्ने भट्टराईले बताए । सडक विभागले डोजर र क्रेनको व्यवस्था गर्ने सरकारले दसैंमा सवारी आवगमनका समयमा आकस्मिक पहिरो व्यवस्थापन गर्नका लागि डोजर तथा क्रेनको व्यवस्था गर्ने भएको छ । नारायणगढ-मुग्लिन सडकखण्डमा व्यापक पहिरोको जोखिम भएकाले यसको तत्काल व्यवस्थापन गर्न सडक विभागले डोजर र क्रेनको व्यवस्था गर्ने प्रतिबद्धता देखाएको भट्टराईले जानकारी दिए । झीटीगुन्टा बढी राख्न नपाइने दसैंमा सरकारले प्रति यात्रु २० किलो भन्दा बढी सामान बोक्ने व्यवसायीको इजाजत पत्र खारेज गर्ने भएको छ । दसैंमा यात्रुको चापमा गाडीमा ओभरलोडलाई निरुत्साहित गर्न यो व्यवस्था ल्याएको विभागका महानिर्देशक भट्टराईले बताए । दसैंमा घर जाने यात्रुले प्रति व्यक्ति २० किलो भन्दा बढी सामान बोक्न नपाइने उनले जानकारी दिए । उनले भने, ‘चालिस जना यात्रु ओगट्ने सिट क्षमता भएको गाडीमा २०/२० किलोको दरले सामान बोक्दा ८०० किलो पुग्न जान्छ । त्यसैले हामीले ओभरलोडलाई निरुत्साहित गर्न खोजेका हौं ।’ यातायात व्यवसायीले भने छतमा सामान राख्न पाउनुपर्ने अडान कायम राखेका छन् । नेपाल राष्ट्रिय यातायात व्यवसायी महासंघका अध्यक्ष डोलनाथ खनालले भने, ‘सरकारले भदौ २२ गते खोल्ने प्रस्ताव गरेको हो,’ उनले भने, ‘ हामीले छतमा यात्रुको सामान राख्ने व्यवस्था नभएसम्म टिकट नखोल्ने विचार राखेका छौं । यसमा सरकार केहि हदसम्म सकारात्मक देखिएको छ।’ महासंघका अनुसार दसैंमा उपत्यकाबाट ७० प्रतिशत मानिसहरु काठमाडौं बाहिरिने गरेका छन् । फुलपातीदेखि अष्टमीसम्म दैनिक तीन हजारका दरले यात्रुवाहक बस काठमाडौंबाट वाहिर जाने गरेको खनालले जानकारी दिए । गाडी भाडा नबढाउने यातायात व्यवसायीले सरकारसँग दसैंको मुखमा बस टिकटमा भाडा नबढाउने सहमती गरेका छन् । खनालले भने, ‘हामीले यस अघि मूल्य समायोजनका लागि प्रस्ताव ल्याएका थियौं । तर अब दसैंको मुखमा भाडा तलमाथी नगर्ने सहमती भएको छ ।’
कमलपोखरीको सिटी सेन्टर बन्द, व्यापारी र व्यवस्थापनबीच बिबाद
काठमाडौं । राजधानीको चर्चित मल सिटी सेन्टर बन्द भएको छ । कमलपोखरीमा रहेको उक्त मल व्यापारी र व्यवस्थापन बिच भाडामा बिबाद हुँदा बन्द भएको हो । बिना सुचना र एग्रिमेन्टको बेवास्ता गर्दै मल व्यवस्थापनले १० प्रतिशत भाडा बृद्धि गरेपछि बिबाद सुरु भएको हो । मलका व्यापारीले बढेको भाडा तिर्न नस्कने बताएपछि व्यबस्थापनले बत्तीको लाईन काटिदिएको एक व्यापारीले बताए । व्यापारीका अनुसार बढेको भाडा हामी दशै पछिबाट तिर्न तयार छौ, भन्दा पनि व्यवस्थापनले गुण्डागर्दी शैली अपनाएको आरोप व्यापारीको छ । व्यवस्थापन र व्यापारीको बिबादका कारण सिटी मलका हजारौं ग्राहक भने मारमा परेका छन् ।
सिटी एक्सप्रेसले ल्यायो चाडपर्व लक्षित उत्सव एक्सप्रेस अफर, ९० दिनसम्ममा कार जित्ने अवसर
काठमाडौं । सिटी एक्सप्रेस मनी ट्रान्सफर प्रालिले चाडपर्व लक्षित गरेर ग्राहकका लागि उत्सव एक्सप्रेस अफर ल्याएको छ । कम्पनीले उपभोक्तालाई लक्कि ड्र मार्फत ९० दिनसम्म उपहार दिने घोषणा गरेको छ । योजना अवधिभर सिटी एक्सप्रेस मार्फत मनी ट्रान्सफर गर्ने सम्पुर्ण सेवाग्राहीहरु सो योजनामा सहभागी हने कम्पनीले जनाएको छ । यो अफर भदौ १८ गतेदेखी मंसिर १५ गतेसम्म लागु हुने सिट एक्सप्रेसका प्रवन्ध निर्देशक चन्द्र टण्डनले जानकारी दिए । कम्पनीले लक्कि ड्र मार्फत दैनिक एक तोला चाँदीका सिक्का, क्याप, टी सर्ट, र किरिङ उपहार दिनेछ । साप्ताहिक रुपमा एकजना विजेताले ओप्पो मोबाइल र हरेक महिना लक्की ड्रमा विजयी हुने एक जनालाई एलजी रेफ्रिजेरेटर उपहार प्रदान गरिने रेमिटेन्स कम्पनीले जनाएको छ । योजनाको अन्तिम दिनमा विजेताले बम्पर उपहारका रुपमा रेनोल्टको क्विड आर.एक्स.एल कार जित्न सक्ने छन् । दैनिक, साप्तहिक तथा मासिक विजेताहरुसमेत बम्पर उपहारका लागि सहभागी गराउने कम्पनीले जानकारी दिएको छ । यो योजनाको विजेता छनौट गर्दा विद्युतिय प्रणाली अपनाउने कम्पनीले जनाएको छ ।
