जगदम्बा सिमेन्टले उत्पादन दोब्बर वृद्धि गर्ने, वीरगञ्जमा स्तरवृद्धि र भैरहवामा नयाँ उद्योग थप्दै
काठमाडौं । जगदम्बा सिमेन्ट उद्योगले उत्पादन क्षमता दोब्बर वृद्धि गर्न लागेको जनाएको छ । कम्पनीले विरगञ्जमा रहेको उद्योगको क्षमता विस्तार गर्न लागेको र भैरहवामा नयाँ उद्योग खोल्ने लागेको छ । कंम्पनीका प्रवन्धक निर्देशक विष्णुप्रसाद न्यौपानेका अनुसार कम्पनीले निकट भविष्यमा दैनिक १ लाख २० हजार बोरा सिमेन्ट उत्पादन गर्ने तयारी थरिरहेको छ । उनका अनुसार शुभश्री जगदम्बा सिमेन्टले हाल प्रतिदिन २४ हजार बोरा उत्पादन गर्दैै आएकोमा निकट भविश्यमा नै प्रतिदिन ५२ हजार बोरा सिमेन्ट उच्पादन गर्न लागेको छ । त्यसैगरी कम्पनीले चाँडैनै तेस्रो उद्योग रुपन्देहीमा स्थापना गरी हरेक दिने ६० हजार बोरा बोरा प्रतिदिन उत्पादन थप्ने कार्य अगाडि बढिसकेको छ । आगामी दिनहरुमा जगदम्बा सिमेन्टले प्रतिदिन १ लाख १२ हजार बोरा उत्पादन पुरयाउने लक्ष्य लिएको न्यौपानेले बताए । उत्पादन क्षमता वृद्धिसँगै कम्पनीले विश्वको उच्चस्तरीय प्रविधि एफएलस्मीथ, डेनपार्कको भर्टिकल रोलर मिल प्रयोग गरेको उनले बताए । नयाँ प्रविधिको प्रयोगसँगै शुभश्री जगदम्बाबाट उत्पादन हुने ओपीसी तथा पीएससी सिमेन्ट अबका दिनहरुमा अझ बढी गुणस्तर तथा उपभोक्तामैत्री हुने उनले बताएका छन् । यही असोज २८ गते विरगञ्जमा आयोजित कम्पनीले आफ्ना डिलर तथा च्यानल पार्टरको सम्मेलनमा कम्पनीले क्षमता विस्तार गर्न लागेको बारेमा न्यौपानेले कम्पनीको योजना सार्वजनिक गरेका हुन् । कम्पनीले हाल १० भन्दा बढी ब्राण्ड उत्पादन गर्दै आएको र ६०० भन्दा बढी च्यानल पार्टनरहरु रहेको जनाएको छ । करिब २०० भन्दा बढी च्यानल पार्टर उपस्थिति रहेको उक्त कार्यक्रममा जगदम्बा सिमेन्टकोका अध्यक्ष शंकरलाल अग्रवाल, प्रवन्ध निर्देशक बिष्णुप्रसाद न्यौपाने, कार्यकारी निर्देशक राजेश अग्रवालले च्यानल पार्टनरहरुलाई विभिन्न पुरस्कारद्धारा सम्मान गरेका छन् । उक्त कार्यक्रममा कम्पनीका कार्यकारी निर्देशक राजेश अग्रवालले हाम्रो घर मोवाईल एपद्धारा कम्पनीका च्यानल पार्टनर लगायत उपभोक्तालाई पनि सहज र सर्वसुलभ रुपमा सेवा प्रदान गर्नेमा कम्पनी कटिबद्ध रहेको र भावी दिनहरुको आफ्ना संजाल उद्योग, प्रविधी तथा सुविधालाई अझ बढी सशक्त र प्रभावकारी बनाउदै नेपालकै अर्थतन्त्रमा ठूलो योगदान गर्ने धारणा राख्दै आगामी दिनहरुमा पनि यस्ता कार्यक्रमहरुको ऋखला रहिरहने बताए ।
नेप्सेमा ९ कम्पनीले बुझाए नविकरण शुल्क, अझै ३३ कम्पनीको बाँकी
काठमाडौं । नेपाल स्टक एक्सचेञ्ज लिमिटेड (नेप्से)मा सूचिकृत भई नियमित कारोबार गरिरहेका मध्ये ९ वटा कम्पनीले बुधबार वार्षिक नविकरण शुल्क बुझाएका छन् । बोटलर्स नेपाल लिमिटेड र बोटलर्स नेपाल तराई लिमिटेडलगायत ९ वटाले नविकरण शुल्क बुझाएका छन् । नियमित कारोबार गरिरहेका मध्ये ७ वटाले अझै बुझाउन बाँकी रहेको नेप्सेका प्रवत्ता मुराहरि पराजुलीले बताए । नविकरण शुल्क बुझाउने अन्तिम दिन मंगलबार नियमित कारोबार गर्ने १६ कम्पनीले नबुझाएका थिएनन् । शुल्क नबुझाएपछि बुधबारदेखि कारोबार रोक्का भएको छ । शुल्क बुझाउनेको मात्र कारोबार खुलेको छ । नेप्सेमा सुचिकृत मध्ये १९ वटा कम्पनीको सेयर कारोबार यसअघि नै बन्द भएको थियो । कात्तिक १ गतेदेखि थप २३ वटा कम्पनीको सेयर कारोबार बन्द हुने भएको थियो । पुरानो समेत गरी अब ३३ कम्पनीले नविकरण शुल्क बुझाउन बाँकी छ । धितोपत्र कारोबार नियमावलीको अनुसूचि ९ अनुसार नेप्सेमा सूचिकृत सबै कम्पनीहरुले प्रत्येक वर्ष असोज मसान्तसम्ममा सूचिकरण नविकरण शुल्क बुझाउनु पर्ने व्यवस्था छ । सोही व्यवस्था अनुसार नेप्सेले गत भदौ १२ गते सूचिकृत सबै कम्पनीलाई सूचिकरण नविकरण शुल्क बुझाउन पत्राचार गरेको थियो । लामो समयदेखि सूचिकरण नविकरण नगरेका र सेयर कारोबार बन्द भएको कम्पनीहरुमा क्यापिट मर्चेन्ट बैंक एण्ड फाइनान्स, हिमालयन फाइनान्स, अरुण बनस्पती उद्योग, विराट शुज, बुटबल धागो कारखाना, फ्यूर हिमालयन, गोरखकाली रवर उद्योग, हरिसिद्धि ईटा तथा टायल कारखाना, ज्योति स्पीनिङ मिल्स, नेपाल विटुमिन तथा व्यारेल उद्योग, भृकुटी कागज उद्योग, नेपाल ट्रेडिङ लिमिटेड, नेपाल वायर हाउस कम्पनी रहेका छन् । यी मध्ये क्यापिटल मर्चेन्ट, हिमालय फाइनान्स, विराट सुज, बुटबल धागो, हरिसिद्धी इँटा, ज्योति स्पिनिङ मिल्स, भृकुटी, नेपाल ट्रेडिङ र नेपाल वायर कम्पनी बन्द भइसकेका छन् ।
साल्ट ट्रेडिङको एक लाख कित्ता बोनस सेयर नेप्सेमा सूचिकृत
काठमाडौं । बुधबार साल्ट ट्रेडिङ करपोरेसनको बोनस सेयर नेपाल स्टक एक्स्चेञ्ज(नेप्से)मा सूचिकृत भएको छ । कम्पनीको एक लाख ६४ हजार १४४ कित्ता बोनस सेयर नेप्सेमा सुचिकृत भएको छ । काठमाडौंमा केन्द्रिय कार्यालय रहेको यस कम्पनीको चुक्ता पूँजी ९ करोड ८१ लाख रुपैयाँ रहेको छ । बुधबार कम्पनीको सेयर मूल्य प्रतिकित्ता २४६ रुपैयाँ रहेको छ ।
मेलम्चीबासीले २५ प्रतिशत रोयल्टी पाउने
काठमाडौं । मेलम्ची खानेपानी आयोजना प्रभावित क्षेत्रका नागरिकहरुले २५ प्रतिशत रोयल्टी पाउने भएका छन् । व्यवस्थापिका संसदको असोज २० गते पास गरेको अन्तर सरकारी वित्त व्यवस्थापन ऐन, २०७४ ले मेलम्चीबासीका लागि २५ प्रतिशत रोयल्टी ग्यारेण्टी गरिदिएको हो । राष्ट्रपति विद्यादेवी भण्डारीले लाल मोहर लगाईसकेकी छिन् । ऐन कार्यान्वयनमा आएसँगै मेलम्चीबासीले आयोजनाबाट २५ प्रतिशत रोयल्टी पाउनेछन् । अन्तर सरकारी वित्ति व्यवस्थापन ऐनले पानी तथा अन्य प्राकृतिक श्रोतको उपयोग वापत स्थानीय तहले २५ प्रतिशत रोयल्टी पाउने व्यवस्था गरेको छ । मेलम्ची आयोजनाको प्रभावित क्षेत्रमा पर्ने स्थानीय तहले सो रोयल्टी पाउनेछ र सो क्षेत्रको विकासमा खर्च गर्न सक्नेछन् । मेलम्चीबासीले न्युनतम १३ देखि २५ प्रतिशतसम्म रोयल्टी पाउनुपर्ने माग गर्दै आएका थिए । मेलम्ची खानेपानी आयोजना विकास बोर्डका कार्यकारी निर्देशक रामचन्द्र देवकोटाले पनि ऐनमा गरिएको रोयल्टी सम्बन्धी व्यवस्था कार्यान्वयन हुने बताए । ‘मेलम्चीबासीलाई कति रोयल्टी दिने भन्नेबारे अध्ययन गर्न समिति पनि गठन भएको थियो, त्यसले अध्ययन गरेर प्रतिवेदन पनि बुझाएको छ, तर ऐनमै व्यवस्था भैसकेपछि भने कार्यान्वयनमा जान्छ’, कार्यकारी निर्देशक देवकोटाले भने । ऐनले पानी तथा अन्य प्राकृतिक श्रोतहरुको उपयोग वापत केन्द्र सरकारले ५०, प्रदेश सरकारले २५ र स्थानीय सरकारले २५ प्रतिशत रोयल्टी पाउने व्यवस्था गरेको छ । मेलम्ची आयोजनाले सुरुमा प्रभावित स्थानीय नागरिकको सामाजिक उत्थानका लागि मात्रै काम गर्न सकिने भनेको थियो । पछि रोयल्टी कति दिने भन्नेबारे अध्ययन गरेको थियो । कानुनमै २५ प्रतिशत रोयल्टी दिनुपर्ने व्यवस्था आएपछि भने मेलम्ची आयोजना प्रभावितको जीवनस्तर उकास्न ठुलो योगदान पुग्ने सो क्षेत्रका निवर्तमान सांसद शेर बहादुर तामाङले बताए ।
दुध उत्पादन र बजारिकरणको आधारमा सरकारले किसानलाई अनुदान दिने
काठमाडौं । पशु सेवा विभागले दुध उत्पादन तथा बजारीकरणका आधारमा पाइलट कार्यक्रमको आयोजना गरी कृषकलाई अनुदान दिने भएको छ । दुग्ध उत्पादक सदस्यलाई अनुदान कार्यक्रममा सहभागि हुन १५ दिनको सुचना प्रकाशन गरेको छ । सहकारीको मापदण्ड अनुसार दैनिक कम्तिमा ३०० लिटर दुध संकलन र वार्षिक कम्तिमा २०० दिनसम्म दुधको कारोबार गर्ने गरेको हुनुपर्ने छ । यस्तै दैनिक संकलित दुध दुग्ध उत्पादक सहकारी संस्था आफैले प्रशोधन गरी वा उद्योगलाई विक्री गरी दुध वा दुग्धजन्य पदार्थको बिक्रीवितरणको प्रवन्ध गरेको, गत वर्ष छनोटमा परी अनुदान प्राप्त गरेका सहकारी संस्थाहरुको हकमा कम्तिमा १० प्रतिशत दुध संकलन वृद्धि गरेको हुनुपर्ने विभागले जनाएको छ ।
५ अर्ब ९८ करोडको हकप्रद सेयर आउँदै, १४ कम्पनीले पाए बोर्डको अनुमति
काठमाडौं । सेयर बजारमा विभिन्न बैंक तथा वित्तीय संस्थाको ५ अर्ब ९८ करोड ३७ लाख रुपैयाँ बराबरको हकप्रद सेयर आउने भएको छ । बजारमा १४ वटा कम्पनीले धितोपत्र बोर्डबाट सो मात्राको हकप्रद सेयर निष्कासन गर्न अनुमति पाइसकेका छन् । बोर्डको अनुमति पाएअनुसार ९ वटा विकास बैंक, ४ वटा फाइनान्स र एक वाणिज्य बैंक गरी १४ वटा संस्थाले आफ्नो चुक्ता पूँजी वृद्धि गर्न बजारमा हकप्रद सेयर निष्काशन गर्न लागेका हुन् । १. मुक्तिनाथ विकास बैंकः मुक्तिनाथले १० बराबर ४को अनुपातमा ६१ लाख ७० हजार ८६५ कित्ता हकप्रद सेयर निष्कासन गर्ने भएको छ । बैंकले बिक्री प्रवन्धक एनआईबीएल क्यापिटल मार्केटबाट ६१ करोड ७० लाख रुपैयाँ बराबरको हकप्रद सेयरको बिक्री गर्न लागेको हो । २. जेबिल्स फाइनान्स लिमिटेडः जेबिल्सले पनि शतप्रतिशत हकप्रद सेयर निष्कासन गर्न अनुमति पाएको छ । कम्पनीले २८ करोड ८९ लाख रुपैयाँ बराबरको २८ लाख ८९ हजार ५६२ कित्ता हकप्रद सेयर निष्कासन गर्ने भएको छ । बैंकको बिक्री प्रवन्धकमा सनराइज क्यापिटल रहेको छ । ३. आरएसडीसी लघुवित्त वित्तीय संस्थाः आरएसडीसी लघुवित्त वित्तीय संस्थाले पनि चुक्ता पुँजी वृद्धि गर्न १ बराबरको २ को अनुपातमा २३ लाख कित्ता सेयर जारी गर्ने भएको छ । कम्पनीको सेयर निष्कासन तथा बिक्री प्रवन्धकमा एनआइबीएल क्यापिटल मार्केट लिमिटेड रहेको छ । ४. बेस्ट फाइनान्स लिमिटेडः फाइनान्सले १२५ प्रतिशत हकप्रद सेयर निष्कासन गर्न बोर्डको अनुमति पाएको छ । फाइनान्सले १६ करोड ५२ लाख रुपैयाँ बराबरको १६ लाख ५२ हजार ८५० कित्ता सेयर सर्वसाधारणलाई बिक्री गर्न लागेको हो । कम्पनीले बिक्री प्रवन्धक ग्लोबल आइएमई क्यापिटल मार्फत सो मात्राको हकप्रद सेयर निष्कासन गर्दै छ । ५. किसान माइक्रोफाइनान्स वित्तीय संस्थाः यस कम्पनीले ७८ लाख रुपैयाँ बराबरको ७८ हजार कित्ता हकप्रद सेयर जारी गर्ने भएको छ । कम्पनीले बिक्री प्रवन्धक सिभिल क्यापिटल मार्केट मार्फत २४.२२ प्रतिशत हकप्रद सेयर बजारमा बिक्री गर्ने भएको छ । ६. समीट माईक्रोफाइनान्स डेभलपमेन्ट बैंकः यस बैंकले शतप्रतिशत हकप्रद सेयर बिक्री गर्न बोर्डको अनुमति पाएको छ । कम्पनीले ७ करोड २५ लाख रुपैयाँ बराबरको ७ लाख २५ हजार कित्ता सेयर सानिमा क्यापिटल मार्फत निष्कासन गर्न लागेको हो । ७. एक्सेल डेभलपमेन्ट बैंकः बैंकले ५० प्रतिशत हकप्रद सेयर निष्कासन गर्ने भएको छ । बैंकले १९ लाख २२ हजार कित्ता हकप्रद निष्कासन गर्न बिक्री प्रवन्धकमा एस क्यापिटललाई नियुक्त गरेको छ । ८. मेगा बैंकः बैंकले सेयरधनीलाई ६५ प्रतिशत हकप्रद सेयर निष्कासन गर्ने भएको छ । बैंकले २ अर्ब ९७ करोड ८५ लाख रुपैयाँ बरारबको हकप्रद नविल इन्भेष्टमेन्ट बैंकिङ मार्फत निष्कासन गर्न बोर्डको अनुमति पाएको छ । ९. ओम डेभलपमेन्ट बैंकः ओमले पनि ३० प्रतिशत हकप्रद सेयर निष्कासन गर्न अनुमति पाएको छ । बैंकले एनआईबीएल क्यापिटल मार्फत ४९ करोड ३१ लाख रुपैयाँ बराबरको सेयर जारी गर्दै छ । १०. गुहेश्वरी मर्चेन्ट बैंकिङ एण्ड फाइनान्सः गुहेश्वरी मर्चेन्ट बैंकिङले ४० प्रतिशत हकप्रद सेयर एनआईबीएल क्यापिटल मार्फत निष्कासन गर्ने भएको छ । कम्पनीले १९ करोड ७३ लाख रुपैयाँ बराबरको १९ लाख ७३ हजार कित्ता सेयर बजारमा ल्याउँदै छ । ११. नेपाल कम्युनिटी डेभलपमेन्ट बैंकः बैंकले १२० प्रतिशत हकप्रद सेयर एनआईबीएल क्यापिटल मार्केट मार्फत जारी गर्ने भएको छ । कम्पनीले २६ करोड ४३ लाख रुपैयाँ बराबरको सेयर निष्कासन गर्न बोर्डको अनुमति पाएको छ । १२. भार्गव विकास बैंकः बैंकले ८० प्रतिशत हकप्रद निष्कासन गर्दै छ । बैंकले एनएमबी क्यापिटल मार्फत २१ करोड १२ लाख रुपैयाँ बराबरको सेयर जारी गर्ने भएको छ । १३. माउन्ट मकालु डेभलपमेन्ट बैंकः बैंकले चुक्ता पुँजी वृद्धि गर्न ५० प्रतिशत हकप्रद सेयर निष्कासन गर्ने भएको छ । कम्पनीले ३ करोड ४५ लाख ८० हजार रुपैयाँ बराबरको ३ लाख ४५ कित्ता सेयर एनआईबीएल क्यापिटल मार्फत बिक्री गर्ने लागेको हो । १४. रिलायन्स फाइनान्सः रिलायन्स फाइनान्सले पनि कम्पनीको चुक्ता पुँजी वृद्धि गर्न ४५ प्रतिशत हकप्रद जारी गर्न अनुमति पाएको छ । हकप्रद निष्कासन गर्न सनराइज क्यापिटललाई आफ्नो बिक्री प्रवन्धक तोकेको छ । १० अर्ब ६० करोडको हकप्रद सेयर पाइपलाइनमा धितोपत्र बोर्डमा विभिन्न बैंक, वित्त, बीमा, जलविद्युत र उत्पादनमुलक गरी १५ कम्पनीले हकप्रद सेयर निष्कासनका लागि आवेदन दिएका छन् । चालु आर्थिक वर्ष शुरु भए पश्चात हालसम्म कुल १० अर्ब ६० करोड ३७ लाख रुपैयाँ बराबरको १० करोड ६० लाख ३७ हजार ४२९ कित्ता सेयर पाइपलाइनमा छन् ।
सेयर बजार ९ अंकले उकालो, सबै समूह हरिया
काठमाडौं । बुधबारको सेयर बजार ९ दशमलब १७ अंकले उकालो लागेर १५६८ अंकमा पुगेको छ । सामान्य अंकले उकालो लागेको बजारमा ४३ करोड २५ लाख रुपैयाँ बराबरको सेयर कारोबार भएको छ । सो दिन १४५ कम्पनीको ११ लाख ११ हजार कित्ता सेयर किनबेच भएको छ । बजारमा सबैभन्दा बढी नेशनल लाइफ इन्स्योरेन्सको प्रमोटर सेयर बिक्री भएका छन् । बुधबार यस कम्पनीको ४ करोड ४० लाख रुपैयाँ बराबरको प्रमोटर सेयर किनबेच भएको छ । त्यस्तै, चिलिमे हाइड्रोपावर कम्पनीको ३ करोड रुपैयाँ बराबरको सेयर कारोबार भएको छ । कारोबार भएका ८ समूह: बुधबार कारोबार भएका ८ वटै समूहको परिसूचक हरिया भएका छन् । सबैभन्दा बढी बीमा समूहको परिसूचक ९७ अंकले उकालो लागेको छ । त्यस्तै, विकास बैंक र हाइड्रोपावर समूहको परिसूचक क्रमशः १४ र ११ अंकले वृद्धि भएका छन् भने बाँकी समूहको परिसूचक सामान्य अंकले बढेका छन् । सो दिन न्याङ्दी ग्रुप पावर र बरुण हाइड्रोपावर कम्पनीको सेयर मूल्य क्रमशः ५.२२ र ५.०३ प्रतिशत बढेको छ । बुधबार बेष्ट फाइनान्स कम्पनीका लगानीकर्ताले करिब ९ प्रतिशत गुमाएका छन् ।
उपभोक्ता रुवाउने प्याजको भाउ दुई सातामा ४७ प्रतिशतले महंगियो, हरियो तरकारी पनि छोइनसक्नु
काठमाडौं । भान्सामा सबैभन्दा बढी उपभोग हुने प्याजको भाउ बढेको छ । भारतबाट पर्याप्त मात्रामा प्याज नआएपछि यसको मूल्य ४७ प्रतिशतले बढेको हो । समितिका अनुसार अहिले बजारमा प्याज प्रति किलो ५९ रुपैयाँमा किनबेच भइरहेको छ । दुई साताअघि यसको भाउ प्रति किलो ४१ रुपैयाँ थियो ।प्याजमा नेपाल भारतमै निर्भर रहेकाले यसको मूल्यलाई आन्तरिक उत्पादनले प्रभाव नपार्ने डंगोलले बताए । उनले भने, ९५ प्रतिशत प्याज भारतबाटै आयात हुन्छ । अहिले भारतबाट प्याज निकै कम मात्रामा आइरहेको छ । व्यापारीले कोल्ड स्टोरमा भएका प्याजलाई बिक्री गरिरहेका छन् । उपत्यका भित्रिने तरकारी मध्ये ५० प्रतिशत भारतबाट आयात हुने गरेको समितिले जानकारी दिएको छ । बजारमा पाइने तरकारीको आधा मात्र नेपालमा उत्पादन हुने गरेको डंगोलले बताए । आलु, प्याज तथा परवरमा नेपाल भारतमै निर्भर रहेको उनले बताए । कालिमाटी आउने तरकारीहरु उपत्यकाको छिमेकी जिल्ला धादिङ, मकवानपुर, नुवाकोट, काभ्रे, सिन्दुली तथा तराईका जिल्लामा उत्पादन हुन्छन् । हरियो तरकारी पनि महंगियो तिहार नजिकीदै गर्दा अन्य हरियो तरकारीको भाउ पनि आकाशिएको छ । चाडपर्वमा तरकारीको खपत बढ्ने भएकाले तरकारीको भाउ बढेको हो ।दुई सातामा तरकारीको भाउ १६३ प्रतिशतसम्मले बढेको कालिमाटी फलफुल तथा तरकारी बजार विकास समितिले जानकारी दिएको छ । चाडपर्वमा उपभोक्ताको माग बढ्ने र आपुर्ति कम हुनेभएकाले तरकारीको भाउ बढ्दै गएको समितिका योजना अधिकृत रमेश डंगोलले बताए । उनले भने, ‘चाडपर्वमा तरकारीको उपभोग उल्लेखनिय रुपमा बढ्छ । आपूर्तिभन्दा तरकारीको मागबढेकाले तरकारीको भाउ बढ्न गएको हो ।‘कालिमाटीमा दैनिक ७०० टन बराबर तरकारी आयात भइरहेको उनले जानकारी दिए । चाडपर्वको मौका छोप्दै खुद्रा व्यापारी चाडपर्वको मौका छोप्दै खुद्रा व्यापारीले तोकिएको भन्दा बढी मूल्य लिन भएकाले तरकारी भाउ महंगीने गरेको छ । चाडपर्वमा तरकारीको माग बढ्ने भएकाले खुद्रा व्यापारीले यसको फाइदा उठाउने गरेका छन् । थोक बजारमा पाइने तरकारीलाई उपभोक्ताले खुद्रा ४० देखि ६० प्रतिशतभन्दा बढी मूल्य तिर्दै आएको डंगोलले बताए । कुनमा कति बढ्यो ? अहिलेका सिजनका तरकारी काउली, बन्दा, मटरकोसा लगायतका रहेका छन् । कागतीको मुल्य िकलाेकाे ६ सय रुपैयाँ भन्दा माथि पुगेको छ भने कुरिलोको मुल्य ४ सय भन्दा माथि तथा गुन्द्रुको मुल्य २ सय रुपैयाँबाट नाघेको छ त्यसैगरी, काउली सिजनको तरकारी भएर पनि दुई हप्ताको तुलना गर्दा स्थानीय काउलीको थोक मुल्य ५० प्रतिशतले वृद्धि भएको छ । प्रतिकिलो ५२ रुपैयाँ थियो भने अहिले ७८ रुपैयाँ पुगेको संघले जानकारी दिएको छ । सेतो मुलाको थोक मुल्य प्रति किलो २२ रुपैयाँ थियो अहिले ३३ रुपैयाँ भएको छ । दुई हप्ताको तुलनात्मक तथ्यांक हेर्दा यसमा ५० प्रतिशतले वृद्धि भएको छ । त्यसैगरी, ठुलो गोल्भेडाको भाउ प्रति किलो ४७ रुपैयाँबाट बढेर ६२ रुपैयाँ पुगेको छ । यसमा ३१.९१ प्रतिशतले वृद्धि भएको छ । सानो गोल्भेडाको भाउ २२ रुपैयाँबाट ५८ रुपैयाँ पुगेको छ । यसमा १६३.६४ प्रतिशतले वृद्धि भएको देखिन्छ । प्याजको भाउ बढेर प्रतिकीलो ४१ रुपैयाँबाट ५९ रुपैयाँ पुगेको छ । यो ४३.९० प्रशितले बढेको छ । रातो आलुको भाउ भने स्थिर अवस्थामा प्रति किलो ३९ रुपैयाँ रहेको छ भने सेतो आलुको भाउ घटेर २९ रुपैयाँबाट २८ रुपैयाँमा झरेको छ । यो ३.४५ प्रतिशतले सस्तो हुन गएको छ । घिउ सिमी, भन्टा लाम्चो, भटमासकोशा, तितो करेला लगायतका तरकारीमा भाउ बढेको छ । अहिलेको सिजनका तरकारीमा स्कुसको भाउ घटेर प्रतिकीलो १३ रुपैयाँबाट ९ रुपैयाँमा झरेको छ । यसमा ३०.७७ प्रतिशतले मुल्य घटेको छ । च्याउ प्रतिकीलो १४५ रुपैयाँबाट १२५ रुपैयाँमा झरेको छ । यसमा ३०.७७ प्रतिशतले मुल्य तल झरेको छ । त्यसैगरी, बरेला प्रतिकीलो ७८ रुपैयाँबाट ४८ रुपैयाँ भएको छ । यसमा ३८.४६ प्रतिशतले मुल्य घटेको छ ।
