आपूर्ती मन्त्रालयकोअनुगमन टोलीमाथि व्यवसायीको अवरोध, केहि स्टोरमा सिलबन्दी
काठमाडौं ६ भदौ। अाइतवार अनुगमन गर्न पुगेको आपूर्ति मन्त्रालयको टोलीलाई नयाँबजारका एक व्यवसायीले धम्क्याएका छन्। सोमबार अर्गानिक किचेन मार्टमा अनुगमन टोलीले किरा लागेका तथा म्याद नाघेका सामानहरु बिक्री गरिरहेकै अवस्थामा फेला पार्यो । अनुगमन टोलीमा मन्त्रालयका उपसचिव तथा टोली संयोजक कपिल प्रसाद रेग्मी सहित उपभोक्ता अधिकारकर्मी, प्रहरी र सञ्चारकर्मी थिए । श्रेष्ठले संयोजकमाथि नै अभद्र व्यवहार गरेपछि अनुगमन टोली र व्यवसायीबीच एक घण्टा चर्काचर्की भएको थियो । टोलीले अनुगमनका क्रममा अर्गानिक किचेन मार्टमा अधिकांश सामान म्याद नाघेका, लेबल नखुलाइएका तथा किरा लागेका भेटिएपछि सिलबन्दी गर्ने निर्णय गरेको थियो। सोमबार आपूर्ति मन्त्रालयको संयोजकत्वमा गएको अनुगमन टोलीले चार वटा स्थानमा अनुमन गरेको थियो। जस मध्ये दुईवटा स्टोरहरुमा सिलबन्दी गरेको छ। राजधानीको कलंकीमा रहेको सिजी मार्टमा लेबल नलगाइएका तथा म्यादा नाघेका सामानहरु फेला परेका थिए। टोलीले उक्त मार्टबाट सामान जफत गरि सुधारका लागि निर्देशन दियो।
२४ रुपैयाँको पेटीलाई १२ सयमा विक्री, उपभोक्तामाथि चरण ठगी
काठमाडौं ६, भदौ । व्यापारीले उपभोक्तालाई ठग्ने गरेको, बजारमा खुद्रा पसलमा जाँदा उपभोक्ता ठगिने गरेको गुनासो आइरहदाँ सरकार भने सधै मौन नै बस्ने गरेको घटना नेपालको लागि नयाँ होइन । पटकपटक उपभोक्ता ठगीएको गुनासो आउने गरेपनि ठगी गर्ने व्यवसायीमाथि कारवाही नहुँदा व्यवसायी मनोवल बढ्दैजाँदा उपभोक्ता ठगिने क्रमपनि रोकिएको छैन । आपूर्ति मन्त्रालयले अनुगमन गर्दा व्यवसायीले २४ रुपैयाँमा किनेको पेटीलाई १२ सय रुपैयाँ लिएको फेला परेको छ । महाराजगन्जको सेलवेज डिपार्टमेन्ट स्टोरले २४ रुपैयाँमा किनेको पेटीलाई १२ सय रुपैयाँ लिएको सरकारी अनुगमन टोलीले फेला पारेको छ । हरेक अनुगमनमा कुन नै कुनै कर्तुत फेला पर्ने गरेको भएपनि सरकारी अनुगमन भने प्रभावकारी हुन सकेको छैन । उपभोक्ता ठगी गर्ने यस्ता फेन्सि पसलले हजारौं प्रतिशत नाफा लिएर सामान विक्री गर्ने गरेको आपूर्ति मन्त्रालयका प्रवक्ता आनन्द रेग्मीले बताए । उनका अनुसार दैनिक उपभोग्य बस्तुको तुलनामा फेन्सी पसल र लत्ता कपडामा अचाक्ली मूल्य लिने गरेको पनि उनले सुनाए । यस्तो चर्को मूल्य लिने सेलवेजलाई कारवाही गर्न मन्त्रालयले प्रक्रिया भने अगाडि बढाएको जानकारी दिएको छ । व्यपारिले ३७५ रुपैयाँको पाइन्टलाई २६ सय १० रुपैयाँ लिएको, ८५० को चस्मालाई ४४ सय ५० लिएर विक्री गरेको भेटिएको पनि अनुगमनमा सँगै गएका उपभोक्ता अधिकार अनुसन्धान मन्चका अध्यक्ष माधव तिमिल्सिनाले बताए ।
तपाईको स्मार्टफोनको व्याट्री चाँडै सकिन्छ, यी एपहरु नराख्नुहोस्
काठमाडौं ६ भदौ। स्मार्टफोन चलाउनुहुन्छ, यी एपहरु धेरै रहेका छन् भने तपाइको स्मार्टफोनले चाँडो र धेरैमात्रामा व्याट्रीको खपत गरिरहेका हुन्छन जसका कारण मोवाइलको व्याट्री सकिन्छ। आजभोलि स्मार्टफोन प्रयोगकर्ताको सवैभन्दा चासोको विषय भनेको नै व्याट्री हुने गरेको छ। यद्यपी स्मार्टफोनको व्याट्री टिक्ने र नटिक्ने कुरा यसको बनावट र स्पेसिफिकेसमा निर्भर रहेको हुन्छ। यसमा हामीले प्रयोग कति गर्छौ भन्ने मूख्य कुरा हो। स्मार्टफोनको धेरै व्याट्री डकुमेन्ट इडिट, म्युजिक र भिडियो स्ट्रिम, गेम खेल्दा र इन्टरनेटसंग कनेक्टेड भइरहदा धेरै खर्च हुने गरेको छ। तर यो कुरा गरिरहँदा अरु एपहरुलेचाहि व्याट्री नसक्ने भन्ने होइन, यी एपहरुले अरु एपको तुलनामा धेरै व्याट्रीको खपत गर्छन्। यी एपहरु हुन् धेरै व्याट्री खपत गर्ने १. फोटो इडिटिङ सम्वन्धि एपहरु यदि तपाई फोटोग्राफीमा सैखिन हुनुहुन्छ र तत्काल फोटो खिचेर इडिट गरी सोसियल मिडियामा अप्लोड गर्नुहुन्छ भने तपाइ यो नसोच्नुस तपाइको स्मार्टफोनको व्याट्रिले पुग्छ। त्यसका लागि तपाइलाई पोर्टेवल पावर बैंकको आवश्यकता पर्दछ। सामान्यतया फोटो इडिटङ एपहरु साइजमा पनि ठूला हुन्छन् र यीनिहरुलाई प्रोसेसिङ गर्दा पनि धेरै पावर लाग्छ। जसका कारण तपाइको स्मार्टफोनको व्याट्री चाँडै सकिन्छ। २. सोसियल मिडिया एप फेसवुक, ट्विटर लगायत एपहरु संसारकै सवैभन्दा पपुलर एपमा पर्दछन्। र यसका साथै यीनिहरु सवैभन्दा धेरै व्याट्री खपत गर्ने एपहरुमा पनि पर्दछन्। यी एपहरु चल्दा व्याकग्राउन्डमा सेन्ड नोटिफिकेसन पठाइरहेका हुन्छन्। फेसवुकमात्र हैन, मेसेन्जरले पनि धेरैमात्रामा व्याट्रीको खपत बढाइरहेको हुन्छ। अरु धेरै व्याट्री खपत गर्ने एपहरुमा स्न्यापच्याट, स्काइपी र इन्टाग्राम पर्दछन्। ३. इन्टरनेट व्राउजर एप तपाइले स्मार्टफोनको व्याट्री धेरै टिकाउनु छ भने डिफल्ट भएर आएको व्राउजर नै चलाउनु बेस हन्छ र अरुलाई हटाइदिदा हुन्छ। केहि व्राउजरहरुमा धेरै फिचरहरु रहेको हुन्छ। जस्तै स्कोरवोर्ड, सोसियल मिडिया नोटिफिकेसन लगायत वेभ नोटिफिकेसन। यीनिहरु व्याकग्राउन्डमा एक्टिभ रहेका हुन्छन् भने तीनिहरुले व्याकग्राउन्ड एप र व्याट्री खपत गरिरहेका हुन्छन्। ४. गेमिङ एप स्मार्टफोनवाट एपहरु हटाउन समस्या त पर्छ तर सवैभन्दा धेरै व्याट्री खपत गर्नेमा गेमिङ एप पर्दछ। यसमा पनि थ्रिडी एनिमेसन गरेका एपहरुले धेरै खपत गर्छन्। जस्तै क्लास अफ क्लान्स, एजफाल्ट, इनजस्टिस,मोडेम कम्व्याट लगायत ड्रिल गर्ने एपहरुले धेरै व्याट्री खपत गरेको पाइएको छ। अझ भर्खरै मात्र लन्च भएको पोकमेन गोले पनि धेरै व्याट्री खपत गर्छ। तपाइले यस्ता गेमहरुलाई हटाउन गार्हो पर्दछ तर यीनिहरुलाई स्टप गर्न भने मिल्छ। तर यीनिहरु इन्टरनेटको पहुचमा पुगेपछि आफै एक्टिभेट हुने गर्दछन्। ५. व्याट्री सेभर एप वा र्याम क्लिनिङ एप व्याट्री सेभर एपहरु तपाइको स्मार्टफोन आइडियल मोडमा छ भने पनि व्याकग्राउन्डमा चलिरहेका हुन्छन्। यी एपहरु रेगुलर रुपमा होगिङ एप वा जन्क फाइललाई स्क्यानिङ गरेर वसिसहरेका हुन्छन जसका कारण धेरै व्याट्रीको खपत भइरहेको हुन्छ। ६. एन्टिभाइरस एप एन्टिभाइरस एपहरु पनि व्याट्री सेभर एपजस्तै हुन्। यस्ता एपले पनि व्याकग्राउन्डमा स्क्यानिङ गरिहेका हुन्छन जो प्रायोगकर्तालाई थाहा भएको हुँदैन। यस्ता एपले स्मार्टफोनको व्याट्रीलाई भित्रभित्रै सकाइरहेका हुन्छन्। कोही एन्टिभाइरस एपको क्यामेरासंग पनि एक्सेस भएको हुन्छ जुन स्मार्टफोन अनलक गर्दा खुलिसक्छ जसका कारण पनि यिनिहरुले धेरै व्याट्री खपत गरिरहेका हुन्छन्। – See more at: http://www.bizmandu.com/content/-19943.html#.V7pVNfl97IU
अख्तियारले दायर गरेको मुद्धामा १४ करोड जरीवनामा सफाई, अख्तियारले मुद्धा हार्यो
काठमाडौं ६, भदौं । अख्तियार दुरुपयोग अनुसन्धान आयोगले पसुपति क्षेत्र विकास कोषका पूर्व पदाधिकारीसहितलाई विरुद्ध विषेश अदालतमा दायर गरेको मुद्दामा अदालतले १४ करोड जरीवाना तिराएर सफाइ दिएको छ । अख्तियारले ४६ करोड ५६ लाख बिगो दाबीसहितको विशेष अदालतमा हालेको एक अदालतले जरीवाना तिराएरसफाई दिने फैसल आइतबार गरेको हो । अदालतले पशुपति क्षेत्र विकास कोषको गुरुयोजना निर्माण गर्ने भन्दै अवैध बालुवाखानी सञ्चालन गरी करोडौं रुपैयाँ अनियमितता गरेको आरोपमा दुई ठेकेदारलाई समान्य जरिवाना गर्दै अन्यलाई सफाई दिएको हो। अख्तियारले उनीहरुसँग ४६ करोड ५६ लाख ८७ हजार एक सय ५८ रुपैयाँ ४६ पैसा बिगो–दाबीसहित भ्रष्टाचार मुद्दा दायर गरेको थियो । अख्तियारले दायर गरेको आरोपपत्रमा दावी अनुसार तत्कालीन कोषका दुई सदस्यसचिव तथा तीन स्थानीय विकास अधिकारीको संलग्नता पुष्टि हुन नसकेको भन्दै उनीहरुलाई विशेष अदालतले सफाई दिने फैसला सुनाएको हो। विशेषले अख्तियारको आरोप पुष्टि हुन नसकेकोमा पशुपति क्षेत्र विकास कोषका तत्कालीन सदस्य सचिवहरू निर्मल कुइँकेल, सुशील नाहटा, काठमाडौंका तत्कालीन स्थानीय विकास अधिकारीहरू महेन्द्रलाल श्रेष्ठ, गोपालप्रसाद पराजुली तथा प्रेमराज जोशी, कोषका उपनिर्देशक राजकुमार रेग्मी, योजना अनुगमन तथा प्रशासकीय अधिकृत भीष्मकुमार मल्ललाई सफाई दिने निर्णय सुनाएको हो। अख्तियारले उनीहरुसँग ४६ करोड ५६ लाख ८७ हजार एक सय ५८ रुपैयाँ ४६ पैसा बिगो–दाबीसहित भ्रष्टाचार मुद्दा दायर गरेको थियो। अख्तियारका प्रमुख आयुक्त लोकमानसिंह कार्की आएपछि अख्तियारले हालेको मुद्धा हारेको यो नै पहिलो हो ।
पूर्व वडामहारानीकै निवासको लाइट काटियो, जन्मदिनको उपाहार भयो अन्धकार
काठमाडौं ६, भदौं । विजुलीको पैसा नतिरेको भन्दै नेपाल विद्युत प्राधिकरणले पूर्व मुमा वडामहारानी बस्ने महेन्द्र मञ्जीलकै लाइट काटिदिएको छ । विद्युत् महशुल नतिर्ने १ सय ५० ग्राहकको लाइन काट्दा महेन्द्र मन्जीलकोसमेत परेको छ । प्राधिकरणले महसुल नतिर्नेहरुको लाइन काट्ने अभियान थालेपछि दुई दिनमा देशभरका १ सय ५० ग्राहकको लाइन काटेको जनाएको छ। ति ग्राहकबाट २ करोड रुपैँया उठ्न बाँकी भएको र बक्यौता रकम नतिरे सम्म लाइन जडान नहुने प्राधिकरणका कार्यकारी निर्देशक मुकेशराज काफ्लेले बताए। आइतबार नै पूर्व मुमा बडामहारानी बस्ने महेन्द्र मञ्जीलको प्राधिकरणले विजुलीको लाइन काट्दा उनको जन्मदिनको उपहार अन्धकार हुन पुगेको छ । पूर्वमुमा बडामहारानी रत्नराज्यलक्ष्मी देवी शाहको निवास महेन्द्र मन्जीलको विद्युत महसुल ३७ लाख पुगेको प्राधिकरणले जानकारी दिएको छ । शनिबार रत्नको ८९ औं जन्मदिन परेको थियो । उनको जन्मदिनको भोलिपल्ट अर्थात आइतबारै सरकारले लाइन काटेर उनलाई अन्धकार उपहार दिएको छ । लामो समयदेखि विद्युत महसुस नतिरिएको र ३७ लाख ३१ हजार रुपैयाँ पुगेपछि नियमित प्रक्रियाअन्तर्गत लाइन काटिएको प्राधिकरणका कार्यकारी निर्देशन मुकेशराज काफ्लेले बताए । महेन्द्र मञ्जीलबाट ३७ लाख महसुल उठाउन बाँकी थियो। महसुल तिर्न पटक पटक पत्राचार गरे पनि बेवास्ता गरेका कारण लाइन काटिएको काफ्लेले बताए। महसुल नतिर्ने ग्राहकको विगत देखिनै लाइन काटिँदै आए पनि उर्जामन्त्री जनार्दन शर्माको निर्देशन पछि यसलाई अभियानकै रुपमा सुरु गरेको काफ्लेले बताए। उर्जामन्त्री शर्माले महसुल नतिर्ने १० ठूला ग्राहकको लिष्ट बनाएर तीन दिन भित्र लाइन काट्न निर्देशन दिएका थिए।
श्रम भिसामा नेपाल आउँने विदेशी बढ्दै, दिनहुँ एक हजार भन्दा बढिले माग्छन श्रम स्वीकृति
काठमाडौं ६, भदौ । नेपालमा नै श्रम भिसामा आउने विदेशी वर्षेनी हजार भन्दा बढी श्रम भिसामा आउने गरेका छन । कामको खोजिमा नेपाली बाहिरिरअध्यागमन विभागमा दिनहुँ एक न एक विदेशीले श्रम स्वीकृति मागिरहेको हुन्छ । यस्तो श्रम स्वीकृतिको माग गर्ने विदेशी दैनिक एक हजारभन्दा बढी हुने गरेको विभागले जानाकारी दिएको छ । देशमा अवसर नपाएर लाखौं नेपाली वैदेशिक रोजगारीका लागि बिभिन्न देशमा पुगेका छन् । तर, विश्वका बिभिन्न देशबाट बार्षिक एक हजारभन्दा धेरै विदेशी नेपालमा नै श्रम भिसा लिएर काम गर्न आउने गरेको विभागको तथ्यांकले देखाएको छ । अध्यागमन व्यवस्था विभागका अनुसार एक हजार तीन सय ९८ जना विदेशी नेपालमा कामदार भिसामा कार्यरत छन् । धेरैजसो हाइड्रोपावर र एनजिओमा कार्यरत हुने रहेको उल्लेख छ । केही उच्च तह र केही सामान्य किसिमको कामका लागि नेपालमा ‘वर्किङ भिसा’ लिएर बस्दै आएका छन् । ‘वर्किङ भिसा’मा काम गर्नेहरु धेरैजसो जलविद्युत र एनजिओ क्षेत्रमा छन् । नेपालमा आउने हरेक क्षेत्रका प्राविधिक जनशक्ति विदेशबाट ल्याउनुपर्दा पनि वर्किङ भिसामा नै आउने गरेका छन् । गृहमन्त्रालयको कार्यादेश र बिभिन्न मन्त्रालयको सिफारिसका आधारमा ‘वर्किङ भिसा’ दिने गरेको अध्यागमन विभागका महानिर्देशक केदार न्यौपानेले बताए । उनका अनसार तीन हजारभन्दा धेरै विदेशी नेपालमा व्यावसायमा छन् । आर्थिक वर्ष ०७२र७३मा तीन हजार एक सय ७८ विदेशीले नेपालमा व्यावसाय गर्न भिसा लिएका छन् । नेपालमा व्यावसाय गर्नेमध्य सबैभन्दा धेरै चिनियाँ छन् । चिनियाँपछि कोरियन र जापानी छन् । नेपाली भारत जाँदा र भारतीय पनि नेपाल आउँदा भने भिसा लिनु नपर्ने व्यवस्था छ । नेपालमा अध्ययन गर्न आएका विदेशी विद्यार्थी एकहजार नौ सय ११ छन् । मेडिकल र भाषा पढ्न विदेशीहरु नेपाल आउने गरेका छन् । त्यसैगरी ४२ जना विदेशी नेपालमा आवासीय भिसा लिएर बसेका छन् । आवासीय भिसा लिएर जति वर्ष पनि बस्न पाइन्छ । त्यसका लागि आर्थिक स्रोत देखाउनुपर्ने हुन्छ । नेपालमा पर्यटन भिसामा आएर गैरपर्यटकीय गतिविधि बढ्न थालेको समाचार आएपछि अध्यगमनले विदेशी नागरिकले नेपाल आँउदा प्रयोग गर्ने भिसा विजनेश, पर्यटन, वर्किङलगायतका हुने जानकारी दिएको हो ।
एमए प्रथम वर्षको परीक्षाफल प्रकाशित
काठमाडौं, ५ भदौ । त्रिभुवन विश्वविद्यालय परीक्षा नियन्त्रण कार्यालय, बल्खुद्वारा २०७३ वैशाख/जेठ महिनामा सञ्चालित मानविकी तथा सामाजिकशास्त्र सङ्कायतर्फ स्नातकोत्तर तह (एमए) प्रथम वर्ष (२०७२ नियमित) को नेपाली विषयको परीक्षाफल आज प्रकाशन गरिएको छ । परीक्षाफल www.educationsansar.com, www.edusanjal.com, www.tu.ntc.net.np र www.educationkhabar.com मा पनि हेर्न सकिने छ भने नेपाल टेलिकमको १६०२ मा डायल गरेर प्राप्त निर्देशानुसार थाहा पाउन सकिने छ । साथै ४९४९ मा एसएमएस गरेर पनि नतिजा थाहा पाउन सकिने कार्यालयले जनाएको छ । रासस
सिटिजन्स बैंकको शाखारहित बैंकिङ्ग सेवा दाङमा
काठमाडौं, ५ भदौ । सिटिजन्स बैंक इन्टरनेसनल लिमिटेडले दाङ्ग जिल्लामा शाखारहित बैंकिङ्ग सेवा सञ्चालनमा ल्याएको छ । बैंकले देशका विभिन्न दुर्गमस्थलका बासिन्दाहरुलाई सर्वसुलभ तथा अत्याधुनिक बैंकिङ्ग सेवा पुर्याउने उद्देश्यका साथ सो स्थानमा शाखारहित बैंकिङ्ग सेवा विस्तार गरेको हो । दाङ्ग जिल्लामा आयोजित एक कार्यक्रममा पुर्याउने सो शाखा सम्बन्धित शाखा प्रमुख, पवनकाजी खत्रीले सो शाखारहित बैंकिङ्ग सेवाको उद्घाटन गरेका हुन् । सो जिल्लाको गडवा गा.वि.समा सेवा संचालनका लागि स्थानीय व्यवसायी प्रदिप शर्मालाई व्यवसायिक प्रतिनिधि नियुक्त गरेको बैंकले जनाएको छ । बैंकका अनुसार शाखा रहित बैंकिङ्गबाट निक्षेप संकलन, रकम भुक्तानी, कोष स्थानान्तरण, मोबाइल फोनको बिल भुक्तानी, उपयोगी सेवा संचालन सेवाको भुक्तानी, लगायत बैंकले प्रदान गर्ने अन्य सेवाहरु उपलब्ध गराई राखेको छ । यस सेवाबाट ग्रामिण क्षेत्रमा उल्लेखिय विश्वास र बैंकिङ्ग सभ्यता बनेको बैंकले जनाएको छ ।
